Мулоқоти Раиси вилоят бо муовини ҳокими вилояти Фарғона
8 сентябри соли 2021 Раиси вилояти Суғд Раҷаббой Аҳмадзода муовини ҳокими вилояти Фарғонаи Ҷумҳурии Ӯзбекистон Хуршедҷон Аҳмедов ва ҳайати ҳамроҳонашро ба ҳузур пазируфт.
Меҳмонон бо мақсади иштирок дар чорабиниҳои идона ба муносибати 30-солагии Истиқлоли давлатии Ҷумҳурии Тоҷикистон имрўз вориди вилоят шуда, дар маҷлиси тантанавие, ки дар Қасри Арбоб доир шуд, ширкат варзиданд.
Хуҷанд: Ифтитоҳи маркази тиҷоратии «Толори зеббахшӣ»
Дирӯз ба муносибати 30 солагии Истиқлолияти давлатии Ҷумҳурии Тоҷикистон дар хиёбони Раҳим Ҷалили шаҳри Хуҷанд бо иштироки Муовини аввали Сарвазири мамлакат Давлаталӣ Саид, Раиси вилояти Суғд Раҷаббой Аҳмадзода, муовини Раиси вилояти Фарғона , раисони чор шаҳру навоҳии Ҷумҳурии Ӯзбекистон ва Раиси шаҳри Хуҷанд Фирдавс Шарифзода маркази тиҷоратии «Толори зеббахшӣ» мавриди баҳрабардорӣ қарор гирифт.
Иттилоъ дода шуд, ки маркази тиҷоратӣ ва хизматрасонии «Толори зеббахшӣ» аз як ошёна иборат буда, аз ҷониби бародарон Ҳакимбоевҳо, ки солиёни зиёд бо тиҷорати таҷҳизоти ороишии хона, аз ҷумла пардаҳои истеҳсоли хориҷӣ машғул ҳастанд, бунёд гардидааст.
Боздид аз Прокуратураи ҳарбии горнизони Суғд
Дирӯз муовини якуми Сарвазири мамлакат Давлаталӣ Саид ва Раиси вилояти Суғд Раҷаббой Аҳмадзода аз Прокуратураи ҳарбии горнизони Суғд боздид карда, бо шароити кории кормандони ин ниҳод шинос шуданд.
Чуноне ҳини боздид иттилоъ дода шуд, дар доираи корҳои ободониву созандагӣ ба истиқболи 30-солагии Истиқлоли давлатии Ҷумҳурии Тоҷикистон бинои маъмурии Прокуратураи ҳарбии горнизони Суғд аз таъмири куллӣ бароварда шуда, барои фаъолияти кормандон шароити зарурӣ фароҳам оварда шудааст. Кормандони ниҳоди мазкур бо ҳисси баланди масъулият ба иҷрои вазифаҳои хизматӣ машғул буда, барои дар сатҳи баланд гузаронидани ҷашни бузурги миллӣ омодагӣ мебинанд.
Давлаталӣ Саид ва Раҷаббой Аҳмадзода ба аёдати собиқадорони меҳнат рафтанд
Ба ифтихори 30-солагии Истиқлоли давлатии Ҷумҳурии Тоҷикистон имрӯз чанде аз собиқадорони меҳнат ба аёдат фаро гирифта шуданд.
Муовини якуми Сарвазири мамлакат Давлаталӣ Саид ва Раиси вилояти Суғд Раҷаббой Аҳмадзода сокини шаҳри Бӯстон, собиқадори соҳаи саноат Николай Морозов ва Шаҳрванди фахрии Хуҷанд Баҳриддин Ахмедовро аёдат карда, фарорасии ҷашни мубораку таърихии 30-солагии Истиқлоли давлатиро ба онҳо табрик гуфтанд.
Маросими супоридани мукофотҳои давлатӣ
7 сентябри соли 2021 дар толори мақомоти иҷроияи ҳокимияти давлатии вилоят маросими супоридани мукофотҳои давлатӣ ба фаъолони соҳаҳои гуногун баргузор гардид.
Мукофотҳоро ба фаъолон муовини якуми Сарвазири мамлакат Давлаталӣ Саид ва Раиси вилояти Суғд Раҷаббой Аҳмадзода супориданд.
Матолиби бештар...
- Президенти Ҷумҳурии Тоҷикистон Эмомалӣ Раҳмон дар паради ҳарбӣ ба муносибати 30-юмин солгарди Истиқлолияти давлатии Ҷумҳурии Тоҷикистон иштирок намуданд
- Дар Суғд бахшида ба 30-солагии Истиқлоли давлатии Ҷумҳурии Тоҷикистон паради ҳарбӣ доир шуд
- 30 СОЛИ СОЗАНДАГӢ ВА РУШД ИФТИХОРИ МИЛЛИИ МО! Раҷаббой АҲМАДЗОДА, Раиси вилояти Суғд, муовини якуми Раиси Маҷлиси миллии Маҷлиси Олии Ҷумҳурии Тоҷикистон
- Дар маркази вилоят навъҳои гуногуни тарбуз, харбуза, ангур ва дигар маҳсулоти кишоварзӣ ба намоишу фурӯш гузошта шуд
7-уми марти соли 1951 дар шаҳри Хуҷанд дар оилаи деҳқони хушсавод таваллуд шудааст.