ҒОЛИБОН МУАЙЯН ГАРДИДАНД

Дар доираи омодагӣ ба таҷлили Рӯзи матбуот маҳфили «Рӯзноманигорони наврас» - и нашрияи наврасону ҷавонони «Ворисони Суғд» таҳти унвони «Қалам гуфто, ки ман шоҳи ҷаҳонам» баргузор шуд.

Маҳфили идона соҳибқаламони ҷавони шаҳру навоҳии вилоят, собиқадорони матбуот ва рӯзноманигорони маъруфи вилоятро ба ҳам овард. Дар ҷараёни мулоқоти самимӣ дар бораи таърихи матбуот, нақши васоити ахбори умум дар ҳаёти ҷомеа, рисолат ва масъулияти рӯзноманигор ва дигар паҳлуҳои пешаи рӯзноманигорӣ сухан гуфта шуд. Соҳибқаламони ҷавон аз эҷоди худ дар шакли ҷанрҳои гуногуни ҷурналистӣ намунаҳо пешниҳод сохтанд.

Дар интиҳо озмуни «Маводи беҳтарин» натиҷагирӣ ва ғолибон муайян гардида, соҳибистеъдодҳои нав ба ҳайати эҷодии рӯзнома шомил гардиданд.

Ш.РУСТАМ,

«Ҳақиқати Суғд»

Add comment


Security code
Refresh