July 2021

19 July 2021

КОҲИШЁБИИ САТҲИ ҶИНОЯТКОРӢ

Нишасти матбуотӣ оид ба нишондиҳандаҳои рушди иҷтимоию иқтисодии шаҳри Бӯстон дар нимсолаи аввали соли равон бо иштироки раиси шаҳр Раъно Ҳошимзода, Хуршедахон Хоҷазода – сардори Раёсати кор бо занон ва оилаи Мақомоти иҷроияи ҳокимияти давлатии вилояти Суғд, намояндагони сохторҳои гуногун ва рӯзноманигорон маълум сохт, ки нақшаи даромадҳои умумии буҷети шаҳр 107 фоиз иҷро гардид, ки нисбат ба ҳамин даври соли гузашта наздик 15 миллион сомонӣ зиёд мебошад.

Ҳаҷми истеҳсоли маҳсулоти саноатӣ дар ин давра ба 273 миллиону 759,2 ҳазор сомонӣ расонида шуд, ки дар қиёс ба соли рафта наздик 2 миллион сомонӣ ё худ 100,7 фоизро дарбар мегирад. Дар 37 корхонаи саноатии шаҳр зиёда аз 1400 нафар бо тамоми шароити мавҷуда фаъолият доранд ва инчунин 5 корхонаи нави саноатӣ мавриди баҳрабардорӣ қарор дода хоҳанд шуд.

Раиси шаҳр аз вазъи соҳаҳои тандурустӣ, маориф, фарҳанг, вазъи омодагӣ ба ҷашни миллӣ, таъминоти оби нӯшокӣ, танзими нархҳо дар бозори шаҳр, ҷавонон ва варзиш маълумот дода, афзуд, ки дар ин самт пешравиҳо ба назар мерасанд. Маблағгузории соҳаи тандурустӣ дар ин муҳлат зиёда аз 12 миллион сомониро ташкил дода, бо маблағи зиёда аз 1,3 миллион сомонӣ таҷҳизот харида шуд.

Мушкилоти дигар дар шаҳр норасоии оби нӯшокӣ ба ҳисоб мерафт, ки хушбахтона аз рӯи лоиҳаи “Баланд бардоштани системаи обтаъминкунӣ дар шаҳрҳои шимоли Тоҷикистон” ҳалли худро ёфтааст ва аҳолӣ бо оби нӯшокии доимӣ таъминанд. Давоми шашмоҳаи аввали соли равон ҳамагӣ 98 ҷиноят ба қайд гирифта шудааст, ки нисбат ба ҳамин даври соли гузашта 62 адад кам мебошад. Хабарнигорон оид ба паҳлуҳои гуногуни ҳаёти иқтисодӣ, иҷтимоӣ, фарҳангиву варзишӣ ва имрӯзу фардои шаҳр суолҳои худро ироа доштанд.

Шабнам ШӮҲРАТЗОДА,

“Ҳақиқати Суғд”

Читать далее

НИШОНДОДҲО БОЗГӮИ ПЕШРАВИАНД

Дар нишасти хабарии ноҳияи Ҷаббор Расулов ба сифати намояндаи Мақомоти иҷроияи ҳокимияти давлатии вилоят Накҳатзода Ҳокимбек Киромиддин–сардори Сарраёсати Агентии омори назди Президенти Ҷумҳурии Тоҷикистон дар вилоят иштирок намуд. Раиси ноҳия Қудратзода Тоҳир Толибӣ меҳмононро хайрамақдам гуфта, афзуд, ки тамоми соҳаҳои мухталифи хоҷагии халқи ноҳия баҳри сазовор пешвоз гирифтани ҷашни бузурги миллӣ омодагии ҳамаҷониба доранд.

Бахшида ба 30 солагии Истиқлоли давлатӣ корҳои ободониву сохтмони иншооти ҷашнӣ дар сатҳи баланд ҷараён доранд. Дар натиҷа 145 иншоот ба истифода дода шуда, сохтмону таъмири мактабу синфхонаҳои иловагӣ, боғчаҳои бачагона, бунгоҳ ва марказҳои тиббию фарҳангӣ, китобхонаҳо, майдончаҳои варзишӣ, марказҳои савдою хитзматрасонӣ ва дар маҷмуъ, барқарорсозии зиёда аз 355 банди нақшаи чорабиниҳо иҷро гардид, ки 90,1 фоизро дарбар мегирад. Ҷамъи андозҳо бо назардошти иҷтимоии ғайрибуҷетӣ 101 фоиз иҷро гардида, 45 миллиону 714 ҳазор сомонӣ маблағ ворид шудааст, ки аз нақша 590 ҳазор сомонӣ зиёд аст.

Баҳри амалӣ гардидани рушди соҳаи саноат ва расидан ба ҳадафи чоруми миллӣ – саноатикунонии босуръати кишвар мақомоти иҷроияи ҳокимияти давлатии ноҳия ва саноатчиён диққати асосиро барои таъсис додани корхонаҳои нав ва зиёд намудани ҳаҷми истеҳсоли маҳсулоти саноатӣ, таъсиси ҷойҳои нави корӣ, ҷалби мутахассисон ба кор, рушди соҳибкории хурду миёна, ҷалби бештари сармоягузорӣ, коркарди ашёи хоми маҳаллӣ ва истифодаи иқтидорҳои бозистода равона намудаанд. Шумораи корхонаҳои саноатӣ 27 ададро ташкил дода, онҳо ба маблағи 116 миллиону 930 ҳазор сомонӣ маҳсулот истеҳсол намуданд, ки суръати афзоиши он 104 фоиз аст. Ҷиҳати зиёд намудани маҳсулоти кишоварзӣ, махсусан воридотивазкунанда ва содиротӣ чораҳои зарурӣ андешида, кишти баҳорӣ дар майдони 18043,8 гектар гузаронида шуд, ки суръати афзоиш 103,5 фоизро ташкил дод.

Сатҳи донишомӯзии хонандагони ноҳия боло рафта, дар олимпиадаҳои ҷумҳуриявӣ 25 нафар ҷойҳои намоёнро ишғол карданд. Ҷавонони ноҳия баҳри таъмини рушди соҳаи варзиш, ташаккули тарзи ҳаёти солим тамоми кӯшишу ғайрати худро равона кардаанд. Ҷудошавии оилаҳо ба 99 адад расидааст, ки нисбат ба ҳамин давраи соли гузашта 3 адад кам шуда, никоҳ ба ҳамин давраи соли гузашта 88 адад зиёд аст. Дар ин давра 164 адад ҷиноят ба қайд гирифта шудааст, ки нисбат ба соли гузашта 11 адад кам мебошад.

Инчунин, раиси ноҳия аз рушди, инфрасохтор ва нақлиёт, таъминоти аҳолӣ бо оби тоза, рушди сайёҳӣ, пеш‐гирии ҳолатҳои ҷинояткорӣ ва коррупсия ва дигар соҳаҳои ҳаёти иҷтимоӣ маълумоти муфассал дод. Нишасти матбуотӣ бо саволу ҷавоби рӯзноманигорон анҷом пазируфт.

Гулҷаҳон ТУРСУНЗОДА,

«Ҳақиқати Суғд»

Читать далее

Паёми табрикии Раиси вилоят ба муносибати Иди Қурбон

Фарорасии Иди саиди Қурбонро ба Шумо мардуми сарбаланди вилоят самимона табрику таҳният гуфта, ба хонадонатон оромию осоиштагӣ, рӯзгори обод ва файзу баракат орзу менамоям.

Иди Қурбон-ҷашни садоқат, покию равшанӣ, анҷом додани таомули қурбонӣ дар айёми ҳаҷ, дӯстию муҳаббати байниҳамдигарӣ ба шумор рафта, аз фарҳанги ғании исломӣ сарчашма мегирад ва инсониятро ба шинохти ҳуввият ва асолату покӣ ҳидоят менамояд.

Читать далее

Боздиди Раиси вилоят аз ярмарка-фурӯши маҳсулоти кишоварзӣ

Бахшида ба Иди саиди Қурбон ва бо мақсади таъмини иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати бо нархҳои нисбатан арзон дастраси аҳолӣ намудани маҳсулоти хоҷагии қишлоқ дар шаҳрҳои саноатии вилояти Суғд ярмарка-фурӯши маҳсулоти кишоварзӣ баргузор карда шуд.

Ярмарка бо ибтикори мақомоти иҷроияи ҳокимияти давлатии вилоят дар шаҳрҳои Хуҷанд, Бӯстон, Гулистон ва Истиқлол доир шуд. Макони баргузории ярмарка дар маркази вилоят назди Театри давлатии мазҳака-мусиқии ба номи Камоли Хуҷандӣ буд ва Раиси вилояти Суғд Раҷаббой Аҳмадзода бевосита рафти баргузории ярмарка-фурӯши маҳсулоти кишоварзиро мавриди таваҷҷуҳ қарор дод.

Читать далее

Border Troops Press Center: Nearly 350 Afghan Citizens Return to Their Permanent Residence in Two Days

DUSHANBE, 18.07.2021. (NIAT Khovar) – On July 17-18 this year, 345 Afghan refugees of Kyrgyz origin, residents of the Andemin village of Wakhan district of the Afghan Badakhshan Province, together with their 4,000 small and large horned livestock, as well as personal vehicles, who had crossed the state border line into Tajikistan on July 13-14, were returned to their permanent residence in Afghanistan, reports the Press Center of the Border Troops of the State Committee for National Security.

They returned through the border zone of the Kyzyl-Rabot rural community of the Murghob district, after the issue of ensuring their personal safety was guaranteed by the Afghan government.

During their stay in the Choshteppa and Duyutuk areas of the Murghob district, Afghan refugees, according to the UN Convention relating to the Status of Refugees, were provided with satisfactory living conditions, food, clothing and medical services from relevant authorities of Tajikistan.

The situation in this area of the Tajik-Afghan border is under the control of Tajik border guards.

 
Читать далее

16 July 2021

Пешвои миллат Эмомалӣ Раҳмон аз отрядҳои сарҳадии ноҳияҳои Панҷ ва Мир Сайид Алии Ҳамадонии вилояти Хатлон боздид намуданд

16 июли соли 2021 Президенти Ҷумҳурии Тоҷикистон, Пешвои миллат, Сарфармондеҳи Олии Қувваҳои Мусаллаҳи Тоҷикистон, генерали артиш муҳтарам Эмомалӣ Раҳмон бо маҳалли будубоши хизматчиёни ҳарбии Қӯшунҳои сарҳадӣ ва тайёрии ҷангии қисму воҳидҳои низомии ин сохтор дар ҳудуди ноҳияҳои Панҷ ва Мир Сайид Алии Ҳамадонии гарнизони Хатлон шинос гардида, бо ҳайати захираҳои сафарбарии минтақаи мудофиаи ҳудудии вилоят суҳбату вохӯриҳо анҷом доданд.

Боздиди Президенти Ҷумҳурии Тоҷикистон муҳтарам Эмомалӣ Раҳмон нахуст аз пойгоҳи Отряди сарҳадии ҳудуди ноҳияи Панҷи вилояти Хатлон оғоз гардид.

Читать далее

МУҲАББАТ БА СОАТИ ОВОЗАДОРИ ХУҶАНД

Дар қаламрави вилоят, алалхусус, шаҳри Хуҷанд корҳои азнавсозиву бунёдкорӣ, аз ҷумла, бунёди як қатор корхонаҳо ва коргоҳҳои истеҳсолию саноатӣ, сохтмон ва таъмиру азнавсозии муассисаҳои маориф, фарҳанг ва тандурустӣ, сохтмони биноҳои истиқоматии баландошёна ва маъмурию хизматӣ, бунёди ҳаммом, чойхона, толори ҳусн, марказҳои хизматрасонӣ ба назар мерасанд.

Ин ҳама меваи Истиқлолият буда, дар арсаи ҷаҳонӣ муаррифгари халқи тоҷик мебошанд. Чанд сол инҷониб сайёҳон аз гӯшаву канори ҷаҳон ба вилояти Суғд, алалхусус ба шаҳри Хуҷанд ташриф оварда, аз пешравиву дастовардҳои мардуми суғдзамин шиносоӣ пайдо мекунанд. Агар ба таърихи на он қадар дур назар афканем, хуб дарк мекунем, ки пас аз расидан ба Истиқлолият то кадом андоза кишвари мо рӯ ба тараққиву бунёдкорӣ ниҳодааст.

Солҳои 1970 дар шаҳри Хуҷанд шумори биноҳои истиқоматии баландошёна ду ё се адад буданд, ки дар ин бобат хотираҳои худро Шаҳрванди фахрии шаҳр Юсуфҷон Қурбонов (собиқ раиси кумиҷроияи шаҳри Ленинобод дар солҳои 1985 1988) як ба як варақгардон кард. Солҳои 70 – ум дар шаҳри Хуҷанд биноҳои баландошёна қариб ба чашм намерасиданд. Ҳанӯз соли 1973 аз ҷониби Трест КПДС бинои комитети партиявии вилояти Ленинобод (ҳозира мақомоти иҷроияи ҳокимияти давлатии шаҳри Хуҷанд) аз маблағи партия сохта шуда буд. Лоиҳа ва нақши асосии сохтмони бино ба муҳандиси сохтмони вилоятии партиявӣ Клямин Румин Илйич тааллуқ дошт. Дар лоиҳа насби соати калон оварда ва лоиҳаи он аз бинои Кремли шаҳри Москваи Федератсияи Россия гирифта шуда буд.

Бино дар нуқтаи баландтарини шаҳр ҷойгир буду соати он, ҳатто аз хонаҳои истиқоматии одамон намоён мешуд, гуфт ӯ. Зарурияти насби соат дар ҳама давру замон барои инсони бомаданият зарур аст. Дар гузашта ва имрӯз нафаре, ки дар даст соат дошту доранд, инсони бомаданият ҳисобида мешаванд. Аз ин лиҳоз, зарурияти насби соати калон инъикосгари маданияти баланди шаҳрдориро нишон медод. Вақте сохтмони бино ба охир расиду соат насб гардид, сокинон вақти дақиқро аз он месанҷиданд.

Нафаре, ки субҳ ба коргоҳ мерафт, албатта, ба ақрабаки он менигарист, зеро ба дурустии он шубҳа надошт. Вақте ҷавон будам, ҳар субҳ вақти ба коргоҳ рафтанам, дар троллейбус назди тиреза менишастам ва ё ҷойи мувофиқро меҷустам, то нигоҳ карданам ба берун осон гардад. Ин амал ҳанӯз аз даврони хурдиам одат шуда буд, зеро соати бобоиам, ки дар пешайвони девор овехта шуда буд, як як, ба гуфти бобоям, ғанабаш мебурд. Аз ин ҳисоб барои вақти аниқро фаҳмидан ба соати калони ҳукуматӣ менигаристам. Соати он ҳамеша вақти аниқро нишон медод, нақл кард пирамарди 80 сола Аҳмадбой Каримов.

Бино ба гуфти ӯ, аз дури дур метавонистанд кори онро мушоҳида карда, сӯи мактабу коргоҳ равона шаванд. Он солҳо мавҷудияти соат барои сокинон хеле зарур дониста мешуд ва ҳар нафар бо ҳисси баланди ватандорӣ ва ифтихормандӣ ба он менигарист. Сохтмони бинои баланд ва соати насбгардида ба ҳусни шаҳр диди наверо зам карда буд. Имрӯзҳо аз соати марказӣ аксар, аз ҷумла донишҷӯёни макотиби олӣ ва хонандагони муассисаҳои таълимӣ низ истифода мебаранд. Нисбат ба вақти дақиқи ин соат боварии калон дорам. Вақте субҳ ба донишгоҳ равона мешавам, чашмонам беихтиёр сӯи соат меафтанд, дарҳол соати дар дастам бударо месанҷам. Чанд муддат соат аз кор монда буд ва он маро парешон кард. Вақте он дубора кор кард, маро хурсандӣ фаро гирифт, гуфт донишҷӯи Донишгоҳи давлатии Хуҷанд ба номи академик Бобоҷон Ғафуров Омина Воҳидова. Ҳар субҳу шом нафарони зиёде дар дохили нақлиёти мусофиркашонӣ тарафи соати марказӣ нигоҳ мекунанд. Вақте сабаб пурсидам, яке гуфт, ки одат шудааст, дигаре дар даст соат надорад ва мехоҳад, вақти дақиқро дониста бошад ва сеюмин посух дод, ки ҳар субҳ ва шом аз он истифода мебарад. Ин аз он шаҳодат медиҳад, ки барои сокинон мавҷудияти соати калон зарур аст.

Имрӯз ба маркази вилоят, ки яке аз шаҳрҳои сайёҳӣ маҳсуб меёбад, меҳмонону сайёҳони зиёде ташриф меоранд, аз ин лиҳоз будани соат худ таҷассумгари маданияти баланд ва ифодакунандаи фарҳангпарвариву хештаншиносии мардум маҳсуб меёбад.

Шаҳбону ОЛИМОВА,
«Ҳақиқати Суғд»

Читать далее

УСТУВОРИИ ИҚТИСОДИЁТ - ОМИЛИ ПЕШРАВИИ КИШВАР

Бахшида ба ҷашни 30 – солагии Истиқлоли давлатии Ҷумҳурии Тоҷикистон дар вилоят иншооти саноатии мухталиф мавриди истифода ва баҳрабардорӣ қарор гирифт. Боиси таъкид аст, ки имрӯз саноатчиён дар истеҳсоли маҳсулоти босифат, содирот ва рақобатпазир малака ва қувваи худро сафарбар кардаанд.

Иштирок дар намоишҳои бонуфузи ҷаҳонӣ, ҳамзамон, муаррифии маҳсулоти хушсифати вилоят боиси зиёд гардидани талабот дар бозори ҷаҳонӣ ва дохилӣ гардидааст. Ҷоиз ба зикр аст, ки баробари афзудани корхонаҳои саноатии хурду бузург сокинон бо ҷойи кори доимӣ ва маоши баланд таъмин шуда истодаанд.

Бино ба маълумоти оморӣ, дар нимсолаи якуми соли 2021 корхонаҳои саноатии вилоят якҷоя бо соҳибкорони инфиродӣ ба маблағи 8976 миллион сомонӣ маҳсулот истеҳсол карданд. Ҳаҷми истеҳсоли маҳсулоти саноатӣ нисбат ба ҳамин давраи соли 2020 бо назардошти индекси нархҳои истеҳсолкунандагони маҳсулоти саноатӣ 133,2 фоизро ташкил кард.

Боиси таъкид аст, ки аз 206 намуди муҳимтарини маҳсулоти саноатии истеҳсолшавандаи корхонаҳои саноатии вилоят дар моҳҳои январиюни соли 2021 истеҳсоли 147 номгӯй афзуда, 55 номгӯй кам шудааст ва 4 номгӯй истеҳсол нагардидааст. Алҳол дар вилоят 711 корхонаи саноатӣ фаъолият доранд, ки аз он 38 корхона хусусияти хизматрасонии саноатӣ доранд. Аз 673 корхонаи саноатии ҳисоботдиҳанда дар моҳҳои январиюни соли 2021‐ум 411 корхона ё 61,1 фоиз нисбат ба моҳҳои январ‐июни соли гузашта сатҳи истеҳсолиро баланд бардошта, 141 адад ё 20,9 фоизи корхонаҳо сатҳи истеҳсолиро паст намуданд.

Айни замон миқдори корхонаҳои бо сифр ҳисобот пешниҳоднамуда 121 адад ё 18 фоизро ташкил медиҳад. Ноҳияи Мастчоҳ низ дар нимсолаи аввали соли 2021 ум ба нишондиҳандаҳои баланди саноатӣ ноил гардидааст. Тавре мутахассиси пешбари рушди иқтисод ва савдои ноҳия Ҳафизхон Файзиев иттилоъ дод, алҳол дар ноҳия 31 корхонаи саноатии хурду калон фаъолият дорад, ки сокинони ноҳияро бо ҷойи кори доимӣ таъмин кардаанд. Аз ҷумла, нишондиҳандаҳои хуби истеҳсолӣ дар коргоҳҳои ҶДММ «Нури Сафар», ҶДММ «Чорбу», ҶДММ «Суғдсемент» ва ғайра ба назар мерасанд. Мувофиқи маълумоти оморӣ корхонаҳои саноатии ноҳия дар нимсолаи якуми соли 2021 ба маблағи 89 миллиону 908 ҳазор сомонӣ маҳсулот истеҳсол намудаанд, ки дар муқоиса ба ҳамин давраи соли гузашта 18 миллиону 109 ҳазор сомонӣ зиёд аст, ки 125,2 фоизро дарбар мегирад.

Корхонаҳои саноатӣ дар нимсолаи якуми соли 2021 дар шакли асл 63,6 тонна нон ва маҳсулоти нонӣ, 63,6 тонна маҳсулоти ширӣ, маҳсулотҳо аз чӯб ва халтаҳои полиэтиленӣ истеҳсол намудаанд, гуфт номбурда. Ҳамзамон, иттилоъ дода шуд, ки давоми нимсолаи якуми соли 2021 дар ноҳия гардиши савдои чакана 150 миллиону 951 ҳазор сомониро ташкил дода, нисбат ба ҳамин давраи соли сипарӣ зиёд буда, 119,7 фоизро дарбар мегирад. Боиси таъкид аст, ки соли 2009 коргоҳи сементбарории ҶДММ «Суғдсемент» ба фаъолият оғоз карда буд. Сардори коргоҳи мазкур Комилҷон Камолов иттилоъ дод, ки аз аввали ташкили коргоҳ то ба имрӯз нишондиҳандаҳо бамаротиб афзудаанд. Дар нимсолаи аввали соли равон мо тавонистем маҳсулоти худро бо нишондиҳандаҳои баланд ҷамъбаст намоем.

 Давоми шаш моҳ беш аз 32 ҳазор тонна маҳсулот истеҳсол карда, маблағи фурӯш беш аз 14 миллион сомонӣ, андозаи ҳисобшуда 27 миллиону 741 ҳазор сомонӣ, андозаи фурӯш 2 миллиону 774 120 ҳазор сомониро ташкил дод. Дар як моҳ коргоҳ беш аз 6 7 ҳазор тонна маҳсулот истеҳсол мекунад, гуфт номбурда. Боиси қайд аст, ки дар коргоҳ дар аввали фаъолият 110 нафар корманд фаъолият мебурд ва шумораи онҳо имрӯз ба 215 нафар расонида шудааст. Аз онҳо 8 нафар зан мебошанд. Музди миёнаи маоши кормандон 1577 сомониро ташкил медиҳад. Чанд муддат аст, ки дар коргоҳи сементбарорӣ фаъолият бурда истодаам. Аксар бар он ақидаанд, ки дар муҳоҷирати меҳнатӣ метавонӣ бештар маблағ ба даст орӣ, вале гумон мекунам, ки дур аз Ватану ёру дӯстон, падару модар ва фарзандон будан мушкил аст. Банда низ ҳаваси муҳоҷирати меҳнатиро доштам. Ростӣ, ба муҳоҷират ҳам рафтам, вале дар мамлакати бегона зиндагиву кор бароям душвориҳои зиёде овард. Ҳоло дар коргоҳи сементбарорӣ ба ҳайси сардори сехи барқӣ фаъолият бурда истодаам ва се фарзанду падару модарро бо ин васила таъмин карда истодаам, гуфт сокини ноҳияи Спитамен Шавкат Носиров.

Тавре роҳбари коргоҳ иттилоъ дод, онҳо минбаъд нақша доранд, ки дар ояндаи наздик боз як заводи пуриқтидорро ба истифода диҳанд. Аз Ҷумҳурии Халқии Хитой барои амалӣ кардани фаъолияти минбаъда, яъне ташкили сехи калонҳаҷм сармоягузорон ҷалб гардида истодаанд. Дар ҳолати амалӣ шудани нақша умед дорем ҳаҷми истеҳсолотро зиёд ва ҷойи кориро бештар гардонем. Баробари ин содироти маҳсулоти баландсифатро ба кишварҳои дуру наздик ба роҳ монем. Алҳол маҳсулоти мо бозори дохилиро таъмин карда истодааст, афзуд Комилҷон Камолов. Ҷоиз ба қайд аст, ки масъулин қувва ва неруи худро баҳри иҷрои ҳадафи чоруми миллӣ саноатикунонии босуръати кишвар равона карда, барои ташкил ва бунёди корхонаҳои нави саноатӣ кӯшиш ба харҷ медиҳанд. Саноатчиёни ноҳия кӯшиш доранд, ки ҷашни бошукӯҳи миллии таърихӣ 30 солагии Истиқлоли давлатии Ҷумҳурии Тоҷикистонро бо нишондиҳандаҳои назаррас пешвоз гиранд.

Шаҳбону ОЛИМОВА,

«Ҳақиқати Суғд»

Читать далее

Раиси вилоят Раҷаббой Аҳмадзода Моҳинисо Мирзоёроваро аёдат кард

Раиси вилояти Суғд Раҷаббой Аҳмадзода зимни сафари корӣ ба ноҳияи Ашт сокини Ҷамоати деҳоти Понғоз Моҳинисо Мирзоёроваро аёдат кард.

Аёдати мазкур бо мақсади таъмини иҷрои дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии қишри ниёзманди ҷомеа сурат гирифта, ба оилаи Мирзоёровҳо кӯмакҳои моддӣ расонида шуд.

Читать далее

Боздиди Раиси вилоят аз хоҷагии деҳқонии “Ғайрат- 1” ва шиносоӣ бо азнавсозии фермаи чорводорӣ

Зимни сафари корӣ ба ноҳияи Ашт Раиси вилояти Суғд Раҷаббой Аҳмадзода дар хоҷагии деҳқонии “Ғайрат- 1” нашъунамои пахтаро мавриди таваҷҷуҳ қарор дод.

Чуноне мушоҳида гардид, нашъунамои пахтаи хоҷагӣ хуб буда, кишоварзон бо риояи қоидаҳои агротехникӣ ва озуқадиҳии саривақтии зироат тасмим доранд, ки аз 4 геткар пахтазор ҳосили дилхоҳ ба даст оранд.

Боиси зикр аст, ки кишоварзон ноҳияи Ашт дар маҷмуъ 6183 гектар пахта кишт кардаанд.

Читать далее