18 June 2021

Шиносоӣ бо ҷараёни насби таҷҳизот дар корхонаи истеҳсолии “Элитаи Шаҳристон”

Дар асоси дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади расидан ба ҳадафи стратегӣ – саноатикунонии босуръати кишвар дар шаҳру ноҳияҳо тадбирҳои зарурӣ амалӣ шуда истодааст.

Аз ҷумла, дар ноҳияи Шаҳристон бо дастгириҳои давлатӣ аз тарафи соҳибкорон сохтмони корхонаи истеҳсолии “Элитаи Шаҳристон” ҷараён дорад, ки бо ифтитоҳи он дар марҳилаи аввал 30 нафар бо ҷойи корӣ таъмин мегарданд.

Читать далее

Идомаи бунёди майдони Парчами давлатӣ дар маркази ноҳияи Шаҳристон

Дар доираи корҳои ободониву созандагӣ ба истиқболи 30-солагии Истиқлоли давлатии Ҷумҳурии Тоҷикистон дар маркази ноҳияи Шаҳристон майдони Парчами давлатӣ бунёд гардида истодааст.

Раиси вилояти Суғд Раҷаббой Аҳмадзода рӯзи 17 июн рафти корҳои сохтмониро дар майдони мазкур таҳти таваҷҷуҳ қарор дода, ҷиҳати тақвияти корҳо ба роҳбарияти ноҳия супоришҳо дод.

Читать далее

Шиносоии Раиси вилоят бо сохтмони муассисаҳои таълимӣ дар ноҳияи Шаҳристон

Дар доираи сафари корӣ ба ноҳияи Шаҳристон Раиси вилояти Суғд Раҷаббой Аҳмадзода рафти бунёди иншооти соҳаи маорифро мавриди таваҷҷуҳ қарор дод.

Роҳбари вилоят нахуст дар маркази ноҳия бо вазъи иҷрои корҳои сохтмонӣ дар Гимназияи рақами 1 шинос гардид. Бинои гимназия бо дастгирии мақомоти иҷроияи ҳокимияти давлатии ноҳия сохта шуда, дорои 12 синфхона ва 2 утоқи омӯзгорон аст. Гимназия барои 390 нафар дар як баст бунёд шуда, дар назар аст, ки рӯзҳои наздик мавриди истифода қарор гирад.

Читать далее

Фабрикаи мурғпарварии «Файзи саҳар» фаъолияташро беҳтар менамояд

Роҳбарияти Ҷамъияти дорои масъулияташ маҳдуди «Файзи саҳар»-и ноҳияи Спитамен тасмим гирифтааст, ки саршумори мурғҳоро то 200 ҳазор расонад.

Тавре зимни боздиди Раиси вилояти Суғд Раҷаббой Аҳмадзода аз ноҳияи Спитамен иттилоъ дода шуд, фабрикаи парандапарварӣ ба парвариши мурғ ва истеҳсоли тухм машғул мебошад. Айни ҳол дар ҷамъияти мазкур 133 ҳазор мурғ ва 40 ҳазор чӯҷа парвариш карда мешавад.

Читать далее

Боздиди Раиси вилоят аз ҳавзҳои моҳипарварии “Корпоратсияи моҳии тоҷик”

Дар ҳавзҳои моҳипарварии “Корпоратсияи моҳии тоҷик”, воқеъ дар Ҷамоати деҳоти Деҳмойи ноҳияи Ҷаббор Расулов дар як сол 200 тонна гулмоҳӣ парвариш ва ба фурӯш бароварда мешавад. Дар ин бора зимни шиносоии Раиси вилояти Суғд Раҷаббой Аҳмадзода бо сохтмони ҳавзҳои шиноварӣ маълумот дода шуд.

Мавриди зикр аст, ки бо иқдоми ҶДММ “Корпоратсияи моҳии тоҷик” дар Ҷамоати деҳоти Деҳмой дар масоҳати 3,2 гектар ҳавзҳои моҳипарварӣ бунёд шуда истодааст. Дар ин ҳавзҳо, ки теъдоди умумии онҳо 21 ададро ташкил мекунад, парвариши гулмоҳӣ ба роҳ монда шуда, то 15 нафар бо ҷойи корӣ таъмин мегарданд. Ҳар як ҳавз бо дарозии 30 метр ва паҳноии 5 метр сохта шуда, барои парвариш тухмии моҳӣ аз Федератсияи Россия ворид гардидааст.

Читать далее

Исфара. Раиси вилоят собиқадорони меҳнат ва беморонро аёдат кард

Раиси вилояти Суғд Раҷаббой Аҳмадзода дар доираи сафари корӣ ба шаҳри Исфара собиқадорони меҳнат ва беморонро аёдат кард.

Роҳбари вилоят аз ҷумла ба манзили собиқадорон Ҳайдархӯҷа Тӯхтаев ва Избилло Хоҷаев ташриф оварда, ба онҳо саломативу хушиҳои рӯзгорро таманно намуд.

Боиси зикр аст, ки Ҳайдархӯҷа Тӯхтаев 10 июни соли 1951 дар шаҳри Исфара таваллуд шудаанд. Аз соли 1997 то ба нафақа баромадан дар вазифаи сардори идораи маорифи шаҳри Исфара фаъолият намуда, барои фаъолияти тӯлонӣ ва хизматҳои шоиста бо мукофоти давлатии “Корманди шоистаи Тоҷикистон” сарфароз гардонида шудааст.

Читать далее

Дар Исфара 420 иншоот бунёд ва мавриди истифода қарор дода шуд

Раиси вилояти Суғд зимни сафари корӣ ба шаҳри Исфара бо ҷараёни бунёди иншооти ҷашнӣ ба истиқболи 30-солагии Истиқлоли давлатии Ҷумҳурии Тоҷикистон шинос гардид.

Дар шаҳри Исфара ба истиқболи ҷашни таърихӣ бунёди 457 иншоот ба нақша гирифта шуда, танҳо дар соли ҷорӣ бунёди 22 иншоот пешбинӣ ва то имрӯз 14 адади он мавриди истифода қарор гирифтааст.

Дар маҷмӯъ, то ин давра 420 иншоот бунёд ва таъмиру азнавсозӣ гардидааст, ки баробари 91,9 фоизи нақшаи умумӣ мебошад.

Читать далее

Боздиди кории Раиси вилоят Раҷаббой Аҳмадзода аз деҳаҳои Хоҷаи Аъло ва Сомониёни шаҳри Исфара

Раиси вилояти Суғд Раҷаббой Аҳмадзода дар шаҳри Исфара бо рафти сохтмони хонаҳои нав барои сокиноне, ки манзилашон бар асари даргириҳои мусаллаҳонаи охири моҳи апрел хароб шуда буд, шинос гардид.

Дар деҳаҳои Хоҷаи Аъло ва Сомониёни шаҳри Исфара бунёди хонаҳо барои сокинон идома дошта, корҳои асосии сохтмонӣ ба анҷом расонида шудааст. Масъулину сохтмончиён имрӯзҳо ба омода ва муҷаҳҳазсозии дохили хонаҳои истиқоматӣ машғул буда, дар рӯзҳои наздик корҳои боқимонда пурра ба итмом расонида мешавад.

Читать далее

Мулоқоти Раиси вилоят бо намояндагони ширкати «Днепроэнергостал»

Раиси вилояти Суғд намояндагони ширкати «Днепроэнергостал»-и Ҷумҳурии Украинаро, ки бо мақсади тақвияти ҳамкориҳо ба вилоят ташриф оварданд, ба ҳузур пазируфт.

Раҷаббой Аҳмадзода ва Вадим Осипенко, директори ширкати «Днепроэнергостал» зимни суҳбат аз густариши ҳамкориҳои дуҷониба изҳори қаноатмандӣ намуда, омодагии хешро баҳри таҳкими робитаҳо баён доштанд.

Читать далее

ОЛИМИ ВАРЗИДАИ ИҚТИСОДДОН

Дар Донишкадаи политехникии Донишгоҳи техникии Тоҷикистон ба номи М. Осимӣ дар шаҳри Хуҷанд дар вазъияти тантанавӣ маросими супурдани Диплом ва нишони академики Академияи муҳандисии байналмилалӣ ба академики Академияи муҳандисии Ҷумҳурии Тоҷикистон, аъзои раёсати академия Азизулло Авезов баргузор гардид.

Чорабиниро ноиби раиси Академияи муҳандисии Ҷумҳурии Тоҷикистон, академики Академияи муҳандисии байналмилалӣ Мунимҷон  Абдусамадов ифтитоҳ намуда, оид ба фаъолияти корӣ ва дастовардҳои намоёни мавсуф маълумот дода, қайд намуд, ки Азизулло Авезов фаъолияти меҳнатиашро соли 1973  оғоз намуда, солҳои зиёдеро ба фаъолияти таълимӣ, илмӣ ва тарбияи олимони ҷавон бахшидааст. Дар айни замон ба ҳайси профессори Донишкадаи политехникии Донишгоҳи техникии Тоҷикистон ба номи академик Муҳаммад Осимӣ, сармуҳаррири нахустмаҷаллаи илмӣ ˗ техникии “Паёми Донишкадаи политехникии Донишгоҳи техникии Тоҷикистон” дар вилояти Суғд, роҳбари бахши вилоятии Академияи муҳандисии Ҷумҳурии Тоҷикистон ва академики Академияи байналмиллалии муҳандисӣ барои рушду нумуи илми муосири Тоҷикистон хизматҳои арзанда намудааст.

Мавсуф муаллифи 14 монография, 12 маводи таълимӣ - методӣ ва 210 мақолаи илмӣ мебошад. Моҳи сентябри соли 1986 Азизулло Авезов дар шаҳри Маскав дар мавзӯи “Эффективностҳ энергоснабҷения деӣентрализованнқх потребителей (на примере Республики Тадҷикистан)” (Таъминоти самараноки энергетикии истеъмолкунандагони маҳаллаҳои кӯҳӣ (дар мисоли Ҷумҳурии Тоҷикистон) рисолаи номзадиашро ва соли 1999 рисолаи докториро дар мавзӯи “Формирование и развитие наӣионалҳной энергетической системқ (на примере Республики Тадҷикистан)” (Ташаккулёбӣ ва рушди низоми миллии энергетикӣ (дар мисоли Ҷумҳурии Тоҷикистон))  бомуваффақият ҳимоя намуд ва бо Қарори комиссияи олии аттестатсионии Вазорати маориф ва илми Федератсияи Руссия аз декабри 1999 доктори илмҳои иқтисодӣ гардид.

ҳамчунин директори Донишкадаи политехникии Донишгоҳи техникии Тоҷикистон ба номи М. Осимӣ дар шаҳри Хуҷанд Рабизода Дилафрӯз Саидӣ аз номи устодону донишҷӯёни донишкада академик Азизулло Авезовро барои гирифтани ин унвон ва диплом муборакбод намуда, қайд намуд, ки мавсуф аз зумраи олимони мӯътабар ва мураббиёни варзидаи муҳаққиқони ҷавон ва донишҷӯён маҳсуб ёфта, 48 сол инҷониб пайгирона ва босамар ба фаъолияти илмӣ-таълимӣ машғул аст ва ҳамчун иқтисодшинос дар байни олимони сатҳи ҷаҳонӣ ва ҷумҳурӣ эътироф гардидааст.  Боиси зикр аст, ки Академияи Муҳандисии Тоҷикистон соли 1991 ҳамчун Филиали Академияи Муҳандисии ИҶШС ташкил ёфта, аз 3 июли соли 1992 дар Вазорати адлияи Ҷумҳурии Тоҷикистон чун Академияи мухандисии Ҷумҳурии Тоҷикистон (АМҶТ) ба қайд гирифта шудааст.

Дар аъзоёии он маслиҳатчиёни академикӣ, докторон ва номзадҳои илм, кормандони шоистаи илм ва техникаи Тоҷикистон, муаллифони китобҳои фанҳои дақиқ ва патентҳои зиёд оид ба ихтироот дохиланд.

Алҳол ба ҳайати АМҶТ 32 нафар аёзои пайваста (академикон) ва зиёда 80 нафар аъзоёни вобаста шомиланд, ки аз онҳо 11 нафарашон занон мебошанд. 

Маъмурахон САМАДОВА,

«ҳақиқати Суғд»

Читать далее