11 June 2021

Анҷоми сафари расмии Президенти Ҷумҳурии Ӯзбекистон муҳтарам Шавкат Мирзиёев дар Ҷумҳурии Тоҷикистон

Нимаи дуюми рӯзи 11 июн сафари расмии Президенти Ҷумҳурии Ӯзбекистон муҳтарам Шавкат Мирзиёев дар Тоҷикистон, ки рӯзҳои 10-11 июн дар шаҳрҳои Душанбе ва Хуҷанди вилояти Суғд сурат гирифт, бо натиҷаҳои неку бобарор ва созанда барои рушду густариши муносибатҳои ҳамкорӣ, ҳамсоягӣ ва дӯстию бародарӣ, ба анҷом расид.

Дар фурудгоҳи байналмилалии Хуҷанд меҳмони олиқадрро Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо нишони олии эҳтирому самимият ва қадршиносӣ гусел карданд.

Читать далее

Сарони давлатҳои Тоҷикистон ва Ӯзбекистон аз Муассисаи давлатии «Боғи миллии Ваҳдат» дар ноҳияи Бобоҷон Ғафуров боздид намуданд

11 июн Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Ӯзбекистон муҳтарам Шавкат Мирзиёев дар ноҳияи Бобоҷон Ғафурови вилояти Суғд ба Муассисаи давлатии «Боғи миллии Ваҳдат» ташриф оварда, бо таҷрибаи хоҷагидорон аз наздик шинос шуданд.

Муассисаи давлатии «Боғи миллии Ваҳдат» дар ноҳияи Бобоҷон Ғафуров соли 2008 дар асоси дастуру ҳидоятҳои Сарвари давлат муҳтарам Эмомалӣ Раҳмон таъсис ёфта, масоҳати умумии боғҳои он 631 гектарро ташкил медиҳад.

Читать далее

Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев аз Неругоҳи барқи обии «Қайроққум» боздид ба амал оварданд

11 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев аз мавзеи Баҳри Тоҷик, ки обанбори Неругоҳи барқи обии “Қайроққум” ба ҳисоб маравад, боздид ба амал оварданд.

Обанбори Неругоҳи барқи обии “Қайроққум” яке аз калонтарин обанборҳо дар қаламрави ҷумҳурӣ ба ҳисоб меравад, ки дарозии он то 65 километр, паҳноияш аз 8 то 20 километр ва масоҳати сатҳи меъёрии иншоот 512 километри мураббаъро ташкил медиҳад. Ҳаҷми обанбор 3 миллиарду 413 миллион  метри мукааб буда, он таъиноти истеҳсоли неруи барқ ва обёрии заминҳои кишоварзии давлатҳои Тоҷикистону Ӯзбекистон ва Қазоқистонро ба уҳда дорад.

Читать далее

Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиëев аз ҶСК «Қолинҳои Қайроққум» дидан намуданд

11 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиëев дар шаҳри Гулистони вилояти Суғд аз Ҷамъияти саҳҳомии кушодаи «Қолинҳои Қайроққум» дидан намуданд.

ҶСК «Қолинҳои Қайроққум » тӯли 60 сол боз фаъолият дошта, бо истеҳсоли қолинҳои гуногунҳаҷму гуногуншакл дар бозори дохил ва хориҷ мавқеи хос дорад.

Читать далее

Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев бо аҳли зиё ва фаъолони вилояти Суғд мулоқот намуданд

11 июн Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев дар Қасри таърихии Арбоб бо аҳли зиё ва фаъолони вилояти Суғд мулоқот намуданд.

Дар оғози мулоқот Президенти Ҷумҳурии Тоҷикистон муҳтарам Эмомалӣ Раҳмон бо самимияти хос меҳмони олимақом — Президенти Ҷумҳурии Ӯзбекистон муҳтарам Шавкат Мирзиёевро ба Тоҷикистон хайрамақдам гуфта, бо хушнудӣ таъкид доштанд, ки ҳар як вохӯрии ҷонибҳо ва муҳокимаи робитаҳои дуҷониба барои таҳкими шарикии стратегӣ саҳми босазо мегузорад.

Читать далее

ВОХӮРИИ ДОРОИ АҲАМИЯТИ ТАЪРИХӢ

Дар идомаи сафари корӣ ба Ҷумҳурии Тоҷикистон ҳайати бонуфузи меҳмонони олиқадр аз Ҷумҳурии Ӯзбекистон, аз ҷумла Вазири маориф Абдуқодир Тошқулов, директори Институти байналхалқии Осиёи Марказӣ, директори шуъбаи шартномаи ҳуқуқии Вазорати корҳои хориҷӣ Комилҷон Рашидов, Вазири тандурустӣ Абдуҳаким Ҳоҷибоев ва дигар ҳамроҳонашон аз Маҷмааи давлатии Осорхонаи вилоятии таърихию кишваршиносии Қалъаи Хуҷанд дидан намуданд. Меҳмонони олиқадрро муовини Раиси вилоят Зайнура Азимӣ ва раиси шаҳри Хуҷанд Фирдавс Шарифзода ҳамроҳӣ карданд.

Директори Маҷмааи давлатии Осорхонаи вилоятии таърихию кишваршиносии Қалъаи Хуҷанд Иброҳим Иброҳимов меҳмононро хайрамақдам гуфт. Сипас, корманди осорхона Иноят Мирзоева аз таърихи бою қадима ва фарҳанги волои халқи тоҷик маълумот дод.          

Вазири тандурустии Ҷумҳурии Ӯзбекистон Абдуҳаким Ҳоҷибоев дар суҳбат ба рӯзноманигорон гуфт, ки рӯзи дувуми сафар дар сарзамини тоҷикон дар сатҳи олӣ ҷараён дорад.

- Дар вохӯрии бошукӯҳ ва пурмуҳтаво дар маркази кишвари тоҷикон - шаҳри Душанбе Сарони ду кишвар ширкат варзиданд, таъкид гардид, ки мулоқоти навбатӣ таърихӣ аст, зеро туфайли дӯстиву бародарии Сарони ду кишвар ҳоло имконият ва шароити мусоид барои ҳамкории минбаъда дар ҳама самти хоҷагии халқ ба назар мерасад. Дар соҳаи тандурустӣ низ заминаи нави ҳамкорӣ ба вуқӯъ пайваст, зеро дар вилояти Хатлон ба истифода додани иншооти муосир - Маҷмааи тандурустии «Дӯстии Тоҷикистону Ӯзбекистон» бо дастгирии Ҳукумати Ҷумҳурии Ӯзбекистон имконият фароҳам овард, ки мутахассисони ду кишвар минбаъд метавонанд дар паҳлӯи ҳамдигар табодули таҷриба кунанд, - таъкид кард Абдуҳаким Ҳоҷибоев.

Номбурда гуфт, ки дар рафти вохӯрӣ бо Вазири тандурустӣ ва ҳифзи иҷтимоии Ҷумҳурии Тоҷикистон Ҷамолиддин Абдуллозода тасмим гирифтанд, равобити худро дар самти соҳаи тандурустӣ ҷоннок карда, рӯзҳои наздик мутахассисони соҳаи ду кишвари ба ҳам дӯсту бародар дар фаъолият ва кӯмаки минбаъда ҳамоҳанг гардида, ҳатто дар самти гузаронидани амалиётҳои ҷарроҳии душвор мусоидат хоҳанд кард. 

Ҳамчунин, директори Институти байналхалқии Осиёи Марказии Ҷумҳурии Ӯзбекистон Анвар Носиров гуфт, ки давоми чор соли охир туфайли сиёсати хирадмандонаи Сарони ду кишвар муносибатҳои тоҷикону ӯзбекон бомаром дигар гардид. Тамоми масъалаҳое, ки солҳои зиёд садди роҳ буданд, дар як муддати кӯтоҳ ҳал гардиданд.

- Ҳафтаи гузашта ҳайати кормандони мо дар шаҳри Душанбе нӯҳ вохӯрӣ доир карда, дар ин самт бо шарикони худ 5 ҳуҷҷатро ба имзо расониданд. Ҳамчунин, конфронси бошукӯҳ ба хотири дарёфт ва рушди муносибатҳои нави ҳамкории тарафайн доир шуд. Қайд кардан ба маврид аст, ки вохӯрии навбатӣ дар таърихи халқу кишвар дигаргунии куллӣ ба вуқӯъ хоҳад пайваст, зеро дар рафти вохӯрӣ 35 созишнома ба имзо расид, ки он ҳамаи самтҳои ҳамкориро дар бар мегирад, - гуфт Анвар Носиров.

Ҳамчунин, ӯ қайд кард, ки сармоягузорони мо нақша доранд, ки минбаъд дар самти омода кардани лоиҳаҳои маҳсулоти ширкатҳои «Артел - Авесто», таҷҳизоти техникӣ, истеҳсоли Атласи Хуҷанд, барқарор ва пешрафти абрешим, дар умум барои рушди хоҷагии халқ, саноат ва кишоварзӣ лоиҳаҳои мухталиф ба роҳ монда хоҳанд шуд. Ин боиси бо ҷойи корӣ таъмин гардидани шаҳрвандони Тоҷикистон хоҳад шуд.

Баробари ин Вазири маорифи Ҷумҳурии Ӯзбекистон Абдуқодир Тошқулов гуфт, ки дар самти соҳаи маориф ва илм низ дигаргунии мухталиф рӯи кор хоҳад омад.

- Ҳоло шаҳрвандони мо дар Ҷумҳурии Тоҷикистон таҳсилро ба роҳ мондаанд, ки ин амал боиси пешравиву дастгирист. Ҳамчунин, барои шаҳрвандони тоҷикистонӣ низ, ки дар донишгоҳҳои Ҷумҳурии Ӯзбекистон таҳсил карда истодаанд, ба ҷуз соҳаи омӯзгорӣ ихтисосҳои мухталиф ба роҳ монда шудааст. Дар самти илм таҳияи маводҳои илмӣ васеъ ба роҳ монда шудааст, боварӣ дорем, ки пас аз вохӯрии Роҳбарони ду кишвар боз дигаргунӣ дар самти илмомӯзӣ ба роҳ монда мешаванд. Ҳоло шаҳрвандони Тоҷикистон дар панҷ донишгоҳ бо забони тоҷикӣ илм меандӯзанд ва барои баланд кардани сатҳи донишандӯзӣ мутахассисони соҳаро омода карда истодаем, - гуфт Абдуқодир Тошқулов.  

Ҳайати бонуфузи меҳмонон дар Китоби қайдҳо таассурот ва соядасти худро гузоштанд. Аз ҷониби Осорхонаи вилоятӣ ба онҳо туҳфаҳои хотиравӣ супурда шуд.

Шаҳбону ОЛИМОВА,

«Ҳақиқати Суғд»

Читать далее

ЗарифмоАсламшоева: "Ҳар гоҳ агар ман тасмим бигирам, ки дар Тоҷикистон муҷассама бисозам, он муҷассамаи зани ҷавон хоҳад буд"

Дар ВАО ҳар рӯз қиссаҳои илҳомбахш дар бораи тоҷикистониёне, ки ҷаҳонро тасхир мекунанд, барномасозони сатҳи олӣ, олимони ҷавон, тарроҳони боистеъдод интишор меёбанд. Ва ин насли нави ҷавон аст. Аммо дар паси онҳо аксар вақткасоне ҳастанд, ки ин ҷавононро дастгирӣ мекунанд ва онҳо насли аввали касонест, ки аллакай солҳои зиёд дар хориҷа кору зиндагӣ мекунанд.

Читать далее

Zarifmo Aslamshoev: "If I ever decide to build a monument in Tajikistan, it will be a monument to a young woman."

In the media every day there are inspiring stories about Tajiks conquering the world, cool programmers, young scientists, talented designers. And this is a new young generation. But behind them are often those who support these youth, and this is the first generation of those who have lived and worked abroad for many years.

Читать далее

Истиқболи Президенти Ҷумҳурии Ӯзбекистон Шавкат Мирзиёев дар Фурудгоҳи байналмилалии Хуҷанд

Субҳи 11 июн Президенти Ҷумҳурии Ӯзбекистон муҳтарам Шавкат Мирзиёев дар идомаи сафари расмии худ ба Ҷумҳурии Тоҷикистон ба шаҳри бостонии Хуҷанди вилояти Суғд ташриф оварданд.

Меҳмони олиқадрро Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, роҳбарият ва намояндагони аҳли ҷомеаи вилояти Суғд бо риояи анъанаю суннатҳои хоси ҳамсоягӣ, дӯстию рафоқат ва меҳру муҳаббат, гарму самимӣ истиқбол гирифтанд.

Читать далее

Шоми дӯстӣ ба ифтихори сафари расмии Президенти Ҷумҳурии Ӯзбекистон муҳтарам Шавкат Мирзиёев дар бӯстонсарои шаҳрӣ

Шоми рӯзи 10 июн Президенти Ҷумҳурии Тоҷикистон муҳтарам Эмомалӣ Раҳмон ба ифтихори Президенти Ҷумҳурии Ӯзбекистон муҳтарам Шавкат Мирзиёев, ки бо сафари расмӣ дар Тоҷикистон қарор доранд, дар бӯстонсарои шаҳрӣ зиёфати ғайрирасмӣ орост, ки бо фазои гарму самимиаш ба як маҳфили Шоми дӯстӣ табдил ёфт.

Меҳмонони олимақом аз меҳмоннавозии гарми тоҷикӣ, ки аз ҷониби Сарвари давлати Тоҷикистон муҳтарам Эмомалӣ Раҳмон зоҳир гардид, басо шоду мамнун шуданд.

Читать далее