Як рӯзи хотирмон

Подробности статьи

1953 нафар раъйдиҳандагони участкаи раъйдиҳии №43-юми ноҳияи Бобоҷон Ғафуров аз субҳи имрӯз раъйи худро барои қабул карданаи тағйиру иловаҳо ба Конститутсияи (Сарқонуни) Ҷумҳурии Тоҷикистон ба участкаи раъйдиҳӣ омаданд.

Раиси участка К.Муллоқулов иброз дошт, ки то нисфирузӣ 85%-и раъйдиҳандагон овози худро доданд. Мардум шоду хурсанд бо руҳияи идона ба макони раъйдиҳӣ омада, бо шукронаи  давлати соҳибихтиёру дунявӣ таҳти сарварии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон раъйи худро барои қабули тағйиру иловаҳо ба Конститутсияи (Сарқонуни) Ҷумҳурии Тоҷикистон доданд.

Ба гуфти Муҳаммад Ҳамдамов-летинанти милитсия, муфаттиши ШТР ВКД Ҷумҳурии Тоҷикистон дар вилоят дар участкаи мазкур ягон қонуншиканӣ дида нашуда, тартибот ҷорӣ шудааст.

Боварӣ меравад, ки интизориҳои мардум барои ин рӯзи таърихӣ хотирмон хоҳад гузашт.

Якдиливу якмаромии мардуми Заркорон дар раъйпурсӣ

Подробности статьи

Субҳи имрӯз сокинони Ҷамоати деҳоти ба номи Дадобой Холматови ноҳияи Бобоҷон Ғафуров низ бо руҳбаландиву ҳисси хоссаи ватандӯстӣ ба участкаҳои интихоботии хеш ҳозир шуданд.

Аз ҷумла дар участкаи интихоботии № 80-ум бино ба гуфти раиси участкаи интихоботӣ Юсуфмуҳаммад Файзиматов  мардуми деҳаи Заркорони ҷамоати мазкур низ бо дарки баланди масъулиятшиносӣ барои иштирок дар раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон ҳозир шуда истодаанд.

-Натиҷаи корҳои фаҳмондадиҳӣ назаррас дар ин самт буд, ки то нисфирузӣ зиёда аз 1700 нафар интихобкунандагон дар баргузории ин чорабинии сиёсӣ иштирок намуданд,- мегӯяд мавсуф,- баҳри шаффоф баргузории раъйпурсӣ тамоми шароит фароҳам оварда шудааст.

Бино ба малумоти раиси участка Ю.Файзиматов дар участкаи мазкур дар маҷмӯъ 3004 нафар раъйдиҳандагон ба қайд гирифта шудаанд, ки  аз ин 62 нафар бори аввал дар интихобот ширкат меварзанд.

Бо ҳисси баланди масъулият

Подробности статьи

Мардуми сарбаланди ноҳияи  Кӯҳистони Масчоҳ низ бо ҳисси масъулияти баланди ватандорӣ дар Раъйпурсии умумихалқӣ оид ба ворид намудани тағйиру иловаҳо ба Конститутсия (Сарқонун)-и Ҷумҳурии Тоҷикистон иштироки фаъолона доранд.  Иштироки фаъолонаи сокинон дар участкаи № 2-и деҳаи Пастиғави ноҳияи Кӯҳистони Мастчоҳ далели ин гуфтаҳост. 

Бино ба иттилои  раиси участкаи интихоботии мазкур Зафар Қурбонов  то нимаи рӯз аз 1016 нафар овоздиҳанда 957 нафар омада, раъйи хешро дар мавриди ворид намудани тағйиру иловаҳо ба Конститутсия (Сарқонун)-и Ҷумҳурии Тоҷикистон мушаххас намудаанд . Барои ду нафар раъйдиҳанда, ки ба участка ҳозир шуда наметавонанд, қуттиҳои сайёр фиристода шудааст. Раъйпурсии умумихалқӣ бо иштироки фаъолонаи шаҳрвандони ноҳия дар руҳияи идона идома дорад.

Бо рӯҳияи идонаву созанда

Подробности статьи

Раъйпурсии умумихалқӣ оид ба ворид намудани тағйиру иловаҳо ба Конститутсия (Сарқонун)-и Ҷумҳурии Тоҷикистон дар  участкаи № 43-и шаҳри Хуҷанд бо ширкати фаъолонаи шаҳрвандон дар рӯҳияи идона давом дорад.

Бино бар маълумоти Муяссар Раҳимова то соати 12:00-и рӯз аз 1875 нафар овоздиҳанда 993 нафар омада, мавқеи хешро дар мавриди ворид намудани тағйиру иловаҳо ба Конститутсия (Сарқонун)-и Ҷумҳурии Тоҷикистон муайян кардаанд. Се нафар аз ин овоздиҳандагон аввалин бор дар овоздиҳӣ иштирок менамоянд. Бино ба иттилои М.Раҳимова барои се нафар раъйдиҳанда, ки аз сабаби беморӣ ба участка ҳозир шуда наметавонанд, қуттиҳои сайёр фиристода мешавад. Раъйпурсии умумихалқӣ бо иштироки фаъолонаи шаҳрвандон идома дорад.

Иштироки Пешвои миллат дар раъйпурсии умумихалқӣ оид ба ворид кардани тағйиру иловаҳо ба Конститутсия

Подробности статьи

Субҳи имрӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маъракаи муҳими сиёсӣ - раъйпурсии умумихалқӣ оид ба ворид кардани тағйиру иловаҳо ба Конститутсияи (Сарқонуни) Ҷумҳурии Тоҷикистон иштирок намуд.

Аз Хадамоти матбуоти Президенти Ҷумҳурии Тоҷикистон хабар доданд, ки Пешвои миллат Эмомалӣ Раҳмон ба участкаи раъйдиҳии рақами 15-и ноҳияи Исмоили Сомонии пойтахт ташриф оварда, оид ба ворид кардани тағйиру иловаҳо ба баъзе моддаҳои Конститутсияи Ҷумҳурии Тоҷикистон раъй дод.

Иштироки А. Қодирӣ дар раъйпурсии умумихалқӣ оид ба тағиру иловаҳо ба Конститутсияи Ҷумҳурии Тоҷикистон

Подробности статьи

Имрӯз, якшанбеи 22 май Абдураҳмон Қодирӣ бо мақсади иштирок дар чорабинии муҳими сиёсӣ - раъйпурсии умумихалқӣ оид ба тағиру иловаҳо ба Конститутсияи (Сарқонуни) Ҷумҳурии Тоҷикистон ба участкаи раъйпурсии рақами 68-и ноҳияи Бобоҷон Ғафуров ташриф овард ва вориди ҳуҷраи овоздиҳӣ гардида, мавқеи худро муайян намуд.

Чуноне мушоҳидаҳо нишон доданд, дар ин минтақа овоздиҳандагон низ чун дигар сокинони вилояти Суғд хело фаъол ҳастанд ва барои иштирок  дар раъйпурсии умумихалқӣ оид ба тағиру иловаҳо ба Конститутсияи (Сарқонуни) Ҷумҳурии Тоҷикистон омадаанд. Бино ба иттилои масъулони участкаи раъйпурсӣ дар ин участка 2973 нафар раъйдиҳандагон ба қайд гирифта шудаанд.

Исфара: То соати 10-00 - и рӯз 63 184 нафар сокинон райъ доданд

Подробности статьи

Чорабинии муҳими сиёсӣ - Раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон дар 79 участкаи раъйдиҳии ҳавзаи раъйпурсии Исфара № 27 бо ширкати фаъолонаи шаҳрвандон идома дорад.

Бино бар маълумоти ҳавзаи раъйпурсӣ то соати 10:00 -и ин рӯз 63 184 нафар шаҳрвандони Исфара ба участкаҳои раъйдиҳӣ ҳозир шуда, мавқеи худро ҷиҳати ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон муайян намудаанд.

Деваштич. Сокинон фаъолона дар раъйпурсӣ иштирок доранд

Подробности статьи

- Дар участкаи раъйпурсии рақами 41-и ноҳияи Деваштич, воқеъ дар деҳаи Овчии ҷамоати деҳоти Ваҳдат барои баргузории чорабинии муҳими сиёсӣ - раъйпурсии умумихалқӣ оид ба тағиру иловаҳо ба Конститутсияи (Сарқонуни) Ҷумҳурии Тоҷикистон шароити зарурӣ фароҳам оварда шудааст ва ҳоло шаҳрвадон бо истифода аз ҳуқуқҳои худ дар раъйпурсӣ иштироки фаъолона доранд - мегӯяд, раиси участка Мирзо Мирзоев.

Дар ин участка 2941 нафар раъйдиҳандагон ба қайд гирифта шудаанд ва то соати 10-и рӯз беш аз 800 нафар сокинон раъй додаанд. Ба иттилои Мирзо Мирзоев ташрифи сокинон ба маҳалли раъйдиҳӣ идома дорад.

Иштироки фаъолонаи сокинони маҳаллаи Тиллокон дар раъйпурсӣ

Подробности статьи

Чун дигар минтақаҳои шаҳри Хуҷанд дар маҳаллаи Тиллокони шаҳр низ теъдоде аз сокинон аз субҳи барвақт бо дарки баланди масъулиятшиносӣ барои иштирок дар раъйпурсии умумихалқӣ оид ба тағиру иловаҳо ба Конститутсияи (Сарқонуни) Ҷумҳурии Тоҷикистон ба участкаи раъйпурсии рақами 51 ҳозир шуданд.

Ба иттилои раиси участкаи мазкур Орифҷон Умаров барои баргузории раъйпурсӣ тамоми шароит мавҷуд буда, сокинон бо рӯҳияи баланд дар ин маъракаи муҳими сиёсӣ иштирок намуда истодаанд. То ба ҳол - соати 9-51 дақиқаи маҳаллӣ беш аз 400 нафар сокинон дар ин участка раъй додаанд ва ташрифи шаҳрвандон барои иштирок дар раъйпурсӣ идома дорад.

Гулистон. Дар участкаи №5 40 фоизи раъйдиҳандагон мавқеи худро муайян карданд

Подробности статьи

Дар шаҳри дӯстии халқҳо – Гулистон аз субҳи барвақт намояндагони касбу кори гуногун барои иштирок намудан дар чорабинии муҳими сиёсӣ - раъйпурсии умумихалқӣ оид ба тағиру иловаҳо ба Конститутсияи (Сарқонуни) Ҷумҳурии Тоҷикистон ба сӯи участкаҳои интихоботӣ мешитобанд.

Аз ҷумла дар участкаи рақами 5-и шаҳри Гулистон то ҳоло беш аз 40 фоизи раъйдиҳандагон дар раъйпурсӣ иштирок намудаанд. Ба иттилои раиси участка Шарофиддин Маносиров дар ин участка 692 нафар сокинони шаҳр – намояндагони миллатҳои гуногун раъй хоҳанд дод.