Оғози маъракаи ниҳолшинонӣ дар шаҳри Бӯстон

Дар доираи корҳои ободониву кабудизоркунӣ имсол дар шаҳри Бӯстон беш аз ду ҳазор бех ниҳолҳои ҳамешасабзу ороишӣ ва сояафкан шинонида мешавад. Дар ин бора зимни оғози маъракаи ниҳолшинонӣ, ки бо иштироки Раиси вилояти Суғд Раҷаббой Аҳмадзода доир гардид, иттилоъ дода шуд.

Раиси вилоят дар ҳашари ниҳолшинонӣ иштирок намуда, роҳбарияти шаҳр ва масъулини идораҳои марбутаро вазифадор намуд, ки корҳои ободониву кабудизоркуниро тақвият бахшанд. Масъулинро зарур аст, ки маъракаи ниҳолшинониро вусъат бахшида, барои хуррамгардонии муҳити зист аз тамоми имкониятҳо истифода баранд.

Таъкид карда шуд, ки барои сарсабзу хуррам ва ободу зебо нигоҳ доштани муҳити зист ҳар як нафар масъул буда, сокинони шаҳр тасмим доранд, ки чун ҳарвақта дар мавсими имсолаи ниҳолшинонӣ низ фаъолона иштирок намуда, дар ободониву хуррамгардонии шаҳр саҳми арзанда гузоранд.

Боиси зикр аст, ки соли гузашта низ дар шаҳри Бӯстон ҳашарҳои дастаҷамъӣ ташкил карда шуда, дар мавзеъҳои гуногуни шаҳр 1800 бех ниҳолҳои ороишиву сояафкан шинонида шуда буд.

Сипас, Раиси вилоят дар маросими оғози корҳои мумфаршкунӣ иштирок кард. Чуноне иттилоъ дода шуд, бо дастгирии мақомоти иҷроияи ҳокимияти давлатии вилоят 2 км роҳ, аз чорроҳаи назди бинои Маркази назорати давлатии санитарию эпидемиологии шаҳр то шоҳроҳи Хуҷанд-Ғафуров пурра мумфарш карда хоҳад шуд.

Хадамоти матбуоти
Раиси вилояти Суғд

Add comment


Security code
Refresh