Терроризм-душмани инсоният

Details

Published on Friday, 14 April 2017 15:57

Мақсад ва ҳадафҳо, ки гурӯҳҳои иртиҷоӣ дар ниҳоди худ мепарваранд, вайрон кардани сохтори конститутсионии миллату халқиятҳо мебошанд. Аз ҷумла, таъкид кардан ба маврид аст, ки иштироки ҷавонони тоҷик дар ин ҷангҳо маънои ҷиҳодро надошта, танҳо дар зеҳну мафкураашон бадбинӣ ва нотавонбиниро талқин месозад.

Чунин ҷавонон на аз таълимоти ислом бохабаранду на аз сиёсати кишварҳои манфиатхоҳ. Ин мушкилот албатта, боиси нигаронӣ ва ташвиш буда, ҳар як шаҳрванди солимфикрро масъул менамояд, ки ҷиҳати аз роҳи бад гардонидани чунин ҷавонон дар ҳамдастӣ бо ниҳодҳои дахлдор кӯшиш намоянд. Вақти он аст, ки мо бо тамоми масъулият нисбат ба ин амалҳои ғайриинсонӣ мубориза намоем.

Хушбахтона имрӯз шукрона аз он мекунем, ки дар фазои сулҳу ваҳдат ва озодии афкору андеша зиндагӣ дорем. Ин, албатта, ифтихори мо, ҷавонон аст, ки бароямон шароити мусоид фароҳам оварда шудааст.

М.РАҲМОНОВА,
мудири кафедраи таърих ва ҷомеашиносии
Коллеҷи омӯзгории шаҳри Панҷакент