ДУШМАНӢ ОРАД БА МАРДУМ РӮЗИ САХТ

Дар шабакаҳои иттилоотӣ имрӯзҳо намояндагони ТТЭ ҲНИ хеле фаъол гаштаанду аз минтақаҳои гуногун истода, хизмати хоҷагони хориҷиро иҷро карда, бар ивази пули ночизе бо ҳар гуна тӯҳмат оромиву сулҳу суботи кишварамонро халалдор карданӣ мешаванд. Бо ин амалҳои номатлуби хеш хоинони ватан бозичаи дасти хоҷагони хориҷӣ гашта, дар амалигардии мақсаду ҳадафҳои нопок ҳиссагузор мешаванд. Ҳар яки ин хоинон, ки имрӯз ба сӯи зодгоҳи худ санг мепартоянд, то ҳол нафаҳмидаанд, ки худро ба доми бадбахтӣ гирифтор сохта истодаанд. Зеро фардо баҳри пайдо намудани мавқеи худ дар ҷомеа насли ояндаи чунин авлод ҷиҳати манфӣ муаррифӣ гардида, ҳамчун зодаи оилаи хоинҳо шинохта мешавад.

Пайравони ин гурӯҳҳои номатлуб нахаросида, аз минбари баланд  суханронӣ намуда, аз чунин созмонҳои террористӣ ва гуруҳҳои тундрав пуштибонӣ менамоянд. Бо ин амалҳои худ дар байни ҷомеаи ҷаҳонӣ худро ҳамчун ҳимоятгари муҳоҷирони сиёсӣ дар хориҷи кишвар муаррифӣ менамоянд. Аз ин рӯ, ҳар як шаҳрванди ватандӯсти кишварро зарур аст, ки барои пешгирӣ кардан аз амалигардонии мақсадҳои нопоки ин ифротгароён кӯшида, дар раванди фош сохтани ҳадафҳои аслии онон иштирок намуда, ҳиссагузори таъмини устувории истиқлолияи кишвар бошанд.

Файзуллоева Мавлуда,

омӯзгори МТМУ №3, шаҳри Хуҷанд

Add comment


Security code
Refresh