Раиси вилояти Суғд Раҷаббой Аҳмадзода Оливер Нормандро ба ҳузур пазируфт

Рӯзи 22 июл Раиси вилояти Суғд Раҷаббой Аҳмадзода бо роҳбари намояндагии Котиботи байналхалқии захираҳои об дар Тоҷикистон Оливер Норманд мулоқот орост.

Зимни мулоқот ҷонибҳо масъалаи ҳамкориҳои минбаъда дар самти татбиқи лоиҳаи Таъминоти оби нушокӣ ва беҳдошти санитарии деҳот дар водии Фарғонаро мавриди баррасӣ қарор доданд.

Раиси вилоят Раҷаббой Аҳмадзода дар оғози суҳбат қайд кард, ки солҳои 2019-2021 аз тарафи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Солҳои рушди деҳот, сайёҳӣ ва ҳунарҳои мардумӣ” эълон гардидааст. Амалисозии минбаъдаи лоиҳаи Таъминоти оби нушокӣ ва беҳдошти санитарии деҳот баҳри беҳтар шудани шароити таъминоти оби нушокӣ дар деҳот мусоидат менамояд.

Таъкид карда шуд, ки лоиҳаи мазкур беш аз 10 сол инҷониб дар шаҳру ноҳияҳои вилоят татбиқ шуда истодааст ва бо саҳмгузории Котиботи байналхалқии захираҳои об ва сокинону мақомотҳои иҷроияи маҳаллӣ марҳила ба марҳила вазъи таъминоти оби нушокӣ дар минтақаҳо беҳтар гардида истодааст.

Оливер Норманд дар навбати худ изҳор дошт, ки Котиботи байналхалқии захираҳои об барои амалишавии лоиҳа аз тамоми имкониятҳо истифода менамояд. Барои татбиқи муваффақонаи лоиҳаи Таъминоти оби нушокӣ ва беҳдошти санитарии деҳот дар водии Фарғона дар оянда низ маблағҳои зарурӣ ҷудо гардида, барои беҳтаршавии вазъи таъминот бо оби нӯшокӣ аз тарафи ташкилот 20 миллион доллари ИМА равона карда мешавад.

Хадамоти матбуоти
Раиси вилояти Суғд

Add comment


Security code
Refresh