Мулоқоти Раҷаббой Аҳмадзода бо соҳибкорон аз Ҷумҳурии мардумии Чин

Details

Published on Tuesday, 05 November 2024 16:41

Раиси вилояти Суғд Раҷаббой Аҳмадзода гуруҳи соҳибкорон аз Ҷумҳурии мардумии Чинро ба ҳузур пазируфт. 

Соҳибкорони чинӣ бо роҳбарии Чен Сунг бо мақсади тақвияти ҳамкорӣ бо шарикони худ аз Тоҷикистон ба мамлакат ташриф овардаанд.

Раиси вилоят ба соҳибкорону сармоягузорон доир ба вазъи кунунӣ ва имкониятҳои соҳаҳои саноату кишоварзӣ маълумот дода, таъкид кард, ки вилояти Суғд барои ҳамкорӣ ва татбиқи лоиҳаҳои гуногунсамт омода аст. 

Таъкид гардид, ки дар вилояти Суғд бо ҷалби сармояи соҳибкорони чинӣ корхонаҳои саноатӣ фаъолият дошта, дар оянда низ барои ташкили корхонаҳои нав захираву имкониятҳо фаровон аст.

Ҷонибҳо вобаста ба истеҳсоли нерӯи барқ аз манбаъҳои табиӣ, аз ҷумла офтоб ҳавасмандии худро изҳор доштанд.

Ҳамзамон, таваҷҷуҳи сармоягузорон барои бунёди инфрасохтори зарурӣ дар шаҳраки Сайҳун ҷалб карда шуд.

Мулоқоти тарафҳо бо баррасии дурнамои ҳамкорӣ ба анҷом расид.

Соҳибкорони чинӣ бо роҳбарии Чен Сунг бо мақсади тақвияти ҳамкорӣ бо шарикони худ аз Тоҷикистон ба мамлакат ташриф овардаанд.

Хадамоти матбуоти
Раиси вилояти Суғд