04 August 2020

ЗАХИРАИ БЕШТАРИ МАҲСУЛОТ - МУСОИДАТ ДАР РӮЗГОРИ АҲОЛӢ

Ҷиҳати таъмини иҷрои дастуру супоришҳои Асосгузори сулҳу ваҳдати миллӣ - Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон оид ба беҳтар намудани инфрасохтори истеҳсолии соҳаи кишоварзӣ, аз ҷумла сохтмони сардхонаҳои ҳозиразамон Сарраёсати кишоварзии вилоят дар ҳамҷоягӣ бо идораҳои марбута ва зерсохторҳои шаҳру ноҳиявӣ фаъолияти худро равона намуда, дар ин самт корҳои муайянро ба анҷом расонид.

Бо мақсади бештар захира намудани маҳсулоти кишоварзӣ дар давраи зимистон, таъмин намудани аҳолӣ бо маҳсулоти тару тозаи истеҳсоли ватанӣ ҷиҳати истифодаи самараноки иқтидорҳои мавҷудаи сардхонаҳо, инчунин бунёди сардхонаҳои ҳозиразамон ва дар ин замина таъмини иҷрои қарори Ҳукумати ҷумҳурӣ «Дар бораи Барномаи ташкил ва барқарорсозии яхдону сардхонаҳо барои нигаҳдории маҳсулоти кишоварзӣ дар Ҷумҳурии Тоҷикистон барои солҳои 2015 - 2019» дар ҳамбастагӣ бо соҳибмулкони сардхонаҳо корбарӣ гардид.

Бино ба иттилои мутахассиси пешбари Сарраёсати киоварзии вилоят Мухторҷон Тоҷиев, дар шаҳру ноҳияҳои вилоят 34 сардхона фаъолият дошта, ғунҷоиши онҳо аз 40 то 1000 тоннаро ташкил медиҳад. Баҳри истифодаи иқтидорҳои сардхонаҳо, захираи ҳарчи бештари маҳсулот ва мусоидат дар таъмини аҳолии вилоят бо маҳсулоти тару тоза дар давраи тирамоҳу зимистон тадбирҳои муайянро ба сомон расонида, тибқи маълумоти фаврӣ, то санаи 1 - уми январи соли 2020 барои мавсими зимистону аввали баҳори солҳои 2019 - 2020 ҳамагӣ 2013 тонна маҳсулоти кишоварзӣ захира гардида, ба санаи мазкур, мутаасифона, танҳо 25,2 фоиз иқтидори захиравии вилоят истифода гардидаасту халос.

Ҳамагӣ дар вилоят ба санаи мазкур 617 тонна себ, 1120 тонна ангур, 21 тонна хурмо, 40 тонна биҳӣ ва 215 тонна дигар намуди маҳсулот захира гардида, давра ба давра ба бозорҳои истеъмолӣ пешниҳод шуд. Айни ҳол барои захира намудани маҳсулоти кишоварзӣ дар сардхонаҳои вилоят омодагӣ рафта истодааст, - гуфт Мухторҷон Тоҷиев.

Ин омил дар давраи зимистон низ дастрасӣ ба маводи ғизоии тару тозаи хушсифати кишоварзӣ буда, ин захираҳо имкон медиҳанд, ки то давраи баҳор ва марҳалаи минбаъда бозор низ таъмин шавад. Дар шаҳри Истаравшан, ноҳияҳои Кӯҳистони Мастчоҳ, Деваштич ва Шаҳристон барои нигоҳдории картошка анборҳои заминӣ ё чағора истифода мешаванд. Дар ин гуна анборҳо таркибу сифати табиӣ ва намуди картошка хуб нигоҳ дошта мешаванд.

Дар ноҳияи Шаҳристон барои захираи картошка ва мева сардхонаҳои нав бунёд гардиданд. Дар бунёди ин гуна сардхона талаботи муосир барои нигоҳдории ҳаҷми зиёд ва усулу анъанаҳои миллӣ ҷорӣ шуданд.

Иттифоқи ҷамъиятҳои матлуботи вилоят барои захираи маҳсулоти кишоварзӣ аз анборҳои мавҷуда ва сардхонаҳои нав истифода мебарад.

Аз ҷумла, дар шаҳри Исфара сардхонаи нав сохта, қисми бештари маҳсулоти кишоварзӣ захира шудааст. Мусоидати Иттифоқи “Тоҷикматлубот” ба захираҳои молиявӣ аз роҳҳои хариду захираи маҳсулот аз кишоварзон мебошад.

Бино ба гуфти Иброҳим Мутуллозода - сардори Иттифоқи ҷамъиятҳои матбуоти вилоят, Ҷамъиятҳои матлуботи вилояти Суғд бо маблағгузории мутамаркази Иттифоқи “Тоҷикматлубот” ва инчунин бо нақшаи чорабиниҳои тарҳрезишуда дар сардхонаҳо маҳсулоти кишоварзӣ захира намуда истодаем. Мо бо хоҷагиҳои деҳқонӣ ҳамкорӣ менамоем, барои мо имконият дод, ки маҳсулоти кишоварзиро арзон ва инчунин босифат захира намуда, барои таъмини бозори истеъмолӣ мусоидат намоем.

Дар Муассисаи давлатии «Боғи миллии Ваҳдат» сохта шудани сардхонаи замонавӣ имкон дод, ки қисми ҳосили боғоти муассиса захира шаванд.

Бино ба иттилои масъулини муассисаи давлатӣ, сардхонаро дар се марҳала истифода мебаранд. Алҳол барои давраи зимистон нигоҳдории меваю сабзавотро барои ҳам хуб нигоҳ доштан ва бозори дохилиро таъмин намудан бо меваҳои тару тоза истифода бурда истодаанд. Ин имконият медиҳад, ки дар давраи зимистон бозорро бо меваҳои тару тоза таъмин намоянд.

Хайрулло Бобозода, сардори Сарраёсати кишоварзии вилоят гуфт, ки бар зами он ки имрӯз захира зиёд аст, сифати маҳсулот низ хуб нигоҳ дошта шудааст. Онҳо метавонанд, то моҳҳои апрел хусусияҳои худро нигоҳ доранд.

Дар вилоят ҳоло як қатор иқдомҳои соҳибкорон ва татбиқи лоиҳаҳо оид ба бунёди сардхонаҳои замонавӣ амалӣ мешаванд, ки нигоҳдории ҳаҷми калони маҳсулот ва содироти меваю сабзавотро пешбинӣ менамоянд.

Нодир ТУРСУНЗОДА,

«Ҳақиқати Суғд»

Читать далее

«ҒАЛЛАИ СУҒД» - МАНБАИ НОН

Нон аз шумори муқаддасотест, ки дар ҳама давру замон инсон ба он ниёз дорад. Агар дақиқтар андеша ронем, ҳастии инсонро бе нон тасаввур кардан нашояд. Аз ин рӯ, нон бебаҳотарин сарвати ҳаёти моддии инсон аст ва қадру манзалати он дар радифи сарватҳои муқаддаси маънавӣ қарор дорад. Агар назаре ба оинаи таърих андозем, дарҳол хоҳем фаҳмид, ки одамони қадим бо шикори ҳайвонот рӯз мегузарониданд. Хӯроки асосии онҳо гӯшт буд. Баъдан оҳиста-оҳиста киштукори заминро ёд гирифтанд.

 Нахустин чизи ба замин киштаи онҳо дони гандум буд. Аз ҳамон замон то имрӯз нон барои инсон ҳамчун неъмати азизу бебаҳо боқӣ мондааст. Қадр кардани нон ҳамчун анъанаи писандида аз як аср ба асри дигар мегузарад. Аз қадим одамон нисбат ба нон эҳтироми махсус дошта, ҳар резаи онро ба чашм мемолиданд ва намегузоштанд, ки он хор шавад. Нон рамзи бебаҳотарин неъмати дунё, хушбахтиву комронӣ, муҳаббату садоқат дар ҷаридаи олам шабеҳи шоҳбайте сабт гаштааст.

Бояд донист, ки фаровонии нон ба қобилияти кордонӣ ва талошҳои мунтазами деҳқон вобаста аст. Маҳз бо фидокорӣ ва меҳнатқаринии марди деҳқон он аз замин мерӯяд. Аз рӯзи ба замин пошидани донаи гандум то ба сари дастархон гузошта шудани неъмати бебаҳои зиндагӣ – нон даҳҳо нафар заҳмати беандоза мекашанд.

Яке аз чунин коргоҳҳое, ки баъди аз замин рӯёнидани донаи гандум онро орд карда, пешкаши мардум мегардонад, Ҷамъияти дорои масъулияташ маҳдуди «Ғаллаи Суғд», воқеъ дар Ҷамоати деҳоти Унҷии ноҳияи Бобоҷон Ғафуров буда, беш аз як даҳсола аст, ки ба мардум хизмат мерасонад. Он соли 2009 таъсис ёфта, иқтидори истеҳсолиаш 61,243 тонна орд буд. Баъди гузашти солҳо иқтидори коркарди корхона афзун гашта, имрӯз ин рақам ба 120 тонна орд расидааст.

Мирзоаббос Охунов – директори генералии корхона иброз дошт, ки зироати ғалларо асосан аз Ҷумҳурии Қазоқистон дастрас намуда, дар ҶДММ «Ғаллаи Суғд» коркард мекунанд. Корхона иқтидор дорад, ки то ҳашт ҳазор тонна ғалларо дар анбор захира кунад. Агар давоми соли 2019 коргоҳ 21,715 тонна орд ва 4802 тонна сабӯс истеҳсол карда бошад, давоми шаш моҳи соли 2020 он ба 15 ҳазору 520 тонна орд ва 4 ҳазору 466 тонна сабӯс расидааст.

 Технологи соҳибтаҷриба Фаррух Рӯзиев кӯшиш бар он дорад, ки бо истифода аз технологияҳои ҳозиразамон истеҳсоли маҳсулотро бо сифати баланд пешкаши аҳолӣ гардонанд. Аз ин ҷост, ки маҳсулоти коргоҳ дар тамоми бозору мағозаҳои кишвар харидорони худро дорад. Орди истеҳсолшуда дар халтаҳои 5, 10, 25 ва 50-килограммӣ бо номҳои «Арзанда», «Баракат», «Аъло», «Тандир» ва «Зар» манзури харидорон мегардад.

Бо мақсади баланд бардоштани сатҳи некӯаҳволии табақаҳои мухталифи ҷомеа ва ҳаллу фасли муаммоҳои иқтисодӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар заминаи таҳияи ҳуҷҷати давлатии Стратегияи паст кардани сатҳи камбизоатӣ як қатор қонунҳоро ба тасвиб расонданд. Дар натиҷа сохта ба истифода додани корхонаҳои саноатӣ дар мадди назари давлату Ҳукумат қарор дошта, ҳамарӯза бо ифтитоҳи онҳо ва таъсиси ҷойи корӣ рӯзгори мардум рӯ ба беҳбудӣ меорад. ҶДММ «Ғаллаи Суғд» аз қабили корхонаҳои саноатиест, ки бо омода кардани 100 ҷои корӣ аҳолии кишварро бо кор таъмин ва барои баланд бардоштани сатҳи некӯаҳволию ободии дастархони мардум кӯшиш ба харҷ медиҳад.

Онҳо гуфтаҳои Сарвари давлатро ҷиҳати танҳо дар фазои сулҳу ваҳдати миллӣ ва тавассути заҳмати ватандӯстона метавон давлати тозаистиқлоли хешро ба мамлакати ободу пешрафта мубаддал гардонд ва барои наслҳои оянда як кишвари воқеан мутараққӣ ва мутамаддинро ба мерос гузошт, амал намуда, кору фаъолият менамоянд.

Шоира САЛИМОВА,

«Ҳақиқати Суғд»

Читать далее

Таҷрибаи оилаи Эмомовҳо дар самти захираи маҳсулот шоистаи пайравӣ аст

Раиси вилояти Суғд Раҷаббой Аҳмадзода дар доираи сафари корӣ ба ноҳияи Ҷаббор Расулов дар деҳаи Тоҷикобод аз манзили истиқоматии шаҳрванд Муҳаммадшоҳ Эмомов боздид намуд.

Муҳаммадшоҳ Эмомов ва аҳли оилаи ӯ имрӯзҳо бо истифода аз мавсими ғуну чини ҳосил барои зимистонгузаронӣ омодагӣ мебинанд.

Оилаи Эмомовҳо барои дар сатҳи зарурӣ гузаронидани тирамоҳу зимистон ба таври кофӣ маҳсулоти ниёзи аввал, аз ҷумла гандум, равған, шолӣ, лӯбиё, мош, картошка, пиёз, сирпиёз, сабзиву гӯшти қоқро захира намудааст. Аъзои ин оила ҳамзамон аз дастранҷи деҳқонии худ маҳсулоти консервагӣ низ омода намуда истодаанд.

Читать далее

Шиносоии Раиси вилоят бо тарзи истифодабарии замини хоҷагиҳои ёрирасон

Раиси вилояти Суғд Раҷаббой Аҳмадзода дар доираи сафари корӣ ба ноҳияи Ҷаббор Расулов бо тарзи истифодабарии замини хоҷагиҳои ёрирасон ошно шуд.

Раиси вилоят сараввал аз Коллеҷи муҳандисӣ – омӯзгории ноҳияи Ҷаббор Расулов боздид намуд. Хоҷагии ёрирасони Коллеҷи муҳандисӣ – омӯзгории ноҳияи Ҷаббор Расулов дорои 32 гектар замини корами обӣ буда, замин самаранок истифода мегардад. Аснои боздид маълум шуд, ки дар 27 гектар замини хоҷагии ёрирасон пахта, мош, макка барои алаф, пиёз, бодиринг, беда кишт карда шуда, 3,7 гектар боғи зардолу ва шафтолу мавҷуд аст. Мошу бодиринг ва турб натиҷаи кишти такрорӣ буда, нашъунамои зироатҳо хуб мебошад.

Читать далее

Дар корхонаи хиштбарории автоматикии ҶДММ “Хишти Гулхона” то 50 нафар соҳиби ҷойи кор мешаванд

Дар идомаи сафари корӣ ба ноҳияи Ҷаббор Расулов Раиси вилояти Суғд Раҷаббой Аҳмадзода бо ҷараёни сохтмони корхонаи нави хиштбарорӣ шинос гардид.

Чуноне иттилоъ дода шуд, корҳои сохтмонии корхонаи хиштбарории автоматикии ҶДММ “Хишти Гулхона” соли 2019 оғоз шудааст. Корхона дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз тарафи соҳибкор Нуъмон Розиқов бунёд гардида, дар он аз 40 то 50 нафар бо ҷойи корӣ таъмин хоҳанд шуд. Соҳибкор бо бунёди корхонаи нав мехоҳад саҳми худро барои расидан ба ҳадафи чоруми миллӣ – саноатикунонии босуръати кишвар гузорад.

Читать далее

Боздиди Раиси вилоят аз хоҷагиҳои деҳқонии “Нури Спитамен” ва “Исломбой саркор”

Раиси вилояти Суғд Раҷаббой Аҳмадзода дар аснои сафари корӣ ба ноҳияи Спитамен аз хоҷагиҳои деҳқонии “Нури Спитамен” ва “Исломбой саркор”-и Ассотсиатсияи истифодабарандагони оби “Андарсой” боздид намуд.

Зимни боздид иттилоъ дода шуд, ки хоҷагии деҳқонии “Нури Спитамен” соли 2006 ташкил шуда, дар он 111 нафар саҳмдор фаъолият намуда истодаанд. Хоҷагии деҳқонӣ дорои 210 гектар замин буда, аз он 115 гектар заминҳои корами обиро ташкил медиҳад.

Читать далее

Дар ноҳияи Спитамен заминҳои наздиҳавлигӣ самаранок истифода бурда мешавад

Раиси вилояти Суғд Раҷаббой Аҳмадзода зимни сафари корӣ ба ноҳияи Спитамен рӯзи 2 август дар Ҷамоати шаҳраки Навкат бо тарзи истифодабарии замини наздиҳавлигӣ шинос шуд.

Раиси вилоят аз ҷумла аз манзили сокини ноҳия Ҳамроқул Ҳазратқулов боздид кард. Мавсуф дар замини наздиҳавлигии худ помидор, қаламфур, кабудиҳо, меваҳои ангур, шафтолу, анҷир, хурморо парвариш намуда, ҳамасола ҳосили хуб ба даст меоварад. Ҳамроқул Ҳазратқулов ва аъзои оилаи ӯ алаккай кишти картошкаи такрорӣ, турб ва бехиро ба сомон расонидааст.

Читать далее

Дар ноҳияи Спитамен корхонаи коркади шир бунёд ва 50 нафар бо ҷойи корӣ таъмин мегарданд

Раиси вилояти Суғд Раҷаббой Аҳмадзода дар доираи сафари корӣ ба ноҳияи Спитамен рӯзи 2 август рафти корҳои сохтмониро дар корхонаи коркарди шир мавриди таваҷҷуҳ қарор дод.

Корхонаи коркарди шир дар доираи таҷлили сазовори ҷашни 30 – солагии Истиқлолияти давлатии Ҷумҳурии Тоҷикистон ва бо мақсади саҳмгузорӣ дар амалишавии ҳадафи чоруми миллӣ-санотикунонии босуръати кишвар бунёд гардида истодааст.

Читать далее

Шиносоии Раиси вилоят бо сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ дар ноҳияи Спитамен

2 августи соли 2020 Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон шинос гардид.

Раҷаббой Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шуд. Тавре иттилоъ дода шуд, иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст.

Читать далее

САТҲИ БАЛАНДИ МАЪРИФАТИ ЭКОЛОГӢ – ПОЯИ УСТУВОРИ ҶОМЕА

Дар назди бахши кор бо ҷавонон ва варзиши ноҳияи Бобоҷон Ғафуров созмони ҷамъиятии Пайравони Пешвои миллат фаъолият мебарад. Бо иқдоми аъзои понздаҳнафараи ин созмон, ки патрули сабз ном гирифтаанд, тайи ду соли фаъолияташ дар бобати тозаву озода нигоҳ доштани муҳити атроф, ободу кабудизор намудани маҳалҳо як силсила амалҳои нек анҷом дода шудааст.

Аз ҷумла ин ҷавонони фаъол дар маҳаллаҳо, ҳавлӣ ба ҳавлӣ гашта доир ба муҳофизати табиат, эҳтиёт кардани ҳар ниҳоли сарсабзи шинондашуда, тозаву озода нигоҳ доштани муҳити атрофи худ, ба ҷойҳои муайяншуда баровардани партов, ба оби ҷӯю каналҳо, дарё напартофтани он ва пок нигоҳ доштани об байни мардум корҳои фаҳмондадиҳӣ мебаранд. Аъзоёни ин гурӯҳ дар ҳамкорӣ бо ташкилотҳои байналмилалӣ , яъне ба чунин ташкилот лоиҳаҳо пешниҳод карда, ба он ноил гаштанд, ки дар тамоми маҳаллаҳои Ҷамоатҳои Хистеварз ва Овчӣ-Қалъача бештар аз 50-60 адад қуттиҳои партовпарто гузошта, ҳамчунин ба кормандони хадамоти хизматрасонии партовкашонӣ либоси махсуси якхела пешниҳод карда шуд. Ин амал, ҳарчанд ба назар оддӣ менамояд, аммо аз бисёр ҷиҳат ба тозагиву озодии ин маҳалҳо мусоидат намуда, боиси ризомандии сокинон гардид.

Бо дарназардошти он, ки солҳои охир вазъи экологии бархе аз мамолики дунё аз беэътибории сокинон халалдор гаштааст, аз ҷумла мавзеъҳои калон ба партовҷо табдил ёфтаанд ё ин ки зери уқёнусҳо бо партовҳо пур шудааст, баҳри пешгирӣ аз вайроншавии вазъи экологии вилоятамон аз ҷониби Раёсати кор бо ҷавонон ва варзиши вилоят ва бахшҳои кор бо ҷавонон ва варзиши шаҳру навоҳӣ иқдому ташаббусҳои нек амалӣ карда мешаванд. Як самти фаъолияти Раёсат ба ҳифз доштани вазъи экологии вилоят нигаронида шудааст. Чунонки мутасаддии бахш оид ба экология Шаҳбоз Аҳмадов изҳор дошт, баргузор намудани чорабиниҳо оид ба ҳифзи муҳити зист, аз як ҷиҳат, боиси тозагии муҳити атроф, манзилҳои мо ва покизагии оби дарёҳо бошанд, аз тарафи дигар, баҳри баланд бардоштани маърифати экологии шаҳрвандон мусоидат менамоянд. Чунин иқдомҳо давоми солҳои охир мунтазам ба роҳ монда шуда, давоми ҳафт моҳи соли равон бошад, дар самти ҳифзу ҳимояи муҳити зист ва ободу кабудизоркунии маҳал беш аз 197 маротиба чорабиниҳои ободкориву созандагӣ дар шаҳру ноҳияҳои вилоят доир карда шуд, ки дар онҳо 38 271 нафар ҷавонон иштирок намуданд ва зиёда аз 39 143 адад гулу гулбутта ва ниҳоли дарахтони мева шинонда шуданд. Ҳамчунин, дар ин радиф 80,6 гектар замини бекорхобида азхуд ва боғоти мева бунёд гардид.

Аз ҷумла дирӯз, санаи 25-уми июли соли равон, тибқи дастуру супориши Раиси вилояти Суғд муҳтарам Раҷаббой Аҳмадзода ва иқдоми Раёсати кор бо ҷавонон ва варзиши вилоят, таҳти шиори «Ватанро мо, ҷавонон, сабзу хуррам мегардонем» аксия доир гардид, ки ба тозакунии муҳити зист, соҳили дарёҳо, шинондани гулу бутта ва ниҳолҳо ва дигар амалҳо бахшида шуд. Дар ин чорабинӣ танҳо дар маркази вилоят - шаҳри Хуҷанд бештар аз 400 нафар ҷавонон бо роҳбарии сарвари бахши кор бо ҷавонон Абдувосит Ғафуров зимни аксия ба тозакунии соҳили дарёи Сир машғул шуданд. Ҳамчунин, бештар аз 4 гектар замини мавзеи нообод азхуд ва бо киштукор фаро гирифта шуд. Худи ҳамон рӯз чунин чорабиниҳо дар тамоми ҳаҷдаҳ шаҳру навоҳии вилоят сурат гирифта, беш аз 1000 нафар ҷавонон ширкат намуданд ва бо тозакунии соҳили дарёҳо, сафедкунии дарахтон, нармкунии зери дарахтони боғот, ранг кардани саҳни биноҳо, шинондани ниҳоли дарахтони мева ва гулу гулбуттаҳо машғул шуданд.

Тавре мутахассиси самти ҳифзи экологии Раёсати кор бо ҷавонон ва варзиши вилоят Замирахон Мансурова иброз дошт, ҳамин тавр бо ташаббуси ҷавонони фаъоли ноҳияи Бобоҷон Ғафуров (раиси бахши кор бо ҷавонон ва варзиш Дилшод Тошбоев) бештар аз 10 гектар замини бекорхобидаи мавзеи Рухак обод гардида, дарахтони мевадиҳанда шинонда шуданд. Дар ҷараёни аксияи тозагии маҳал дар шаҳри Истаравшан ба ҷуз корҳои ободониву тозагӣ 38 гектар замин азхуд ва ниҳоли дарахтони мева шинонда шуда, ба майдони боғот тадбил дода шуд. Дар шаҳри Истаравшан бо сарвари бахши кор бо ҷавонон Аскар Ҳотамзода амалҳои неку хайрхоҳона зуд-зуд ба роҳ монда мешаванд. Дар ноҳияи Зафаробод бо иқдоми накӯкоронаи ҷавонон соли равон зиёда аз 32 ҳазор бех ниҳоли мева шинонда шуд. Ҷоиз ба зикр аст, ки бахшҳои кор бо ҷавонон ва варзиши шаҳру навоҳии Панҷакент, Бӯстон, Мастчоҳ (сарвараш Саидҷаъфар Азизов), Кӯҳистони Мастчоҳ (сарвараш Меҳроб Абдуев), Ҷаббор Расулов (сарвараш Маъбуд Маъруфзода), Деваштич дар самти баланд бардоштани маърифати экологии мардум амалҳои нек анҷом дода, тадбирҳои судбахшро амалӣ мекунанд. Аз ҷумла танҳо давоми соли равон дар ноҳияи Мастчоҳ бо нерӯи ҷавонон 6 гектар, Кӯҳистони Мастчоҳ 2 гектар, шаҳри Панҷакент 1 гектар замин ободу гулпӯш ва корам гардонида шуд.

Тавре Пешвои муаззами миллат муҳтарам Эмомалӣ Раҳмон таъкид менамоянд, ҷавонон нерӯи ояндасози миллатанд. Дар ин росто «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон гардидани солҳои 2020-2040 бесабаб нест. Зеро чуноне маълум аст, тайи солҳои охир маҳз бо сабаби беэътиборӣ ба покизагии оби уқёнусҳо, тозаву озода нигоҳ доштани маҳалли зист вазъи экологии ҷаҳон коста гардидааст ва ин аз ҳар сокини сайёра тақозо менамояд, ки ба тозагии муҳити атрофи худ бетафовут набошанд.

Мардуми тоҷик аз азал озодахӯ, тозагипарастанду ба покизагии об арҷ мегузоранд. Ҳар сол бо шинондани ҳазорҳо бех ниҳоли дарахтони сояафкану мевадиҳанда манзилу маҳалли зисти худро сарсабзу кабудизор менамоянд.

Ба рушд додани фанни табиатшиносӣ эътибори хоса зоҳир кардани Пешвои миллат ин маҳз эътибор ба тозагии маҳал, муҳити зист, баланд бардоштани маданияти заминдорӣ, риояи ғизонокии таркиби хок, покиза доштани об, афзун намудани гиёҳҳои шифобахши Ватани азизамон ва бо ҳамин ноил шудан ба солимии муҳити зист мебошад. Зеро табиб, файласуф ва мутафаккири бузурги тоҷик Абӯалӣ ибни Сино гуфтааст, ки се омил сарчашмаи солимии тану рӯҳи инсон аст: муҳити солим, оби тоза, ғизои солим.

Пас, дар ин радиф баланд бардоштани маърифати экологии мардум, нисбат ба тозагии оби ҷӯи маҳалли зисти худ бепарво набудан, шинондани ниҳол, нигоҳубини пайвастаи онро ба худ қарз донистан, манзилҳои хешро доимо аз партов тоза карда истодан ба амалишавии ҳадафи асосии мо-солимии ҷомеа мусоидат хоҳад кард.

Рафоат МӮЪМИНОВА,

"Ҳақиқати Суғд»

Читать далее