July 2020

15 July 2020

САҲМИ ШОИСТА ДАР ТАЪМИНИ АМНИЯТИ ОЗУҚАВОРИИ КИШВАР

Дар доираи сафари корӣ ба шаҳру ноҳияҳои вилояти Суғд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳри Хуҷанд ташриф оварда, бо фаъолияти корхонаи коркарди мева, истеҳсоли афшура, хамира, қайла ва нӯшобаҳо аз меваи Ҷамъияти дорои масъулияти маҳдуди «Сирдарё» дидан намуданд. Сарвари давлат ба иқдоми соҳибкори ватанӣ дар таъсиси чунин корхонаи истеҳсолӣ ва нақши он дар таъмини бозори дохилӣ бо маҳсулоти ватанӣ баҳои баланд доданд.

Мансур Каримов, муассиси ҶДММ «Сирдарё» иброз дошт, ки корхонаи мазкур соли 2009-ум таъсис ёфта, дар коркарди анвои гуногуни мева ва истеҳсоли маҳсулоти мевагӣ дар бозори истеъмолӣ ҷои намоёнро ишғол кардааст.

- Корхона дар масоҳати 5,8 садяк замин бунёд шуда, он бо ҷойгир намудани шаш хату таҷҳизоти технологӣ, яъне бо роҳи истифодаи оқилонаи иншооти мавҷуда истеҳсоли ҳаҷму номгӯи зиёди маҳсулоти консерва аз меваю сабзавот ба роҳ монда шудааст. Ин хатҳои технологии коркарди меваю сабзавот ва бандубасти маҳсулот ба зарфҳои шишагӣ, се хати технологии рехтан ва бандубасти маҳсулот ба зарфҳои тетропаки ғунҷоишашон 200-250 - грамма, яклитра ва ҳамчунин, коргоҳи истеҳсоли қуттиҳои коғазию картонӣ пешбинӣ гардидааст, - иброз дошт Мансур Каримов.

Бино ба иттилои мавсуф, дар коргоҳҳои истеҳсолӣ хатҳои технологии муосири истеҳсоли давлатҳои Аврупо, Федератсияи Россия ва Ҷумҳурии Халқии Хитой васлу насб гардидаанд. Маҳсулоти дар корхонаи «Сирдарё» истеҳсолгардида ба стандартҳои ҷаҳонӣ мутобиқ буда, корхонаи мазкур бо нишони маҳсулоти «Мерси Баку» мавқеи худро пайдо намудааст.

Айни замон бо истеҳсоли шарбати мева, афшураи помидор, хамираи меваҳо, хамираи помидор, нектарҳо, нӯшобаҳои мева, нӯшокиҳо бо таъми мева ва консерваю сабзавот бозори кишварро таъмин намуда истодааст. Мувофиқи талаботи бозорӣ дар баробари сифат ба бандубасти истеҳсоли маҳсулот дар зарфҳои тетропак ва зарфҳои шишагии ғунҷоишашон хурд ба дизайни ҷолибу хоса таваҷҷуҳ намуда, вобаста ба талаботи харидор шаклу тарзи нави маҳсулотро пешниҳод менамояд.

- Ба маҳсулоти корхона харидорони хориҷӣ низ таваҷҷуҳ менамоянд ва афшураю нӯшобаҳои мевагии аз нигоҳи экологӣ тоза ба хориҷи кишвар, аз ҷумла давлатҳои Афғонистону Қирғизистон содирот карда мешаванд, – иброз дошт Мансур Каримов.

Дар корхонаи «Сирдарё» беш аз 40 нафар бо ҷои кор ва маоши баланд таъмин буда, бо васеъ намудани фаъолият шумораи бештари коргарону мутахассисон ба кор ҷалб шуда, дар мавсим ва мавриди зарурат корхона тасмим дорад, қувваи кориро зиёд намояд.

Асрор Иброҳимов, сармуҳандиси корхона таи даҳ сол аст, ки дар соҳаи мазкур фаъолият дошта, аз шароити корхона қаноатманд аст ва сипосмандии хешро ба роҳбарияти корхона расониданист, зеро барои кормандон шароити хуб муҳайёст ва маоши кофӣ баҳри пешбурди зиндагӣ доранд. Аз таваҷҷуҳу самимият ва ғамхории доимӣ ба Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон изҳори миннатдорӣ баён намуда, таъкид дошт, ки шукронаи давлату даврони осоиштаро мекунад, ки кишвари азизамон тинҷу ором аст ва давоми солҳои соҳибистиқлолӣ ба дастовардҳои назаррас ноил гардида истодааст.

Шаҳноза ҲОМИДОВА,

«Ҳақиқати Суғд»

Читать далее

Кишоварзӣ рушд меёбад

Соли равон дар ҳамаи шаклҳои хоҷагидории ноҳияи Шаҳристон дар майдони беш аз ду ҳазор гектар бо риояи қоидаҳои пешрафтаи агротехникӣ ва истифода аз тухмиҳои серҳосил кишти картошка гузаронида шудааст. Дар ноҳия рӯзҳои гарм каму намнокӣ ва сардӣ зиёд буда, гузаронидани кишти такрорӣ ғайриимкон мебошад, лек коргарону иҷоракорони Кооперативи истеҳсолии тиҷоратии ба номи Умар Сулаймонов ва саҳмдорони хоҷагиҳои деҳқонию инфиродӣ, оилавии деҳаи Себзори Ҷамоати деҳоти Бунҷикат картошкаи барвақтиро ҷамъоварӣ намуда, ба гузаронидани кишти зироатҳои кишоварзӣ омодагӣ мегиранд.

Маврид ба зикр аст, ки дар кооперативи мазкур 22 гектар кишти барвақтии картошка гузаронида шудааст, ки нисбат ба соли гузашта 4 гектар зиёд мебошад. Кишоварзон дар 12 гектар замини аз ҳосил холигардида кишти такрории ҷуворимакка, арзану шалғам, сабзию дигар зироатҳои давраи нашъунамояшон кӯтоҳро ба хотири захираи фасли зимистон коштаву парвариш намуда истодаанд. Шаҳристон бо вуҷуди ноҳияи наздикӯҳӣ маҳсуб ёфтан заминҳои лалмию чарогоҳҳояш ҳазорҳо гектарро ташкил медиҳад. Бинобар мусоиду сербориш омадани аввали баҳори соли равон дар чарогоҳҳо алаф хуб сабзид. Имрӯз кишоварзон бо истифода аз ҳосили дилхоҳ тавассути техникаҳои мухталифи кишоварзӣ алафҳои табииро ҷамъоварӣ ва захира намуда истодаанд. Ин амал дар зиёда аз 4 ҳазор гектар чарогоҳҳои Кооперативи истеҳсолии тиҷоратии ба номи Умар Сулаймонов ва хоҷагиҳои деҳқонии деҳаи Себзори Ҷамоати деҳоти Бунҷикат густурда роҳандозӣ гардида, 564 нафар саҳмдору 240 адад хоҷагии деҳқонии инфиродию оилавӣ ва коргарону иҷоракорони Кооперативи ба номи Умар Сулаймонов ҳамарӯза тавассути тракторҳои даравкунанда алафҳои табииро даравидаю хушконида, ҷиҳати зимистонгузаронии чорвои ҷамъиятӣ захира намуда истодаанд.

Нодир ТУРСУНЗОДА,

«Ҳақиқати Суғд»

Читать далее

Ирода ва меҳр ғолиб омад

Дирӯз телевизор тамошо карда менишастаму як нафар корманди Маркази саломатии шаҳрии рақами 5 шаҳри Хуҷанд сухан карда, ба мақомоту сохторҳо, аз ҷумла ба роҳбари меҳмонхонаи «Армон-Апард-Отел»-и шаҳри Хуҷанд Зебунисо Солиева баҳри дастгириву кӯмак дар давраи хуруҷи бемории коронавирус изҳори сипос намуд.

Чун аз фаъолияти ин бонуи соҳибкор ҳамчун роҳбари меҳмонхона огоҳ будам, бо ӯ ҳамсуҳбат гардидам.

-Вақти айни хурӯҷи бемории коронавирус дар кишварамон як нафар дугонаам дар омади гап гуфт, ки шавҳараш духтур мебошаду дар беморхонаашон ба ниқобу дастпӯшак ва дигар лавозимот норасогӣ эҳсос мешавад. Ба бештар аз ду ҳазор сомонӣ лавозимоти зарурӣ харидаму ба беморхонаҳо бурдам. Ва фикр кардам, ки бо ин ду ҳазор сомонӣ кор буд намешавад. Дар ин марҳалаи душвори ба сари мардуми кишварамон омада бояд ҳама яктану якҷон бошем.

 Ба шабакаи иҷтимоии интернет ворид гашта, навиштам, ки дар ин айём аксар давлатҳои дунё, ҳатто пешқадамтарину қудратмандтаринҳо ба ин беморӣ илоҷ наёфта истодаанд. Биёед, ҳамаамон аҳлона ба як суратҳисоб маблағ ҷамъ кунем ва ба беморхонаҳо кӯмак намоем. Бовар кунед, ба ин даъват тамоми мардуми диёрамон, ҳатто берун аз ҷумҳуриамон ҳамовоз шуданд. Дар суратҳисоб бештар аз 314 ҳазор сомонӣ маблағ ҷамъ гардид.

Аз ин ҳисоб корҷома, ченкунаки ҳарорати бадан, дастгоҳи набзченкунӣ, маҳлули антисептикӣ, дастпӯшак, ниқоб харида, ба беморхона, Марказҳои саломатӣ ва таваллудхонаҳои шаҳру навоҳии Хуҷанд, Гулистон, Бӯстон, Конибодом, Панҷакент, Бобоҷон Ғафуров, Ҷаббор Расулов тақсим намудем.

Албатта, гуфтан лозим аст, ки ба омадани бемории коронавирус ва то ба ин дараҷа хатарнок будани он касе боварӣ надошт. Ҳатто, дар мамолики калонтарину пешрафтатарини олам баҳри пешгирӣ ва рафъи он, тарзи муолиҷаи он як муддат беилоҷ мондан эҳсос гардид.

Шукрона, ки дар кишвари мо зуд ва ба таври фаврӣ дармони ин бемориро ёфтанд ва имрӯз бештар аз ҳафтод фисади беморон шифо ёфтаанд. Албатта, кӯмаку дастгирии ҳамаҷонибаи Пешвои муаззами миллат, Раиси вилоят, Раёсати нигаҳдории тандурустӣ ва дигар сохторҳо дар пешгирӣ, дар мӯҳлатҳои кӯтоҳтарин гирифтани пеши роҳи паҳншавии ин беморӣ беназир аст. Дар ин кор, яъне дар пешгирӣ аз гирифторшавӣ ба ин беморӣ саҳми худро каме бошад ҳам, гузошта, эҳсос мекунам, ки дар давраи вазнини хурӯҷи пандемия дар канор намондам. Кӯмаку дастгирии мо каме бошад ҳам, дар қалби шифокорон, ононе, ки бо дармонбахшии беморони коронавирус машғул буданд, эҳсоси танҳо набудан, дар вақтҳои мушкилӣ ҳамроҳ буданро бедор намуд.

-Фаъолияти меҳмонхона дар давраи хурӯҷи пандемия дар кадом вазъ қарор дошт?, - пурсон шудам ӯро.

-Бояд гӯям, ки албатта, дар ин давра теъдоди меҳмонон хеле кам шуданд. Вале мо аз ин вазъ рӯҳафтода нашудем. Бо мақсади мусоидат ба саломатии сокинони кишвар, бахусус бонувон, ҳоло Маркази тарзи ҳаёти солим таъсис дода истодаем, ки дар арафаи солгарди Истиқлолияти давлатии Ҷумҳурии Тоҷикистон ба фаъолият шурӯъ хоҳад кард. Чӣ маро ба ин кор водор сохт? Бемории коронавирус собит сохт, ки ба меъёри тановули ғизо риоя накардан, бо намудҳои варзиш, аз ҷумла корҳои ҷисмонӣ кам машғул шудан, табобат накардани бемориҳои музмин (хронический) боиси вазнин гаштани ин беморӣ мешудааст. Ман мехоҳам, ҳар як зан солим, тансиҳат бошад, аз ҳаёти худ бо ҷисми солиму сиҳаташ ризоманд бошад. Вақте ҷисми зан сиҳату саломат аст, аз умқи қалбаш хушбахтӣ, ризомандӣ аз ҳаёт ҷӯш зада мебарояд ва вай танқисиву дигар камбудиҳоро эҳсос намекунад. Ана, барои ҳамин саломатии бонувонро ҳадафи худ қарор дода, ба таъсис додани чунин як марказ иқдом намудам.

 Дар марказ бонувони бемориҳои фишори баланди хун, устухондард, қанд, сутунмӯҳра, саратондошта тавассути ғизои солим ва тариқи фаро гирифтан бо машғулиятҳои варзишӣ табобат карда мешаванд. Муддати табобат бисту як рӯз буда, мо давоми як моҳ то сад нафарро бо табобат фаро гирифтанием. Минбаъд ният дорем, ки умуман баҳри пешгирии саломатии бонувон тадбирҳо амалӣ намуда, барои занон, аз оилаҳои ниёзманд табобатро ройгон ба роҳ монем. То ифтитоҳ намудани Маркази тарзи ҳаёти солим бошад, яъне то 1-уми сентябр мо дар маҳалҳо-яъне шаҳру деҳоти вилоят бо бонувон дар бораи гузаронидани тарзи ҳаёти солим, пешгирии бемориҳо семинару корҳои фаҳмондадиҳӣ мегузаронем.

Рафоат МӮЪМИНОВА

«Ҳақиқати Суғд»

Читать далее

Шиносоии Раиси вилоят бо ҷараёни корҳои ободониву созандагӣ дар шаҳри Панҷакент

Дар шаҳри Панҷакент ба истиқболи ҷашнҳои таърихии 5500-солагии Саразми бостонӣ ва 30-солагии Истиқлолияти давлатии Ҷумҳурии Тоҷикистон корҳои ободониву созандагӣ вусъати тоза пайдо намудааст.

Раиси вилояти Суғд Раҷаббой Аҳмадзода дар доираи сафари корӣ ба шаҳри Панҷакент ҷараёни корҳои сохтмониро дар чанде аз иншооти ҷашнӣ мавриди таваҷҷуҳ қарор дода, ба масъулин ҷиҳати иҷрои босифати корҳо ва дар муҳлати пешбинишуда ба истифода супоридани иншоот дастуру супоришҳо дод.

Читать далее

Боздиди Раиси вилоят аз корхонаи муштараки “Зарафшон”

Дар шаҳри Панҷакент ҷиҳати расидан ба ҳадафи чоруми миллӣ – саноатикунонии босуръати кишвар тадбирҳои зарурӣ амалӣ гардида, корхонаҳои азими саноатӣ бунёд мегарданд.

Тавре зимни боздиди Раиси вилояти Суғд Раҷаббой Аҳмадзода аз корхонаи муштараки “Зарафшон” иттилоъ дода шуд, аз ҷониби “Зарафшон” бо харҷи 117 миллион доллари ИМА корхонаи коркарди хокаи мис сохта мешавад. Ҳини муаррифии лоиҳаи корхона таъкид гардид, ин иқдом бо мақсади амалисозии ҳадафи стратегӣ амалӣ гардида, барои сокинон ҷойҳои нави корӣ ташкил карда хоҳад шуд.

Читать далее

Сафари кории Раиси вилоят Раҷаббой Аҳмадзода ба шаҳри Панҷакент

13 июли соли 2020 Раиси вилояти Суғд Раҷаббой Аҳмадзода ба шаҳри Панҷакент сафар намуда, бо рафти корҳои саҳроӣ ва ҷараёни бунёдкориҳо ба истиқболи 5500-солагии Саразми бостонӣ шинос гардид.

Дароғози сафар Раиси вилоят дар Ҷамоати деҳоти Вору бо тарзи истифодабарии замини наздиҳавлигии шаҳрванд Ҷамшед Қурбонов мароқ зоҳир намуд.

Оилаи Қурбоновҳо чун дигар сокинони меҳнатқарини Панҷакент заминҳои корамро самаранок истифода бурда, бо меҳнати шабонарӯзӣ ҳосили фаровон ба даст меоранд. Аҳли заҳмати ин оила дар замини назди ҳавлии хеш маҳсулоти гуногуни кишоварзиро кишту парвариш намуда, ҳосили аввалро ҷамъоварӣ ва барои кишти дуюм омодагӣ мебинанд.

Читать далее

Боздиди Раиси вилоят аз раванди бунёди хонаи баландошёна барои муҳоҷирони экологӣ

Дирӯз Раиси вилояти Суғд Раҷаббой Аҳмадзода аз раванди бунёди хонаи баландошёна, ки барои муҳоҷирони экологӣ пешбинӣ шудааст, боздид намуд.

Иттилоъ дода шуд, ки дар маҳалаи 18-уми шаҳри Хуҷанд сохтмони бинои истиқоматиии 9 ошёна барои муҳоҷирони экологӣ бомаром идома дошта, аллакай 7 ошёнаи он ба итмом расидааст.

Читать далее

14 July 2020

Имрӯз ҷаласаи кории Ҳукумати Ҷумҳурии Тоҷикистон баргузор гардид

13 июл таҳти раёсати Асосгузори сулҳу ваҳдати миллӣ — Пешвои миллат, Президенти мамлакат, Раиси Ҳукумати Ҷумҳурии Тоҷикистон муҳтарам Эмомалӣ Раҳмон бо иштироки аъзои Ҳукумати мамлакат, роҳбарияти Дастгоҳи иҷроияи Президенти Ҷумҳурии Тоҷикистон ва сохторҳои он, роҳбарони муассисаву идораҳои давлатӣ, ҷаласаи кории Ҳукумати Ҷумҳурии Тоҷикистон баргузор гардид.

Дар кори ҷаласа масъалаҳои таъмини амнияти озуқавории ҷумҳурӣ, суръати ҷамъоварии маҳсулоти кишоварзӣ, кишти такрорӣ, андешидани чораҳои санитарӣ — гигиенӣ доир ба пешгирӣ ва табобати бемории сироятии коронавирус, омодагӣ ба давраи тирамоҳу зимистони солҳои 2020-2021 ва дигар мавзӯъҳои мубрами рӯз мавриди баррасӣ қарор дода шуд.

Читать далее

Пешвои миллат Эмомалӣ Раҳмон бо Президенти Федератсияи Россия Владимир Путин суҳбати телефонӣ анҷом доданд

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Россия муҳтарам Владимир Путин суҳбати телефонӣ анҷом доданд.

Дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Россияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд.

Читать далее

Боздиди Раиси вилоят аз Кооперативи тиҷоратии​ «Тухмипарварии Чоркӯҳ»​ ва Кооперативи тиҷоратии​ «Кишоварзони Навгилем»

Раиси вилояти Суғд Раҷаббой Аҳмадзода зимни сафари корӣ ба шаҳри Исфара ҷараёни корҳои саҳроиро мавриди таваҷҷуҳ қарор дода, бо фаъолияти Кооперативи тиҷоратии «Тухмипарварии Чоркӯҳ» ва Кооперативи тиҷоратии «Кишоварзони Навгилем» шинос гардид.

Чуноне аснои шиносоӣ иттилоъ дода шуд, дар Кооперативи тиҷоратии «Тухмипарварии Чоркӯҳ» 262 гектар замини корами обӣ ва 411 гектар боғ, аз он 346 гектар боғи зардолу мебошад. Ин кооператив ба қатори хоҷагиҳои беҳтарин дохил шуда, дар самти истеҳсоли ғалла яке аз пешқадамҳо маҳсуб меёбад.

Читать далее