March 2020

31 March 2020

АНҶОМИ 5 солаи аввал - ОҒОЗИ 5 солаи навгониҳост!

Андешаҳои наврӯзии коргардони синамо Муҳиддини Музаффар ба ифтихори 5 -солагии таъсисёбии Суғдсинамо

Таваллуди силоҳи таблиғ чун синамо

Бо фаро расидани баҳори соли 2020 Муассисаи давлатии "Суғдсинамо ба номи Комил Ёрматов” 5 сола шуд. Он 5 сол қабл аз ҷониби Ҳукумати Ҷумҳурӣ ва Мақомоти иҷроияи ҳокимияти давлатии вилояти Суғд таъсис ёфта буд. Тифле, ки таваллуд шуданаш дар Ҷумҳуриву вилояти Суғд кори хеле пухта буд... Коре буд, ки дурнамо дорад. Тифли таваллудгардида ба номи "Суғдсинамо" ба умеди он таваллуд гардид, ки садсолаҳо умр бинад ва барои рушди афкору идеологияи ҷамъияту миллати тоҷик хизмат кунад. Мақсади таваллуд гардиданаш кӯшиши рушди худшиносии милливу фарҳанги ҷомеа ва муаррифии миллат дар арсаи байнамиллалист. Сазовор шудан ба умеду интизориҳои таваллудгарон кори саҳл нест. Аммо тӯли панҷ сол мо кӯшиш кардем эҷод кунем. Талош кардем, ки вақтро аз даст надиҳем. Набудани фазо ва нарасидани мутахассису баъзан маблағ мушкилиҳои зиёдро пеш меовард аммо мо наистодем... Истодан баробар буд ба марг... Баробар буд ба бовариро аз даст додан... Баробар буд ба ношукрӣ кардан.... Баробар буд ба имконияти худсозиро аз даст додан... Ҳамин наистоданҳо буд, ки филмҳо офарида шуданд... Ҳамин наистоданҳо буд, ки бачаҳое, ки тамоман аз синамо хабар надоштанд дар фазои сохташуда аз кӯчаи синамо бохабар гаштанд... Яъне ин наистоданҳо фазо эҷод кард ва ин фазо дар вуҷуди бачаҳо шӯълаи синамогар шуданро фурӯзон кард. Барои расидан ба мақсадҳои бузург ҳадафи панҷсолаи аввали гурӯҳи эҷодии мо дар баробари эҷод кардан пеш аз ҳама ҷустуҷӯи бачаҳои боситеъдоду талошгар ва тарбия ёфтани кадрҳо буду ҳаст. Муддати панҷ соли фаъолияти киностудя шумораи бачаҳое, ки дар фазои филмофарии "Суғдсинамо" таҷриба андӯхтаанд хеле зиёданд. Аз рӯзи таъсисёбӣ то ба имрӯз филмҳои "Паймон", "Коса", "12 соли интизорӣ", "Тангно","Соҳибватан", "Духтари сайхун", "Сайёра ранг иваз мекунад", "Умарако", "Саргузашти Алишер", "Кӯчаи умед" ва "Наставник" ба навор гирифта шуд. Яъне аз соли 2015 то ба имрӯз ҳар сол ду ё се филми ҳунариву ҳуҷҷатӣ сохта шуд.

 Меваҳои боғи синаморо харидоре мебояд

Протсеси филм эҷод кардан як ҷараёни бузург, аммо протсеси фурӯши филм ва печонида бастани маҳсулот ва онро пешниҳод кардан ба тамошобин тамоман чизи дигар. Агар дақиқтар шарҳ диҳем то як андоза филм сохтанро омӯхтем, аммо филм фурӯхтанро на... Бинобар набудани шабакаи ягонаи толори синамо дар кишвар ва устувор набудани ҳимояи ҳуқуқи муаллиф мушкилиҳои зиёдеро барои рушди гурӯҳ пеш овард. Набудани ТОПМЕНЕҶЕР ва МУДИРИ ШуЪБАИ ТИҶОРАТ, ки кори худро хуб донанд дар киностудя мушкилоти аввалинтарини мо тӯли панҷ соли фаъолият буд... Бетаҷрибагиҳои роҳбари ҷавони эҷодкор буд, ки ин нуктаҳоро сарфаҳм нарафтем ва барои ҳамин ҳам то ба имрӯз филмҳоямон дар сифати хуб дастраси мардум нест ва дар кишвар паҳн нашудаанд. Ҳоло он ки ин филмҳо хеле муҳиманд барои тамошобини мо.

То рӯзе, ки филмҳои хуби ватанӣ зиёд намегарданд бозори идеологиясозии хориҷиён дар фазои кишвар ҳукмфармо хоҳад буд. Ягона роҳи мубориза бо идеологиясозиҳои филмҳои хориҷӣ ин сохтани филмҳои миллӣ аст. Ҳамон филмҳое, ки аз дарду мушкилоту орзуву омоли худи мо хоҳад гуфт ва барои сохта шудану баланд гардидани имунитети миллат хизмат мекунад! Барои муқобилият кардан ба филмҳои баланди дар сатҳи олӣ омода гардидаи хориҷиён мо низ бояд муссаллаҳ бошем аз касб. Аз технология... Аз донише, ки технологияро истифода карда тавонад...

Тиме ки тай бояд кунад пайраҳаро... 

 Дар муддати панҷ соли роҳбари аҷибтарин психологияе, ки дар фикрронии бачаҳои навтаҷриба мушоҳида кардам ин буд, ки ҳанӯз кореро наомӯхта ва арзише барои гурӯҳ наоварда фикр мекунанд, ки аллкай ҳамадон шудаанду мутахассис. Роҳбарони ботаҷрибаи коргоҳҳои эҷодӣ ба хубӣ медонанд, ки имрӯз чӣ мушкилоте пеш овардааст ин беморӣ - ҳанӯз дониши кофи пайдо накардан ва таҷриба наандӯхтану аммо зуд хостан ва интизор будани муваффақият. Сабаби зуд - зуд иваз кардани касбу ҷойи корӣ ва воқеан муваффақ нашудани ҷавонон маҳз ҳамин беморӣ аст ба андешаи банда!

 Панҷ соли кор дар киностудия бароям бузургтарин дарси ҳаёт ва таҷрибаҳо буд... Таъсиси киностудияи "Суғдсинамо" дар фазое, ки мутахассиси синамо хеле кам аст ва идора кардани он барои роҳбар ва эҷодкори ҷавон шабеҳи дастаи бозингарони футбол аст, ки дар майдони варзишӣ бояд дар муқобили рақиби 11 нафара бо 6 нафар бозӣ кунӣ. Дар ҳоле, ки дастаи рақиб ба ҷузъ 11 нафар боз бозингарони иловаи пурқувват дорад, аммо ту ҳамагӣ ҳамин шаш нафарро дорӣ... Баъзан дар команда ҳимоятгар мехоҳад ҳуҷумгар бошад...Таҷрибаомӯз мехоҳад ҳимоятгари асосӣ бошад... Ҳатто баъзан дарвозабон мехоҳад сардори даста бошад...

 Аз Ҳукумати Ҷумҳурӣ ва МИҲД -и вилояти Суғд хеле миннатдорам, ки ин гуна имкониятро барои мо муяссар карданд. Аз ҳамаи бачаҳое, ки барои сохта шудани ин фазо ва филмҳо саҳм доранд миннатдорем. Дар майдоне, ки сахт буд барои ҳар як нафар онҳо чи қадар метавонистанд талош кардан ва коре, ки метавонистанд карданд. Ва ин девонагиҳо таҷрибаи хуб буданд. Барои ҳар нафари мо тасаввурнопазир аст, бидуни он таҷрибаҳо муваффақияти кӯчаки имрӯзамонро дидан. Аммо ҳар кас бояд кори худро кунад. Коре, ки метавонад... Бозигар наметавонад истеъдоду фикраш дар ҳамлагарӣ бошаду худаш дар хатти дифоъ бозӣ кунаду рушд кунад. Ин нороҳативу ранҷҳо меорад. Ҳимоятгар бояд ҳимоятгарӣ кунад, дарвозабон дарвозабонӣ... Аз ҳамлагарӣ беҳтарин ҳимоятгари нотавон мебарояд... Имрӯз ин фалсафаро хуб дарк кардем. Ҳар қадами минбаъда бояд боҳушона бошад. Бачаҳое, имрӯз дар киностудяи "Суғдсинамо" кор мекунанд медонанд, ки бо фаро расидани панҷсолагии киностудия масъулияти бузурге моро бар дӯш аст. Медонем, ки имтиҳону талаботи панҷ соли минбаъда хеле ҷиддитар хоҳад буд. Фаро расидани паҷсолагӣ бо худ як давраи бузурги таҷрибаомӯзиро бурд. Аз филми ҳунарии "Паймон" то филми ҳунарии "Наставник" давраи фаъолияти панҷсолаи аввал ба анҷом мерасад. Панҷсолае, ки бурду бохтҳои зиёд дошт...

 СоатиСуғдсинамосоз аст

 Минбаъд корҳову қадамҳоямон бояд хеле ҷиддӣ ва дигаргуна бошад. Ва дигаргуна ҳам мешавад... Чаро, ки тӯли панҷ сол кори амалии хубе доштем... Майдони ноошнои беканори синамо то ҷойе бароямон ошно гашт. Хоса ба навор гирифтани филми ҳунарии "Наставник", ки дар панҷ мамлакат бо ҳунармандони хориҷу дохили кишвар ба навор гирифта шуд, таҷрибаи хуб буд. Ин лоиҳа ба гурӯҳи эҷодии мо имкон фароҳам овард, ки аз таҷрибаҳои пешрафтаи фазои синамои Русия ва Қазоқистону Қирғизистон бохабар бошем. Дидану аз худ кардани методу услуби корӣ ва тарзи нақшабандии майдони навору реҷаи кории ҳунармандон дар хориҷ воқеан ҳам ба мо намерасид. Сафари гурӯҳи навтаҷрибаи мо дар Маскаву Қазоқистону Қирғизистон сафаре буд, ки нигоҳу зеҳнҳои моро боз кард ба ҷаҳон. Ин сафар сафаре буд, ки сарҳадҳои фаҳмишу таҷрибаи кӯчаки моро шикаст... Ин хеле муҳим буд... Замоне, фаро расид, ки ҳар кас дар ҷои худ бошад ва ҷои худро дар сатҳи хуб донад! Дар сатҳи олӣ тавонистани кори худ ягона роҳест сӯи муваффақият ва ҷаҳони шудани синамои мо. Панҷсолаи навбатии кори мо бояд сохтани дурусти механизми корӣ дар коргоҳ бошад. Механизми дуруст имкон фароҳам меоварад, ки ҳар кас дар ҷои худ бошад ва кори босифате таваллуд шавад. Ин кор ба хотири дурнамои синамои миллӣ сохта мешавад. Ин имкон медиҳад, ки мо зудтар ба ҳадаф бирасем. Солҳоро аз даст надиҳем...

 Хонаи кинохонаи меҳр 

 Бе ин ҳам солҳои зиёдро аз даст додаем... Дар баробари дастаи мо тамоми синамогарон тоҷикро, хоса ҷавононро имтиҳони сахте дар пеш аст. Ҳама медонем, ки дар минтақа қафомондатарин синамо синамои мост. Бояд тан гирем ва гирди ҳам оему андеша кунем. Андеша кунем, ки чаро то ҳол як филми таърихӣ нагирифтаем? Андеша кунему чора биҷӯем. Нақшае тарҳрезӣ бикунему хаттӣ амалро бикашем. Чаро ақалан соле гирди ҳам намеоем? Хеле умедворам, ки роҳбарияти имрӯзи Муассисаи давлатии "Тоҷикфилм" ки шахси таҷрибадору кордоне ҳастанд як созмоне ташкил менамоянд ва ҳамасола гирди як миз ҷамъ меоваранд синамогаронро. Ҷамъ меоварданду пешниҳоду нақшаи амалро тарҳрезӣ мекунанд якҷоя. Муҳимтарин масъала таъсиси шабакаи толори ягонаи синамо ва ҳуқуқи муаллиф, ки бадбахтии тамоми рушд накарданҳои синамост дар рӯзҳои наздиктарин ба ҳукумати ҷумҳурӣ пешниҳод мешавад.

1. Чаро дар паҳлӯву дохили Қасрҳои фарҳанг, Марказҳои савдо ва боғҳои истироҳатӣ, ки дар шаҳру ноҳияҳо сохта шуда истодааст як толори кӯчаки синамо сохта нашавад!? Толори ҳирфаивии синамо, ки мардум воқеан бифаҳмад сифати садои хуб ва тасвири бузаргро дар экрани калон.

2. Чаро ҳамон нафаре, ки бе иҷозати муаллиф фиттаи филмро дар бозор мебарораду мефурӯшад комилан аз ҳуқуқи дискфурӯшӣ маҳрум ва бо ҳукми суд ҷаримабандӣ нашавад!?

3. Чаро бо қарори махсусе пахши роликҳои таблиғии театру синамо то мӯҳлати муайян (рушд) дар тамоми телевизионҳо ройгон набошад!?

 Албатта, ин ҳарфҳои банда нав нестанд, дар зеҳни ҳама синамогарон ҳастанд, аммо аҷибаш ин аст, ки андешаҳоямон рӯи қоғаз намеоянду пешниҳод намешаванд. Бояд тан гирифт, ки имрӯз ҳама тадбирҳои рушду имкониятсозӣ барои мо, хоса ҷавонон дар кишвар фаровон ҳаст. Иллат дар мо аст, ки ҷамъ нестем. Рӯи қоғаз наовардем. Пешниҳод накардем. Гар пешниҳод кардему нашуд дуюмбора пешниҳод накардем. Ва даҳҳо бор пешниҳод накардем... Ва амалӣ накардем... Аз сидқ тан мегирам, ки имрӯз барои надоштани дафтари корӣ ва толори тамошои "Суғдсинамо" ман гунаҳкорам. Натавонистам исбот карда, ки ин хеле муҳим аст. Гуфтаму борҳо гуфтам, аммо натавонистам амалӣ карда, ки "Суғдсинамо" толори тамошои худро бояд дошта бошад. Аммо медонам, ки ин кор мешавад. Бовар дорам он рӯз наздик аст. Чаро, ки синамо муҳим аст барои ҷамъияти мо. Бояд синамои миллӣ дошта бошем ва барои рушди он фазо бисозем. Дар дохили ана ҳамон биное, ки рӯзе сохта мешавад сохта шудани фазои синамои миллӣ тарҳрезӣ мешавад. Ман бар он бовар ҳастам, ки агар чизе имрӯз надорем мо худ сабабгорем. Фикру андешаву донишу амалҳои мо сабабгор аст на чизи дигар. Рушд додани синамо ин вазифаи мост синамогарони азиз. Дастгирӣ намекунанд? Дастгирӣ мекунанд! Мо бояд бо нақшаи амалии олӣ ба он дарҳое, ки ба андешаи мо дастгирӣ намекунанд ворид шавем. Бо кори пухтаву амал ворид шавем. Барои расидан ба ҷаҳонӣ шудани синамои миллӣ мо бояд ба ҳама радҳо тоб оварем. Ҳатто ба он воқеаҳое, ки мехоҳӣ филми хубро аввал нишон диҳӣ ба роҳбарияти шаҳр ва баъд ба мардуми шаҳр, аммо ӯ вақт надорад ва намехоҳад кӯмак кардан. Мехоҳӣ як бор туро аз рӯи филмат шиносад на аз рӯи либосат, аммо ҳамон имкони як бор диданро бароят намедиҳад ва намебинад... Мехоҳӣ мардумро аз ташвишҳои рӯзмарраи такрор ба такрори баҳудаву беҳудааш як лаҳза берун ба сӯи фарҳанг, ба сӯи фурӯ рафтан ба худ бикашӣ, аммо туро дарк намекунанд... бароям... Ин монеаро бояд убур кард, бояд рушд кардан... Онҳо сабаб доранд барои қабул накардани мо. Боварии онҳоро нахаридаем.

 Шукр, ки ҳастед! 

 Худоро шукр, ки то расидан ба боварии он нобоварҳо имрӯз барои мо ҳастанд нафароне, ки бовар мекунанду қувват медиҳанд. Ҳастанд бедорфикроне, ки қудрати заифи имрӯзи моро на балки потенсиали бузурги фардои моро мешиносанд ва дида метавонанд. Эй кош ин боварҳоро сазовар шавем! Барои ҳастии мо ҳамаи онҳо сабабгоранд... Барои ба ин рӯз расидан сабабгоранд ҳамаи он соҳибкороне, ки ҷавонмардона барои сохта шудани филмҳои мо саҳм доранд. Сабабгоранд ҳамаи онҳое, ки хонаҳояшонро барои наворгирии филм доданду муҳаббати беандоза доштанд нисбат ба гурӯҳи эҷодии мо. Сабабгоранд устодону ҳунармандони азизе, ки новобаста аз мушкилоти модди тӯли ин қадар солҳо дар бари мо буданд. Сабабгоранд ҳамаи он роҳбарияту телевизионҳои, ки тӯли панҷ сол қариб, ки ройгону беминнат дар пушти мо буданд. Сабабгоранд роҳбарони бедорфикру сардорони сохторҳои қудратие, ки моҳияти синамо ва касби моро дарк карданду нисбат ба тақдири мо бетараф набуданд. Сабабгоранд роҳбарияти дурбини Мактаби байналмиллалии рушди инсон “Само” ва Мақомоти иҷроияи ҳокимияти давлатии шаҳри Конибодом. Эй онҳое, ки бароятон арзиш дорему бароямон азиз ҳастед. Маҳз ба шарофати боварии шумо имрӯз Муассисаи давлатии "Суғдсинамо" - и ба номи Комил Ёрматов панҷсола шуд. Анҷоми панҷ соли аввал, ки пур аз бурду бохту муваффакияту хатогиҳо буд, Муборак бод!!! Ин хатоҳо беҳтарин имконият аст барои рушд! Шуморо бовар мекунонем, ки АНҶОМИ ин аввалин панҷсола ОҒОЗИ панҷсолаи рушд ва навгониҳои ҷиддист. Ин ҳама замина аст... Заминаи ҷаҳонӣ шудани синамои мо!!! Аммо, танҳо шумо ба мо бовар кунед!!!

Муҳиддини МУЗАФФАР,

 директори МД “Суғдсинамо ба номи Комил Ёрматов”

Читать далее

РУШДИ МАОРИФ - ОМИЛИ МУҲИМИ ХЕШТАНШИНОСӢ

Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон маорифро яке аз соҳаҳои афзалиятноки муҳими ҷомеа ҳисобида, барои рушду нумӯъ ва пешрафту устувории он пайваста кӯшишу ғамхории зиёд зоҳир менамоянд.

Сарвари давлат дар Паёми навбатии худ иброз намуданд, ки «Дар марҳалаи кунунии пешрафти Тоҷикистон ба соҳаҳои илму маориф афзалияти аввалиндараҷа дода мешавад, зеро онҳо дар таҳкими пояҳои давлати демократӣ ва ҳуқуқбунёду дунявӣ нақши калидӣ мебозанд».

Бояд гуфт, ки аз ҷониби Пешвои муаззами миллат солҳои 2020 - 2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон карда шуд. Ин моро водор месозад, ки ба омӯзиши ин илмҳо диққати бештар зоҳир намуда, хонандагонро дар руҳияи ихтирооту ихтироъкорӣ ба камол расонем. Дар муассисаи таҳсилоти миёнаи умумии рақами 40 – уми маҳаллаи Лангари деҳаи Урметани ноҳияи Айнӣ 586 нафар хонанда таълиму тарбия мегиранд.

Маҳз, ташкил шудани Маркази миллии тестии назди Президенти Ҷумҳурии Тоҷикистон дар таъмини шаффофияти имтиҳоноти қабул ба донишгоҳҳои олии кишвар заминаи хуб гузошт. Ҳар сол хатмкунандагони мактаб ба муассисаҳои олии ҷумҳурӣ ва хориҷӣ дохил шуда, таҳсили худро давом медиҳанд.

Дар муассисаи таълимӣ барои хонандагон сол аз сол шароити хуби таълимӣ фароҳам гардида истодааст. Айни ҳол мактаб дорои 17 компютер, як тахтаи электронӣ, як проектор ва 5 принтер мебошад.

Тӯли чанд сол инҷониб дар ин боргоҳи таълим ҳуҷраи фанни забони англисӣ фаъолият мебарад, ки он бо ҳамаи шароити зарурӣ ташкил карда шуда, беҳтарин ҳуҷра дар миқёси ноҳия аст.

Омӯзгорони муассиса пайваста саъю кӯшиши худро барои боз ҳам беҳтар намудани сифати таълиму тарбияи насли наврас равона месозанд, ки самараи дилхоҳ ба бор меорад. Қобили зикр аст, ки ҳар сол хонандагони ин мактаб дар озмуну олимпиадаҳои ноҳиявию вилоятӣ ва ҷумҳуриявӣ иштирок намуда, сазовори ҷойҳои намоён мегарданд. Имсол хонандаи синфи 11 Фазлулло Ҳабибуллозода аз фанни забони англисӣ, хонандаи синфи 10 Идрисхоҷа Мусоев аз фанни ҳуқуқи инсон ва хонандаи синфи 9 Ҷанобилло Турсунов аз фанни алгебра дар озмуни ноҳиявӣ иштирок намуда, сазовори ҷойи аввал гашта, дар олимпиадаи вилоятӣ бошад, фаъолона иштирок намуданд.

Чун соҳаи маориф яке аз самтҳои муҳим арзёбӣ мегардад, мо - омӯзгорон мекӯшем, ки дар рушду нумӯи кишвар саҳмгузор бошему шахсони созандаву ободкорро тарбия намоем. Зеро, маҳз насли навраси имрӯза ва оянда ободгару бунёдкори Тоҷикистони навин аст.

Бинобар ин омӯзгорон ва мардуми деҳа кӯшиш карда истодаанд, ки симои зоҳирӣ ва дохилии муассиса ободу зебо гардад. Аз ин рӯ, бо дастгирии мақомоти иҷроияи ҳокимияти давлатии ноҳияи Айнӣ боми бинои муассиса ва худи муассиса таъмир карда шуд.

Бо кӯмаку дастгирии сокинони маҳалла ва омӯзгорон варзишгоҳи мактаб бунёд гардида, саҳни муассиса бетонпӯш шуд. Ҳамчунин, 22 синфхона фарши тахтагӣ шуда, хатти оби нӯшокӣ аз масофаи 9 километр оварда шуд. Бунёди боғ ва шинонидани ниҳолҳои ороишию мевадиҳанда аз тарафи шахсони саховатманди маҳалла, таъмир ва бунёди роҳрави муассиса, хоҷатхона, хонаи посбон, ҳуҷраҳои фаннӣ ва китобхонаи мактаб аз ҳисоби маблағҳои сарикасӣ ва хоҷагии ёрирасони ин таълимгоҳ ба анҷом расонида шуданд.

Мастонбек УЛҶАЕВ,

Солеҳ ЮСУФОВ,

Ҳабибулло ДӮСТМУҲАММАДОВ,

аъзои Иттифоқи

журналистони Тоҷикистон

Читать далее

Дар вилояти Суғд беш аз 60 корхонаи истеҳсоли орд ва равған фаъолият дорад

30 марти соли 2020 Раиси вилояти Суғд Раҷаббой Аҳмадзода дар ноҳияи Бобоҷон Ғафуров ва шаҳрҳои Хуҷанду Бӯстон аз як қатор корхонаҳои истеҳсоли орд ва равған боздид намуда, бо фаъолияти ширкатҳо шинос гардид.

Раиси вилоят нахуст фаъолияти корхонаҳои истеҳсоли равған - ҶДММ “ЗирвЭко”, ҶДММ “Сахо” ва ҶДММ “Ҷилои Ҷавҳар”-ро мавриди таваҷҷуҳ қарор дод. Тавре дар аснои боздид иттилоъ дода шуд, дар вилояти Суғд беш аз 30 корхонаи истеҳсоли равған фаъолият дошта, барои таъмини бозори дохилӣ бо равғани истеҳсоли ватанӣ аз тамоми имкониятҳо истифода бурда мешаванд.

Читать далее

Маҷлиси навбатии Ҳукумати Ҷумҳурии Тоҷикистон баргузор гардид

30 март таҳти раёсати Асосгузори сулҳу ваҳдати миллӣ — Пешвои миллат — Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар маҷлиси Ҳукумати мамлакат нахуст оид ба ҷараёни иҷрои қарори Ҳукумати Ҷумҳурии Тоҷикистон “Дар бораи Барномаи рушди қолинбофӣ дар Ҷумҳурии Тоҷикистон барои солҳои 2014-2020” ҳисоботи Вазири саноат ва технологияҳои нави Ҷумҳурии Тоҷикистон Заробиддин Файзуллозода шунида шуд.

Читать далее

«PATWA 2020»: Тоҷикистон кишвари устувор ва осебнопазир барои саёҳат эълон шуд

Ассотсиатсияи нависандагони саёҳат ва сафари кишварҳои ҳавзаи Уқёнуси Ором, ки яке аз ташкилотҳои бонуфузи ҷаҳонӣ дар соҳаи сайёҳӣ эътироф шудааст, Ҷумҳурии Тоҷикистонро кишвари устувор ва осебнопазир барои саёҳат эълон намуд. Дар ин бора АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад. Ин ассотсиатсияи ҷаҳонӣ ҳамасола дар доираи Намоишгоҳи байналмилалии сайёҳии «ITB-Berlin» барои кишварҳои аз лиҳози сайёҳӣ ҷолиб, ассотсиатсияву ташкилотҳо ва кормандони пешқадами соҳаи сайёҳӣ ҷоизаҳои махсусро дар сатҳи байналмилалӣ таҳия намуда, бо иштироки котиби генералии Созмони умумиҷаҳонии сайёҳӣ ба ғолибон тақдим менамояд.

«Тибқи иттилои расмии Ассотсиатсияи нависандагони саёҳат ва сафари кишварҳои ҳавзаи Уқёнуси Ором соли 2020 барои Ҷумҳурии Тоҷикистон, ҳамчун кишвари рушдкунандаи соҳаи сайёҳӣ ҷоизаи «PATWA 2020» таҳия гардида буд ва кишвари мо ғолиби ин ҷоиза гардид. Бо назардошти вазъияти баамаломада ва паҳншавии вируси сироятии COVID-19 Намоишгоҳи байналмилалии сайёҳии «ITB-Berlin» имсол баргузор нагардид ва ин ҷоиза ба Кумитаи рушди сайёҳии назди Ҳукумати Тоҷикистон ирсол гардид», — илова намуд манбаъ.

Эътирофи Ҷумҳурии Тоҷикистон аз ҷониби чунин як ташкилоти сатҳи байналмилалӣ боиси хушнудӣ буда, аз сиёсати хирадмандонаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар самти сайёҳӣ ва татбиқи босамари он шаҳодат медиҳад.

Дар ҳолати ба эътидол омадани вазъ ва иҷозати сафар ба саёҳат барои шаҳрвандони кишварҳои узви Созмони умумиҷаҳонии сайёҳӣ эътирофи мазкур метавонад, ба рушди соҳаи сайёҳии кишвар ва ташрифи сайёҳони зиёди хориҷӣ замина гузорад.

Хотиррасон менамоем, ки Ассотсиатсияи нависандагони саёҳат ва сафари кишварҳои ҳавзаи Уқёнуси Ором (PATWA) соли 1998 дар конфронси байналмилалии Уқёнуси Ором дар шаҳри Коломбои Шри-Ланка таъсис ёфта, мақсади асосии он барои рушди устувори саноати сайёҳӣ, сафар ва саёҳат дар кишварҳои Осиё ва Уқёнуси Ором мебошад.

Ассотсиатсияи мазкур ҳамкории худро бо ташкилотҳои зертобеи СММ, аз қабили ЮНЕСКО ва Созмони умумиҷаҳонии сайёҳӣ ба таври зич ба роҳ монда, инчунин бо мақомоти давлатӣ, бахши хусусӣ ва коршиносони соҳаи сайёҳӣ ҷиҳати устувор гардонидани саноати сайёҳӣ ва беҳтар намудани вазъи сафар ва саёҳат ба роҳ мондааст.

АМИТ «Ховар

Читать далее

ҶАВОНОН - ПАЙРАВОНИ ПЕШВОИ МИЛЛАТ

Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии кишвар чунин изҳор доштанд, ки «Татбиқи босамари сиёсати давлатии ҷавонон аз рӯзҳои нахустини соҳибистиқлолӣ дар меҳвари фаъолияти Ҳукумати Ҷумҳурии Тоҷикистон қарор дорад. Аксарияти аҳолии Тоҷикистонро ҷавонон ташкил медиҳанд, ки онҳо давомдиҳандаи кору фаъолияти насли калонсол, нерӯи созанда ва иқтидори воқеии пешрафти ҷомеа, хуллас ояндаи миллату давлат мебошанд».

Насли ҷавон ба сифати як неруи пуриқтидори бунёдкору пешбаранда шинохта ва эътироф шудааст, мақоми сиёсию иҷтимоии он на фақат неруи демократии ҷомеа ва давлатро, балки хусусиятҳои таҳаввулот, стратегияи тараққиёт ва ояндаи кишварро муайян мекунад.

Ҷавонон, пеш аз ҳама, дар раванди ҳаёт бояд расму оин ва арзишҳои миллии худро ҳифз намоянд ва одобу рафтори ба миллати тоҷик хосро гум накунанд.

Ҷалби неруи ҷавонон ба корҳои созандагиву бунёдкорӣ, тақвияти таъмини ширкати фаъоли онҳо дар ҳаёти сиёсиву ҷамъиятӣ, ҷалби ин табақаи неруманди ҷомеа ба сафи хеш барои устувор намудани рукнҳои давлатдории навин, ҳимояи марзу буми Ватани азизамон ва мутобиқат намудан ба ҷараёни таҳаввулоти босуръати ҷаҳон ва эмин нигоҳ доштани давлату миллат аз тазодҳову таҳдидҳои замони муосир мусоидат менамояд.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар суханронии хеш махсус таъкид менамоянд, ки «Имрӯз мубориза бар зидди терроризми байналмилалӣ ва экстремизм ба хотири ҳифзи манфиатҳои миллӣ, сохти конститутсионӣ ва Истиқлолияти кишвар вазифаи муқаддастарини тамоми мақомоти давлатӣ, ҳар як фарди бонангу номуси тоҷик ва махсус ҷавонон мебошад».

 Мо, ҷавонони Ҷамоати шаҳраки Палос, аз ҷумла наврасону хонандагони муассисаи таҳсилоти миёнаи умумии № 11 ба номи Б.Исмоилов пайравони пешбарандаи сиёсати хирадмандонаи Пешвои муаззами миллат муҳтарам Эмомалӣ Раҳмон буда, доимо кӯшиш ба харҷ медиҳем, ки ҳимояи марзу буми кишвари азизамон, баҳри пойдории сулҳу субот, Ваҳдати миллӣ, Истиқлолияти давлатӣ, вусъат бахшидани корҳои созандагиву бунёдкорӣ, пешгирии шомилшавии ҷавонон ба экстремизм ва терроризм, эҳтироми арзишҳои миллӣ тадбирҳои амалӣ меандешем.

Бихосият ҚОДИРОВА,

омӯзгори фанни математикаи

муассисаи таҳсилоти миёнаи

умумии № 11, шаҳраки Палоси шаҳри Бӯстон

Читать далее

30 March 2020

Боздиди кории Раиси вилоят Раҷаббой Аҳмадзода аз ноҳияи Мастчоҳ

28 марти соли 2020 Раиси вилояти Суғд Раҷаббой Аҳмадзода бо мақсади шиносоӣ бо ҷараёни корҳои ободониву созандагӣ ба ноҳияи Мастчоҳ сафари корӣ анҷом дод.

Ёдовар бояд шуд, ки соли равон ҷашни умумиҷумҳуриявии Ваҳдати миллӣ дар ноҳияи Мастчоҳ таҷлил мегардад ва алҳол ба истиқболи ин иди бузурги миллӣ ва 30 - солагии Истиқлолияти давлатии Ҷумҳурии Тоҷикистон дар ноҳия бунёд ва азнавсозии даҳҳо иншооти мухталиф ҷараён дорад.

Читать далее

Фармони Президенти Ҷумҳурии Тоҷикистон дар бораи даъват намудани ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати шашум

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи даъват намудани ҷаласаи якуми якҷояи Маҷлиси
миллӣ ва Маҷлиси намояндагони Маҷлиси Олии
Ҷумҳурии Тоҷикистон даъвати шашум

Мутобиқи моддаи 52 Конститутсияи Ҷумҳурии Тоҷикистон фармон медиҳам :

Ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати шашум 17 апрели соли 2020 соати 15-00 дар шаҳри Душанбе даъват карда шавад.

Читать далее

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қирғизистон Сооронбой Жээнбеков суҳбати телефонӣ анҷом доданд

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Қирғизистон Сооронбой Жээнбеков суҳбати телефонӣ анҷом доданд.

Дар ҷараёни сӯҳбат сарони давлатҳо  маҷмӯи масъалаҳои мубрами минтақавӣ ва муносибатҳои дуҷонибаро мавриди муҳокима қарор доданд.

Читать далее

БОЗ ЯК ИҚДОМИ НЕК

Маркази миллии тести назди Президенти Ҷумҳурии Тоҷикистон барои қабули довталабони имсола тамоми имкониятҳоро фароҳам меовард, то ин ки толибилмон бе ягон душворӣ баҳри давом додани таҳсилоти худ дар мактабҳои олиии мамлакат ба душворӣ рӯ ба рӯ нагарданд. Яке аз корҳои ҷолиби диққате, ки имрӯз ба амал бароварда шуд ташкили нуқтаи бақайдгирӣ дар ноҳияи Ҷаббор Расулов аст.

Оғоз аз 26-уми март дар заминаи муассисаи таълимии таҳсилоти миёнаи умумии №20-уми ноҳияи Ҷаббор Расулов нуқтаи бақайдгирии сайёр ба фаъолияти худро оғоз кард. Дар маркази ин ноҳия то ҳол нуқтаи бақайдгирӣ вуҷуд надошт ва довталабон ҷиҳати иштирок дар имтиҳонҳои марказонидашудаи дохилшавӣ ба муассисаҳои таълимии таҳсилоти миёна ва олии касбии худро дар нуқтаҳои бақайдгирии воқеъ дар ноҳияҳои атроф номнависӣ мекарданд.

Дар расми ифтитоҳи нуқтаи бақайдгирӣ намояндагони мақомоти иҷроияи ҳокимияти давлатии ноҳия, шуъбаи маориф, намояндагони Маркази миллии тестии назди Президенти Ҷумҳурии Тоҷикистон иштирок ва суханронӣ намуданд.

Бояд зикр кард, ки соли ҷорӣ муассисаҳои таълимии таҳсилоти миёнаи умумии ноҳияро 1540 нафар хонандагони синфи 11-ум хатм менамоянд. Онҳо имкон доранд, ки аз ноҳия берун нарафта, дар нуқтаи бақайдгирии мазкур то санаи 31-уми март аз қайд гузаранд.

Ромиш НЕЪМАТОВ

Читать далее