11 November 2019

Таджикистан попал в тройку самых безопасных стран мира по версии Института Гэллапа

Американская исследовательская организация назвала Афганистан самой небезопасной страной в мире в 2018 году. 


 

 

Институт Гэллапа 7 ноября опубликовал свой новый отчет по исследованию, основанного на результатах опроса 152 000 людей из 142 стран и регионов мира. 

В каждой стране было опрошено более 1000 человек на тему того, насколько ее жители доверяют полицейским органам и чувствуют себя в безопасности в ночное время, а также о том, подвергались ли они нападению или краже за последние 12 месяцев.

По результатам данного опроса, Афганистан набрал всего лишь 38 голосов и оказался на последнем месте в рейтинге после Венесуэлы.

Согласно этому исследованию, 50% опрошенных афганцев пожаловались на то, что в 2018 году у них украли деньги или машину, и ещё 29% сказали, что подверглись нападению.

Руководство Института отмечает, что в каждой стране было опрошено около 1000 людей старше 14 лет. В некоторых случаях опрос был проведён в форме интервью «лицом к лицу», а в некоторых случаях по телефону. 

Также согласно отчету, первые три строчки в рейтинге самых безопасных стран мира занимают Сингапур - 97 голосов, Таджикистан – 94 голоса, Объединенные Арабские Эмираты - 93 голоса.

Саджджод НУРИСТОНИ

Dialog.TJ

Читать далее

ХУҶАНД: ИСТЕҲСОЛИ МАҲСУЛОТ АЗ АШЁИ ДОХИЛӢ

Саноати сабук соҳаи ҳаётан муҳим маҳсуб меёбад, зеро дар ҳама давру замон давлатро маҳз саноати сабук аз буҳрони иқтисодӣ бароварда метавонад. Хуҷанд бо маънои томаш шаҳри калони саноатист ва хоса бо корхонаҳои азими ресандагию бофандагӣ, рангуборкунию дӯзандагиаш шӯҳрати ҷаҳонӣ ёфтааст.

Маҳсулоти корхонаҳои саноатии шаҳр дар миқёси олам муаррифӣ гашта, дар бозори ҷаҳонӣ рақобатпазир дониста шудааст. Таъсис ва фаъолият бурдани корхонаҳои муштараки саноатӣ низ баҳри пешрафти соҳаи саноати сабук дар мамлакат қадами устуворе аст. Бояд тазаккур дод, ки аксари корхонаҳои саноати сабуки қаламрави шаҳр ба ашёи хоми беруна кам ниёз доранд ва бештар барои истеҳсоли маҳсулот аз пахтаю пилла ва чарми дохилӣ истифода мебаранд. Тибқи иттилои мудири бахши энергетика ва саноати мақомоти иҷроияи ҳокимияти давлатии шаҳри Хуҷанд Мӯъминҷон Тошматов, теъдоди корхонаҳои истеҳсолии хурду миёна ба 163 адад расида, он нисбат ба ҳамин даври соли сипаригашта 1 адад кам мебошад.

Дар натиҷаи фаъолияти пурсамари корхонаҳои саноатии шаҳр давоми марҳалаи ҳисоботӣ ба миқдори 948,6 миллион сомонӣ (бо назардошти тақсимоти қувваи барқ, истеҳсол ва тақсимоти об) маҳсулот истеҳсол карда шудааст, ки он нисбат ба ҳамин даври соли гузашта 108,1 миллион сомонӣ ё 12,9 дарсад афзудааст. Бояд гуфт, ки имрӯз дар шаҳр 94 намуд маҳсулоти саноатӣ истеҳсол мешавад, ки аз онҳо 45 намуд маҳсулот нисбат ба ҳамин даври соли гузашта зиёда аз 100 фоиз таъмин шудааст.

 Бино ба гуфти номбурда, дар ин давр 10 корхонаи истеҳсолии нав таъсис ёфта, аз ин ҳисоб 98 нафар шаҳрванд бо ҷойи корӣ таъмин гардиданд. Инҳо ҶДММ “Ориён Суғд”, ҶДММ “Зиёрати Хуҷанд”, ҶДММ “Раззоқов Рустам”, ҶДММ “Белтатекс”, ҶДММ “Хуршед 777”, ҶДММ “Обод 95”, ҶДММ “Маҳкамов”, СИ “Хоҷаев Б”, ҶДММ “Зирвеко” ва ҶДММ “Хорои Хуҷанд” ба ҳисоб рафта, онҳо то имрӯз пурмаҳсул фаъолият доранд. Боиси зикр аст, ки дар ин марҳала, инчунин аз сабаби рақобатпазир набудани маҳсулоташон ва ба фурӯш нарафтани онҳо 14 корхона, аз ҷумла ҷамъиятҳои дорои масъулияти маҳдуди «Некон», «ММ - Люкс», «Ван - Да», «Хуҷанд Сибир», «Муосир», «Хуҷанд Агро», «Кулолгарӣ», «Шарифи Хуҷандӣ» фаъолият накарданд.

- Барои рушди бемайлони соҳаи саноат иҷрои барномаҳои давлатии дар ин самт қабулгардида аҳамияти хоса дошта, иҷроиши нишондиҳандаҳои ин соҳа таҳти назорати доимӣ қарор дорад. «Барномаи коркарди нахи пахтаи дар Ҷумҳурии Тоҷикистон истеҳсолшаванда дар давраи то соли 2017» ба ин мисол шуда, мувофиқи талаботи он дар даври ҳисоботӣ 4 корхонаи саноатии шаҳр бо коркарди нахи пахта фаъолият намуда истодаанд, - зикр дошт М.Тошматов.

Ҷиҳати таъмин намудани корхонаҳои коркарди нахи пахта номбурда афзуд, ки иқтидори истеҳсолии коргоҳ 1150 тонна коркарди пахта дар як сол мебошад. ҶДММ “Ҷавонӣ” ба ҳолати 1 – уми октябри соли равон ба миқдори 575,5 тонна пахта коркард карда, 112 тонна захираи пахта дорад ва то давраи ҳосили нав боз 400 тонна дар корхонаи пахтатозакунии ба номи “Юсуф Саркор” - и ноҳияи Бобоҷон Ғафуров пахта захира карда, аз моҳи сентябр то декабри соли равон аз ҳосили нав бо ин корхонаи “Юсуф Саркор” - и ноҳия шартнома баста шудааст. Иқтидори истеҳсолии коргоҳ 900 тонна коркарди пахта дар як сол мебошад. Ҳамчунин, ҶДММ “САТН” ба ҳолати 1 – уми октябри соли ҷорӣ ба миқдори 479,7 тонна пахта коркард намуда, 194 тонна захираи пахта дорад ва барои харидории 150 тонна пахта шартнома бастааст. Ҳамзамон, бо ҳамкории бонки «Эсхата» то ҳосили нав харидорӣ намудани пахта бо хоҷагиҳои пахтакори вилояти Суғд шартнома бастааст.

Иқтидори истеҳсолии коргоҳ 3000 тонна риштаи пахтагӣ дар як сол мебошад. Таҳлилҳо собит менамоянд, ки ҳоло дар шаҳр 16 коргоҳи истеҳсолӣ бо назардошти сехҳои истҳсолии сарулибоси мактабӣ фаъолият доранд. Тибқи иттилои мудири бахши энергетика ва саноати шаҳр, санаи 26 - уми феврал шуъбаи маорифи шаҳри Хуҷанд бо ҶСШК “Зинат” барои дар ҳаҷми 16280 адад дӯхти либоси мактабӣ шартномаи дутарафа бастааст, ки ҳамаи либоси мактабии ба нақша гирифташуда аз матои истеҳсоли ҶДММ “Нассоҷи Хуҷанд” ба роҳ монда мешавад.

 Бояд қайд намуд, ки ин марҳалаи аввалини таъминоти ҶСШК “Зинат” бо фармоиш буда, дар марҳалаи дигар бастани чунин шартномаҳо бо муассисаҳои иҷтимоӣ ва низомӣ ба назар гирифта шудааст. Мушкилоти асосии корхонаҳои истеҳсолӣ ин набудани супоришҳо ба истеҳсол кардани маҳсулот мебошад.

Дар ҳолати таъмин намудани супориш корхонаҳо омода ҳастанд, ки нишондиҳандаҳои асосии иқтисодии худро беҳтар намоянд.

Нодир ТУРСУНЗОДА,
«Ҳақиқати Суғд»

Читать далее

ТАРҲРЕЗИИ ТАДБИРҲО – БАҲРИ РУШДИ СОҲА

Дар маҷлиси фаъолони вилоят оид ба ҷамъбасти нӯҳмоҳа Раиси вилоят бобати дар ҳолати садамавӣ қарор доштани 4 таълимгоҳ ва норасоии беш аз 1600 адад мизу курсӣ дар макотиби шаҳри Панҷакент изҳори нигаронӣ намуда, масъулони соҳаро вазифадор кард, ки ҷиҳати ҳалли ин масъала тадбирҳои мушаххас андешанд.

Дар ин раванд амалигардонии чӣ тадбирҳо тарҳрезӣ ва то имрӯз кадом корҳо ба сомон расонида шуданд? Бо ин суол мухбирамон ба сардори идораи маорифи шаҳр Махсатулло Шарифов муроҷиат намуд.

- Мактабҳои садамавӣ таълимгоҳҳои рақамҳои 45 ва 23- юми деҳаҳои Ғезани боло ва Ғезани поёни Ҷамоати деҳоти Моғиён, рақами 40 - и деҳаи Тагоби халқи Ҷамоати деҳоти Вору ва рақами 18 - и деҳаи Сари камари Ҷамоати деҳоти Хурмӣ мебошанд. Аз ин теъдод ҳоло дар макотиби 45 ва 23 аз ҳисоби маблағҳои сарикасии муассисаҳои таълимӣ ва кумитаи падару модарон корҳои сохтмонӣ барои 240 - нафарӣ талаба оғоз шудааст. Корҳо идома дошта, ин таълимгоҳҳо соли хониши оянда, яъне дар соли 2020 - ум мавриди баҳрабардорӣ қарор дода мешаванд.

Бунёди ду мактаби дигар - рақамҳои 40 ва 18 бошанд, дар марҳилаи дуюми амалигардонии лоиҳаи Хазинаи Арабистони Саудӣ назардошт шуда, алҳол марҳалаи якуми ин лоиҳа дар манотиқи кишвар амалӣ шуда истодааст. Бобати норасоии мизу курсӣ дар макотиб зикр кардан лозим аст, ки ин муаммо дар таълимгоҳҳои нав бунёдшуда ва синфхонаҳои иловагии сохта ба истифода додашуда ҷой доранд. То имрӯз аз ҳисоби маблағҳои сарикасии муассисаҳои таълимӣ ва кумитаи волидон 660 адад мизу курсӣ харида ва алҳол танқисӣ ба мизу курсӣ дар макотиб 940 ададро ташкил медиҳад. - Ин ҷо месазад, зикр кард, ки ҷиҳати рушду такомули соҳаи маорифи шаҳри Панҷакент, тибқи дастуру ҳидоятҳои Пешвои муаззами миллат муҳтарам Эмомалӣ Раҳмон, Мақомоти иҷроияи ҳокимияти давлатии вилоят, бахусус Раиси вилоят Раҷаббой Аҳмадзода эътибори доимӣ зоҳир мекунанд.

Танҳо соли равон бо маблағгузории Мақомоти иҷроияи ҳокимияти давлатии вилоят якчанд таълимгоҳ бунёд ва ба истифода дода шуданд. Аз ҷумла, дар деҳаи Нофии Ҷамоати деҳоти Шинг мактаб барои 240 нафар муҳассил бо иштироки Раиси вилоят муҳтарам Раҷаббой Аҳмадзода мавриди баҳрабардорӣ қарор гирифт. Феълан бошад, сохтмони мактаб барои 240 нафар талаба дар деҳаи Падруд давом дошта, моҳҳои аввали соли 2020-ум ба истифода дода мешавад. Дар деҳаи Ҳавзаки Ҷамоати деҳоти Саразм 8 синфхона барои 200 хонанда ва дар Ҷамоати деҳоти Косатарош 6 синфхонаи иловагӣ дар арафаи Рӯзи Конститутсия ба истифода дода шуд. Таъмини таҷҳизот, мизу курсӣ дар ин муассисаҳои таълимӣ аз ҳисоби мақомоти маҳаллӣ ва сокинон аст.

Ҳамчунин, соли равон дар заминаи мактаби №54 - и деҳаи Фароб, Ҷамоати деҳоти Фароб 6 синфхонаи иловагӣ ба истифода дода шуд. Дар деҳаи Ёрии Ҷамоати деҳоти Ёрӣ муассисаи томактабии хусусӣ барои 100 нафар тифл дарҳои худро боз кард. Бунёди 4 муассисаи таълимӣ бо маблағғузории мақомоти маҳаллӣ ва фардони саховатпеша алҳол идома дорад. Албатта, дар аксари деҳаҳо торафт афзун гаштани теъдоди муассисаҳои таълимӣ баҳри он мусоидат хоҳад кард, ки ягон наврас аз таҳсил берун намонад, ҳамчунин сатҳи донишандӯзӣ низ баланд бардошта шавад. Ҳамасола муҳассилини макотиби шаҳр дар озмуну олимпиадаҳои сатҳи мамлакат ва вилоят ширкат намуда, соҳиби ҷойҳои намоён мегарданд.

Аз ҷумла, соли равон муҳассили мактаби рақами 11 - уми деҳаи Шинг, Ҷамоати деҳоти Шинг Афросиёб Раҷабов дар олимпиадаи ҷумҳуриявӣ аз забони русӣ соҳиби ҷойи аввал шуда, ба гирифтани медали тилло шарафёб гардид. Албатта, дар соҳаи маорифи шаҳр имрӯз низ муаммоҳо ҷой доранд. Аз ҷумла, мутахассисони соҳибихтисос, ки хонандагонро ба олимпиадаҳои байналмилалӣ аз фанҳои дақиқ омода кунанд, нокифояанд. Инчунин, норасоии ҷойҳои нишаст дар таълимгоҳҳо то ҳол эҳсос мешавад.

Дар ин самт зикр кардани дастгирии соҳибкорон, шахсони саховатпеша, ки дар ҳар бобат баҳри пешбурди соҳа мусоидат мекунанд, ҷоиз аст. Ин фардони боору нанг ва ватандӯсту ватанпарвар баҳри бунёди макотиб, беҳтар намудани вазъи таъминоти таълимгоҳҳо саҳми шоиста мегузоранд, ки амали басо нек аст.

Рафоат МӮЪМИНОВА,
«Ҳақиқати Суғд»

Читать далее

Инъикоси табиати биҳиштафзо

Осорхона даргоҳест, ки дар замири шахс ҳисси ифтихори миллӣ, садоқату муҳаббат ба Ватан, гиромидошти осори таърихию фарҳангӣ, тарбияи маънавӣ ва муҳаббат ба осори ниёгонро мепарварад. Осорхонаҳо аз аввал ҷои дӯстдоштаи кулли одамон ба шумор мерафтанд. Чунки ҳамеша муҳити «интихоби озод» -ро барои тамошобинон пешниҳод менамояд.

Муассисаи давлатии Осорхонаи ҷумҳуриявии таърихию кишваршиносии ба номи Абӯабдуллоҳ Рӯдакӣ 18-уми октябри соли 1958 дари худро барои тамошобинон боз намудааст. Осорхона аз се шӯҳба ва 8 толори намоишӣ иборат буда, яке аз толори шавқовари он толори табиат мебошад, ки яке аз ҷойи дӯстдоштаи тамошобинон гардидааст.

Толори намоишии табиат дар толори 8-уми осорхона ҷойгир буда, дар он кӯлҳо ва олами набототу ҳайвоноти водии Зарафшон, аз ҷумла оилаи хазандагон, хояндагон, паррандагон, ҳайвоноти ваҳшӣ, хирс, паланг, рӯбоҳ, гӯрбаи даштӣ ба намоиш гузошта шудааст.

Ҳисси табиатдӯстӣ ва ҳифзи муҳити атрофро дар дили насли наврас аз синни хурдсолӣ бедор намудан лозим аст, ки дар ин нақши толори табиати осорхона хеле калон мебошад. Шумораи зиёди наврасону ҷавонон аз ин толор дидан намуда, доир ба олами табиати бойи Тоҷикистон ба худ маълумоти зиёдеро дарёфт менамоянд.

Кормандони илмӣ ҳамеша омодаанд ба гурӯҳи тамошобинон сайри илмӣ гузаронида, ба онҳо оиди ашёҳои ба намоиш гузошташуда маълумоти пурра диҳанд. Боиси хушнудист, ки қисми зиёди тамошобинони толори табиатро кӯдакону наврасон ташкил медиҳанд. Ин аз он шаҳодат медиҳад, ки наврасон ба табиати зебои диёрамон майли беандоза доранд.

Бояд гуфт, ки экспозитсияи толори табиат барои хонандагони муассисаҳои таълимии шаҳру деҳот маводи ёрирасони хубе мебошад. Бо истифода аз матнҳои толор, ки бо се забон тоҷикӣ, русӣ ва англисӣ пешниҳод шудаанд, хонандагон метавонанд барои худ аз фанҳои табиатшиносӣ, зоология, ботаника рефератҳо омода намоянд.

Маъмурияти осорхона тасмим гирифтааст, ки дар оянда толори табиатро таҷдид ва такмил дода, онро бо диорамаҳои махсус, расмҳои рангоранг, табиати зебои диёрро тасвир ва пешкаши тамошобинон гардонад.

Зебинисо Пӯлотова,
корманди илмии осорхонаи
ба номи Абӯабдуллоҳ Рӯдакӣ
шаҳри Панҷакент

Читать далее

Мулоқоти Президенти Ҷумҳурии Тоҷикистон Эмомалӣ Раҳмон бо Директори кулли ЮНЕСКО хонум Одрӣ Азуле

8 ноябр дар доираи сафари расмӣ дар Ҷумҳурии Франсия Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Директори кулли ЮНЕСКО хонум Одрӣ Азуле мулоқот карданд.

Дар ҷараёни мулоқот масоили ҳамкории Тоҷикистон бо ин ниҳоди бонуфузи Созмони Милали Муттаҳид баррасӣ гардид.

Читать далее

Мулоқоту музокироти сатҳи олии Тоҷикистону Франсия

8 ноябри соли 2019 сафари расмии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷумҳурии Франсия бо маросими истиқболи расмӣ дар назди Қасри Елисей оғоз гардид.

Барои истиқболи Сарвари давлат муҳтарам Эмомалӣ Раҳмон саҳни ҳавлии Қасри Елисей бо парчамҳои ҳар ду давлат идона ороста шуда, горди фахрӣ саф кашида буд.

Читать далее