01 November 2019

Мулоқоти Раиси вилоят бо фаъолони шаҳри Бӯстон

Санаи 1 - уми ноябри соли 2019 Раиси вилоят Раҷаббой Аҳмадзода дар доираи сафари корӣ ба шаҳри Бӯстон дар толори мақомоти иҷроияи ҳокимияти давлатии шаҳр бо фаъолони шаҳр мулоқот намуд, ки дар он муовинони Раиси вилоят, роҳбари дастгоҳи Раиси вилоят, роҳбарони як қатор воҳидҳои сохтории Мақомоти иҷроияи ҳокимияти давлатии вилоят, ҳифзи ҳуқуқ ва фаъолони шаҳр иштирок намуданд.

- Мардуми вилоят, аз ҷумла сокинони меҳнатдӯсти шаҳри Бӯстон дар доираи татбиқи сиёсати ояндасози Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун кулли сокинони Ватани азизамон - Тоҷикистони маҳбуб, бо рӯҳу илҳоми тоза аз ҳидоятҳои Ҷаноби Олӣ, ки дар суханрониҳояшон ба муносибати ба кор даровардани агрегати дуюми Неругоҳи барқи обии “Роғун” ва Рӯзи забони давлатии Ҷумҳурии Тоҷикистон баён доштанд, ҷиҳати омодагӣ ба ҷашни 30 - солагии Истиқлолияти давлатии Ҷумҳурии Тоҷикистон аҳлона меҳнат мекунанд, - иброз дошт Раҷаббой Аҳмадзода.

Читать далее

Ба Раиси вилоят 15 нафар муроҷиат намуданд

Санаи 1 - уми ноябри соли равон дар доираи сафари корӣ ба шаҳри Бӯстон Раиси вилояти Суғд Раҷаббой Аҳмадзода дар толори мақомоти иҷроияи ҳокимияти давлатии шаҳр қабули шаҳрвандонро баргузор намуд, ки дар он муовинони Раиси вилоят, роҳбарони воҳидҳои сохтории вилоятӣ, мақомоти ҳифзи ҳуқуқ, роҳбарияти шаҳр ширкат варзиданд.

Раҷаббой Аҳмадзода қабл аз баррасии масъалаҳои шаҳрвандон зикр дошт, ки чорабинии мазкур дар партави сиёсати мардумпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардида, ҳадафи он баррасии масъалаҳои муҳими сокинон ва ҳалли саривақтии онҳо мебошад.

Читать далее

Мулоқоти Пешвои миллат Эмомалӣ Раҳмон бо ҳайати вакилони Парлумони Аврупо

1 ноябр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳайати вакилони Парлумони Аврупоро таҳти роҳбарии Фулвио Мартушиелло ба ҳузур пазируфтанд.

Дар ҷараёни мулоқот ҳамкории Тоҷикистон бо Парлумони Аврупо, масъалаҳои рушди ҳамкории байнипарлумонии Иттиҳоди Аврупо ва Ҷумҳурии Тоҷикистон баррасӣ карда шуд.

Читать далее

Захираи кофии ангишту ҳезум дар муассисаҳои таълимӣ

Ҳамасола масъулони муассисаву ташкилотҳои ноҳияи Шаҳристон бо мақсади бе мушкилӣ гузаронидани фасли сармо - зимистон чораҳои зарурӣ меандешанд. Соли равон низ муассисаҳои таълимӣ баҳри дар амал татбиқ намудани қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2019 - 2020» омодагии ҷиддӣ гирифта, як қатор тадбирҳо ба анҷом расониданд.

Бино ба иттилои иҷрокунандаи вазифаи мудири шуъбаи маорифи ноҳия Зоҳидҷон Ҳакимов, дар ноҳия 21 муассисаи таълимӣ фаъолият мебаранд ва дар онҳо 9398 нафар хонанда таҳсил менамоянд, ки нисбат ба соли гузашта 215 нафар зиёд аст.

Мавсуф ҳамзамон таъкид кард, ки дар маҷлиси нахустини ситоди ноҳиявӣ, ҳар як аъзои ситод оид ба назорат бурдан ва кӯмаки амалӣ расонидан ба муассисаҳои таълимии нисбат ба зимистонгузаронӣ ва амалӣ намудани нақшаи чорабиниҳо бо қарори маҷлиси ситод вазифадор карда шуданд.

Тибқи маълумоти пешниҳоднамудаи Зоҳидҷон Ҳакимов, бо маблағгузории мақомоти иҷроияи ҳокимияти давлатии ноҳия ҳанӯз санаи 16 - уми сентябри соли равон ҳамаи муассисаҳои таълимӣ пурра ба давраи тирамоҳу зимистон омода шудаанд.

Дар мавсими зимистонгузаронии имсола, мувофиқи эҳтиёҷоти муассисаҳои таълимии ноҳия, бо назардошти 20,35 тонна бақияи ангишти соли гузашта дар муассисаҳои таълимии ноҳия 402,89 тонна ангишт захира гардидааст, ки ин аз меъёр зиёд аст.

Инчунин, ҳезум 146,5 мукааб метр, тирезаҳои муассисаву кӯдакистонҳо 80 метри мураббаъ шишабандӣ шуда, захираи сӯзишворӣ 272 литр барои генераторҳои барқдиҳанда ба назар гирифта шудааст. Зимни сафари корӣ ба ноҳия мо аз якчанд муассисаҳои таълимӣ дидан намудем. Аз ҷумла мактаби таҳсилоти миёнаи умумии №18, ки он барои зимистонгузаронӣ пурра омода буда, синфхонаҳо бо маркази ягонаи гармидиҳӣ пайваст мебошанд. Тавре дар суҳбат директори мактаб Ҷамол Шарифов зикр дошт, ба мавсими зимистонгузаронии имсола 20 тонна ангишт ва 7 мукааб метр ҳезум захира шудааст.

Ҳамзамон аз омодагии муассисаи №3 – юми деҳаи Навкенти ноҳия дидан намудем. Сарвари дабистони мазкур Маъруфҷон Оқйигитов ба мо захираи кофии ангишт ва ҳезумро дар анборҳои муассиса нишон дод, ки дарвоқеъ он вуҷуд дошт. Дар ҳақиқат, дар дабистони мазкур барои паси сар кардани зимистони омадаистода омодаанд. Дар маҷмӯъ аз мушоҳидаҳоямон маълум гардид, ки кормандони соҳаҳои иҷтимоию иқтисодӣ, аз ҷумла маорифи ноҳия дар сатҳи баланд гузаронидани давраи тирамоҳу зимистони солҳои 2019 - 2020 ҳамаи чораҳои заруриро андешидаанд.

Абдуғафур АМИНЗОДА,
Нодир ТУРСУНЗОДА,
«Ҳақиқати Суғд»

Читать далее

Об - сарчашмаи ҳаёт

Мувофиқи маълумоти созмонҳои байналхалқӣ, 31 дарсади муассисаҳои таҳсилоти умумии ҷаҳон ба оби тоза дастрасӣ надоранд. Сипоси ин сарзамин мекунем, ки Тоҷикистон саршор аз оби мусаффост. Мо, тоҷикон обҳои ошомиданӣ, полезӣ ва табобативу дармонбахш дорем. Кӯдакони мо ҳам дар хона ва ҳам дар боғчаву мактабҳо бо оби нӯшиданӣ таъмин мебошанд.

Бино ба гуфти директори Корхонаи давлатии фаръии обтаъминкунӣ ва канализатсия дар шаҳри Истаравшан Ҳасанхон Умаров, дар як шабонарӯз ба корхонаҳо ва аҳолии шаҳр 11 ҳазор литр об дода мешавад. Муҳимтарин ташаббусу иқдомҳои Президенти Ҷумҳурии Тоҷикистон муҳтарам Эмомалӣ Раҳмон оғоз бахшидани Даҳсолаи байналмилалии амал “Об барои рушди устувор, солҳои 2018-2028” ва эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” мебошад. Кормандони корхона азм доранд, ҷашни 30 - солагии Истиқлолияти давлатии Ҷумҳурии Тоҷикистонро бо корҳои ободониву созандагӣ сазовор пешвоз мегиранд.

Имрӯзҳо дар шаҳр бо маблағгузории Бонки Аврупо, Таҷдид ва Рушд ҷиҳати сохтмону барқарорсозии иншооти обтаъминкунӣ як қатор корҳо ба итмом расонида шудаанд.

Аз буҷети шаҳр соли 2017 ба маблағи 47,7 ҳазор сомонӣ ва соли 2018-ум 50 ҳазор сомонӣ ҷудо карда шуд, ки барои хароҷоти ин маблағҳо корхона тендер гузаронида, 2 чоҳи амудӣ ва 3 насоси обкашӣ харидорӣ ва истифодаи мақсадноки он таъмин гардид. Дар натиҷа сифати хизматрасонӣ ба аҳолӣ хеле беҳтар шуд. Барои корҳои созандагиву барқарорсозии шабакаҳои обтаъминкунӣ аз буҷети шаҳр соли равон 646 ҳазор сомонӣ пешбинӣ шудааст.

Дар натиҷаи ивазкунии қубурҳо таъминоти аҳолии шаҳр бо оби тозаи нӯшокӣ дар ду соли охир аз 33 ба 85 фоиз расонида шуда, корбарӣ дар ин самт босуръат идома дорад.

То имрӯз ба 1850 қубури обгузари муштариён ҳисобкунакҳои обӣ васл шудаанд, ки ҳоло корбарӣ дар ин самт идома дорад. Ташкилотҳои буҷавӣ ва корхонаҳои худмаблағгузор 100 фоиз бо ҳисобкунакҳои обӣ таъминанд.

Биноҳои баландошёнаи назди боғи Адибон ва мақомоти иҷроияи маҳаллии ҳокимияти давлатии шаҳр қубурҳои обтаъминкунӣ ба масофаи 120 метр ва партовоб ба масофаи 117 метр пайваст шудаанд.

Қубурҳои обтаъминкунии шаҳр 193 километр ва партовоб 46 километрро ташкил медиҳанд, ки солҳои тӯлонӣ истифода шуда, ба садамаҳо дучор шуда истодаанд. Дар лоиҳаи тасдиқгардида ивази 24 километр қубурҳо ба нақша гирифта шуда, барои таъминоти пурраи аҳолии шаҳр бо оби нӯшокӣ боз ивази 17 700 метр қубури обтаъминкунӣ зарур аст.

Дар мавзеи Қасри фарҳанг 85 метр ноқили барқии калонҳаҷм ва 1 адад автомати барқӣ иваз карда шуд. Дар асоси лоиҳаи тасдиқгардида оид ба кофтани чоҳҳои амудӣ, корҳои созандагиву бунёдкорӣ оғоз гардида, дар ҳудуди муассисаи “Хонаи таълим ва истироҳат” ва кӯчаи Ҳаёти Нав санҷишҳои геологӣ гузаронида шуд. Дар ҳолати кофта баистифодадиҳии чоҳи амудии МТМУ №20 таъминоти оби нӯшокии сокинони биноҳои баландошёна, аз ҷумла ҷамъияти нобиноён ва беморхонаи марказӣ боз ҳам беҳтар мегардад.

Роҳбарияти корхона дар оянда низ кӯшиш ба харҷ медиҳад, ки сатҳу сифати хизматрасониро боз ҳам баланд бардошта, барои бо пуррагӣ таъмин намудани аҳолии шаҳр бо оби тозаи нӯшокӣ аз ҳамаи сарчашмаҳо истифода бурда, ҷашни 30 - солагии Истиқлолияти давлатии Ҷумҳурии Тоҷикистонро сазовор истиқбол намояд.

Сайфулло МАҲКАМОВ,
 рӯзноманигор

Читать далее

Заҳмати диловарона баҳри ободии диёр

Беш аз ним аср муқаддам фотеҳону азхудкунандагони дашти Мирзочӯли тоҷик бо фаъолияти ватандӯстона ва заҳматҳои азим ноҳияе бунёд карданд, ки ҳоло мояи ифтихори мардуми Тоҷикистон гардидааст.

Эмомалӣ РАҲМОН

Мавзеи харобазорро ба гулистон табдил додан корест мушкил. Ноҳияи Зафаробод, ки замоне онро Мирзочӯл меномиданд, дашти нопайдоканори ташналабе буд. Иродаи қавӣ, муттаҳидӣ, тифоқӣ, аз як гиребон сар баровардани аҳолӣ буд, ки на танҳо сол аз сол, балки рӯз аз рӯз чӯлу биёбон ба гулистон бадал ёфта, заминаш корам гардиду корхонаҳои саноатии хурду бузург дари худро ба мардум боз карда, муассисаҳои таълимиву табобатӣ, марказҳои хизматрасонӣ, умуман иншоотҳои таъиноташ гуногун қомат афрохта, имрӯз бо гузашти чанд даҳсола мардумаш дар макони тинҷу орому обод умр ба сар бурда истодааст.

Алъон зафарободиён барои сазовор истиқбол гирифтани ҷашни таърихии 30-солагии соҳибистиқлолии кишвар омодагии хуб дида, иншооти мухталифи таъиноташ гуногунро ба истифода дода истодаанд. Тавре дар ин бобат роҳбари дастгоҳи мақомоти иҷроияи ҳокимияти давлатии маҳаллӣ Парвиз Дониёров арз дошт, ки ба истиқболи ҷашни таърихӣ 1300 рӯзи меҳнати зарбдор эълон гардида, сохтмончиён, кулли мардуми ватандӯсти ин мавзеъ баҳри сазовор истиқбол гирифтани ин ҷашни бузург омодагии хуб дида истодаанд. Имсол барои таъмиру тармим, азнавсозӣ, бунёди иншооти таъиноташ гуногун беш аз 90 иншоот дар назар дошта шудааст.

Агар пояи маориф мустаҳкаму шароити мусоид барои таҳсил фароҳам оварда шуда бошад, зинаҳои минбаъдаи ҷамъият низ пурқувват хоҳад шуд. Солҳост, ки аз ҷониби Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон биноҳои муассисаҳои таълимӣ бунёду таъмиру азнавсозӣ шуда истодаанд. Чунин иқдом дар ноҳияи Зафаробод низ хуб ба роҳ монда шуда, дар ин самт саҳми соҳибкорон хеле назаррас аст.

Соли равон дар ноҳия бо ташаббуси соҳибкорон ва шахсони саховатпеша биноҳои муассисаҳои таълимӣ, марказ ва нуқтаҳои хизматрасонию табобатӣ обод шудааст. Дар муассисаҳои таълимии рақамҳои 1 ва 13 кабинетҳои фаннӣ ва толори варзишӣ ба пуррагӣ таъмир гардида, аз ҷониби соҳибкорон М.Қурбонов, М.Турсунқулов, Қаландар Ниёзов, З.Авулов ва А.Қаюмов дар Ҷамоати шаҳраки Зафаробод биноҳои мағозаи тиҷоратӣ, хизмати маишӣ, ҳавзи шиноварӣ, гармхона ва сехи дӯзандагӣ бунёд шудаанд. Дар ҷамоати шаҳраки Ҳ.Алиев таъмири маркази саломатӣ, бинои таваллудхона бо ҳуҷраи хатнасур, бунёди пули пиёдагарди байни деҳаи Чашмасор ва шаҳраки Ҳ.Алиев ва майдончаи хурди варзишӣ бо ташаббуси соҳибкорон ва аҳолӣ ба анҷом расиданд. Бунёду таъмиру тармими биноҳо ва иншоотҳо дар дигар ҷамоатҳо низ идома доранд.

Боиси ифтихори мардуми Зафаробод аст, ки Пешвои муаззами миллат дар фасли тобистон ба ин мавзеъ ташриф оварда, боз чанд иншооти ҷашниро ба истифода супориданд. Аз ҷумла, бинои Қасри фарҳанг, ки ҳанӯз соли 1971 дар масоҳати 3.200 метри мураббаъ ҷойгир шуда буд, вақте пурра азнавсозӣ гардид, мардуми санъатдӯсту зебоипарвари ноҳия аз ин туҳфаи Пешвои муаззами миллат хеле шод гардиданд. Бино дуошёна буда, аз 9 толори омӯзишии сурудхонӣ, рубобнавозӣ, карнайнавозӣ, доиранавозӣ, толор бо 478 ҷойи нишаст, осорхона ва дигар ҳуҷраҳои ёрирасон иборат аст.

Қаблан 12 нафар ва пас аз таъмир боз ҳашт нафар соҳиби ҷойи кори доимӣ гардиданд. Дар сакмти дастгирии ҳунарҳои мардумӣ дохили бино, девору сутунпояҳоро бо нақшу нигори миллӣ гаҷкорӣ кардаанд. Меҳмонону мардуми таҳҷоӣ ҳангоми фароғат дар саҳни ҳавлӣ аз фаввораву чароғакҳои рангоранг ҳаловат бурда метавонанд.

Чанд сол муқаддам ҳангоми сафари корӣ Президенти мамлакат ба хотири муқаддасоти миллӣ ва дар қалби мардум бедор намудани ҳисси ватандӯстӣ дар маркази ноҳия Муҷассамаи аввалин асосгузори давлати тоҷикон Исмоили Сомониро ифтитоҳ намуданд ва дар ташрифи минбаъдаашон ба сохтмони Нишони давлатӣ, ки 23 метр баландӣ дорад, ҳусни оғоз бахшиданд. Дар атрофи сохтмончиён фаввора бунёд карда, роҳравҳоро тахту ҳамвор сохта, ниҳолҳои гуногуни сояафкан шинонда, он мавзеъро ба макони сайру гашт табдил додаанд.

Бинои дуошёнаи кӯдакистони хусусии «Афсона», ки дар масоҳати 2280 метр мураббаъ қомат афрохта, дорои таҳхона ва даҳ гурӯҳ ва синфхона мебошад, дар вазъияти тантанавӣ ба истифода дода шуд. Дар корҳои сохтмонӣ беш аз 50 нафар ширкат варзиданд. Алҳол дар кӯдакистон мураббияҳо 200 нафар кӯдаконро бо ду забон – русӣ ва англисӣ таълим дода истодаанд.

Дар арафаи ҷашни бузурги таърихӣ – 30 – солагии соҳибистиқлолии кишвар ба истифода додани Боғи фарҳангию фароғатии ба номи сардафтари адабиёти муосири тоҷик, устод Садриддин Айнӣ дар масоҳати 7,5 гектар туҳфаи арзандаи Президенти мамлакат ба зафарободиён мебошад. Сохтмончиён панҷара, дарвоза ва сутунҳои ин мавзеъро низ бо нақшу нигори миллӣ оро додаанд. Дар ин ҷо 45 нафар бо кори доимӣ таъминанд.

Бунёди бинои гармхона ва нуқтаи савдо дар Ҷамоати шаҳраки Меҳнатобод, сохтмони бинои ҳаммом дар Ҷамоати деҳоти Равшан, корхонаи истеҳсоли маҳсулоти қаннодӣ ва сохтмони корхонаи истеҳсоли либосҳои мактабӣ дар Ҷамоати шаҳраки Зафаробод, корхонаи истеҳсоли хишти бетонӣ дар деҳаи Зарафшони Ҷамоати деҳоти Ҷомӣ, инчунин бунгоҳҳои тиббӣ, сохтмони майдончаи варзишӣ, маркази хизматрасонӣ, дар шаҳраку деҳоти ҷамоатҳои ноҳия ба анҷом расидааст.

Мардуми ноҳияи Зафаробод барои дар сатҳи баланд ва сазовор пешвоз гирифтани ҷашни таърихии 30 - солагии соҳибистиқлолии кишвар ҳанӯз соли 2018 дар ҳаҷми 380 банд бо таъсиси 915 ҷойи корӣ нақша - чорабинӣ тартиб дода, бо ин мақсад 37 миллиону 335 ҳазор сомонӣ масраф сохта, дар корҳои сохтмонӣ ва таъмиру тармим 424 нафар бо ҷойи корӣ таъмин гардиданд.

Тавҳида ҶӮРАЕВА,
“Ҳақиқати Суғд”
Хуҷанд – Зафаробод – Хуҷанд

Читать далее

Маҷлиси навбатии Ҳукумати Ҷумҳурии Тоҷикистон баргузор гардид

31 октябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар маҷлиси Ҳукумати мамлакат нахуст лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2020» ва дурнамои нишондиҳандаҳои он барои солҳои 2021-2022 ва натиҷаҳои рушди иқтисоди миллӣ дар 9 моҳи соли 2019 баррасӣ гардид.

Читать далее