04 October 2019

Ҷаласаи сеюми вазирони сайёҳии кишварҳои узви Созмони ҳамкории иқтисодӣ (ЭКО)

Душанбе - пойтахти сайёҳии кишварҳои узви Созмони ҳамкории иқтисодӣ

Санаи 4 – уми октябри соли равон дар Кохи фарҳанги ба номи Абӯабдуллоҳи Рӯдакии маркази вилоят ҷаласаи сеюми вазирони сайёҳии кишварҳои узви Созмони ҳамкории иқтисодӣ (ЭКО) баргузор гардид, ки дар кори он Раиси вилояти Суғд Раҷаббой Аҳмадзода иштирок ва суханронӣ намуд.

Раиси вилоят роҷеъ ба масъалаҳои рушди сайёҳӣ ҳарф зада, аз ҷумла зикр дошт, ки бо ташаббус ва дастгириҳои Асосгузори сулҳу ваҳдати миллӣ – Пешвои миллат, Президенти Ҷуҳурии Тоҷикистон муҳтарам Эмомалӣ Раҳмон дар кишвар тадбирҳои муассиру судманд амалӣ мешаванд. Чунончӣ, Соли 2018 дар қаламрави кишварамон соли рушди сайёҳӣ эълон гардида буд, ки ин иқдом ба рушду тавсеаи соҳа такони ҷиддӣ бахшид.

Читать далее

ИШТИРОК ДАР ЧУНИН САБҚАТ ХУД ҒОЛИБИЯТ АСТ,- иброз медоранд варзишгарони кишварҳои минтақа

Ҳафтумин Ҷоми Президенти Ҷумҳурии Тоҷикистон оид ба дзюдо аз санаи 2 – юм оғоз гардида, то  5 – уми октябри соли равон дар Қасри варзиши шаҳри Хуҷанд идома меёбад.

Мусобиқа бо иқдоми Федератсияи дзюдои Тоҷикистон ва Кумитаи кор бо ҷавонон ва варзиши назди Ҳукумати ҷумҳурӣ дар ҳамкорӣ бо Мақомоти иҷроияи ҳокимияти давлатии вилояти Суғд доир гардида, аз рӯи 7 категорияи вазнӣ варзишгарон байни ҳам сабқат намуда истодаанд.

Ҷоиз ба қайд аст, ки алҳол варзишгарон аз ҷумҳуриҳои Афғонистон, Қазоқистон, Қирғизистон, Тоҷикистон ва Ӯзбекистон иштирок доранд.
Абурайҳон Родманиш варзишгар аз Ҷумҳурии ҳамсояи Афғонистон буда, зимни суҳбат қайд намуд, ки дар ин мусобиқа рақобати нахустинаш варзишгар аз Ҷумҳурии Тоҷикистон буд. Тавре номбурда зикр дошт, дар муҳориба мағлуб гардидааст. Ӯ аз шикасти худ руҳафтода нест. Мақсад аз иштирок ба даст овардани яке аз зинаҳои ифтихорӣ буд, вале аз сабаби пурқувват будани рақибаш натавонист, ба даври дигар роҳхат гирад.

Абурайҳон Родманиш, дар идомаи суханаш илова намуд, ки омада ширкат варзидан чунин мусобиқа худ ҷоиза аст.

-Бори аввал аст, ки банда дар мусобиқа барои дарёфти Ҷоми Президенти Ҷумҳурии Тоҷикистон ширкат намудам. Ба ташкилкунандагон миннатдорӣ баён намуда, гуфтаниям, ки баргузории чунин мусобиқот дӯстиву рафоқати ҷавонони кишварҳои ҳамсояро мустаҳкам месозад.

Сафян Мурадбеков, дзюдоисти Қазоқистон аст. Ба андешаи ӯ, рақобат дар вазни барояш муқаррар шуда, хеле душвор хоҳад гузашт. Зеро аз кишварҳои гуногун дзюдоистон низ иштирок мекунанд, ки таҷрибаи бештарро доро ҳастанд.

- Иштирок дар ин мусобиқа барои ман як ифтихор аст. Зеро бо варзишгарони дигар кишварҳо рақобат намудан, боиси баланд гардидани маҳорату малакаи варзишӣ мегардад. Умедворам, ки бо рақибони хеш дастболо гардида, яке аз зинаҳои ифтихориро сазовор мегардам, - мегӯяд Сафян Мурадбеков. 

Ёқуб Ғиёсов, дзюдоисти тоҷикистонӣ дар мусобиқа маҳорату малакаи худро санҷиданист. Мехоҳад тамоми кӯшишу малакаашро барои ноил гардидан ба ҳадафи дар пеш гузоштааш сарф намояд. Ният дорад, ки ба даврҳои дигар роҳхат гирифта, бо ҳарифони пурқуввати худ нерӯсанҷӣ намояд. Умедвор аст, ки ба он ҳама мақсаде, ки дар пеш гузоштааст бирасад. Мегӯяд, ки агар дастболо нагардад, тамринҳои худро зиёд намуда, маҳорату малакаашро рушд дода, дар оянда дастболо хоҳад гашт.  

Ҷасур Самадов, дзюдоисти кишвари Ӯзбекистонист, ки дар рӯзи аввали мусобиқа ба ҳама ҳарифонаш дастболо гардида, зинаи ифтихориро соҳиб шудааст.

-Хурсандам, ки ба кишвари дӯсту бародари тоҷик омада, дар мусобиқаи бонуфузи Ҷоми Президенти Ҷумҳурии Тоҷикистон ширкат намуда, сазовори мақоми аввал гардидам. Умедворам, дар оянда низ баргузории чунин мусобиқаҳо зиёд мегардад.   

Алибек Акимов, аз кишвари  Қирғизистон дар ин мусобиқа аз рӯи вазни - 100 кг ҳунармоӣ хоҳад кард. Кӯшиш мекунад, ки дастболо гардад. Зеро ба қавли худаш мақсад аз иштирок танҳо ғолибият аст. Дар сурати ба даври дигар роҳхат гирифтану баъдан шикаст хӯрданаш рӯҳафтода намешавад.

Азамҷон Азамов, – мураббӣ аз кишвари Ӯзбекистон зимни сӯҳбат иброз намуд, ки дар ду рӯзи баргузории мусобиқот варзишгарони Ӯзбекистон маҳорати хуб нишон доданд. Алҳол беш аз 20 нафар дзюдоисти мо дар вазнҳои мухталиф иштирок намуда, ба даври дигар роҳхат гирифта истодаанд. Умед дорем, сафи ғолибон зиёд мегардад ва бо натиҷаи назаррас ба кишвари хеш бармегардем.

Дар  ин мусобиқот Ҷумҳурии Қирғизистонро беш аз 8 варзишгар дар вазнҳои аз 60 кг то ӯ100 кг муаррифӣ менамоянд.

Истамҷони НАҶМИДДИН,

“Ҳақиқати Суғд”

Читать далее

Мусоҳибаи Президенти Ҷумҳурии Тоҷикистон Эмомалӣ Раҳмон бо хабарнигори шабакаи телевизионии «Ал – ҷазира»-и Давлати Қатар дар НБО «Роғун»

9 сентябр дар маҳалли сохтмони Неругоҳи барқи обии «Роғун» Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пас аз ба кор даровардани агрегати дуюми неругоҳ бо хабарнигори шабакаи телевизионии «Ал-ҷазира»-и Давлати Қатар мусоҳиба анҷом доданд.

Барои инъикоси руйдоди муҳиму таърихӣ — ба кор андохтани агрегати дуюми Неругоҳи барқи обии «Роғун» даҳҳо нафар хабарнигорони воситаҳои ахбори оммаи дохил ва хориҷ ба Тоҷикистон омадаанд.

Читать далее

Таҷлили Рӯзи забони давлатии Ҷумҳурии Тоҷикистон бо иштироки Пешвои миллат Эмомалӣ Раҳмон

4 октябр дар Кохи Борбад Асосгузори сулҳу ваҳдати миллӣ — Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон дар ҷамъомади тантанавӣ ба ифтихори Рӯзи забони давлатии Ҷумҳурии Тоҷикистон иштирок ва суханронӣ карданд.

Сарвари давлат муҳтарам Эмомалӣ Раҳмон аҳли толор, мардуми шарифи Тоҷикистон ва ҳамватанони бурунмарзиро ба муносибати Рӯзи забони давлатӣ, ки аз соли 2009 ба ин сӯ 5 октябр таҷлил мегардад, табрику таҳният гуфта, забони давлатиро арзиши волои миллӣ ва рушди онро вазифаи муҳими тамоми сохторҳои давлатию ҷамъиятӣ номиданд.

Читать далее

Паёми табрикии Раиси вилоят Раҷаббой Аҳмадзода ба муносибати Рӯзи забони давлатии Ҷумҳурии Тоҷикистон

Ҳамдиёрони азиз!

Ҳамасола дар саросари кишвари азизамон Тоҷикистони соҳибистиқлол санаи 5 - уми октябр ҳамчун Рӯзи забони давлатии Ҷумҳурии Тоҷикистон бо шукӯҳу шаҳомати хоса ҷашн гирифта мешавад. Ба ин муносибат, кулли сокинони вилоятро аз самими дил табрику таҳният гуфта, хонаободӣ, муваффақият ва дастовардҳои беназир орзу менамоям.

Боиси таъкид аст, ки забони тоҷикӣ ба сифати яке аз забонҳои ширину шевотарини дунё аз ҷониби бузургтарин шарқшиносони дунё эътироф гардида, барои дар сатҳи байналмилалӣ муаррифӣ кардани миллати тоҷик нақши муҳим дорад.

Читать далее

Тасаллияти Пешвои миллат Эмомалӣ Раҳмон вобаста ба даргузашти деҳқони шинохтаи кишвар Камол Мадумаров

Субҳи имрӯз деҳқони ботаҷриба ва ангурпарвари шинохтаи кишвар Камол Мадумаров дар синни 80 солагӣ аз олам даргузашт.

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо писари калони марҳум телефонӣ дар тамос шуда, бо изҳори ҳамдардии амиқ ба аҳли хонадони шодравон ва наздикону пайвандон аз даргоҳи Худованди муттаъол сабри ҷамил хостанд.

Читать далее

ИСТАРАВШАН: ОМОДАГӢ БА ЗИМИСТОНГУЗАРОНӢ БОИСИ НИГАРОНИСТ!

Алҳол дар шаҳру навоҳии вилоят баҳри иҷрои қарори Раиси вилоят Суғд бобати омодагии саривақтӣ дар давраи тирамоҳу зимистон масъулон ҷидду ҷаҳд доранд.

имистонгузаронӣ ба шаҳри Истаравшан омадем. Зимни сафар бо чанде аз муассисаи таҳсилоти миёнаи умумии Ҷамоати деҳоти Чорбоғ ва Сабристон ошно гардидем. Ҳангоми боздид аз муассисаи таҳсилоти миёнаи умумии рақами 61 – уми деҳаи Файзи Истиқлоли ҷамоати деҳоти номбурда аён гардид, ки он тариқи ҳашар бунёд гардида, барои таълиму тарбияи насли наврас шароити хуб дорад.

Чун бо директори таълимгоҳ Салоҳат Ҳакимова оид ба омодагии муассиса ба давраи зимистонгузаронӣ суҳбат оғоз кардем, аввал андаке хомӯш нишасту сипас, каме, ба қавле суханро хоида – хоида, аз нахаридани ангиштсанг ва муаммоҳои ҷойдоштаи он ҳарф зад. Ҳангоми азназаргузаронии анбори муассиса аён гардид, ки он ҷо холист, хокаи ангишти солҳои пешин замину деворҳои анборро иҳота намуда, интизори омадани ангишти хушсифат мебошад. Вақте аз захираи ҳезум пурсон шудем, номбурда гуфт, ки харидорӣ шудаасту рӯзҳои наздик меоранд. Аз ин бармеояд, ки ба зимистон ҳезум низ захира нашудааст.

Тибқи супориши Раиси вилоят, бояд муассисаҳои таълимӣ барои фаъолияти мунтазам ва самарабахш дар давраи тирамоҳу зимистон то 15 – уми сентябри соли равон ба пуррагӣ омода бошанд. Аммо аз чӣ сабаб бошад, охири моҳи сентябр шудаву дар муассисаҳои номбурда захираи ангишту ҳезум ва ойнабандӣ хуб ба роҳ монда нашудааст.

Дар муассисаи таҳсилоти миёнаи умумии №44 ангишт захира шуда бошад ҳам, сифати он хуб набуда, аксари халтаҳои ангиштсанг пур аз хокаи ангиштанд. Вақте аз масъулин директори мактабро пурсон шудем, - “Бо кадом коре ба шаҳр рафтагӣ” гуфтанд. Мо роҳбарияти мактабро пайдо карда натавонистем. Синфхонаҳо ифлос ва ба талаботи санитарӣ ҷавобгӯ набуданд, мизу курсиҳо низ кӯҳнаву фарсуда ба назар мерасид.

Масъулони мактабҳои зикргардида асосан дар бобати норасоии китобҳои дарсӣ, аз қабили фанни забонҳои англисӣ, русӣ, алгебра, физика, технологияи информатсионӣ барои синфҳои болоӣ изҳори нигаронӣ карданд. Мудири шуъбаи маорифи шаҳр Диловар Азимов оид ба таъмини захираи ангишту ҳезум ва ойнабандӣ маълумот пешниҳод намуда, қайд кард, ки дар ҳамаи муассисаҳои соҳаи маорифи шаҳр, мувофиқи нақша, бояд 1255 тонна ангиштсанг ва 376 куб ҳезум захира карда шавад. То имрӯз захиракунии ангиштсанг 100 фоиз, ҳезум 102 фоиз ва шишабандӣ пурра иҷро шудааст. Байни муассисаҳои таълимӣ ва Ҷамъияти дорои масъулияташ маҳдуди «Сомони Истаравшан» барои таъмини ангиштсанг шартнома баста шудааст.

 Лекин вазъияте, ки мо зимни сафар мушоҳида намудем, тамоман дигар буд. Худ қазоват кунед, ин арқом шаҳодати бемасъулиятии масъулини соҳа аст ё пешниҳоди маълумоти бардурӯғ? Масъулини соҳаро зарур аст, ки дар ин самт камбудиҳои ҷойдоштаро бартараф намуда, ба саҳлангорӣ роҳ надиҳанд. Ҳадафи қабули қарорҳо ва фармоишоти мақомоти болоӣ ба он хотир аст, ки омодагӣ ба зимистонгузаронӣ дар сатҳи зарурӣ сурат бигирад.

Нодир ТУРСУНЗОДА,
Истамҷони НАҶМИДДИН,
“Ҳақиқати Суғд”,
Хуҷанд – Истаравшан - Хуҷанд

Читать далее

МАСТЧОҲ: ОЁ СОХТМОНИ ИНШООТ ДАР МУҲЛАТИ МУАЙЯНШУДА БА ИҶРО МЕРАСАД?

- Мувофиқи нақша - чорабиниҳои тартибдодашуда то ҷашни 30 - солагии Истиқлолияти давлатӣ дар ноҳияи Мастчоҳ бояд 535 иншооти гуногун сохта, ба истифода дода шавад, ки аз он дар соли 2018 – ум 79 иншоот ба маблағи 38 миллион сомонӣ бунёд гардид. Амалҳои бунёдкоронаю созандагӣ бомаром ҷараён дошта, сокинони ноҳия дар ин бобат саҳми худро мегузоранд, - иттилоъ доданд масъулини Мақомоти иҷроияи ҳокимияти давлатии ноҳия.

210 банд ба нақша гирифта шуда, аз он 91 банд иҷро ва боқимондаи иншоот то таҷлили 30 - солагии соҳибистиқлолии кишвар мавриди истифодабарӣ қарор хоҳад гирифт. Бояд қайд кард, ки аз ин нишондиҳанда 268 адад бевосита иншооти сохтмонӣ буда, боқимонда таъмир, корҳои ободонӣ, аз қабили кабудизоркунӣ ва гулгашт мебошад.

Тибқи маълумоти расмӣ, соли 2020 ҷашни 23 - солагии Ваҳдати миллӣ дар ноҳияи Мастчоҳ таҷлил хоҳад шуд. Вобаста ба ин санаи таърихӣ дар ноҳия 9 иншооти сохтмонии фарҳангию иҷтимоӣ, аз ҷумла Қасри фарҳанг, варзишгоҳ бо 10 ҳазор ҷойи нишаст, Қасри паҳлавонон, мактаб, кӯдакистони хусусӣ, шуъбаи маориф, бинои Ҳизби Халқи Демократии Тоҷикистон, молия, адлия идома дошта, ба корҳои сохтмонӣ мутахассисони маҳаллӣ ҷалб гардидаанд. Иншооти мазкур мувофиқи нақша то ҷашни Ваҳдати миллӣ мавриди истифода қарор дода мешавад.

Дар сохтмони иншооти мазкур беш аз 400 нафар сохтмончиён меҳнат мекунанд. Чунин сохтмонҳо аз як ҷиҳат, агар барои ободиву зебо гаштани диёри мо асос гузорад, аз ҷониби дигар барои бо ҷойи корӣ таъмин шудани мутахассисону сокинони маҳаллӣ, болоравии шароити иқтисодии онон мусоидат менамояд. Чун бевосита аз ҷараёни корҳои сохтмонии Қасри фарҳанги ноҳия дидан намудем, шоҳид гаштем, ки сохтмони бино қариб сохта шудаву сохтмончиён бо корҳои болопӯшӣ, андовагариву пардоз машғуланд. Аснои суҳбат сохтмончиён баён доштанд, ки дар иншооти сохтмонӣ тамоми шароити корӣ, техникаи зарурӣ ва масолеҳи сохтмонӣ барои сари вақт ва босифат анҷом додани сохтмон фароҳам оварда шудааст.

 - Солҳои пеш ба Федератсияи Русия ба муҳоҷират мерафтаму бо азобу машаққат дур аз фарзандону пайвандон ризқу рӯзӣ меёфтам. Алҳол 3 сол инҷониб бо зиёд шудани сохтмони биноҳои гуногун дар ноҳия бо ҷойи корӣ таъмин ҳастаму маблағи хуб низ ба даст меорам, ки ин, албатта, аз ҳар ҷиҳат барои мо барин мутахассисон муфид аст, - гуфт сохтмончӣ, сокини маҳаллӣ Илҳом Ҳасанов.

Ҳамчунин, масъулин изҳор доштанд, ки дар раванди корҳои ободониву созандагӣ дар доираи нақша - чорабиниҳои 30 - солагии Истиқлолияти давлатии кишвар ҳамагӣ 52 километр роҳи асосӣ ва дохилӣ таъмиру азнавсозӣ ва мумфарш бояд шавад. Вале чун дар мавриди имсол чӣ миқдор роҳҳои ноҳия мумфарш карда шуданд, муовини раиси ноҳия Шавкат Солеҳиён изҳор дошт, ки қисми банақшагирии тамоми инфрасохтори қадди роҳҳо, ҳамворкунӣ, омодакунӣ ба иҷро расидааст.

Мумфаршкунии роҳҳои шаҳраку ноҳияро ширкати хитоӣ ба зимма гирифтааст, вале бинобар ҳал нашудани муаммоҳои молиявӣ он то имрӯз ба таъхир афтодааст. Бо вуҷуди ҷой доштани бархе аз муаммоҳо масъулин изҳор медоранд, ки нақша - чорабиниҳои сохтмонию корҳои ободониро вусъат бахшида, то ҷашнҳои таърихии кишвар бунёди иншоотро сари вақт ва бо сифати баланд мавриди истифодабарии омма қарор хоҳанд дод.

М.САМАДОВА,
Ш.ОЛИМОВА,
Хуҷанд - Мастчоҳ- Хуҷанд

Читать далее