02 August 2019

Пешвои миллат Эмомалӣ Раҳмон бинои Муассисаи таҳсилоти миёнаи умумии №30-ро дар шаҳри Ваҳдат мавриди баҳрабардорӣ қарор доданд

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ваҳдат Муассисаи таҳсилоти миёнаи умумии №30-ро мавриди баҳрабардорӣ қарор доданд.

Пешвои миллат бо шароити муассиса шинос шуда, бо хонандагону омӯзгорон аз наздик суҳбат намуданд.

Мактаб аз ду ошёна иборат буда, барои 1300 нафар хонанда дар ду баст пешбинӣ гардидааст. Иншоот бо сифати баланд ва мутобиқ ба талаботи замони муосир сохта шуда, синфхонаҳо бо дастгоҳ ва таҷҳизоту аёнияти дарсӣ таъмин гардидаанд.

Читать далее

Президенти мамлакат Эмомалӣ Раҳмон аз хоҷагии деҳқонии «Саховат» ва намоиши маҳсулоти кишоварзони шаҳри Ваҳдат боздид намуданд

Имрӯз ҳамчунин Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ваҳдат бо нашъунамои зироати такрорию ҷамъоварии ҳосили пиёз дар Хоҷагии деҳқонии «Саховат» шинос шуда, аз намоиши маҳсулоти кишоварзӣ ва дастранҷи ҷангалпарварони шаҳр дидан намуданд.

Зимни шиносоии Пешвои миллат муҳтарам Эмомалӣ Раҳмон бо фаъолияти аҳли заҳмати Хоҷагии деҳқонии «Саховат» иттилоъ дода шуд, ки дар кишти такрорӣ аҳли заҳмати ин хоҷагӣ дар майдони 4 гектар мош, 1 гектар карам ва 2 гектар макка барои дон кишт кардаанд.

Читать далее

Сарвари давлат Эмомалӣ Раҳмон дар шаҳри Ваҳдат Маркази хизматрасонӣ ва дилхушии кӯдакону наврасонро ифтитоҳ намуданд

2 августи соли равон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ваҳдат бинои Маркази хизматрасонӣ ва дилхушии кӯдакону наврасонро, ки бо тарҳи муосир бунёд гардидааст, ифтитоҳ намуданд.

Маркази хизматрасонӣ ва дилхушии кӯдакону наврасон дар маркази шаҳри Ваҳдат бо саҳми соҳибкори ватанӣ Акмал Раҳимов бо сифати баланд ва ҷавобгӯ ба талаботи замони муосир сохта шудааст.

Читать далее

Ҳалли масъала дар мавриди муносиб

Имрӯз фасли гармои тобистон аст. Сокинони кишвар аз имрӯз ба фасли зимистон омодагӣ мегиранд. Омодагӣ ба зимистон махсусан барои мунтазам бо гармӣ таъмин намудани хонандагону тарбиятгирандагони кӯдакистонҳо, умуман дар соҳаи маориф дар кадом сатҳ қарор дорад?

Чӣ тавре дар Раёсати маорифи вилоят изҳор карданд, бобати иҷрои қарори Ҳукумати Ҷумҳурии Тоҷикистон аз 29 марти соли 2019, №117 «Дар бораи сари вақт омода намудани соҳаи иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2019 - 2020», қарори Раиси вилояти Суғд аз 22 апрели соли 2019, №181 дар самти омодагии ҳамаҷониба ба мавсими тирамоҳу зимистони солҳои 2019 - 2020 дар муассисаҳои таълимии шаҳру ноҳияҳои вилоят корҳои муайянеро амалӣ мегардонанд. Fамхорӣ дар ҳаққи насли наврасу ҷавонон ба ояндаю гулгулшукуфии Тоҷикистон мусоидат мекунад. Барои он ки ҷавонону наврасон дар синфхонаҳои гарму барҳаво таҳсил намоянд, омодагӣ дар ин самт аз имрӯз ҷараён дорад.

Чӣ хеле изҳор намудем, дар муассисаҳои таълимии вилоят аз давраи тирамоҳу зимистони соли гузашта, яъне соли 2018 - ум 910,4 тонна ангишт ва 721,1 метри мукааб ҳезум боқӣ монда, бобати захира намудани сӯзишворӣ ба муассисаҳои соҳаи маорифи вилоят дар мавсими зимистонгузаронии солҳои 2019 – 2020 – ум 14 ҳазору 211,1 тонна ангишт, 7 ҳазору 27,8 метри мукааб ҳезум ва 7 ҳазору 170 литр сӯзишвории нафтӣ нақша муқаррар гардидааст.

Бобати эҳтиёҷоти шишабандии тирезаҳои биноҳои муассисаҳои таълимӣ дар шаҳру ноҳияҳои вилоят 6 ҳазору 220 метри мураббаъ ба нақша гирифта шудааст.

Бояд зикр намуд, ки барои зимистонгузаронӣ дар муассисаҳои таълимии вилоят 3 ҳазору 536 гармкунаки барқӣ, 14 ҳазору 263 печи аловӣ дар ҳолати корӣ омода карда мешавад. Инчунин, аз 512 дегхонаи гармдиҳӣ 321 адад ба фаъолият тайёранд.

Вобаста ба омӯзиши ҳолати воқеии рафти омодагӣ ба давраи тирамоҳу зимистони солҳои 2019 - 2020 – ум гурӯҳҳои корӣ таъсис дода шуда, фаъолияташонро ҷоннок намуда истодаанд.

Маълум гардид, ки то 30 - юми июли соли ҷорӣ дар муассисаҳои таълимии шаҳру ноҳияҳои вилоят 6068,1 тонна ангишт харида шудааст, ки 42,7 фоизи нақшаро ташкил медиҳад.

Захираи ҳезум дар муассисаҳои таълимии шаҳру ноҳияҳои вилоят 2574,8 метри мукааб мебошад, ки 36,6 фоизи нақшаро дарбар мегирад.

Имрӯз масъулини Раёсати маорифи вилоят ҷараёни омодагии муассисаҳои таълимии шаҳру ноҳияҳоро бо фаъолияти мунтазам ва самарабахш дар давраи тирамоҳу зимистони солҳои 2019 - 2020 таҳти назорат қарор дода, масъулин кӯшиш менамоянд, ки иҷрои нақшаи захираи ҳезум ва ангишт дар муҳлати пешбинишуда таъмин гардад.

Ҳамзамон, дар раванди иҷрои нақша онҳо ба сифати маҳсулоти ба анбор воридшаванда эътибори махсус дода истодаанд, то ки тирамоҳу зимистонро бемамониат паси сар намоянд.

Гулҷаҳон МАҲКАМОВА,
«Ҳақиқати Суғд»

Читать далее

СИПАРИ ВАТАН ХОҲАМ ШУД

- мегӯяд сарбози қисми низомии 14356 Беҳрӯз Мамадов

Тибқи моддаи 43 - и Конститутсияи Ҷумҳурии Тоҷикистон «Ҳифзи Ватан, ҳимояи манфиати давлат, таҳкими Истиқлолият, амният ва иқтидори мудофиавии он вазифаи муқаддаси ҳар шаҳрванд аст». Чунончӣ Президенти кишвар, Пешвои миллат муҳтарам Эмомалӣ Раҳмон дар баромадҳои худ таъкид менамоянд: «Ватандӯстӣ ва амнияти миллӣ асоси сиёсати давлати мо мебошад».

Имрӯз чандин ҳазор ҷавонони далеру шуҷои Ватан софдилонаву сидқидилона ва бо ғурури баланди ватандӯстӣ хизмати Модар – Ватанро ба ҷо оварда истодаанд.

Ин аз он шаҳодат медиҳад, ки имрӯз шароити хизмат дар ҳама сафҳои Қувваҳои Мусаллаҳи кишвар хуб ба роҳ монда шудааст. Аз ин рӯ, чунин шароитҳои замонавӣ теъдоди зиёди ҷавононро барои ҳимояи марзу буми Ватан бо хоҳиши худ ҷалб месозад. Ҳисси баланди масъулиятшиносӣ нисбат ба ҳифзу ҳимояи марзу буми Ватани аҷдодии худро аксарияти ҷавонон вазифаи муҳим ҳисобида, баъд аз хатми донишгоҳҳои олии кишвар ба хизмат раҳсипор мешаванд.

Яке аз чунин ҷавонони далеру шуҷоъ, ки имрӯз дар сафи Қувваҳои Мусаллаҳи кишвар дар қисми низомии 14356 – и Қӯшунҳои хушкигарди Қувваҳои Мусаллаҳи Ҷумҳурии Тоҷикистон воқеъ дар ноҳияи Бобоҷон Ғафуров адои хизмат менамояд, бо ифтихор мегӯяд, ки хизмат ба Ватан қарзи ҳар як ҷавонмард буда, далериву ҷасурӣ ва мардонагии ҳар нафари бонангу номусро талаб мекунад. Нафаре, ки дар сафи артиш хизмат менамояд, сарбаланд аст. Ҳар яки мо бояд аз даврони кӯдакӣ баҳри ҳимояи марзу буми Ватан омода бошем.

- Хизмат дар сафи Қувваҳои Мусаллаҳ муҳимтарин мактаби обутоб ва далериву шуҷоатмандӣ ба ҳисоб меравад. Маҳз дар рафти хизмат мо - ҷавонон шуҷоату мардонагӣ омӯхта, дӯст доштану содиқона муҳофизат кардани хоки поки Ватани азизро меомӯзем, - мегӯяд сарбоз Беҳрӯз Мамадов.

Мавсуф аз ноҳияи Исмоили Сомонии шаҳри Душанбе буда, пас аз ду соли таҳсил дар Донишгоҳи техникии Тоҷикистон тасмим гирифтааст, ба сафи Артиш пайваста, қарзи шаҳрвандии худро адо намояд.

- Алҳол Беҳрӯз дар ин қисми низомӣ вазифаи сардори китобхонаро ба уҳда дорад. Маҳз, дониш ва малакаи ташкилотчигии ӯ боис гардид, ки роҳбарият ӯро ба ин вазифа таъин намояд. Инчунин, барои хизмати софдилона ва саҳм гузоштан дар корҳои ҷамъиятӣ, бахшида ба 26 – умин солгарди рӯзи таъсисёбии қувваҳои Мусаллаҳи кишвар бо Ифтихорномаи қисми низомӣ сарфароз гардонида шуд, - илова намуд подполковники қисми низомии мазкур Исмоил Қосимзода.

Таърих гувоҳ аст, ки ҷавонмардони бонангу номуси миллат тӯли ҳазорсолаҳо бо шуҷоату далерӣ, азму талош Ватани хешро аз истилогарони аҷнабӣ муҳофизат намуданд. Хизмат дар сафи артиш, ҳимояи марзу буми Ватан - Модар низ ҳамеша мояи шараф ва ифтихори ҳар як фарди баору номус ва ватандор буд ва ин рисолат то абад мемонад.

- Пас аз ба итмом расонидани хизмат мехо- ҳам таҳсилро дар донишгоҳ давом дода, барои пешрафти Ватани азизи худ - Тоҷикистони соҳибистиқлол саҳми арзанда гузорам, - мегӯяд сарбоз Беҳрӯз Мамадов.

Истамҷони НАҶМИДДИН,
 «Ҳақиқати Суғд»

Читать далее

С. МИРЗОРАҲМАТОВ: «ЧИЗЕ, КИ МЕНАВИСАМ, МАВҚЕИ ШАҲРВАНДИИ МАН АСТ!»

С. МИРЗОРАҲМАТОВ: «ЧИЗЕ, КИ МЕНАВИСАМ, МАВҚЕИ ШАҲРВАНДИИ МАН АСТ!»

 

Хонандагони азиз, суҳбате доштем бо рӯзноманигор ва нависандаи маъруф Саломиддин Мирзораҳматов, ки инак манзури шумо мегардонем:
- Устод, хуш омадед ба идораи мо. Сараввал каме дар бораи худ нақл мекардед.

Читать далее

БА ЁДИ ОЛИМ ВА ИНСОНИ БУЗУРГ – МУҲАММАД ОСИМӢ

БА ЁДИ ОЛИМ ВА ИНСОНИ БУЗУРГ – МУҲАММАД ОСИМӢ

 

Олимон чун равшангари ҷомеа ҳамеша дар пешрафти соҳаҳои  гуногуни ҳаёт, аз ҷумла иқтисод, сиёсат ва фарҳанги давлату миллат саҳми арзанда мегузоранд.

Читать далее

Иброҳим Усмонов: Худшиносӣ тӯфон буд!

Иброҳим Усмонов: Худшиносӣ тӯфон буд!

 

Аввалин қонуни забони тоҷикӣ 30 — сола шуд.

Читать далее