July 2019

09 July 2019

Оғози мумфаршкунии роҳи автомобилгарди кӯчаи ба номи Максим Горкий дар шаҳри Гулистон

8 июл дар шаҳри Гулистон бо иштироки Раиси вилояти Суғд Раҷаббой Аҳмадзода мумфаршкунии роҳи автомобилгарди кӯчаи ба номи Максим Горкий оғоз ёфт.

Раиси вилоят Раҷаббой Аҳмадзода қабл аз оғози корҳои мумфаршсозӣ бо сокинони шаҳр суҳбат намуда, иброз дошт, ки бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми шаҳру ноҳияҳо корҳои ободониву созандагӣ, аз ҷумла таъмиру мумфаршсозии роҳҳо вусъати тоза пайдо намудааст. Баҳри иҷрои корҳои роҳсозиву ободонӣ аз буҷети вилоят ва шаҳру ноҳияҳо маблағҳои зарурӣ ҷудо гардида, илова бар ин соҳибкорону саховатмандон низ барои ободии роҳҳои маҳалли худ саҳмгузорӣ намуда истодаанд.

Читать далее

Шиносоии Раиси вилоят бо ҷараёни сохтмони корхонаи парандапарварии ҶДММ “Мурғи аълосифат”

Нимаи дуюми рӯзи 8 июл Раиси вилояти Суғд Раҷаббой Аҳмадзода ба шаҳри Гулистон сафар кард ва рафти корҳои сохтмониро дар иншооти гуногун мавриди таваҷҷуҳ қарор дод.

Зимни ин сафар Раиси вилоят бо рафти корҳои сохтмонии корхонаи парандапарварии ҶДММ “Мурғи аълосифат” шинос гардид. Тавре иттилоъ дода шуд, сохтмони корхонаи парандапарварӣ моҳи апрели соли 2019 оғоз ёфта буд ва айни замон корҳо тибқи нақша идома доранд.

Читать далее

Шиносоии Раиси вилоят бо рафти бунёди майдони Нишони давлатии Ҷумҳурии Тоҷикистон дар шаҳри Гулистон

Дар доираи корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон дар шаҳри Гулистон сохтмони майдони Нишони давлатии Ҷумҳурии Тоҷикистон идома дорад.

Нимаи дуюми рӯзи 8 июл Раиси вилояти Суғд Раҷаббой Аҳмадзода зимни боздиди кории худ аз шаҳри Гулистон рафти корҳои сохтмонии иншооти мазкурро мавриди таваҷҷуҳ қарор дод. Майдони Нишони давлатии Ҷумҳурии Тоҷикистон дар назди бинои маъмурии Мақомоти иҷроияи ҳокимияти давлатии шаҳри Гулистон дар масоҳати 0,5 га сохта шуда, тибқи лоиҳа дар майдон гулгашт, шаршара ва фаввораҳо низ бунёд хоҳад шуд. Ба иттилои мутахассисон баландии сутунпояи Нишони давлатӣ 15 метрро ташкил медиҳад.

Читать далее

Маросими муаррифии муовини Раиси вилояти Суғд Азимӣ Зайнура Оқилзода

Рӯзи 8 июл дар маҷлисгоҳи Мақомоти иҷроияи ҳокимияти давлатии вилоят маросими муаррифии муовини Раиси вилояти Суғд Азимӣ Зайнура Оқилзода баргузор гардид.

Раиси вилояти Суғд Раҷаббой Аҳмадзода зимни муаррифӣ иброз дошт, ки Ғаффорӣ Назира Абдуллозода бо сабаби ба нафақа баромаданаш аз вазифаи муовини Раиси вилояти Суғд озод гардида, бо розигии Президенти Ҷумҳурии Тоҷикистон ва дар асоси қарори Раиси вилояти Суғд Азимӣ Зайнура Оқилзода муовини Раиси вилоят таъин гардид.

Читать далее

Президенти Ҷумҳурии Тоҷикистон Эмомалӣ Раҳмон ба Президенти тозаинтихоби Ҷумҳурии Латвия Эгилс Левитс барқияи табрикӣ ирсол намуданд

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти тозаинтихоби Ҷумҳурии Латвия Эгилс Левитс барқияи табрикӣ ирсол намуданд, ки дар он омадааст:

«Ҷаноби Олӣ,

Бо камоли хушнудӣ  Шуморо ба муносибати  интихоб гардиданатон ба мансаби Президенти Ҷумҳурии Латвия ва оғози фаъолиятатон дар ин  маснади олӣ сидқан табрику таҳният мегӯям.

Читать далее

08 July 2019

Шиносоии Раиси вилоят бо ҷараёни сохтмони корхонаи бузурги саноатӣ - ҶСП “Талко Голд”

Раиси вилояти Суғд Раҷаббой Аҳмадзода рӯзи 5 июл дар ноҳияи Айнӣ бо ҷараёни сохтмони корхонаи бузурги саноатӣ - ҶСП “Талко Голд” шинос гардид.

ҶСП “Талко Голд” дар мавзеъи Кончочи ноҳияи Айни бунёд гардида истодааст. Ин корхонаи бузурги саноатӣ дар заминаи маъдани кони Кончоч, ки иборат аз се қитъа, яъне Чулбои, Кончоч ва Шахкон мебошад, сохта ба истифода дода мешавад. Дар ин кон захираи панҷ унсури кимиёӣ, аз ҷумла тиллову сурма асосӣ ва нуқра, симоб, флюорит ҳамчун унсурҳои ҳамроҳ ҳисобу китоб шуда, ба тавозуни захираҳои давлатӣ гузошта шудаанд.

Читать далее

Боздиди кории Раиси вилоят Раҷаббой Аҳмадзода аз водии Яғноб

5 июли соли равон Раиси вилояти Суғд Раҷаббой Аҳмадзода бо мақсади шиносоӣ бо вазъи иқтисодиву иҷтимоии минтақаҳои дурдасти вилоят аз водии Яғноб боздид кард.

Бояд гуфт, ки водии Яғноб аз минтақаҳои таърихии Тоҷикистон ба шумор рафта, дар қисмати шарқии ноҳияи Айнӣ, дар мавзеи баландкуҳ ҷойгир шудааст. Яғноб як пораи таърихи зиндаи куҳанбунёди тоҷикон буда, аз ҷониби донишмандон ҳамчун падидаи нодири этникии ҷаҳон шинохта шудааст. Вобаста ба таърихи ин гўшаи диёри аҷдодиамон ҳанўз дар асри панҷуми қабл аз мелод муаррихони машҳури юнонӣ маълумот дода буданд.

Читать далее

Шиносоии Раиси вилоят бо ҷараёни сохтмони иншоотҳо дар ноҳияи Куҳистони Мастчоҳ

Дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон дар ноҳияи Куҳистони Мастчоҳ сохтмони даҳҳо иншооти муҳими иҷтимоӣ ҷараён дорад.

Дар доираи сафари кории худ ба ноҳияи Куҳистони Мастчоҳ Раиси вилояти Суғд Раҷаббой Аҳмадзода бо рафти сохтмони як қатор иншооти ҷашнӣ шинос гардид.

Читать далее

Азхудкунии заминҳои бекорхобида ба беҳтар шудани шароити зиндагии садҳо хонавода мусоидат менамояд

Рӯзи ҷумъаи 5 июл Раиси вилояти Суғд Раҷаббой Аҳмадзода ҷиҳати шиносоӣ бо вазъи зиндагии мардум ва рафти корҳои ободониву созандагӣ ба ноҳияи Куҳистони Мастчоҳ сафари корӣ анҷом дод.

Дар оғози сафар Раиси вилоят дар мавзеи “Дашти Фалахмон”-и ноҳия бо нашъунамои зироатҳо ва лоиҳаи обёрии заминҳои мавзеъ шинос гардид. Тавре иттилоъ дода шуд, дар ноҳияи Куҳистони Мастчоҳ бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон заминҳои бекорхобида азхуд карда шуда, барои сокинони минтақа ҷойҳои нави корӣ таъсис дода мешавад.

Читать далее

МАЪЮБОН УЗВИ ҶУДОНОПАЗИРИ ҶОМЕАИ МО

Гузориш аз таҷлили Рӯзи маъюбон дар Муассисаи давлатии вилоятии «Қасри маданияти Арбоб»-и ба номи Саидхоҷа Ӯрунхоҷаев

Муассисаи давлатии вилоятии «Қасри маданияти Арбоб»-и ба номи Саидхоҷа Ӯрунхоҷаеви ноҳияи Бобоҷон Fафуров он рӯз шукуҳу шаҳомати хоса дошт. Таҷлили Рӯзи маъюбон дар ин мавзеи таърихӣ ба тантанаи идона мубаддал гардида буд. Бо мақсади ҳифзи иҷтимоию маънавии маъюбон ва  дастгирии онҳо, ҳамчунин мутобиқи моддаҳои 19 ва 20 Қонуни Конститутсионии Ҷумҳурии Точикистон «Дар бораи мақомоти маҳаллии ҳокимияти давлатӣ, моддаи 8 Қонуни Ҷумҳурии Тоҷикистон  «Дар бораи ҳифзи иҷтимоии маъюбон» маъюбони шаҳру навоҳии вилоят иди худро бо иштироки муовини Раиси вилоят Назира Fаффорӣ хотирмон гузарониданд.

Қайд карда шуд, ки дар сиёсати иҷтимоии ҳукумати Ҷумҳурии Тоҷикистон дастгирии табақаҳои ниёзманди аҳолӣ ва ғамхорӣ нисбат ба маъюбону ятимон яке аз самтҳои муҳим ба ҳисоб меравад. Асосгузори сулҳу ваҳдати миллӣ-Пешвои миллат, Президенти Ҷумҳурии Точикистон муҳтарам Эмомалӣ Раҳмон дар мулоқоту суҳбатҳои худ пайваста аҳли ҷомеаро ба анҷоми амалҳои хайр ва ғамхорӣ ба ятимону маъюбон даъват намуда, дар таъмини ҳифзи иҷтимоии мамлакат ва дастгирии онҳо ҳамеша иқдомоти хайрхоҳона зоҳир менамоянд.

Тазаккур бояд дод, ки алҳол дар кишвар 149 ҳазор нафар шахси маъюб, аз ҷумла 15 ҳазор нафар маъюби гурӯҳи якум, наздик 27 ҳазор нафар маъюби то 18 – сола ва 71 ҳазор нафар ятим умр ба сар мебаранд. Бояд таъкид кард, ки дар арафаи баргузории идҳои давлатию миллӣ таваҷҷуҳ ба шахсони ниёзманд ва маъюб низ ба ҳукми анъана даромадааст. Ба тақвими миллии мо даромадани санаи 8-уми июл ҳамчун Рӯзи маъюбон пеш аз ҳама, ба хотири даъвати ҷомеа, барои таваҷҷуҳи дигарбора ба вазъи зиндагӣ ва рӯзгори ин табақаи ҷомеа маҳсуб мешавад, то аҳолии мамлакат сарҷамъона чораҳои мушаххас ва судмандро амалӣ намоянд.

Мавриди тазакур аст, ки дар миқёси вилоят 46 ҳазору 221 маъюб зиндагӣ доранд, ки 1463 нафари онҳо бо қарорҳои махсуси Раиси вилоят бо кӯмакпулӣ таъмин ва нисбат ба дигарон дар арафаи иду ҷашнҳои миллӣ пайваста дастгирӣ ва ғамхорӣ зоҳир мешаванд. Ин аст, ки дар 6 моҳи соли 2019-ум 784 нафар маъюб бо воситаҳои техникии тавонбахшӣ таъмин шуданд.

Ба хотири барқарор кардани саломатии маъюбон ҳамасола ҷиҳати дар осоишгоҳҳо истироҳату табобат гирифтани маъюбон шароитҳои мусоид фароҳам оварда мешавад. 

Назира Fаффорӣ иштирокдоронро руҳбаланд сохт, ки минбаъд низ таъмини ниёзҳои иҷтимоии маъюбон мавриди таваҷҷуҳ ва ғамхории давлату ҳукумат қарор дода шуда, барои идомаи ин падидаи инсонпарваронаи Президенти кишвар кӯшиш менамоянд.

- Шумо чун узви ҷудонопазири ҷомеа ҳамеша дар канори мо ҳастед ва бо ҳузури  хеш  метавонед дар пешрафти соҳаҳои мухталиф нақши босазо гузоред,- иброз дошт муовни Раиси вилоят.

Дар чорабинӣ ҳамчунин барои беҳдошти вазъи моддии муассисаҳои хизматрасонии иҷтимоӣ ба маъюбон ба Маркази минтақавии хизматрасонии иҷтимоӣ ба пиронсолон ва ва маъюбони шаҳри Хуҷанд, Муассисаи давлатии «Хона-интернати ҷумҳуриявӣ барои пиронсолон ва маъюбон» дар шаҳри Панҷакент, Муассисаи давлатии «Хона-интернат барои беморони руҳӣ дар ноҳияи  Ҷаббор Расулов», Марказҳои ёрии иҷтимоӣ ба пиронсолон ва маъюбони ноҳияи Деваштич, шаҳрҳои Истаравшан ва Конибодом аз ҷониби мақомоти иҷроияи ҳокимияти давлатии вилоят мукофоти пулӣ дар ҳаҷми 2 ҳазор сомонӣ, туҳфаҳои идона ва шириниҳо ба кӯдакони маъюб тақдим  шуд.

Директори Муассисаи давлатии «Хона-интернати ҷумҳуриявӣ барои пиронсолон ва маъюбон»-и шаҳри Панҷакент Моҳира Амонқулова аз чорабинии баргузоршуда ибрози ақида намуда, гуфт, ки пиронсолону маъюбон имрӯз дар мадди назари давлату ҳукумат, хоса Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд. Бошандагони  ин макон аз дастгириҳои ҳамаҷонибаи Сарвари давлат изҳори шодмонӣ намуда, худро руҳафтода намеҳисобанд ва ба ояндаи нек бовар доранд.

Фарангис Тошматова толибаи муассисаи таҳсилоти миёнаи умумии № 27-уми шаҳри Хуҷанд буда, миннатдории худро ҷиҳати дастгирии ин табақаи аҳолӣ расонд.  Маъюби дигар Ислом Турдиалиев, ки ҳамроҳи парастори худ Шаҳло Дадоева аз деҳаи ҳавотоғи Ҷамоати деҳоти Куруши ноҳияи Спитамен ба ин тантана омада буд, изҳори сипос намуд.

Рухангез Идибоева парастори Самирҷон Авезов, зодаи деҳаи Новдонаки Ҷамоати деҳоти Дар-Дари ноҳияи Айнӣ буда, иброз дошт, ки бори нахуст дар чунин чорабинии бошукуҳ иштирок менамояд. Хурсанд аз он аст, ки   Самирҷони  панҷсола бо муҳаббат аз шириниҳои тақдимшуда мечашаду зери оҳангҳои дилошӯби санъаткорон арғушт меравад. Далерҷон аз ноҳияи Бобоҷон Fафуров бошад, ҳамроҳи сарояндаи маҳбуб ҳасан Камол суруди хушоҳангеро сароида, табъи худ ва ҳозиринро шод мегардонад.

Маъюбон сари дастархони идона бо шукргузорӣ аз давлати соҳибистиқлол зери оҳангҳои марғуб мерақсиданду дар саҳфаҳои таърих тозаварақеро номнавис мекарданд.

Шоира САЛИМОВА,
«Ҳақиқати Суғд» 

 

 

Читать далее