12 July 2019

Ҳамкории Тоҷикистону Покистон заминаи хубе барои расидан ба ҳадафҳоиниҳоииМҲТБО

Аҳолии мардуми минтақаи Осиё  нисфи сайёраи заминро ташкил медиҳад, ки хело аҳамияти стратегӣ ва геополитикӣ дорад. Тавоноиҳои кишварҳои осиёиро гуногунӣ ва таҳаввулоти мардуми он ташкил медиҳад, ки Осиёро ба макони  инкишофи босуръаттарини  минтақаи ҷаҳон роҳандозӣ мекунад. Ҳамаи ин тавоноҳои минтақаи Осиё мебошанд, ки имрӯз   ҳамаи кишварҳоро дар зери як ҳадафи стратегӣ таҳти   созмони МҲТБО ҷамъ овардааст.

Читать далее

Пешвои миллат Эмомалӣ Раҳмон аз Боғи «Чашмаи Нуқра»-и ноҳияи Данғара дидан карданд

Дар доираи сафари корӣ дар ноҳияи Данғара Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари ифтитоҳи иншооти таъиноти гуногун бо таваҷҷуҳ ба рушди соҳаи кишоварзӣ ва боғу токпарварӣ бо фаъолияти коргарони Кооперативи тиҷоратии “Чашмаи Нуқра” шинос шуданд.

Мавриди зикр аст, ки бо ташаббус ва тадбирҳои созандаи Сарвари давлат муҳтарам Эмомалӣ Раҳмон дар доираи татбиқи ҳадафи стратегии таъмини амнияти озуқаворӣ ва рушди соҳаи боғу токпарварӣ солҳои охир дар мамлакат садҳо гектар заминҳои бекорхобида обёрӣ гардида, ба гардиши кишоварзӣ дароварда шуд.

Читать далее

Дар ноҳияи Бобоҷон Ғафуров 18 км роҳ пурра мумфарш карда шуд

12 июли соли 2019 дар Ҷамоати деҳоти ба номи Ҳайдар Усмонови ноҳияи Бобоҷон Ғафуров бо иштироки Раиси вилояти Суғд Раҷаббой Аҳмадзода ва роҳбари гуруҳи корӣ дар ноҳияи Бобоҷон Ғафуров оид ба истиқболи сазовори 30-солагии Истиқлолияти давлатии Ҷумҳурии Тоҷикистон, раиси Кумитаи давлатии идораи замин ва геодезии мамлакат Ориф Хоҷазода мумфаршкунии роҳи кӯчаҳои Шифокор ва 1-уми май оғоз ёфт.

Раиси вилоят Раҷаббой Аҳмадзода қабл аз маросими оғози корҳои роҳсозӣ бо сокинони ҷамоат суҳбат намуда, оид ба корҳои ободониву созандагӣ, ки дар қаламрави вилоят ҷараён доранд, маълумот дод. Қайд карда шуд, ки дар доираи корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои вилоят 6500 иншооти таъиноташон гуногун сохта мешаванд. Дар ин раванд ба таъмиру навсозӣ ва мумфаршкунии роҳҳо низ таваҷҷуҳи хоса зоҳир карда шуда, танҳо дар соли равон бо дастгирии Мақомоти иҷроияи ҳокимияти давлатии вилоят дар ҳамаи шаҳру ноҳияҳо мумфаршкунии беш аз 100 километр роҳҳои мошингард ба нақша гирифта шудааст.

Читать далее

Ифтитоҳи майдончаи варзишии “Сипар” дар Ҷамоати деҳоти ба номи Ҳайдар Усмонови ноҳияи Бобоҷон Ғафуров

Рӯзи 12 июл дар Ҷамоати деҳоти ба номи Ҳайдар Усмонови ноҳияи Бобоҷон Ғафуров майдончаи варзишии “Сипар” мавриди истифода қарор гирифт, ки дар маросими ифтитоҳи он Раиси вилояти Суғд Раҷаббой Аҳмадзода ва роҳбари гуруҳи корӣ дар ноҳияи Бобоҷон Ғафуров оид ба истиқболи сазовори 30-солагии Истиқлолияти давлатии Ҷумҳурии Тоҷикистон, раиси Кумитаи давлатии идораи замин ва геодезии мамлакат Ориф Хоҷазода иштирок намуданд.

Раиси вилоят Раҷаббой Аҳмадзода зимни суҳбат бо сокинон ва варзишгарони ноҳия иброз дошт, ки дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ба таъмини оммавияти варзиш,  ташвиқу тарғиби тарзи ҳаёти солим, ҷалби бештари наврасону ҷавонон ба варзиш ва муҳайё намудани имкониятҳои мусоиди инфрасохторию ташкилӣ барои варзишгарон тадбирҳои зарурӣ андешида мешавад.

Читать далее

ОҒОЗИ САФАРИ КОРИИ ПЕШВОИ МИЛЛАТ ДАР НОҲИЯИ ДАНҒАРА. Истиқболи меҳмони олиқадр дар деҳаи Шар-Шари деҳоти Себистон ва ифтитоҳи бинои нави Муассисаи таҳсилоти миёнаи умумии рақами 28

12 июл Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари корӣ ба ноҳияи Данғара ташриф оварданд.

Маросими истиқболи меҳмони олиқадр дар фурудгоҳи муваққатии деҳаи Шар-Шари деҳоти Себистон бо самимияти хосса сурат гирифт.

Нахуст Пешвои миллат дар деҳаи Шар-Шар бинои нави Муассисаи таҳсилоти миёнаи умумии рақами 28-ро мавриди баҳрабардорӣ қарор доданд.

Читать далее

Хуҷанд: Вусъати ободкориҳо

Дар қаламрави вилоят бо мақсади сазовор истиқбол гирифтани 30 - солагии Истиқлолияти давлатии Ҷумҳурии Тоҷикистон корҳои азнавсозиву бунёдкорӣ, аз ҷумла бунёди як қатор корхонаҳо ва коргоҳҳои истеҳсолию саноатӣ, таъмиру азнавсозии муассисаҳои маориф, фарҳанг ва тандурустӣ, сохтмони биноҳои истиқоматии баландошёна ва маъмурию хизматӣ, ҳаммом, чойхона, толори ҳусн, марказҳои хизматрасонӣ ва ғайраҳо бомаром идома доранд.

Ҷоиз ба зикр аст, ки ғайр аз гузаронидани корҳои ободонию бунёдкорӣ, таъмиру таҷдиди роҳҳои дохили маҳаллаҳо, инчунин сохтмон, азнавсозӣ ва таъмиру таҷдиди беш аз 510 иншооти соҳаи хоҷагии халқ ба нақша гирифта шудааст.

Тавре сардори дафтари матбуоти раиси шаҳр Маъмури Юсуфзод иттилоъ дод, давоми солҳои 2018 - 2019 - ум беш аз 163 иншооти гуногуни соҳаи хоҷагии халқ ба маблағи 416 миллиону 218 ҳазор сомонӣ бо таъсиси зиёда аз 900 ҷойи корӣ ба истифода дода шуд.

Дар кӯчаи Камоли Хуҷандӣ маркази хизматрасонии замонавӣ бо номи «Шоҳона», ки аз ҷониби соҳибкори ватанӣ сохта шудааст, мавриди истифода қарор гирифт. Тарабхона бо тарҳи миллӣ оро дода шуда, 25 нафар бо ҷои кори доимӣ таъмин гардидаанд.

Баҳри беҳтар гардонидани шароити манзилии аҳолӣ дар ҳудуди шаҳр 6 бинои истиқоматии бисёрошёна мавриди баҳрабардорӣ қарор дода шуд.

Инчунин, дар кӯчаи Ҳаким Карими шаҳри Хуҷанд бинои нави озмоишгоҳи Донишкадаи политехникии Донишгоҳи техникии Тоҷикистон ба номи академик Муҳаммад Осимӣ ба истифода дода шуд. Бинои нави озмоишгоҳӣ аз ҳисоби маблағҳои донишкада бо харҷи беш аз 2 миллиону 374 ҳазор сомонӣ сохта шуда, имконият медиҳад, ки дар он 9 озмоишгоҳи нав барои донишҷӯёни ихтисосҳои технологияҳои нигоҳдорӣ ва коркарди маҳсулоти хӯрока, экологияи саноат ва истифодабарии оқилонаи захираҳои табиӣ, меъморӣ амал кунад.

Мақомоти иҷроияи ҳокимияти давлатии шаҳри Хуҷанд баҳри амалӣ намудани нақшаҳои тарҳрезишуда оид ба корҳои ободонию бунёдкорӣ ва дар сатҳи баланди омодагию ташкилӣ ва бо дастовардҳои муносиби меҳнатӣ истиқбол гирифтани ҷашни бузурги миллӣ ҳамарӯза корбарӣ намуда истодааст.

Шаҳбонуи СИДДИҚ,
«Ҳақиқати Суғд»

Читать далее

РАВАНДИ СОЗАНДАГИИ ВАТАН АЗ РОҲИ ОБОД

Дар Паёми навбатии Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон солҳои 2019 - 2021 “Солҳои рушди деҳот, сайёҳӣ ва ҳунарҳои мардумӣ” эълон гардид. Дар ин радиф, инчунин ба истиқболи ҷашни таърихии 30 - солагии Истиқлолияти давлатии Ҷумҳурии Тоҷикистон масъулини ҷамоатҳои деҳоти шаҳру ноҳияҳои вилоят нақшаи чорабинӣ тартиб дода, баҳри ободонии диёр хеле корҳоро ба сомон расонида истодаанд. Аз ҷумла, дар Ҷамоати деҳоти Хистеварзи ноҳияи Бобоҷон Ғафуров давоми ду сол аст, ки ташкилоту муассисаҳо аз рӯи супоришҳои гузошташуда амал карда, соҳаҳои хоҷагии халқ ба комёбиҳои назаррас ноил шуда истодаанд. Дар ин давр дар муассисаҳои маорифу тандурустӣ, хоҷагиҳои кишоварзӣ ва саноат корҳои ободонӣ мароми хешро ёфт.

Дар асоси дастуру супоришҳои Пешвои муаззами миллат дар маҷлисгоҳи Мактаби хонандагони болаёқати деҳа фаъолон, роҳбарони ташкилоту муассисаҳо вохӯрӣ доир намуда, дар сохтмону барқарорсозии беш аз 50 номгӯй иншоот, ба монанди инфрасохторӣ, таъминоти аҳолӣ бо оби ошомиданӣ, полезӣ, ободонии маҳаллаҳо ва таъмири роҳҳо вазифаҳоро муайян намуданд.

Метавон гуфт, солҳои қаблӣ аксар роҳҳои мошингард, пиёдаравҳои назди корхонаю ташкилотҳо таъмирталаб гардида буданд. Пас аз ҷаласа дар қатори дигар иқдомҳои шоиста, соҳибкорон, роҳбарони ташкилоту коргоҳҳо тасмим гирифтанд, дар рушду ободонии деҳот саҳми хешро гузоранд.

Тавре дар ин бобат муовини раиси ҷамоат Матлуба Ҷӯрабоева арз медорад, дар ободонӣ ва таъмиру мумфаршкунии роҳҳо бо ҷонибдории Мақомоти иҷроияи ҳокимияти давлатии вилоят ва ноҳия соҳибкорон, шахсони алоҳида ва тариқи ҳашар аҳолӣ низ шомил шуданд. Чунончи, бо дастгирии мақомоти иҷроияи ҳокимияти давлатии ноҳия ва аҳолӣ роҳҳои маҳаллаҳои Ҳавузаки Поён, Ҷӯйи Муғул, Бахт ва Арбоб ба масофаи 5 километр шағалпӯш, саҳни ҳавлии Беморхонаи марказии рақами якум дар масофаи як километр мумфарш ва роҳравҳо сафолакпӯш гардиданд.

Ба истиқболи ҷашни бузурги таърихӣ кӯчаҳои ба номи Охунов ба масофаи 850 метр ва Рокиев – 500 метр мумфарш шуданд.

Пешвои муаззами миллат дар ҳар як мулоқот ва вохӯриҳо таъкид намудаанд, ки дар таъмиру тармими роҳҳо ва умуман ободонии диёри хеш ҳар як соҳибкор ва аҳолӣ бояд фаъолона ширкат варзанд. Воқеан, чанд солест, ки дар ҷумҳурӣ барои истеҳсолотчиён мунтазам мораторий эълон шуда истодааст. ҳамин имтиёз барои аксари соҳибкорон имкон фароҳам овард, ки дар ободонии диёр ва рушди деҳот саҳми бештари худро гузоранд. Тавре дар ин бобат Асосгузори сулҳу ваҳдати миллӣ – Пешвои миллат таъкид месозанд: “Бо арзи эҳтирому самимият ва миннатдорӣ ба мардуми шарифи Тоҷикистон, аз ҷумла соҳибкорону тоҷирон ва дигар шахсони хайрхоҳу ҳимматбаланд барои ташаббусҳои созанда мехоҳам як нуктаро таъкид намоям: ба раванди созандагии Ватан ҳар як шаҳрванди бонангу номус бояд саҳмгузор бошад...”. Такя бар ин гуфтаҳо ватандӯстону соҳибкорони деҳа Ҷ.Маҷидов 200 метр кӯчаи ба номи М.Ашӯров, Н.Носиров – 125 метр кӯчаи ба номи А.Қаюмов ва И.Эшонов 200 метр кӯчаи ба номи А.Ҷомиро мумфарш ва чароғон намуданд, ки алҳол сокинони ин маҳалҳо аз чунин иқдоми шоиста хеле миннатдоранд.

Мардуми деҳот дар баробари мумфаршкунии роҳҳо, инчунин дар беҳтар гардидани вазъи таъминоти оби ошомиданӣ ва полезӣ низ иқдом намудаанд. Соҳибкорони маҳаллӣ А.Раҳимов 800 метр кӯчаи Пахтакорро мумфарш ва ҷӯйборашро бетонпӯш намуда, 120 метр кӯчаи ба номи М.Қодиров аз ҷониби Н.Ҳоҷибоев ва 250 метр кӯчаи ба номи Деҳотӣ бо дастгирии М.Воҳидов мумфарш гардид.

Дар ободонии деҳот сокинон низ бетараф нестанд. Мардуми маҳал ҳама сарҷамъона 340 метр кӯчаи Масҷиди Сурхро мумфарш, ҳазор метри мураббаъ роҳравҳои кӯчаи ба номи Ҳодӣ Кенҷаевро сафолакпӯш ва 70 метр роҳро мумфарш намуданд. Дар ободонии 150 метри мураббаъ майдони назди даромадгоҳи ҷамоат низ сокинон саҳм гузоштанд.

Бо пешниҳоди Пешвои муаззами миллат се соли минбаъда “Солҳои рушди сайёҳӣ, деҳот ва ҳунарҳои мардумӣ” эълон гардид ва чунин паём имкон медиҳад, ки дар шаҳраку деҳоти кишвари офтобрӯя соҳаҳои гуногуни хоҷагии халқ боз ҳам рушд ёбад, ҳар як маҳаллу гузаргоҳҳои он обод гардад. Тавре дар ин бобат Президенти мамлакат таъкид медоранд: “Мақсади асосӣ аз ин пешниҳод амалигардонии талошҳои Ҳукумати мамлакат ба хотири боз ҳам обод кардани Тоҷикистон ва ҳалли масъалаҳои иҷтимоии аҳолӣ бо роҳи беҳтар намудани инфрасохтор, пеш аз ҳама, дар соҳаҳои маорифу тандурустӣ, таъсиси ҷойҳои корӣ, таъмини аҳолии деҳот бо оби босифати ошомиданӣ, бунёду таҷдиди роҳҳои маҳаллӣ, рушди инфрасохтори сайёҳӣ ва инкишофи ҳунарҳои мардумӣ, ба талаботи муосир мутобиқ сохтани сатҳи хизматрасонӣ ва баланд бардоштани некӯаҳволии мардум дар ҳар деҳа ва маҳалли аҳолинишин мебошад.”

Ба истиқболи 30 - солагии Истиқлолияти давлатии Ҷумҳурии Тоҷикистон соҳаҳои маорифу тандурустӣ низ омодагии пурра дида истодаанд. Чунончӣ, ба ин муносибат бо дастгирии мақомоти иҷроияи ҳокимияти давлатии маҳаллӣ ва соҳибкорон кӯдакистони “Зебо”, китобхонаи рақами 9, марказҳои саломатӣ дар маҳаллаҳои “Тоҷикистон”, “Қинтириқ”, Сатторов, “Баҳористон”, Қистакӯз ва “Бахт” воқеъбуда таъмир, таъмири ҷории мактабу кӯдакистонҳо, ду Хонаи саломатӣ, сохтмони биноҳои иловагӣ дар назди муассисаҳои таълимии рақамҳои 80 ва 40, азнавсозии варзишгоҳҳо дар назди МТМУ рақамҳои 34, 54, 84 ва 80, умуман, ободонӣ ва корҳои сохтмонӣ идома доранд.

Пас аз таъмири шуъбаи амрози асаб дар Беморхонаи марказии деҳот ҳолати ташноби он низ ба ҳолати аввалааш баргардонида, ҳуҷраҳои бозии бачагона ва шуъбаи амрози бачагона таъмир ва роҳравҳо сафолакпӯш гардида, барои мутахассисони соҳа баҳри ташхис ва муолиҷаи беморон бо усули муосир шароит фароҳам гардидааст.

Соли равон баҳри амалигардонии қонунҳои Ҳукумати Ҷумҳурии Тоҷикистон, дастуру супоришҳои Президенти мамлакат, Мақомоти иҷроияи ҳокимияти давлатии вилоят ва ноҳия доир ба ободонӣ ва рушди деҳот аз ҷониби мақомоти иҷроияи ҳокимияти давлатии маҳал ва соҳибкорон дар Ҷамоати деҳоти Хистеварз идома дорад. Имсол аз 54 банд нақша ва чорабиниҳое, ки ба муносибати сазовор истиқбол гирифтани ҷашни таърихӣ – 30 - солагии Истиқлолияти давлатӣ таҳия ва беш аз 25 адади он иҷро гардидааст. Ба монанди, насби трансформаторҳо дар маҳаллаҳои Бахт, Ҷавғал ва ба номи Д.Азизов, дар масофаи ҳафт километр чароғонкунии кӯчаҳои маҳаллаҳои Сино, Ҳавузаки Поён, Тоҷикистон, Қ.Ҳобилов ва А.Нозиров, сохтмони марказҳои хизматрасонӣ ва савдо, ҳаммому сартарошхона, тозакунии заҳбуру заҳкашҳо ва дигар корҳои ободонӣ идома дорад.

Дар умум, мардуми меҳнатқарини Ҷамоати деҳоти Хистеварз баҳри сазовор истиқбол гирифтани ҷашни таърихӣ - 30 – солагии Истиқлолияти давлатии Ҷумҳурии Тоҷикистон саъйу кӯшиш доранд, зеро аҳолии сернуфузи ноҳияи Бобоҷон Ғафуров ватандӯсту ободкор буда, дар рушди иқтисодиву иҷтимоии кишвар, ободонии маҳаллу осудагии ҷомеа саҳми хешро мегузоранд.

Тавҳида ҶӮРАЕВА,
“Ҳақиқати Суғд”

Читать далее

Президенти Ҷумҳурии Тоҷикистон Эмомалӣ Раҳмон ба Президенти тозаинтихоби Ҷумҳурии Литва Гитанас Науседа барқияи табрикӣ ирсол намуданд

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти тозаинтихоби Ҷумҳурии Литва Гитанас Науседа барқияи табрикӣ ирсол намуданд, ки дар он омадааст:

«Ҷаноби Олӣ,

Бо камоли хушнудӣ Шуморо, ба муносибати оғози фаъолиятатон дар мақоми Президенти Ҷумҳурии Литва самимона табрик ва муборакбодӣ менамоям.

Читать далее

Президенти Ҷумҳурии Тоҷикистон Эмомалӣ Раҳмон Сарвазири Ҷумҳурии Қазоқистон Аскар Маминро ба ҳузур пазируфтанд

Дирӯз дар Қасри миллат Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сарвазири Ҷумҳурии Қазоқистон Аскар Маминро, ки бо сафари расмӣ ба Тоҷикистон ташриф овардааст, ба ҳузур пазируфтанд.

Сарвари давлат муҳтарам Эмомалӣ Раҳмон дар оғози мулоқот аз дидору вохӯрии судманд бо Президенти Ҷумҳурии Қазоқистон Қосим-Ҷомарт Токаев дар ҳошияи Саммити Машварати ҳамкорӣ ва тадбирҳои боварӣ дар Осиё, ки моҳи июн дар шаҳри Душанбе баргузор гардид ёдовар шуда, таъкид намуданд, ки ҳар як мулоқоту вохӯрии сатҳи олӣ ва баланд ба рушди ҳамкорӣ ва дӯстии ду давлат мусоидат менамояд.

Читать далее

Муаррифии лоиҳаи бунёди 9 меҳмонхонаи нав дар шаҳри Душанбе

11 июл дар Қасри миллат бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ муаррифии лоиҳаи бунёди 9 меҳмонхонаи нав дар шаҳри Душанбе баргузор гардид.

Зимни муаррифии тарҳи иншооти бунёдшаванда ба Сарвари давлат муҳтарам Эмомалӣ Раҳмон иттилоъ дода шуд, ки дар давоми ду сол сохтмони 9 меҳмонхонаи замонавӣ бо 630 ҳуҷра барои қабули беш аз ҳазор нафар дар як вақт пешбинӣ шудааст.

Читать далее