10 May 2019

Пешвои миллат Эмомалӣ Раҳмон бо кормандони мақомоти молия, андоз, гумрук, сармоягузорӣ ва бонкҳои ҷумҳурӣ мулоқот намуданд

10 май дар Кохи Борбад Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо кормандони мақомоти молия, андоз, гумрук, сармоягузорӣ ва бонкҳои кишвар мулоқот карданд.

Дар мулоқот аъзои Ҳукумати Ҷумҳурии Тоҷикистон, ёрдамчиёни Президенти кишвар, намояндагони раёсат ва сохторҳои Дастгоҳи иҷроияи Президенти Ҷумҳурии Тоҷикистон, роҳбарони идораҳои назди Ҳукумати мамлакат, марказҳои татбиқи лоиҳаҳои сармоягузорӣ ва коргарони масъули баъзе вазорату идораҳои дахлдор иштирок намуданд.

Зимни суханронӣ дар мулоқот Сарвари давлат муҳтарам Эмомалӣ Раҳмон бо таҳлилҳои амиқ фаъолияти ҳамаи соҳаҳои иқтисоди миллӣ, аз ҷумла мақомоти молия, андоз, гумрук ва бонкҳоро натиҷагирӣ карданд.

Читать далее

Заминаи маънавиёт ва ҷаҳонбинӣ

Дар толори раёсати Донишгоҳи давлатии Хуҷанд ба номи академик Бобоҷон Ғафуров конференсияи илмӣ - амалӣ дар мавзӯи «Роҳҳои беҳтар намудани маърифати экологии аҳолӣ» бо иштироки устодону донишҷӯён доир гардид.

Конфронсро муовини ректор оид ба илм ва инноватсия Хайрулло Сабуров ифтитоҳ карда, зикр дошт, ки заминаи маънавиёти ҳар як шахс аз ҷаҳонбинии ӯст. Ҳар як шахсро мебояд дар баланд бардоштани сифати ҳаёти худ ва ғамхорӣ нисбат ба табиат талош намояд ва тарбияву маърифати экологӣ бояд дар муассисаҳои таҳсилотӣ ташаккул ёбад.

Хуршед Саидов – сармутахассиси Раёсати ҳифзи муҳити зисти вилоят дар мавзӯи «Мавқеи маърифати экологии аҳолӣ дар раванди рушди иқтисодии Ҷумҳурии Тоҷикистон» маърӯза намуда, доир ба тадбирҳои андешидаи давлату Ҳукумати кишвар ва баҳри баланд бардоштани маърифати экологии шаҳрвандон сухан намуд.

Баъдан доир ба «Тарбия ва маърифати экологӣ - заминаи рушди фарҳанги ҷомеа» дотсенти кафедраи экология Юсуф Толибов, «Роҳҳои баланд бардоштани маърифати экологӣ дар муассисаҳои таълимӣ» омӯзгори муассисаи таҳсилоти миёнаи умумии №6-и шаҳри Хуҷанд Сурайё Зиёбоева, «Тарбияи экологии хонандагон дар раванди машғулиятҳо дар гӯшаи табиати зинда» дотсенти кафедраи табиӣ - риёзӣ, тарбияи эстетикӣ ва методикаи таълим Акбар Назаров баромад карда, дар бобати роҳҳои баланд бардоштани маърифати мардум фикру андешаи худро баён доштанд.

Ҳамчунин, роҷеъ ба китоби дарсии дотсент Юсуф Толибов «Маърифат ва тарбияи экологӣ» директори китобхонаи марказии донишгоҳ Дилбар Самадова табодули назар намуд.

Зимнан бояд гуфт, ки конфренсияи илмӣ-амалӣ баҳри татбиқи нуктаҳои Паёми навбатии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба солҳои 2019-2021 «Солҳои рушди деҳот, сайёҳӣ ва ҳунарҳои мардумӣ», таъмини иҷрои талаботи Барномаи давлатии экологии Ҷумҳурии Тоҷикистон барои солҳои 2009 - 2019, Барномаи давлатии комплексии рушди маърифати экологии аҳолии Ҷумҳурии Тоҷикистон то солҳои 2020 равона гардидааст.

Улуғбек ХУДОЙБЕРДИЕВ,
«Ҳақиқати Суғд»

Читать далее

Дар соҳили Сирдарё маҷмааи истироҳатию фароғатӣ сохта мешавад

Дар чаҳорчуби корҳои ободониву созандагӣ ба истиқболи 30 - солагии Истиқлолияти давлатии Ҷумҳурии Тоҷикистон дар шаҳри Хуҷанд бо иштироки Раиси вилояти Суғд Раҷаббой Аҳмадзода ба корҳои сохтмонии маҷмааи истироҳатию фароғатӣ оғоз бахшида шуд.

Маҷмааи истироҳатию фароғатӣ дар соҳили чапи дарёи Сир ва паҳлӯи чойхонаи Сирдарё, воқеъ дар хиёбони ба номи Раҳмон Набиев бунёд мегардад.

Зимни шиносоӣ бо лоиҳаи иншоот ба Раиси вилоят иттилоъ доданд, ки маҷмаа аз шиногоҳи нав, майдончаҳои варзишӣ барои бозии футболу волейбол, теннис, нуқтаҳои хизматрасонӣ ва дигар инфрасохтори зарурӣ иборат аст.

Читать далее

Президенти Ҷумҳурии Тоҷикистон Эмомалӣ Раҳмон дар чорабинии тантанавӣ ба ифтихори Рӯзи ғалаба иштирок намуданд

9 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар чорабинии тантанавӣ ба ифтихори Рӯзи ғалаба, ки дар “Боғи Ғалаба”-и пойтахт баргузор шуд, иштирок ва суханронӣ карданд.

Дар маҳалли баргузории чорабинӣ Президенти мамлакат муҳтарам Эмомалӣ Раҳмонро Раиси шаҳри Душанбе муҳтарам Рустами Эмомалӣ истиқбол гирифт.

Оид ба омодагии ҷузъу томҳо барои гузашти низомӣ ба муносибати Рӯзи ғалаба ба Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон Вазири мудофиаи ҷумҳурӣ Шералӣ Мирзо гузориш дод.

Читать далее