November 2018

02 November 2018

Иттилооти иғвоангезонаи наҳзатиёни хоин рӯи худашонро сиёҳ мекунад!

Душманону хоинони  давлату миллат бо ҳар роҳу васила дар васоити ахбори омма, махсусан дар сомонаҳои иҷтимоии худ маълумотҳои бардурӯғро доир ба фаъолияти кунунии Ҳукумати Ҷумҳурӣ паҳн намуда истодаанд.

Яке аз чунин сомонаҳои иғвоангези наҳзатиён ин торномаи payom.net  аст. Аз ҷумла ҳафтаи охир дар сомонаи мазкур мақола доир ба сафари роҳбарияти  кишвар ба Ҷопон нашр гардид. Дар он қайд мешавад, ки ҳаҷми гардиши мол байни ду давлат ночиз аст. Лекин боз ҳамин сарчашма маълумот медиҳад, ки агар ҳаҷми гардиши мол байни Тоҷикистон ва Ҷопон аз соли 2010 то соли 2017 ба 10 миллион доллари амрикоӣ баробар бошад, пас соли 2017 он ба 30 миллион расидааст.

Беақлии таҳлилгарони наҳзатӣ аз он гувоҳӣ медиҳад, ки ин тоифаи хоинон аз зиёдшавии ҳаҷми гардиши мол байни ду давлат, аз вориди ташҳизотҳои пешқадами  ҷопонӣ ба соҳаҳои саноат ва маориф дар ташвишанд. Аз нигаронии наҳзатиён ба чунин хулоса омадан мумкин аст, ки  онҳо бар зидди инкишоф ва рушди давлат, аз ҷумла давлати аграрӣ ба давлати индустриалӣ гузаштани Тоҷикистонанд.

Бо ин васила душманони миллат бо нашри маълумотҳои бардурӯғ дар ҷомеа тухми низову кинаро кишт карданианд.  Инчунин дар мақола  қайд мешавад, ки ягон санади муҳими ҳамкории Тоҷикистону Ҷопон имзо нагардидааст. Албатта ин ҳам нодуруст аст, зеро ҳафт санадҳои байнидавлатии имзошуда фарогири ҷанбаҳои гуногуни иқтисодӣ, иҷтимоӣ, сиёсӣ, варзишӣ ва фарҳангианд.

Пас ин ашхосро месазад, ки қабл аз навиштан авал андеша намоянду дурӯғу найранги худро ба мардуми мо бор накунанд.

Аз таҳлилҳои бемантиқӣ наҳзатиёни хоин бармеояд, ки аз мақолаҳои эшон бӯи ҷангандозӣ, низову адоват меояд.

Мо, шаҳрвандони мамлакатро зарур аст, ки ҳамарӯза зиракии сиёсии худро аз даст надода, зери сиёсати созандаи давлату ҳукумат сарҷамъ бошем, баҳри ҳифзу ҳимояи арзишҳои миллии худ, ваҳдат, сулҳу субот кӯшиш намоем. 

Ҳ.Қурбонов,
Донишгоҳи давлатии ҳуқуқ,
бизнес ва сиёсати Тоҷикистон

Читать далее

Сулҳу суботи ҷомеа аз ҳар яки мо вобаста аст!

Даврони соҳибистиқлолии давлати мо барои пешрафт ва инкишофи ҳамаи соҳаҳои хоҷагии халқ ва гӯшаву канори мамлакат заминаҳои асосии рушд ва пешрафтро гузошт.

Аз рӯзҳои аввали Истиқлолияти Тоҷикистони азиз, Вилояти Мухтори Кӯҳистони Бадахшон дар мадди назари роҳбарияти давлат, қарор дошт. Тӯли 27 соли соҳибистиқлолӣ сохтмон ва ба истифода додани садҳо корхонаву идора ва муассисаҳои таълимӣ далели комили таваҷҷуҳ ва ғамхориҳои давлат нисбат ба мардуми ин минтақаи кӯҳистон ба шумор меравад.

Вилояти Мухтори Кӯҳистони Бадахшон аз минтақаҳои муҳими дорои имкониятҳои фарох, заминаҳои муҳими инфрасохторӣ дар кишвар маҳсуб ёфта, ҷиҳати мунтазам рушд ёфтани ҳамасола аз ҷониби ҳукумати ҷумҳурӣ тадбирҳои мушаххас амалӣ мегарданд.

Мардуми шарифи Бадахшон давоми солҳои соҳибистиқлолӣ аз дастгириву пуштибонии давлату ҳукумат баҳраманд гашта, баҳри боз ҳам ободу рушд ёфтани ин минтақа саҳми хешро мегузоранд. Дар давоми соҳибистиқлолии кишвар ба истифода додани 1700 иншооти таъиноти гуногун аз ҷумла, дар тандурустӣ, мактабу маориф, сохторҳои қудратӣ, фарҳанг ва дигар соҳаҳои ҳаётан муҳим мавриди истифода қарор гирифтааст, ки ин нишонаи аз рушд ва ишкишофи ҳамаҷонибаи ин вилоят ба шумор меравад.

Баробари ин, мутаассифона, имрӯз ба назар мерасад, ки баъзе ашхоси дасисабозу хиёнаткор ба қадру қиммати оромиву осудагӣ ва пешрафту шукуфоии ин минтақа нарасида, ба амалҳои нангини ҷиноятӣ даст мезананд, ки боиси ташвиши аҳолӣ гардидааст. Ба гурӯҳҳои ифротӣ аъзо шудани ҷавонон, ба ақидаҳои дасисабозони дода шудани онҳо боиси нигаронии ҳам мақомот ва ҳам шаҳрвандон гаштааст. Фирефта шудан ба андешаву афкори манфиатҷӯёнаи гурӯҳи хиёнаткорон низ ба мушоҳида мерасад.

Хиёнаткороне ба мисли Алим Шерзамонов ва чанде аз гурӯҳҳои ҷиноятпешаи ин минтақа чун Толиб, Боқир, Ёдгор ва дигарон, ки бо ҳадафи ноором сохтани ҳаёти мардуми осоиштаи Бадахшон даст ба ҳар гуна амалҳои хиёнаткорона ва дасисабозӣ мезананд, мекӯшанд, ки ҳадафҳои нопоки хоҷагонашонро амалӣ созанд. Ин ашхосони ноҷавонмарди зархарид ва фурӯхташуда ва он гурӯҳҳои ифротгаро асосан ба хотири пӯшидани ҷинояту гуноҳҳояшон талош мекунанд. Аммо аз хориҷи мамлакат истода, тадбирҳои мақомотҳои ҳифзи ҳуқуқро, ки ба хотири таъмини осоишу босуботи аҳолӣ ва нигоҳ доштани тартиботи дохилии вилоят амалӣ гардонида истодаанд, ба мардум баръакс маънидод мекунанд.       

Мебояд дар ин рӯзҳои ҳассос ва душвор, ки раванди бенизоми ҷаҳонишавӣ тамоми минтақаҳои ҷаҳонро ба ташвиш овардааст, мардуми сарбаланди Бадахшон барои ҳифзи арзишҳои миллӣ, нигоҳ доштани якпорчагии Тоҷикистон, таъмини амнияти сартосарии ҷомеа дар паҳлӯи мақомотҳои давлатӣ истода, барои ошкор намудани гурӯҳҳои ҷинояткор  ва безарар гардонидани онҳо кӯмак расонанд. Зеро ҳадафи асосии ин амалиёт ба хотири оромӣ ва осоиштагии нафақат ин минтақа балки тамоми мардуми Тоҷикистон аст.

М.Хоҷаева,
устоди Донишгоҳи давлатии ҳуқуқ,
бизнес ва сиёсати Тоҷикистон

Читать далее

ҚАТЛУ КУШТОРУ ҒОРАТ БО НОМИ ДИН

Нафароне пайдо мешаванд, ки хилофи шариат амал намуда, барои манфиатҳои шахсӣ ва ё гурӯҳӣ бо номи Ислом ҳизбҳои динӣ ташкил мекунанд, қатлу кушторро пешаи худ сохта, дар таълимоти худ зулму тааддиро мояи фахр медонанд.

Аз чунин ташкилотҳо, ки имрӯз ҳамчун ташкилоти экстремистӣ-террористӣ эълон гардидаанд, ҳизби Ихвонул-муслимин дар Миср, Созмони Фатҳулло Гулен дар Туркия ва ҳизби хиёнаткори наҳзат дар Тоҷикистон мебошанд.

Ҳафтаи дуввуми ҳамин моҳ дар масъалаи "Мубориза бар зидди терроризм" дар шаҳри Коҳираи Миср ва шаҳри Истамбули давлати Туркия ду конфронси байналмилалӣ барпо гардид, ки дар ҳарду ҳамоиш раиси Шӯрои уламои  Маркази исломии Тоҷикистон Саидмукаррам Абдуқодирзода иштирок ва суханронӣ намуд.

Албатта, ба ҳамагон маълум аст, ки мардуми Миср дар сад соли охир аз дасти аҳзоби динӣ азият мекашад, то замони Ҷамол Абдулносир аз дасти ихвониҳо ҳазорон мардуми Миср кушта шуданд ва ҳангоме соли 2012 Муҳаммад Мурсӣ  ба сари қудрат омад, аввалин шуда Муҳиддин Кабирӣ ба мулоқоти ин ихвонӣ  шитофт. Соли 2013 Мурсӣ ҳамчун террорист ҳабс ва ҳизби диниаш ташкилоти экстремистӣ-террористӣ эълон гардид.

Дар Туркия бошад, бо кирдори нохалафонаи роҳбари Созмони динии Гулен - Абдуллоҳ Гулен ҳаракати табаддулоти давлатӣ ба вуҷуд омад, ҳазорон одамон зарар диданд. Вале адолат ғолиб омад, Гулен ва ҳампешагонаш шикаст хӯрданд ва ин созмони динӣ экстремистӣ-террористӣ эълон карда шуд.

Ҳар сол дар Миср ба фатвои шаръӣ таҷдиди назар ва агар зарурат пайдо шавад, бо иттифоқи уламо фатво содир карда мешавад.

Дар конференсия Саидмукаррам Абдукодирзода дуруст пешниҳод намуд, ки дар ҳаққи ТТЭ ҲНИ ҳамчун ташкилоти экстремистӣ-террористии  байналмилалӣ фатво содир карда шавад.

Дар ин ҳол Кабирӣ ва ҳамтабақонашро давлатҳои мусулмоннишин ҳамчун террорист мешиносанд ва ҳеҷ вақт ба суханҳои ин хоин бовар намекунанд.

ҲОҶӢ ҲУСАЙН МӮСОЗОДА,
 шаҳри Хуҷанд

Читать далее

ИФРОТГАРОӢ ВА ТАЪСИРИ ОН БА ШУУРИ ҶОМЕА

Терроризм ва экстремизм ҳалқаҳои як занҷираро ифода мекунанд. Ифротгароӣ ин назарияи тайёрӣ, вале терроризм ин иҷрошавиро мефаҳмонад. Терроризм фаъолияти пинҳонӣ оид ба амалӣ гардонидани зуҳуроти ифротгароӣ, тоқатнопазирии агрессивӣ мебошад. Байни руҳияи экстремистӣ ва террористӣ занҷираи миёнаравон – аз «маблағгузорон» ва «тарроҳон» то ташкилкунандагон ва иҷрокунандагони сўиқасд мавҷуд мебошад. Терроризм сиёсате мебошад, ки то имрўз мафҳуми ягонаро надорад. Террор аз калимаи лотинӣ гирифта шуда, маънои тарс ва даҳшатро мефаҳмонад. Синоними ин калима «зўроварӣ», «таҷовуз» ва «таҳдид» мебошад, ки ҷомеаи башарӣ бо ин зуҳурот охири асри XX ва аввали асри XXI рў ба рў гашт.

Ифротгароӣ бо оқибатҳои даҳшатбору бераҳмонаи худ ба инсоният таҳдиду хатарҳои зиёдеро эҷод карда истодааст.

Пўшида нест, ки дар натиҷаи амалҳои террористӣ ҳар рўз даҳҳо инсони бегуноҳ қурбон гардида, мавзеъҳои сўхта ба харобазор табдил меёбанд. Аслан, ин неру аз ҳисоби ҷавонони кишварҳои гуногун сафҳои худро зиёд мекунанд. Роҳбарони гурўҳҳои ифротгаро ба ҷавонони гумроҳ ваъдаҳои зиёди пулию молӣ дода, онҳоро ба коми оташ тела медиҳанд, вале бо итминон метавон гуфт, ки рўзе ин «нерўи тавоно» ба шикаст дучор мегардад.

Таҳлилҳо нишон медиҳанд, ки баъзе аз созмонҳои террористӣ, назири «Таблиғ», «Ал-қоида», «Салафия» дар ҷумҳурӣ фаъолияти таблиғоти бурда, сокинони кишварро барои пайвастан ба сафҳои худ ва иштирок дар муҳорибаҳои ҷангӣ дар шимоли Покистон, Афғонистон, Сурия ва Ироқ ташвиқ мекунанд. 

Ғайр аз ҷавонон, мутаассифона, ҳолатҳои ба таври оилавӣ ба Сурия рафтани сокинони минтақаҳои гуногуни кишвар ҷой дорад. Онҳо аслан, муҳоҷирони меҳнатие мебошанд, ки дар Русия ба доми фиреби гурўҳҳои ифротӣ афтида, ба ин кишвар фиристода шуданд.

Рўзе нест, ки дар расонаҳои ахбори дохиливу хориҷӣ пахши гузориш ё хабари даҳшатафканиҳои гурўҳҳои террористӣ, бахусус, ҷангиёни «Давлати исломӣ» вуҷуди инсонҳоро ба дард наёрад.

Раванди ҳодисаҳо нишон медиҳанд, ки ифротгароӣ ё худ экстремизми динӣ торафт хусусияти фаромиллӣ касб карда, ба яке аз муаммоҳои ҷиддии глобалӣ табдил ёфтааст. Тавре маълум аст, чунин зуҳуроти хатарнок минтақа ва кишварҳои алоҳидаи ҷаҳонро фаро гирифта, таҳдид ва амнияти сокинони сайёраро меафзояд.

Дар Ҷумҳурии Тоҷикистон қатъ гардидани фаъолияти Ҳизби наҳзати исломӣ ва ҳамчун ташкилоти ифротгароӣ – террористӣ эътироф намудани онро, ки роҳбаронаш даст ба хиёнату ҷиноят зада, мехостанд, ҳокимияти конститутсиониро барҳам диҳанд, шаҳрвандони кишвар амалӣ дуруст ва одилона меҳисобанд.

Таҳлили фаъолияти солҳои охири Ҳизби наҳзати исломӣ нишон дод, ки он аз аввали ташкилёбиаш (моҳи декабри соли 1991) барои сарнагун намудани сохти конститутсионӣ ва ба даст овардани қудрат талош карда, дар сар задании ҷанги шаҳрвандии Тоҷикистон (соли 1992) даст дошта, маҳз бо ҳамин сабаб он замон баста шуда буд. Баъд аз имзои Созишномаи умумии истиқрори сулҳ ва ризоияти миллӣ ҳизби наҳзат аз нав номнавис шуда, ба фаъолият оғоз кард.

Аммо ба ҷои гузоштани саҳм ба рушди кишвар ва якпорчагии миллати тоҷик аъзоёни ин ҳизб шумораи зиёди ҷиноятҳои хусусияти террористию ифротгароӣ доштаро содир намуданд. Хушбахтона дар муддати кўтоҳ вазъи ба вуҷуд омада бартараф карда шуд ва иштирокдорони он мувофиқи қонун маҳкум шуданд. Дар асоси ин далелҳо фаъолияти ТТЭ ҲНИ мувофиқи қонуни ҷиноӣ қатъ гардида, ғайриқонунӣ ҳисобида шуд. Аксари аъзоёни наҳзат сари вақт хатои худро дарк намуда, тарки узвияти ин ҳизб карданд. Онҳо фаҳмиданд, ки фаъолияти ин ҳизб на ба рушди кишвар, баръакс ба таназзули он оварда мерасонад.  

Бояд тазаккур намуд, ки терроризм ва ифротгароӣ дар ягон давраю замон саҳми худро ба рушди ҷомеа ё иқтисодиёт намегузорад. Мисоли равшани онро мо ҳамагон дар фаъолияти “ДИИШ” ва ТТЭ ҲНИ мебинем.

Тоҷибоев Ш.А. – н.и.ҳ., дотсент,
 декани факултети ҳуқуқшиносии ДДҲБСТ

Читать далее

Хиёнат ба ватан, хиёнат ба модар аст

Халқи тоҷик таъриху фарҳанги бою ба худ хос дорад. Зеро аз байни ин халқи шуҷоъ бузургон, ба монанди А.Рӯдакӣ, Абӯ Алӣ ибни Сино, А.Фирдавсӣ, И.Сомонӣ ва садҳо дигаронро мисол овардан мумкин аст, ки онҳо барои пешрафти илму фарҳанг ва давлат ҳиссаи худро гузоштанд.

Алҳол дар замони мо шахсоне ҳастанд, ки дар Ватани биҳиштосои азизи мо хатарҳо эҷод менамоянд. Хусусан, намояндагони ТТЭ ҲНИ худро ватандӯст, миллатпарвар ва поквиҷдон нишон дода, бо ваъдаю суханони хаёлии хоҷагони хориҷиашон фирефта шуда, ба халқу Ватани мо хиёнат карда истодаанд. ҳодисаҳои солҳои 1992-юм нишон медиҳад, ки ТТЭ ҲНИ дар мамлакат бесарусомониро ба вуҷуд оварда, ба халқу Ватан ва ба пешрафти мамлакатамон зарари ҷиддӣ расонид. Ба ҳамагон маълум аст, ки  ҷанг ба ҷомеа аз ҷиҳати маънавӣ ва моддӣ зарари калон расонида, боиси талофати хеле зиёди инсонӣ мегардад. Дар ин солҳо корхонаҳои саноатии Тоҷикистон талаву тороҷ гардида, дар умум ба давлати навбунёди мо ба маблағи 10 миллиард доллари америкоӣ зарар ворид гардид.

Мо тавассути шабакаи телевизионӣ филми «Бозгашт аз ҷаҳаннам»-ро тамошо карда симои ҳақиқии хоҷагони хориҷии ТТЭ ҲНИ боз ҳам аниқу равшан дидем. Иқрори Айёмиддин Сатторов, ки яке аз роҳбарони ҳНИ ба ҳисоб мерафт, моро ба ҳайрат овард. Зеро амалҳое, ки онҳо иҷро намуданд, ба ҳеҷ ахлоқи маънавии инсон дуруст намеояд. Аз тавбаи ин мӯйсафед маълум гашт, ки аз корҳои худ сахт пушаймон аст. Лекин бузургон гуфтаанд: «Пушаймони суд надорад…».

Ба ин нигоҳ накарда намояндагони ТТЭ ҲНИ ба воситаи шабакаҳои интернетӣ худро ҳамчун ватандӯст нишон дода, ҷавононро ба доми фиреб мекашанд.

Гуфтан ба маврид аст, ки имрӯзҳо ба зиммаи омӯзгорон масъулияти баланд гузошта шудааст. Онҳо бояд дар давоми дарс ва дар чорабинию шабнишиниҳои беруназсинфӣ, маҷлисҳои падару модарон мақсадҳои ТТЭ ҲНИ-ро дуруст фаҳмонида, нисбат ба ин гурӯҳҳои тундрав дар хонандагон ҳисси нафратро пайдо кунонанд. Вазифаи аввалиндараҷаи мо масъулони таълиму тарбия хонандагонро дар рӯҳи ватандӯстӣ тарбия намудан аст. 

Ҳамзахон САНГИНОВ,
муовини директори МТМУ №7
ноҳияи Зафаробод

Читать далее

НАҲЗАТИЁН АЪМОЛИ ЗИШТИ ХУДРО БА САРИ МАҚОМОТ БОР МЕКУНАНД, ВАЛЕ...

Иғвоандозӣ байни мардумони як миллат худ аз чи тавр будани кори муҳассилини ҳизби мамнуъгаштаи ТТЭ ҲНИ, ки имрӯз дар кадом маконе, ҷамъ омадаву Паймони миллӣ созмон додаанд, аз сӯҳбатҳои худхоҳонаи Алим Шерзамонов далел дод. Ва он ҳар паёмади дар кишвари мо ба вуқӯъ пайваста бевосита ба онҳо тааллуқ дорад, агар не пас чаро як нафари ин Паймони миллӣ, ки замоне худро ифтихорманд аз аъзои наҳзатиҳо мегирифтанд.

Имрӯз бошад, аз ин бологириҳо кадом осоре намондааст. Куҷо шуд он ғурури «воло»-и наҳзатиҳо, ки манманиҳо менамуданд. Ё худи эшон пай бурданд, ки фаъолияти ҳизб бефоида аст. Ҳатто онро вирди забон намеоред ва имрӯз бо ташкили созмони Паймони миллии худ чиро ба намоиш гузоштан хостед. Бароям бисёр аҷиб афтод, ки мабодо ин амалҳои нангинро шумо баринҳо содир карда, чун ҳарвақта ба гардани мақомот бор накарда истода бошед. То имрӯз кӯшиши намудед, ки мақомоти давлатиро гунаҳкор кунед. Аниқ шуд, ки тир ба ҳадаф нарасидааст, инашро монда ба сарвари давлат часпидед. Алим Шерзамонов ва дигар назҳатиҳо, ки аъзои фаъоли худхонди Паймонии миллӣ ҳастед, аз хориҷ истода вазъияти кунунии минтақаро ифротгароёна таҳлил мекунед ва пешгӯиҳои сиёсии худро ироа мегардонед. Маҳз то аз Тоҷикистон гурехтанд Алим Шерзамонов яке аз нафарони наздики гуруҳҳои ҷиноятпешаи Хоруғ ба ҳисоб мерафт. Аз нуфузи гуруҳои ҷиноятпеша истифода бурда, даст ба қонуншиканӣ мезад. Аз ҷумла аз бонкҳо қарзҳои калон гирифта, аз супоридани маблағи гирифтааш худдорӣ кард ва сипас ба хориҷа гурехт.

Имрӯз бошад аз амалиёти густурдаи мақомоти давлатӣ нисбати безарар гардонии гурӯҳҳои ҷинояпеша ва дар амал тадбиқ намудани волоияти қонунро  дар ҳудуди Бадахшон чашми дидан надоред. Аз нигоҳи Шумо бояд Бадахшон минтақаи фурӯши озоди маводи мухаддир, тиру туфанг ва қатлу куштор бошад. Ҳама дар даст бо яроқу аслиҳа бошанду амнияти ҷомеа ба сирф баробар шавад. Лек Шумоён (наҳзатиён ва душманони миллат) мисли дафъаи гузашта боз шикаст хӯрдед. Ин навбат амалиёти густурдаи мақомотҳои низомӣ дар Бадахшон самари нек дод. Чандин аъзоёни гуруҳҳои ҷиноятпеша таслим шуданд, даҳҳову садҳо килограмм маводи мухаддир ва лавозимоти ҳарбӣ мусодира карда шуда, таъмини сулҳу субот ва амнияти минтақаро ба кулли давлат ба дасти худ гирифт. 

Ин кирдорҳоро танҳо сиёҳдилоне айнан тимсоли намояндагони ТТЭ ҲНИ метавонад, содир намоянд. Дар дохили миллат иғво андохтед нашуд, ҳоло оғоз кардаед, аз ҳар минтақаҳое, ки фармондеҳонатон паноҳ додаанд, лақида истодаед. Масъалаи бо Бадахшон кор гирифтани мақомоти давлатӣ дар он аст, ки ин минтақаро аз дасти нохалафоне наҷот бахшад. На ин ки тобеи қудратгариаш созад. Бе ин ҳам ин вилоят, ин марз замини Тоҷикистон аст ва як президенту як қонун дорад. Ягон афсона ва давом додани қудрати хонаводагӣ нест, ки Алим баён доштааст, ин ҳама танҳо барои беҳбудии мардумон аст. Агар ин вилоятро ҳукумат муҳофизат накунад, дар дасти шумобарин худпарастон бозича хоҳад шуд.

Тавре дар боло қайд намудам, ба худи миллат часпидед нашуд, касе бароятон сухан надод, зеро имрӯз мардум аллакай саводнок шудаанд. Дигар мардумони имрӯза ба мисоли асри гузашта нестанд, ки ба суханпардозиҳои Кабириву наҳзатиён гӯш андозанд.

Ба Алим Шерзамонов ва дигар намояндагони ба ном Паймони миллӣ гуфтаниам, ки имрӯз мардум медонанд, ки ба сухани кадом нафар бовар кунанд. Сиёҳро аз сафед ва ҳаққро аз ботил фарқ карда метавонанд. Ба миллати мо чаламуллоҳову чалатаҳлилгарони наҳзатие, ки ақидаи ифротӣ доранд лозим нест. 

(Изҳороти Муртазоев С. – н.и.ф., дотсенти
кафедраи фанҳои ҷамъиятии ДДҲБСТ)

Читать далее

Некномӣ гар бихоҳӣ, доимо якранг бош…

Фаъолияти тахрибкорона, хиёнат ба давлату миллат, ҷинояти аъзоёни фаъоли ташкилоти экстремистиву террористии Ҳизби наҳзати ислом бо далелҳои муътамад ва мисолҳои дақиқ таҳлил ва собит шудааст, ки пайравони ин ҳизб мазҳаби бегонаро қабул намуда, дар хизмати доираҳои махсуси идеологии он қарор гирифтаанд. 

Баъди шунидани далелҳои раднопазир дар бораи хиёнату  мазҳабфурӯшӣ, ноҷавонмардии наҳзатиён, чӣ навъе дар  урфият мегӯянд, ба “ҷомаи роҳбарони фирории ТТЭ ҲНИ кайк даромада”, ба изтироб афтода, тавассути воситаҳои ахбори хориҷӣ, маъракаи сафедкунии фаъолияти худ, ба мазҳаби ҳанафия содиқ буданашонро исбот карданӣ шуданд, ҳол он, ки санадҳои таърихӣ, худи фаъолияти ин ҳизб аз таъсисёбӣ то имрӯз нишон медиҳад, ки аксарияти роҳбарони ҳизби наҳзат аз даврони Иттиҳоди Шӯравӣ муридони роҳбари Инқилоби Исломии Эрон  Оятулло Ҳумайнӣ буданд, ҳамеша дар фаъолияти харобиоварӣ бо нишондод ва маслиҳати онҳо амал мекарданд.

Насли калонсоли тоҷик хуб дар ёд дорад, ки наҳзатиён дар майдону маҳалҳо роҳбари инқилоби исломии Эрон Оятулло Ҳумайниро «Хазрати имом» номида, пайравӣ намудан ба ғояҳои ӯро воҷиб мешумориданд. Бесабаб нест, ки имрӯзҳо ҳам роҳбарони баландпояи Ҷумҳурии Исломии Эрон, қатъи назар аз он, ки  ТТЭ ҲНИ дар Ҷумҳурии Тоҷикистон ҳизби террористиву экстремистӣ эълон гардида, фаъолияташ манъ карда шудааст, ба ҳузур мепазиранд, аз ҷиҳати моливу сиёсӣ дастгирӣ меёбанд. Агар мабодо далелҳои овардаи сохторҳои расмии давлатӣ шубҳаангез бошад, пас  ба далел ва изҳоротҳои собиқ наҳзатиён ва онҳое, ки имрӯз аз  кардаашон пушаймон шуда, ихтиёран дар бораи фаъолияти хиёнаткоронаи худашон ва хоҷагонашон маълумот медиҳанд, чӣ гуна бовар накунем?  Масалан, маълумоте, ки дар рафти пахши филми мустанад, Саид Қиёмиддини Ғозӣ ба ном «генерали мардумӣ», дар майдони «Шаҳидон» ҳамчун сухангӯи майдон баромад мекард ва домулло Айёмиддин дар филми “Бозгашт аз ҷаҳаннам” аз вазъи имрӯзаи муносибати дӯстона ва неки роҳбарияти олии Эрон бо ТТЭ ҲНИ-ро баён намуданд. Эшони Қиёмиддин дар ҳолате дастгир шуд, ки аз Эрон ба самти Русия сафар мекард ва дар ҷайби ӯ ҳазор-ҳазор маблағҳои хоҷагони хориҷиён буд ва худаш ҳам иқрор гардидааст, ки аз ҳузури хоҷаи худ меомад. Мулло Айёмиддин бошад, чанд муддат дар урдугоҳҳои ҳарбии Эрон ҷавонони тоҷикро машқҳои ҳарбӣ омӯзонидааст. Ин ҳама фактҳои раднопазир гувоҳӣ аз он медиҳад, ки наҳзатиён пинҳонӣ ва ё ошкоро ба мазҳаби бегона пайравӣ кардаанд ва то ҳол мекунанд.

Ба ҳамин маънӣ шоире фармудааст:

Некномӣ гар бихоҳӣ, доимо якранг бош!,

С.МУРТАЗОЕВ,
дотсенти Донишгоҳи давлатии
ҳуқуқ, бизнес ва сиёсати Тоҷикистон

Читать далее

ХАТАРИ ГУРӮҲҲОИ ҶИНОТЯПЕША БА АМНИЯТИ ҶОМЕАИ БАДАХШОН

Чанд аз нафарони зархарид аз номи мардуми Бадахшон ба унвони Президенти мамалакат ва Маҷлиси Олӣ муроҷиатнома навиштанд. Дар муроҷиатнома зикр мекунанд, ки гўё вазъи вилоят ва хосатан, Хоруғро маҳз ташаббуси ташкили комиссияи ҳукуматӣ барои мубориза алайҳии қочоқи маводи нашъадор ва силоҳ муташаниҷ намуда бошад, ки асоси воқеӣ надорад. Зеро ба андешаи мо вазъро маҳз шахсиятҳои ҷиноятпешаи маҳаллӣ  муташанниҷ мекунанд.

Мавриди тазаккур аст, ки Бадахшони кўҳӣ субъекти худмухтори Ҷумҳурии Тоҷикистон буда, Ҳукумати Ҷумҳурии Тоҷикистон дар ҳудуди мамлакат ҳукуқи легитимии талаб кардани тартиботи ҷамъиятиро дорост. Онҳо аз рўи салоҳияту вазифаҳои функсионалии хеш хидмати давлатиро ба таври қонунӣ ба роҳ мемонанд ва ҳамчун кафили сулҳу оромии минтақа баромад мекунанд.

Аҳолии минтақа ҳанўз соли 2012-ум шоҳиди муборизаи муақомот бо гуруҳҳои ҷиноятпеша бошанд ҳам, барои худ хулосаи амиқ набаровардаанд, ки дар безарар гардонидани доираҳои ҷиноятпеша бо сохторҳои марбута ҳамкорӣ намуда, баҳри сулҳу суботи минтақа ҳиссагузор бошанд.

Боварии комил дорем, ки сохторҳои марбутаи Тоҷикистон баҳри ҳалли қазияи мазкур ба манфиати аҳолии Бадахшон чораҳои  пурмаҳсул меандешанд ва ба саволҳои пайдо шуда ҷавоби дурусту босалоҳият медиҳанд.

Шоёни таҳсин аст, ки аҳолии Бадахшон дар муроҷиатномааашон ҳамфикрии хешро нисбати талаби сарвари давлат дар бораи он, ки «ҳеҷ ягон ҷинояти дар ҳудуди  Бадахшон содир шуда бе ҷазо нахоҳад монд ва ҳар як ходими мақомоти қудратӣ, ки сиёсати давлатро дастгирӣ наменамоянд, аз кор сабукдўш хоҳанд шуд» баён доштаанд.

Дар муроҷиатнома сухан дар бораи ҷалб кардани САҲА (ОБСЕ) дар мусоидат ба раванди бесилоҳгардонӣ қобили қабул намебошад, зеро солҳои охир мавқеи душманонаи ташкилоти мазкур аз ҳар ҷиҳат маълум гардида, нисбати Тоҷикистон сиёсати духўраро пеш мебарад,  ки ҳеҷ гоҳ ба манфиати кишварамон маҳсуб намеёбад.

Яқубов Ҷ.К. – н.и.с., дотсенти
кафедраи сиёсатшиносии ДДҲБСТ

Читать далее

ПОБАНДИ ХУРОФОТ НАБОШЕМ!

Дар таърихи чанд ҳазорсолаи башарият ҳамроҳи андешаҳои поки инсонӣ  маҷмӯи ақидаҳои бе аслу ботил,хилофи мантиқу шариат ба вуҷуд омада,мардуми авомро гумроҳ кардааст, ки ин ҳодисаи номатлубро хурофот ном наҳодаанд.

Хурофот ин расму одатҳои зараровар,андешаҳои авомфиребона,тақлиди кӯр-кӯрона ва решааш ҷаҳлу нодони аст.

Мутаассифона, хурофотпарастӣ дар байни мардум бо вуҷуди тараққиёти илму техника то ҳол зиёд аст ва касоне, ки ба хурофот боварӣ доранд, аз зарари он бехабар ҳастанд.

Хурофотпарастӣ аз нигоҳи таълимоти дини Ислом маҳкум мешавад,зеро ҳар феълу атворе, ки хилофи ақл буда пояи илмӣ надошта  бошад ,мавриди мазаммат қарор мегирад ва бовар кардан ба ҳилаву найранг,  тақлиди кӯр-кӯрона  ба ақидаи динии мардум  таъсири манфии худро мерасонад.

Хурофот ва хурофотпарастӣ дар байни мардум кам нест. Наъли аспро ба дару дарвоза задан,аз пеши мошин гурба гузарад ба тарсу ваҳм афтодан, хуни гӯсфандро ба тани бемор молиш додану ба сеҳру соҳирӣ  машғул шудан, дар моҳи Сафар тӯй накардан урфу одатҳои зараровар ба ҳисоб рафта, пояи илмӣ надорад ва сабаби хаёлҳои ботил мебошад.

Агар ба китоби Қуръони карим ва Ҳадисҳои шариф назар афканем, дар ин сарчашмаҳои муътабар ба ақлоният, тафаккур,эътиқоду иътимод даъват мешавад. Афсус,ки аксари ҳилаву найрангҳо ва  хурофоти зараровар  аз номи дин дар афкори мардум ҷой гирифтааст.

Мутаассифона, бо вуҷуди пешрафти илму дониш ва технология хурофотпарастӣ вуҷуд дошта,рӯй овардан ба он мардумро ба ҷаҳолат мебарад.Имрӯз олимон,шоирону нависандагон,ходимони дин, дар умум аҳли зиёи кишвар бояд бар зидди хурофот мубориза баранд.

ХОҶӢ  ҲУСАЙН МӮСОЗОДА,
сархатиби масҷиди марказии Шайх Маслиҳатдин

Читать далее

ТАЪМИНИ СУБОТ ВА АМНИЯТ ВАЗИФАИ ҶОНИИ ҲАР ДАВЛАТ АСТ!

Барои бақои ҳар ҷомеа ва рушду инкишофи он суботи сиёсӣ ва амнияти ҷамъиятӣ аз ҷумлаи муҳимтарин талаботҳо ба ҳисоб меравад. Аз замони пайдоиши худ давлат маҳз дар анҷоми ин вазифаҳои муҳими сиёсӣ машғул буда, вобаста ба тавоноӣ ва иқтидорӣ ҳарбии хеш ин вазифаи муҳимро анҷом медиҳад. Хоссатан дар давлатҳои низоми демократӣ дошта, давлат қабл аз ҳама масъули таъмини суботи сиёсӣ ва амнияти давлатӣ дониста мешавад. Масъалаҳои дигари иҷтимоиву иқтисодӣ ва фарҳангӣ бошад, бо иштироки фаъоли мардум ҳал мегардад.

Муроҷиати шаҳрвандони вилояти Мухтори Кўҳистони Бадахшон дар мавриди аз тарафи давлат пурзўр шудани назорат нисбати масъалаи сиёсиву амниятии минтақа ва аз байн бурдани нигоҳдошти ғайриқонунии аслиҳа дар байни шаҳрвандон, мубориза бо гардиши ғайриқонунии маводи мухаддир аз он шаҳодат медиҳад, ки онҳо низ нисбати ин масъала бетараф нестанд ва мехоҳанд, ин раванд бо иштироки намояндагони мардум анҷом дода шавад. Саволе ба миён меояд, ки магар дар байни кормандони мақомотҳои давлатӣ намояндагони мардум нестанд? Гумон аст, ки намояндагони мардум дар мақомотҳои давлатӣ кору фаъолият мебаранд ва дар шароитҳои зарурӣ назари хешро нисбати масъалҳои ҷомеа баён менамоянд.

Аммо имрўз гурўҳу созмонҳое ҳастанд, ки масъалаи пурзўршавии фаъолияти мақомотҳои ҳифзи ҳуқуқро нодуруст шарҳ дода, мехоҳанд байни мардум ва ҳокимият як навъ ҳисси нобовариро ба вуҷуд оранд. Бо ин роҳ мехоҳанд ба пешравии кишвар монеа эҷод намуда, обрўву эътибори Тоҷикистонро дар арсаи байналмилалӣ паст намоянд.

Имрўз гурўҳҳое ҳастанд, ки бо ҳар баҳона дар байни мардум фитна андохта, назари аҳолиро нисбати ҳокимият дигаргун кардананд. Баъзан Сардори давлатро айбдор мекунанд, ки солҳои тўлонӣ дар сари қудрат қарор дорад, баъзан ҳокимиятро бо порахўриву ноўҳдабарорӣ айбдор менамоянд ва ҳоло бошад мавзўи нави онҳо ин айбдор намудани мақомотҳои қудратӣ нисбати пўрзўр намудани тафтишот ва назорати равандҳои сиёсии ҷомеа мебошад.

  Имрўз ба ҳамагон маълум аст, ки ВМКБ дар сарҳадӣ байни Афғонистон қарор дорад ва он яке аз минтақаи ҳассоси кишвар дониста мешавад. Ҳам масъалаи гардиши ғайриқонунии маводи мухаддир ва ҳам фаъолияти ҳизбу созмонҳои террористӣ мавзўъҳои хавфнок ба ҳисоб рафта, давлат пайваста кўшиш ба харҷ медиҳад, муқобили он муборизаи худро пурзўр  намояд. Зеро таъмини тартиботи ҷамъиятӣ, ҳифзи суботи сиёсӣ вазифаи асосии давлат ба ҳисоб меравад. Бетарфӣ нисбати ин масъалаҳо ва бедиққатӣ метавонад ба якпорчагии давлат хатар эҷод намояд. Аз ин рў тарзи корбарии мақомотҳои қудратӣ дуруст баҳо дода шуда, онро ҳамчун роҳи ҳифзи суботу оромии ҷомеа маънидод карда шавад. 

Мақсади Роҳбари давлат низ аз он иборат аст, ки оромии минтақа ҳифз карда шуда, гурўҳҳои ҷинояткор нисбати рафторҳои ғайриқонунии худ дар назди қонун ҷавоб диҳанд. Агар бо ҷиддияти том нисбати масъала муносибат нашавад, чунин гурўҳҳо боз қувват гирифта оромии ҷомеаро аз байн мебаранд. Бинобар ин пурзўршавии  кори мақомотҳои қудратӣ нисбати нигоҳдошти ғайриқонунии яроқ, гардиши ғайриқонунии маводи мухаддир ва гурўҳҳои ҷинояткор ҳамчун роҳи таъмини суботу оромии ҷомеа фаҳмида шавад ва набояд ин амалро аз рўи гумонҳои беасос нодуруст таъриф намуд.

Мо аз хотир набарорем, ки пешрафту ободии кишвар танҳо дар ҳолатии оромӣ, ягонагии ҷомеа, ваҳдати саросарӣ ва ҳифзи якпорчагии он имконпазир аст. Ҳамагон хуб медонем, ки сол аз сол шароити иҷтимоии мардум беҳтар шуда истодааст. Корҳои ободониву созандагӣ бо суръат идома дорад. Боварии комил дорем, ки  дар ҳолати тиниҷиву оромӣ ва ягонагии ҷомеа дар арафаи 30-солагии соҳибистиқлолии Ҷумҳурии Тоҷикистон мардуми кишвар ба дастовардҳои назаррас ноил мегарданд ва шароити сокинони ҷумҳурӣ боз ҳам беҳтар мегардад. Ягона вазифаи муҳими мо шаҳрвандон ба дасисаву фитнаҳои бегонагон дода нашудан ва пайваста саҳм гузоштан дар ободиву созандагии кишвар мебошад. Зиндагии моро ба ҷуз худи мо касе беҳтар намекунад.

Албатта, давлатро зарур аст вазъияти имрўзро ба мардуми Бадахшон дуруст шарҳ дода, дар пешрафти ҷомеа аз нерўи онҳо самаранок истифода намоянд. Вақте худи онҳо вазъиятро дуруст дарк намоянд, шояд қазоваташон нисбати тарзи фаъолияти мақомотҳои қудратӣ тағйир ёфта, тарзи бархўрдашон дигаргун гардад.

Шўҳрат Саидзода -  н.и.с., дотсенти
кафедраи сиёсатшиносии ДДҲБСТ

Читать далее