19 September 2018

Масъуди Сипанд, адиби эронитабори Амрико: «Эмомалӣ Раҳмон абармарди таърихи Тоҷикистон аст»

Масъуди Сипанд, шоир, достоннавис ва рӯзноманигори эронитабори муқими иёлати Калифорнияи Амрико аз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба унвони абармарди таърихи Тоҷикистон ном бурд.

Читать далее

Омодагӣ ба истиқболи ҷашнҳои бузург вусъат меёбад

Сафари кории Раиси вилоят ба ноҳияи Мастчоҳ

19 сентябри соли равон Раиси вилояти Суғд, муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода ба ноҳияи Мастчоҳ сафари корӣ намуда, аз вазъи иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ҷараёни корҳои ободониву созандагӣ, бунёди иншооти муҳими иҷтимоӣ - фарҳангӣ дар ноҳия аз наздик шинос гардид.

Мавриди зикр аст, ки бо пешниҳоди Пешвои муаззами миллат соли 2020 дар ноҳияи Мастчоҳ ҷашни умумиҷумҳуриявии Ваҳдати миллӣ баргузор мегардад. Бобати сазовор истиқбол намудани ин ҷашни таърихии миллат алҳол дар ноҳия корҳои ободониву созандагӣ вусъати тоза меёбанд, ки бо дастгирии Ҳукумати мамлакат, Мақомоти иҷроияи ҳокимияти давлатии вилоят ва ноҳия, ҳамчунин соҳибкорон амалӣ мегарданд.

Читать далее

Зарнисорро фароғатгоҳ мебояд!

Зарнисор аз шаҳракҳои шаҳри Гулистон буда, дар шимоли Тоҷикистон, дар доманаи қаторкӯҳҳои Қурама ҷойгир шудааст. Соли 1948 қарор оид ба сохтмони комбинати сурбу руҳ қабул гардид, ки дар заминаи он аз соли 1949 сохтмони шаҳрак оғоз ёфт.

Сараввал ин макон Олтин - Топкан ном гирифта, бо пешниҳоди Пешвои миллат муҳтарам Эмомалӣ Раҳмон соли 2009 номи зебои Зарнисорро соҳиб шуд. Дар шаҳрак се мактаб, беморхона, шуъбаи корҳои дохилӣ, корхонаи коммуналӣ – манзилӣ ва аз соли 2006 инҷониб ҶДММ «Ширкати кӯҳӣсаноатии Тоҷикистону Хитой» фаъолият мекунад, ки якчанд конҳои маъдан дар тобеияти он мебошанд.

Корхона фаъолияти шабонарӯзӣ дошта, дар он аз тамоми гӯшаву канори Ватани азизамон ва аз хориҷи кишвар наздик 3000 нафар кор мекунанд. Бо мақсади дастгирии ҳамаҷонибаи иқдоми шоистаи Пешвои миллат дар бораи эълон доштани “Соли 2018 – Соли рушди сайёҳӣ ва ҳунарҳои мардумӣ” дар саросари Ватани маҳбубамон барои ҷалби мардуми дохил ва хориҷи кишвар, бо интихоби маконҳои зебои сарзаминамон истироҳатгоҳҳо, осоишгоҳҳо, марказҳои табобатӣ, хизматрасонӣ сохта, ба истифода дода шуда, он мавзеъҳоро боз ҳам зеботару дилкаштар менамоянд ва аз ҷониби дигар мардум, бахусус сайёҳон аз ин имкониятҳо баҳраманд мешаванд.

Мақсади навиштаи мазкур он аст, ки дар соли рушди сайёҳӣ хостем манзараҳои атрофи шаҳраки зебоманзари Зарнисорро муаррифӣ созем ва аз сармоягузорони дохиливу хориҷӣ хоҳиш намоем, ки ба ин шаҳрак ҳамчун ба як мавзее, ки боиси ҷалби сайёҳон хоҳад гардид, назар андозанд. Зеро табиати он ҷо нотакрор буда, қаторкӯҳҳои онро арчазорони ҳамешасабз зеб медиҳанд, ки чор фасли сол танҳо ҳавои тозаву роҳатбахшаш метавонад, чандин намуди бемориҳоро рафъ созад.

Дар фасли баҳор зебоии ин манзараҳо ба дараҷае мерасанд, ки барои тавсифи он забон оҷиз аст. Бӯйи муаттари арча, гулу гиёҳҳои шифобахш, оби равони чашмасорон, чаҳ-чаҳи паррандаҳо касро ба як олами афсонавӣ мебаранд. Мардуми таҳҷоӣ ва меҳмонон аз шаҳру ноҳияҳо ҳамасола, шуруъ аз моҳи май барои истироҳат ба ин мавзеъ меоянд ва ин осоиши чандсоата ба онҳо рӯҳу илҳоми тоза мебахшад. Мутаассифона, барои истироҳати комили онҳо шароит муҳайё набуда, баҳри фароҳам овардани имконият харҷи зиёд ба сохтмони иншооти асосӣ ва ёрирасон, таъмири роҳҳо, кашидани лӯлаҳои обгузар ва ташноб, гузаронидани хатти барқ ва ғайра зарур аст.

Дар сурати таъсис ёфтани осоишгоҳ, истироҳатгоҳи бачагона ва ё амсоли инҳо ҷойҳои кории нав таъсис дода мешаванд. Хотиррасон мешавем, ки чанд сол инҷониб мактабиёни шаҳраки Зарнисор таътили тобистонаи худро дар урдугоҳи «Сиёвуш»-и ноҳияи Мастчоҳ мегузаронанд. Шавқмандони табиати зебо, онҳоеро, ки ниёз ба барқарор намудани саломатӣ доранд ва ҳамчунин, сайёҳони дохиливу хориҷро ҷалб кардан имконпазир аст. Шаҳрак дар сарҳади Ҷумҳурии Ӯзбекистон ҷойгир буда, имкон медиҳад, ки истиқоматкунандагони шаҳру ноҳияҳои наздисарҳадии кишвари ба мо дӯсту ҳамсояро низ, ки аксари онҳо аз табиати зебои ин диёр бохабаранд, ҷалб намояд.

Имрӯз кормандони ҶДММ «Ширкати кӯҳӣ - саноатии Тоҷикистону Хитой» ба осоишгоҳҳои гуногун рафта, истироҳат ва саломатиашонро барқарор менамоянд. Дар сурати амалӣ шудани ин пешниҳод ҳоҷат ба дигар осоишгоҳҳо намемонад ва онҳо мизоҷони доимӣ мешаванд. Фасли зимистон дар ин минтақа барфи зиёд меборад, аз ин боис барои ба роҳ мондани намудҳои варзишии зимистона шароит муҳайё намудан мумкин аст.

Дар сурати пайдо шудани имконияти молиявӣ ва дастгирии иқтисодӣ аз тарафи соҳибкорон, ҳатто, роҳи ҳавоии танобӣ низ сохтан ба манфиати кор аст, ки дар чор фасли сол хизматрасонӣ карда метавонад ва имконият медиҳад, ки сайёҳон аз баландӣ зебоии ин табиати нотакрорро тамошо намоянд. Шаҳракро аз шаҳри Истиқлол танҳо як ағбаи хурд ҷудо мекунад, ки манзараҳои он ҷо низ дилфиребу нотакрор мебошанд. Дар сурати бунёди фароғатгоҳҳо сокинони шаҳри Истиқлол ҳам метавонанд аз хидмати он баҳравар шаванд.

Хуб мешуд, ки маъмурияти ҶДММ «Ширкати кӯҳӣ-саноатии Тоҷикистону Хитой» бо мақсади дастгирии пешниҳоди Президенти кишвар бо истифода аз имкониятҳои дастрас сари ин масъала машварате меорост ва пеш аз ҳама барои кормандон, ки бо меҳнати шабонарӯзии худ дар рушди ширкат ҳисса мегузоранд, осоишгоҳе ва ё истироҳатгоҳе месохт.

Гулҷаҳон ТУРСУНЗОДА,
«Ҳақиқати Суғд»

Читать далее

Фитна, тафриқа, иғво!!!

Таъсиси созмоне чун “Паймони миллат” аз ҷониби иттилофи душманони миллат, созмонҳои ғайриқонунӣ ва худэътироф ҲНИ, “Ҷунбиши ислоҳот ва рушд”, “Анҷумани озодандешони тоҷик” ва “Ассосисатсияи муҳоҷирони Осиёи Марказӣ” имрӯзҳо дар пояи баргузории ҷаласаи солонаи ҳуқуқи башари САҲА фитна ва иғвою тафриқаи навбатӣ буда, мехоҳанд миёни ҷомеа шиддатгириҳои иҷтимоиро ба миён оранд.

Ин амали беҳуда!

Бароҳмонии фаъолияти экстремистӣ ва ҷалби размандагони Давлати Исломӣ ва Толибон барои нооромсозии вазъи сиёсӣ дар Тоҷикистон бо қасди “то вақте ки аъзои ҲНИ дар маҳбас қарор доранд, халқи Тоҷикистон осудагиро намебинад” аз ҷониби Ташкилоти экстремистию террористии Ҳизби наҳзати ислом ва хоса роҳбари он Муҳиддин Кабирӣ рӯз аз рӯз шиддат гирифта истода, боиси гумроҳии муҳоҷирини тоҷик дар хориҷи кишвар шуда истодааст.

Барои пиёдасозии ғаразҳои ҳизбиву гурӯҳӣ ва сиёсати тасарруфгари аҳли ташаййеъ – хоҷагони эронии худ кӯшиш доранд, ки чанде аз ташкилотҳои байналмилалии ҳимояи ҳуқуқи башар ба монанди САҲА-ро бар зидди Тоҷикистон бархезонанд.

Беномусӣ!

Аз ин кирдору рафтор ва хиёнати ин тоифа мардуми шарифи Тоҷикистон хуб огоҳ буда, мо низ дигар хоҳиши муроҷиат ба ин манқуртонро надорем.

Моро Ҳушёрӣ мебояд:

Ҷумҳурии Тоҷикистон имрӯз яке аз давлатҳои истихроҷкунандаи бузурги нерӯи барқ, сароби ҳавзаи Осиёи Миёна, дарвозаи сарҳад ва амнияти Аврупо дар ҳамсоягӣ бо Афгонистон маҳсуб ёфта, дар меҳвари назари абарқудратон ва корпоратсияҳои фаромиллӣ қарор гирифтааст. Бинобар ин барои соҳибӣ кардан ба ин мақом ва боигарӣ онҳо кӯшиш намуда истодаанд, ки бо сенарияҳои коркардшуда ва санҷидашудаи худ (дар мисоли Ироқ, Ливия, Сурия) ҷомеаи босубот ва ягонаи моро тасхир намоянд.

Аммо мардуми шарафманди тоҷик намегузорад, ки ҳадафҳои ин муғризон амалӣ гардад.

Тоҷикистон дар қиёс бо ин давлатҳои ҷангзада ва ҳатто абарқудратон дорои чунон яроқе мебошад, ки ҳамлаи ягон давлат, ташкилотҳои экстремистию террористӣ ва яроқи ядроӣ дигар ба мо таҳдид карда наметавонад  - Ин Иттифоқ ва Ваҳдати миллат, Ягонагии  халқ аст!!!

Киромиддин Мухторов,
 Номзади илмҳои ҳуқуқшиносӣ,
дотсент, мудири кафедраи ҳуқуқшиносии ДДХ
ба номи академик Бобоҷон Ғафуров

Читать далее

Изҳороти ҷомеаи меҳнатии Донишкадаи куҳӣ-металлургии Тоҷикистон нисбати иштироки ТТЭ ҲНИ дар ҷаласаи ифтитоҳии анҷумани САҲА

Мо ҳайати профессорону омӯзгорон ва кормандони ДКМТ  суханронии роҳбари ҳайати Тоҷикистон –муовини авали вазири корҳои хориҷии кишвар Низомиддин Зоҳидзодаро дар анҷумани Созмони амният ва ҳамкории Аврупо мутолиа намуда, онро пурра ҷонибдорӣ менамоем. Роҳбари ҳайати вакилони Тоҷикистон Низомиддин Зоҳидзода ин созмонро воқеан ҳам, дуруст айбдор мекунад, ки чаро ТТЭ ҲНИ, ки ҳамчун ҳизби террорист ва манъшуда шинохта шудааст, дар ҷаласаи созмон ширкат меварзад. Илова бар ин, роҳбари ҳайати вакилони Тоҷикистон дар суханрониаш хеле бамаврид  қайд мекунад, ки ифротгароҳоро ба худиву бегона ҷудо кардан андешаи нодуруст аст. Зеро мо хуб медонем, ки террорист миллат, мазҳаб, сарҳад надорад. Вақте ки чунин аст, чӣ тавр метавон онҳоро ба худиву бегона ҷудо кард, бинобар ин террорист –террорист аст. Мо зиёин низ талаб менамоем, ки ТТЭ ҲНИ набояд ба чунин нишастҳо раҳ ёбад!

Ҷомеаи меҳнатии донишкада ба андешаҳои ботили ТТЭ ҲНИ дар анҷуман эътироз баён менамояд. Суханони раиси ТТЭ ҲНИ «дар кишвари мо то ҳол ҷараёни зидди истиқлолият ҳукмронӣ мекунад» як сафсатаи хушку холӣ мебошад. Зеро ҳукумат кишвар барои ҳифзи Истиқлолият ва Ваҳдати миллӣ ва истиқлолият мубориза мебарад.

Инчунин Кабирӣ дар суханрониаш борҳо истилоҳи «инсони мустақил»-ро истифода бурда, таъкид намудааст, ки маънии асосии истиқлолро бояд шахси мустақил ташкил диҳад. Ба ин «ҳикмат»-и ӯ мо посух медиҳем, ки ҳуқуқу озодиҳои  шаҳрванди Тоҷикистон дар Конситутсияи соли 1994 ифода ёфтааст, ки он яке аз демократитарин конситутсияҳои дунё мебошад.  Мо мардуми кишвар  инсонҳои озоду мустақил будем, ки дар зарфи 27 соли истиқлолият ба истиқлолияти энергетикӣ соҳиб гардида, аз бунбасти коммуникатсионӣ раҳоӣ ёфтем. Амнияти озуқавориро      таъмин намудем. Инчунин раиси ТТЭ ҲНИ дар анчуман пешниҳод намудааст, ки созмоне бо номи «Паймони миллӣ» таъсис дода мешавад. Маънии ин иттиҳод маълум аст, яъне мехоҳад боз ҲНИ-ро ҳамчун ташкилоти террористӣ бо номи нав созмон диҳад.

Имрӯз ҷомеаи мо ба чунин созмону паймонҳо ҳеҷ гуна ниёз надорад.

Хайъати профессорону
омӯзгорон ва кормандони ДКМТ

Читать далее

АМАЛҲОИ ТТЭ ҲНИ – САЗОВОРИ НАФРИНИ ҶОМЕА

Яке аз масъалаҳои  ташвишовари  ҷомеаи ҷаҳонӣ ин густариши равияҳои террористӣ ва экстремистии динӣ мебошад. ҲНИ  аз қабили ниҳодҳое  мебошад, ки нооромиро ба вуҷуд оварда барои тира кардани фазои ороми ҷомеаи мо талошҳои беҳуда меварзад.

М.Кабирӣ ва ташкилоти фаъолияташ мамнуъи ҲНИ боз ҷомеаро ба иғво кашида, ҷавононро ба ҳаракатҳои террористӣ ва экстремистӣ ҷалб менамояд.  Имрӯз косаи сабри ҷомеа пур гардидааст, ки нишонаи онро мо дар амали Гулчеҳра Шодмонова - модари гумонбари ташкили ҳамла ба туристони хориҷӣ Ҳусейн Абдусамадов мушоҳида менамоем.

Хабарнигори радиои «Озодӣ» аз назди дафтари САҲА дар шаҳри Душанбе субҳи 7 сентябр хабар дод, ки Г.Шодмонова бо нишони эътироз аз ширкати раиси ҲНИ Муҳиддин Кабирӣ дар нишасти ҳуқуқи башари САҲА дар Варшава ба сараш моеи монанд ба бензин рехт. Хабарнигори Радиои Озодӣ мегӯяд, ин саҳнаро баъди он мушоҳида кардааст, ки даҳҳо нафар бо шиорҳои маҳкумкунандаи ҲНИ ва раҳбари ин созмони мамнӯъ дар Тоҷикистон, инчунин навиштаҷоти мисли “Нест бод терроризм” дар назди дафтари САҲА таҷаммӯъ карданд. Лаҳзае, ки полис барои пароканда кардани ин нафарон омаданд, Гулчеҳра Шодмонова дар ҳолати эҳсосот ва асабонияти зиёд гуфт, ки САҲА ба Кабирӣ минбар медиҳад ва ин одам дар гумроҳ кардани писари ӯ, ки дар ташкили амали террористӣ дар Данғара гумонбар мешавад, гунаҳгор аст.

Иштироки Муҳиддин Кабирӣ дар баъзе  чорабиниҳои байналмилалӣ ба мисли САҲА ба ҷуз аз русиёҳии худу ҳаммаслаконаш дигар чизеро ба бор оварда натавонист.

Тоҷикистон аз рӯзҳои аввали давлатдории миллӣ ҳама гуна зуҳуроти террористӣ ва экстремистиро қотеъона маҳкум менамояд.

Аз ин рӯ, барои ҳимоя ва ҳифзи Истиқлолияти давлатӣ, таҳкими амну суботи сиёсии кишвар ва рушди рӯзафзуни ҷомеа  моро лозим аст, ки баҳри бартараф кардани тамоми омилҳои низангез дар ҷомеаи худ саъйу талош варзем.  Нагузорем, ки чунин ташкилотҳои террористӣ - экстремистӣ ва гурӯҳҳои ифротгаро амнияту пешрафти  ҷомеаро халалдор намоянд. Ҷавононро  ба он даъват менамоем, ки ба ғояҳои бардурӯғ ва иғвоангези ин гуна  равияҳо  дода нашуда, баҳри пешбурд ва равнақи кишвари азизамон тавассути донишу малакаи қавии худ саҳм гузоранд.

М.Шарипова,
омӯзгори кафедраи сиёсатшиносӣ ва фарҳангшиносӣ

Читать далее

НОУҲДАБАРОИИ КАБИРӢ ВА АКТЁРОНИ Ӯ

Новобаста ба  он ки қабл аз баргузории машварати навбатии солонаи Дафтари ниҳодҳои демократӣ ва ҳуқуқи инсони  САҲА ҷомеаҳои мухталиф, расонаҳои хабарӣ, афроди алоҳида аз мақомоти роҳбарии САҲА даъват ба амал оварданд, ки иштироки намояндагони ташкилоти экстремистӣ- террористии ҲНИ ба нишасти мазкур шаффофияти фаъолияти онро зери суол мебарад, ин ташкилоти бонуфузи ҷаҳонӣ натанҳо аз даъвати ҳайати ТТЭ ҲНИ сарфи назар накард, ҳатто баргузории машварати мазкур нишон дод, ки САҲА ба ҳадде ба Кабирӣ ва ҳаммаслакони ӯ иҷозат дод, ки онҳо худро мизбон эълон намуда, он гунае рафтор намонд, ки гӯё машваратро ТТЭ ҲНИ ва ёварони он баргузор намуда бошанд. 

Фаъолияти ғайриқонунии ТТЭ ҲНИ-ро теъдоди муайяни кишварҳои аъзои САҲА  низ ташкилоти террористӣ ва экстремистӣ будани онро ҷонибдорӣ намуданд. Натиҷаи ҳамин дидгоҳҳои ҷомеаи ҷаҳонӣ ва ҳатто созмонҳои бонуфузу пешқадам буд, ки ҷомеаи шаҳрвандии Тоҷикистон, шахсиятҳои барҷаста қабл аз баргузории ин машварат ба САҲА дар мавриди даъват накардани намояндагони ин ташкилоти экстремистӣ ва террористӣ тавассути расонаҳои хабарӣ дархост намуданд. Вале баргузории ин машварат имрӯз дар идомаи суолҳои қаблӣ, ки чаро батадриҷ фаъолияти намояндагии САҲА дар кишварҳои Россия, Беларус, Озарбойҷон ва дигар ҷумҳуриҳои ИДМ қатъ мешавад ва боварии кишварҳо ва мардумони манотиқи мухталиф ба ин созмони ҷаҳонӣ коҳиш пайдо мекунанд, суоли дигареро ба вуҷуд овард. Бо кадом асос САҲА  ба ин ташкилоти фаъолияташ расман манмуъ ва экстремистиву террористӣ эълоншуда тамоми имкониятҳоро фароҳам овард, то дар доираи баргузории ин машвар ҳар коре бихоҳанд бикунанд ва ҳар чӣ бихоҳанд анҷом диҳанд? Аз ҷараёни баргузории машварат маълум буд, ки ҳар вақте мехоҳанд ҳарф мезананд ва озодона дар толор машғули рафтору гуфтор ҳастанд. Ҳатто Кабирӣ ва ҳаммаслакони ӯ ба худ иҷозат доданд, ки аз ин имконоти пешниҳоднамудаи САҲА сӯистифода карда, хештанро мизбони ин ҳамоиш унвон кунанд. Дар канори ин,  баъди анҷоми нишастҳо ҳатто аз доираи ваколатҳои хеш, агар гирем, ки ҳамчун иштирокчӣ даъват шуда бошанд, берун рафта, ҳар чӣ амале бихоҳанд, анҷом медоданд, гӯё барои онҳо иҷозат шуда бошад. Магар, чунин амалкарди аъзои ТТЭ ҲНИ шаффофияти муносибатҳои баргузоркунандагони ҳамоиш, хоса САҲА-ро зери суол намебарад?

Ба фикри мо аслан демократия ҳам меъёр, ҳадду ҳудуд ва албатта, як фарҳанги хосаи муоширату муомилот дорад. Аммо аз оғоз маълум буд, ки гӯё ТТЭ ҲНИ аз ин минбару майдон барои манзури бозиҳо ва найрангҳои навбатии хеш истифода бурданист. Намояндаи ТТЭ ҲНИ дар ҳар вақте хоҳад ҳарф мезанад, маҷбуран ба дасти аъзои гуруҳи Ҳукумати Ҷумҳурии Тоҷикистон варақаву шиорҳояшонро  дода мехоҳад сурат гирифта, бо манзури он тавассути шабакаҳои иҷтимоӣ ва ё расонаҳои хабарии хеш  тавтеа ё ҳангомаи навбатиеро барпо намуда, бо ин роҳ нисбат ба Ватану миллат ва давлати хешро бадгӯӣ намояд. Мантиқ куҷост, вақте нафаре, ки аллакай аз кардаи худ пушаймон шудаву ба тамоми ҷомеаи ҷаҳонӣ хиёнатҳои ТТЭ ҲНИ-ро фош намуд, ба дасти ӯ маҷбуран варақа медиҳанду ба таври сохта дар пеши чашми ҳама кас мехоҳанд акс бигиранду баъдан ҳар чӣ худ бихоҳанд бигӯянду он рафтори сохтаи худро ба ҳар сурате бихоҳанд тавзеҳ диҳанд. Аз ин рӯ, аъзои ташкилоти ТТЭ ҲНИ ва ҷонибдорони он ба таври махсус чунин заминаҳоро барои сар задани муноқишаҳо фароҳам оварданд, то бар ин асос ин бор низ худро “аз об хушк берун оварда”, боз ҳам гуноҳро ба дӯши давлат ва Ҳукумати Тоҷикистон бор намоянд. Ба ибораи дигар, ин намоишномае буд, ки моҳҳо пеш барномаву лоиҳаи он тарҳрезӣ шуда, махсус хостори он буданд, ки бар ҳар баҳонае ба эҳсоси дигарон нохун зада, муноқишае эҷод намоянд. Лекин ин бор низ тирашон хок хӯрд ва тавассути расонаҳо ҳамагон ин намоишномаи чандин моҳҳо тарҳрезишударо тамошо ва дарк намуданд, ки муаллифи сенария дар интихоби актёрони хеш ба иштибоҳ роҳ дод ва нақши худро ноуҳдабароёна бозиданд.

Бо чунин шаклу шева баргузор шудани машварати мазкур ва суистифодаи аз ҳад зиёди аъзои ТТЭ  ҲНИ бори дигар моро ба ин андеша мебарад, ки дар ҳақиқат чунин амалкарди САҲА омили коҳиши мақоми сиёсии он дар арсаи ҷаҳонӣ хоҳад гардид, зеро бори дигари таъкид медорем, ки вазифаи ҷонии чунин созмонҳои сатҳи байналмилалӣ боло бурдани шиддати муқовимат бо чунин зуҳуроти номатлуб ва муаммоҳои ҷаҳонӣ, аз ҷумла экстремизм ва терроризм аст.

 НУРАЛӢ НУРЗОД,
ходими илмии Институти
илмҳои ҷомеашиносии ДДХ
ба номи академик Бобоҷон Ғафуров,
номзади илмҳои филологӣ

Читать далее

КОСАИ САБРИ МАРДУМ ЛАБРЕЗ ШУД

Воқеае, ки дар назди дафтари САҲА дар Душанбе рух дод, мардумро водор месозад, ки нисбати чунин ҳаводис бетавофут набошанд. Дарвоқеъ, кӯшишу талошҳои ТТЭ ҲНИ бо мақсади паст задани мақоми Тоҷикистон дар арсаи байналхалқӣ рӯз аз рӯз бо сад фитнаву дасиса ранг иваз карда истодааст. Масалан, дар аввал пайравони ТТЭ ҲНИ мардумро барои диникунонии сиёсат даъват мекарданд ва барои ҳар мусулмон ҷонибдории ҳизби наҳзати Исломро муҳим меҳисобиданд.

Чун мардум пиндоштанд, ки дар шароити имрӯза бунёди давлати динӣ ба ташкили низоъ, ихтилофоту буҳрони сиёсӣ оварда мерасонад, аз ҲНИ дур шуданд. Бо мурури замон, бо ташаккули тафаккури сиёсӣ-ҳуқуқӣ мардум моҳияти давлати дунявиро дарк намуданд.

Имрӯз пайравони ТТЭ ҲНИ мехоҳанд  дар нишасти ҳуқуқи башари САҲА дар Варшава бо даъвои фаъолияти қонунии оппозитсияи сиёсӣ дар ҳудуди кишвари Тоҷикистон баромад намоянд.  

Эй даъвогарони мансаб, орзумандони курсиҳои ҳукумат, разилону гумроҳкунандагони миллат, хоинону душманони ваҳдат, бас аст ин муборизаҳои беамон!  Мо ба ин қабил озодандешон ниёз надорем. То ин дам арзу шикояти халқ бевосита аз ҷониби ҳукумат шунида шуда, ягон даъвои мардум беҷавоб намондааст.

 Мо - сокинони Ҷумҳурии Тоҷикистон намояндагони дафтари САҲА дар Варшава эҳтиромона хоҳиш менамоем, ки барои иштироки пайравони ТТЭ ҲНИ дар нишасти ҳуқуқи башарии САҲА мусоидат накунанд. Онҳо як гурӯҳи террористӣ-экстремистӣ мебошанд, ки таҳдид ба сокинони тамоми дунё доранд. Ба ҳамагон маълум аст, ки ин қабил гурӯҳҳо аз ҷониби тамоми кишварҳои Аврупо, умуман, ҷомеаи ҷаҳонӣ маҳкум карда мешаванд.

З.А.Комилова,
омӯзгори кафедраи сиёсатшиносӣ ва фарҳангшиносӣ

Читать далее