09 July 2018

Баргузории Рӯзи қабули шаҳрвандон дар ноҳияи Ҷаббор Расулов

7 июл дар ноҳияи Ҷаббор Расулов Рӯзи қабули шаҳрвандон аз ҷониби Раиси вилояти Суғд Раҷаббой Аҳмадзода баргузор гардид.

Дар ин ин рӯз 65 нафар бо 38 масъала ба Раиси вилоят муроҷиат карданд ва Раҷаббой Аҳмадзода муроҷиатҳои шаҳрвандонро баррасӣ ва баҳри ҳалли масъалаҳои пешниҳодшуда масъулинро вазифадор намуд.

Читать далее

Иштироки Раиси вилоят дар маросими мумфаршкунии роҳҳо дар ноҳияи Ҷаббор Расулов

Дар доираи сафари корӣ ба ноҳияи Ҷаббор Расулов Раиси вилояти Суғд Раҷаббой Аҳмадзода ба мумфаршкунии роҳи кӯчаи ба номи Даврон Самадови ноҳия оғоз бахшид.

Дарозии роҳи мумфаршшаванда 1 километрро ташкил дода, он бо маблағгузории мақомоти иҷроияи ҳокимияти давлатии вилоят аз таъмири куллӣ бароварда мешавад.

Читать далее

Ифтитоҳи варзишгоҳи хурди “Бунёдкор” дар ноҳияи Ҷаббор Расулов

Дар Ҷамоати деҳоти Ғӯлакандози ноҳияи Ҷаббор Расулов бо иштироки Раиси вилоят Раҷаббой Аҳмадзода варзишгоҳи хурди “Бунёдкор” мавриди истифода қарор гирифт.

Варзишгоҳи мазкур, ки аз ҷониби соҳибкори маҳаллӣ Абдухалил Ҷӯраев бо харҷи 400 ҳазор сомонӣ бунёд шудааст, мутобиқ ба талаботи замони муосир буда, дар он барои гузаронидани мусобиқаҳои гуногун шароити зарурӣ фароҳам оварда шудааст.

Читать далее

Дар ноҳияи Ҷаббор Расулов майдони Парчами давлатии Ҷумҳурии Тоҷикистон бунёд мешавад

7 июли соли равон Раиси вилояти Суғд Раҷаббой Аҳмадзода ба ноҳияи Ҷаббор Расулов сафари корӣ анҷом дода, бо ҷараёни корҳои ободониву созандагӣ шинос гардид.

Дар оғози сафар Раиси вилоят дар маросими гузоштани санги асос ба бунёди майдони Парчами давлатии Ҷумҳурии Тоҷикистон иштирок намуд. Тавре аён гардид, майдони Парчами давлатии Ҷумҳурии Тоҷикистон дар назди бинои мақомоти иҷроияи ҳокимияти давлатии ноҳия бунёд хоҳад шуд. Баландии сутунпояи Парчами давлатӣ 50 метрро ташкил мекунад ва дар ин мавзеъ фаввораҳои гуногуну нишастгоҳҳои замонавӣ сохта шуда, тамоми ҳудуди майдон чароғон ва сабзу хуррам гардонида мешавад.

Читать далее

Раҷаббой Аҳмадзода ба кӯдакони маъюб кӯмакпулӣ тақдим кард

Бахшида ба Рӯзи маъюбон бо иштироки Раиси вилояти Суғд Раҷаббой Аҳмадзода дар Чойхонаи миллии Қасри Арбоб чорабинии идона доир гардид.

Қабл аз оғози чорабинӣ Раиси вилоят бо маҳсули дастони ҳунармандони маъюбиятдоштаву намояндагони муассисаҳои иҷтимоии ҳудуди вилоят шинос шуд ва ба ҳунари волои онҳо баҳои баланд дод.

Раиси вилояти Суғд Раҷаббой Аҳмадзода зимни суханронии худ аз ғамхориҳои пайвастаи давлату Ҳукумат, бахусус Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбати ин қишри осебпазири ҷомеа ёдоварӣ намуд.

Читать далее

Мулоқоти Раиси вилоят бо намояндагони доираҳои тиҷоратии Федератсияи Россия

Чанде қабл Раиси вилояти Суғд Раҷаббой Аҳмадзода намояндагони  доираҳои тиҷоратии Федератсияи Россияро, ки бо мақсади иштирок дар Ярмаркаи V байналмилалии савдо “Суғд-2018” ба вилояти Суғд омада буданд, ба ҳузур пазируфт.

Зимни мулоқот ҷонибҳо аз натиҷаи ҳамкориҳо дар бахшҳои мухталиф, гардиши молу маҳсулот, робитаҳои тиҷоративу иқтисодии кишварҳои дӯст ва шарикони стратегӣ – Тоҷикистону Россия изҳори қаноатмандӣнамуданд.

Читать далее

Кӯдакони хушбахти замон

Дар маҳаллаи «Суғдиён»-и шаҳри Хуҷанд бунёд гардидани кӯдакистон барои 240 нафар аз тарафи соҳибкори ватанӣ Муртазо Алиев ва Ҷамъияти дорои масъулияти маҳдуди «Иморатсоз» туҳфаи хубе буд барои кӯдакони хушбахти даврони истиқлол, ки дар арафаи иди Ваҳдати миллӣ аз ҷониби Пешвои миллат муҳтарам Эмомалӣ Раҳмон ба истифода дода шуд.

Бинои кӯдакистон аз се ошёна ва таҳхона иборат буда, барои таъсиси 8 гурӯҳи тарбиявӣ дар ошёнаҳои якуму дуюм шароит муҳайё карда шудааст. Толори сеюм бо тамоми таҷҳизоту ороишот барои баргузории маҳфилу машғулиятҳо мутобиқ аст. Тибқи барномаи омодашудаи кӯдакистон барои инкишоф ва таълиму тарбияи кӯдак дарсҳои омӯзишӣ, бозиҳои шавқовар ва ғайра гузаронида мешаванд.

Бояд қайд намуд, ки муассиси он соҳибкор Муҳтарамхон Ҳамроева буда, кӯдакистонро бо тамоми таҷҳизот муҷаҳҳаз намудааст. Он дорои утоқҳои омӯзиши компютерӣ, таълимӣ, хоб, хонаҳои қабули кӯдакон, толорҳои мусиқӣ, нуқтаи тиббӣ ва ошхона, майдончаҳои варзишии тобистона, айвончаҳои бозӣ буда, бо шабакаи гармидиҳӣ пайваст карда шудааст.

Таҳмина Фозилова, мудири кӯдакистон:

– Бо ташаббуси Сарвари мамлакат имрӯз мо соҳиби боғчаи муҷаҳҳаз ва зебо гардидем, ки аз ин дастгирӣ сипосгузорем. Зеро имрӯз таваҷҷуҳи хоса додан ба масъалаи таълиму тарбияи фарзанд, ғамхорӣ ва парастории кӯдакон вазифаи аввалиндараҷаи Ҳукумати кишвар мебошад. Аллакай 240 нафар кӯдаки аз 1,5 то 6-сола номнавис гардида, 7-нафар мураббия бо ёрирасонашон, омӯзгорони компютер, забонҳои русиву англисӣ, ҳамшираи тиб, мудири хоҷагӣ, посбон омодаи хизматанд. Маоши кормандон аз 400 то 1000 сомонӣ мебошад. Алҳол ҳаққи ҳисоби моҳонаи кӯдакистон барои бачагон муайян карда мешавад.

Гулнорахон, мураббия:

– Чанд сол инҷониб ба таълиму тарбияи кӯдакон машғулам. Кӯшиш ба харҷ медиҳам, ки ҳар яки онҳоро дар алоҳидагӣ омӯзонам, тарбия намоям, меҳрамро дар дили онҳо ҷойгир созам. Имрӯз бо ташаббус ва ғамхориҳои Пешвои миллат мо соҳиби боз як кӯдакистони замонавии дорои шароити олӣ гардидем. Кӯдакон се маҳал бо хӯроки гарм таъмин гардида, омӯзиш асосан бо забони русӣ ба роҳ монда шудааст. Танҳо як гурӯҳи хурди кӯдакони 1,5-сола дорем, ки ба онҳо бо забони тоҷикӣ ҳарф мезанем.

Гулҷаҳон ТУРСУНЗОДА,
«Ҳақиқати Суғд»

Читать далее

САХИРО АЗ АТО ЧИН НЕСТ ДАР ЧЕҲР…

ё иқдоми неки вакили халқ

-Ҳар амали некӯ, хайру саховатмандона, ки мо анҷом медиҳем, бешубҳа, аҳамияти бузурги маънавию ахлоқӣ ва тарбиявӣ дошта, айни замон ба густариши раҳму шафқат дар байни аҳли ҷомеа, таҳкими муносибатҳои нек миёни одамон ва то андозае ба ҳалли мушкилоти иҷтимоӣ мусоидат мекунад, - таъкид намуданд Пешвои миллат, Президенти мамлакат муҳтарам Эмомалӣ Раҳмон дар мулоқот бо намояндагони ҷомеаи кишвар.

Дар ҷавоб ба ин дастуру ҳидоятҳои Асосгузори сулҳу ваҳдати миллӣ - Пешвои миллат даҳҳо шахсони саховатпеша, соҳибкорон ба мардуми маҳалли зисти худ, шахсони танҳову бепарастор, ятиму эҳтиёҷманд кӯмак мерасонанд, ки ин, бешак, ба беҳтаршавии сатҳи зиндагии мардуми диёрамон, ҳамчунин ҳар рӯз аз пештара ободтар гаштани шаҳру деҳоти кишварамон мусоидат менамояд.

Яке аз чунин инсонҳои сахопеша вакили Маҷлиси вакилони вилоят аз ҳавзаи интихоботии «Моғиён», №26, шаҳри Панҷакент Раҳмонқул Каримов аст. Ин инсони ба хизмати мардуми диёри худ босадоқат имсол ният кард, маблағи баҳри Ҳаҷ омоданамудаи худро ба ҳалли мушкилоти халқи худ бубахшад. То ин дам сокинони маҳаллаи Меҳробод аз набудани трансформатор ва интиқоли номуътадили нерӯи барқ азият доштанд. Вакили мардумӣ ба маҳалла трансформатор насб намуда, чандин адад симчӯби нав ва хатти барқ кашид. Бо ҳамин манзили беш аз 120 хоҷагӣ аз нерӯи барқ пурнуру мунаввар гардид.

- Дар шаҳри Панҷакент иқдомҳои ватандӯстонаи фардони баору номус сол аз сол афзуда истодааст, ки бо амри дилу виҷдон ба амалҳои хайр даст мезананд ва баҳри обод гардидани як гӯшаи диёр, манзили зисти як нафар эҳтиёҷманд, лабханд задани як ятими маъсум саҳм мегузоранд. Як нафар аз чунин фардони шариф директори кулли Ҷамъияти саҳҳомии «Даврон» Раҳмонқул Каримов аст, ки дар доираи ваколатҳои вакилиаш амалҳои хайру саховатмандонаро бисёр анҷом додааст ва бо корҳои савоби худ дар дили мардум ҷой ёфтааст, - гуфт Умед Ҳабибзода, роҳбари дастгоҳи раиси шаҳри Панҷакент.

- Дар партави дастуру супоришҳои Президенти мамлакат дар самти қабули шаҳрвандон ва кӯмак расонидан дар ҳалли муаммоҳои онҳо, ҳамчунин дар арафаи Иди саиди Фитр амалҳои неки зиёд анҷом дод.

Некӯкориҳои вакили халқ Раҳмонқул Каримовро метавон бисёр номбар кард. Чунончӣ, чандин кӯчаву роҳҳои аз борону сел вайронгаштаи Ҷамоати деҳоти Шинг, дар маҷмӯъ зиёда аз 40 километр, бо иқдоми ин намояндаи халқ аз нав барқарору мумфарш гардиданд. Дирӯз низ бо дастгирии ӯ 1,5 километр роҳи селбурда аз нав барқарор ва мумфарш шуд. Дар ҳудуди Ҷамоати деҳоти Моғиён бо иқдоми ӯ ҳафт кӯпрук сохта, аз нав барқарор карда шудааст.

Чунонки мутафаккири бузург Алишери Навоӣ гуфтааст:

Ба пошидан чӣ нуқс ояд ба дарё,

Ба афшондан чӣ кам гардад зари меҳр?

Ба иқдомҳои нек, ки ба ояндаи аз ин ҳам беҳтари Ватани азизамон нигаронида шудааст, ҳар як фарди кишвар бояд
саҳмгузор бошем.

Рафоат МӮЪМИНОВА,
«Ҳақиқати Суғд»

Читать далее

Мулоқоти Пешвои миллат Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев

6 июл дар шаҳри Остонаи Ҷумҳурии Қазоқистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи иштирок дар чорабиниҳои бахшида ба 20-солагии ба шаҳри Остона додани мақоми пойтахти кишвар бо Президенти Ҷумҳурии Ӯзбекистон Шавкат Мирзиёев мулоқоти судманду самимӣ доир карданд.

Дар ҷараёни суҳбат масъалаҳои муҳимтарини рушду таҳкими ҳамкории дуҷониба дар ҳамаи арсаҳои манфиатҳои муштарак мавриди баррасӣ қарор гирифтанд.

Читать далее