08 April 2018

Шиносоӣ бо рафти корҳои таъмиру барқарорсозии Хонаи фарҳанги Ҷамоати деҳоти Оббурдони ноҳияи Мастчоҳ

Имрӯзҳо дар Ҷамоати деҳоти Оббурдони ноҳияи Мастчоҳ корҳои таъмиру барқарорсозии Хонаи фарҳанги ҷамоат идома дорад.

Хонаи фарҳанг дорои 300 ҷойи нишаст буда, солҳои охир дар ҳолати хароб қарор дошт. Бо назардошти ҳолати ногувори иншооти фарҳангӣ он мавриди таъмир қарор дорад. Зимни шиносоӣ бо рафти корҳои навсозӣ Раиси вилоят Раҷаббой Аҳмадзода ба масъулини сохтмон дастур дод, ки корҳоро бо сифати баланд ба анҷом расонанд ва ҷиҳати ободонии муҳити атроф низ чораҳои заруриро амалӣ намоянд. Раҷаббой Аҳмадзода таъкид намуд, ки ба ин иншооти фарҳангӣ аз ҷониби мақомоти иҷроияи ҳокимияти давлатии вилоят 300 дона курсии нав ва қолин дастрас карда мешавад.

Читать далее

Раиси вилоят дар ноҳияи Мастчоҳ бо фаъолияти корхонаҳо шинос гардид

Раиси вилояти Суғд Раҷаббой Аҳмадзода дар идомаи сафари корӣ ба ноҳияи Мастчоҳ бо фаъолияти корхонаи коркарди шир - “Нури сафар” шинос гардид.

Тавре иттилоъ дода шуд, корхонаи мазкур дар заминаи супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2017 таъсис дода шудааст ва дар он 35 нафар ба кор машғул мебошанд. Корхона аз сокинон ширро ҷамъоварӣ намуда, маҳсулоти нимтайёри равғани маскаву панирро истеҳсол мекунад ва маҳсулоти нимтайёр ба “Комбинати шири Душанбе” фиристода мешавад. Пас аз шиносоӣ бо фаъолияти корхона Раиси вилоят таъкид кард, ки барои васеъ намудани доираи фаъолият ва афзун намудани ҳаҷми истеҳсолот шароитҳо мавуданд. Аз ин рӯ, роҳбарияти корхона бояд барои афзун намудани ҳаҷми истеҳсолот ва ташкили ҷойҳои нави корӣ тадбирҳои иловагӣ андешанд.

Читать далее

Оғози кишти пахта дар хоҷагиҳои деҳқонии ноҳияи Мастчоҳ

Раиси вилоят Раҷаббой Аҳмадзода зимни сафари корӣ ба ноҳияи Мастчоҳ, ки рӯзи 5 апрел сурат гирифт, аз як қатор хоҷагиҳои кишоварзӣ боздид намуд.

Раиси вилоят нахуст ба хоҷагии деҳқонии “Ҳақиқат” ташриф оварда, бо ҳамроҳии пирони рӯзгордида ва кишоварзон ба кишти пахта оғоз бахшид ва бо деҳқонон суҳбати гарму самимӣ орост. Аснои суҳбат бо деҳқонон роҳбари вилоят зикр дошт, ки соли равон ҷиҳати бо оби полезӣ таъмин намудани хоҷагиҳои ноҳия ягон мушкилӣ пеш нахоҳад омад. Зеро дар ин сол бо дастгирии мақомоти иҷроияи ҳокимияти давлатии вилоят барои таъмири пойгоҳҳои обкашии ноҳия 300 ҳазор сомонӣ ҷудо гардид.

Читать далее

Сокини ниёзманди ноҳияи Мастчоҳ дастгирӣ ёфт

Рӯзи 5 апрели соли равон Раиси вилояти Суғд Раҷаббой Аҳмадзода ба ноҳияи Мастчоҳ сафари корӣ анҷом дод.

Дар оғози сафар Раиси вилоят ба манзили истиқоматии сокини ноҳия Қурбонбибӣ Норматова ташриф овард. Бояд гуфт, ки хонаи истиқоматии номбурда қаблан бар асари сӯхтор зарар дидааст ва Қурбонбибӣ Норматова ҷиҳати дарёфти кӯмак рӯзи 14 феврали соли ҷорӣ зимни қабули шаҳрвандон дар ноҳияи Мастчоҳ ба Раиси вилоят муроҷиат намуда буд. Муроҷиати шаҳрванд аз ҷониби сохторҳои марбутаи вилоятӣ мавриди баррасӣ қарор гирифт ва тибқи хулосаи масъулин тасмим гирифта шуд, ки ба оилаи Қурбонбибӣ Норматова ҳамчун оилаи эҳтиёҷманд кӯмак расонида шавад.

Читать далее