05 April 2018

Қиммати об бештар аз тиллост!

Табиат муъҷизаҳои зиёде дорад, вале ба эътирофи умум муҳимтарину беҳамтотаринаш об аст, зеро бе об на зиндагӣ ҳасту на гулу гиёҳ. Ҳанӯз дар асри IV пеш аз милод Арасту гуфта буд: “Об муъҷизаи бебаҳои табиат буда, асоси пайдоишу пойдории дунёст”. Гузаштагони мо обро чун неъмати пок медонистанд. Об ба сифати неъмати поку равшан, бахту иқбол шинохта шудааст. Тоҷикистон бобати захираҳои об дар ҷаҳон яке аз ҷойҳои намоёнро ишғол менамояд.

 Захираи об дар табиат хеле фаровон аст, вале мувофиқи тасдиқи экологҳо танҳо се дарсади ин захираи ҷаҳониро обҳои нӯшиданӣ ташкил медиҳанд, ки аз ин як дарсадаш то ҳол барои инсоният дастнорас аст. Беш аз се миллиард аҳолии олам дар 80 мамлакати ҷаҳон аз ҷиҳати дастрасӣ ба оби тоза душворӣ мекашанд. Дар чанде аз кишварҳои дунё қиммати об бештар аз қиммати тиллост.

 Олимони соҳаи тиб исбот ва ба аҳолӣ ҳушдор додаанд, ки манбаи пайдоиши як қатор бемориҳои хавфнок ва душвормуолиҷа чун домана, тиф маҳз танқисии оби нӯшокист. Яъне, об омили саломатии инсоният ва ҳимояи одамон аз бемориҳост. Ҳамагон бояд дар мадди назар дошта бошанд, ки на ҳамаи захираҳову сарчашмаҳои об доимӣ ва адонашавандаанд. Ин маврид даъвати устод Лоиқ ба ёд меояд: “...Ба қадри обҳои ҷорӣ мебояд расид имрӯз, ки фардо хушк хоҳанд шуд”.

 Тоҷикистони биҳиштосои мо дар саргаҳи оби тоза аст, захираи фаровони оби тоза насибаш гаштааст. Кишвари мо аз нигоҳи дастрасӣ ба оби тозаи нӯшиданӣ дар ҷаҳон мавқеи намоён дорад . Вале ин барои мо набояд танҳо муҷиби осуда будану ташвише надоштан бошад. Мо - аҳли диёр, бояд истифодаи оқилонаи ин сарвати арзишманди табиӣ, сарфа кардану покиза нигоҳ доштани онро хуб донем ва риоя намоем. Оби ҷӯйбору сойҳо ва дарёҳоро ифлос нанамоем. Зеро тозагии об - кафили саломатии мост.

 Тухтасӯн ҚОДИРОВ,
ноҳияи Ашт

Читать далее

Тадбири ҳадафманд

Таъсиси иттиҳодияи ҷамъиятии «Иттифоқи байналмилалии нависандагон ва табибон», ки шӯруъ аз моҳи марти соли равон фаъолият кард, кулли сокинони вилоятро хушнуд гардонид.

Ҳадафи асосии иттиҳодия мусоидат дар таҳия, тарҷума ва то ба мардум расонидани омори китобҳои беҳтарини олимон ва нависандагони ҷаҳон, ҳамчунин муаррифии Тоҷикистон дар сатҳи умумиҷаҳонӣ, бозгӯи таҷассум ва ифодаи ғояҳои башардӯстӣ дар осори узви ташкилот, фаъолияти озоди эҷоди нависандагону табибон, ҳимояи асолати бадеӣ ва миллии осори адабӣ, инкишоф ва густариш додани забони тоҷикӣ, таҳкими робитаҳо ва ҳамбастагии адабиёти халқҳо мебошад.

Аъзои иттиҳодия ҳамарӯза барои беҳтар шудани фаъолияти касбии нависандагон ва табибони Тоҷикистон, ҳимояи ҳуқуқҳои қонунии онҳо дар боби озодии виҷдон, сухан ва ақида, ба роҳ мондани тарҷумаи адабиёти тоҷик бо забонҳои дигар ва баргардонии осори адабии халқҳои дигар бо забони тоҷикӣ мусоидат менамоянд. Инчунин, ба намояндагони русзабони аҳолӣ ва дигар миллатҳое, ки дар Ҷумҳурии Тоҷикистон зиндагӣ менамоянд, ёрӣ мерасонанд. Ҳамчунин, кормандон дар ҳифзу тарғиби мероси адабӣ, ба амал баровардани тадбири хайриявӣ дар рӯзҳои ид, таъсиси фондҳо ва сандуқҳои хайриявӣ, коркард ва амалии лоиҳаҳо оид ба инкишофи устуворонаи минтақаҳои кӯҳистон фаъолияташонро ҷоннок намуда, барои таҳкими гендерӣ ва паст кардани сатҳи камбизоатӣ дар байни аҳолӣ корбарӣ менамоянд.

То кунун аъзои ташкилот чанд кӯдакони камбизоатро бо либос ва хӯрока таъмин намуда, ёрии моддӣ расонидаанд ва барои ташкилу гузаронидани конференсияву семинар, чорабиниҳо оид ба масъалаҳои рӯзмарраи ҳуқуқи занон ва кӯдакон, беҳбудии зиндагии онҳо саҳм мегиранд.

Шоира САЛИМОВА,
«Ҳақиқати Суғд»

Читать далее

Боздиди кории Раиси вилоят аз ноҳияи Спитамен

Рӯзи 3 апрел Раиси вилояти Суғд Раҷаббой Аҳмадзода ба ноҳияи Спитамен сафари корӣ анҷом дод.

Зимни ин сафар Раиси вилоят аз заминҳои ҶДММ “Спитамен -текстайл” боздид намуда, ба кишти пахта расман оғоз бахшид. Дар тавозуни ин ҷамъият 3544 гектар замин мавҷуд буда, дар 1900 гектари он пахта кишт карда мешавад.  Дар суҳбат бо кишоварзон Раҷаббой Аҳмадзода аз нақши онҳо дар таъмини амнияти озуқаворӣ ёдоварӣ карда, аз онҳо даъват намуд, ки замини корам самаранок истифода бурда шавад.

Читать далее

Ифтитоҳи меҳмонхонаи “Ситора” дар ноҳияи Зафаробод

Раиси вилоят Раҷаббой Аҳмадзода зимни сафари корӣ ба ноҳияи Зафаробод дар маросими ифтитоҳи меҳмонхонаи наву замонавии “Ситора” иштирок намуд.

Меҳмонхонаи мазкур аз се ошёна иборат буда, дар як вақт имкони қабули 20 нафарро доро мебошад. “Ситора” аз ҷониби соҳибкор Орифҷон Маҳмудов бо харҷи 1 миллиону 300 ҳазор сомонӣ бунёд гардида, дорои 8 ҳуҷраи дараҷаҳои олӣ ва миёна, маҷлисгоҳи хурд, ошхона ва дигар ҳуҷраҳои ёрирасон  мебошад. 

Читать далее

Ифтитоҳи майдончаи сунъии футболи хурд дар ноҳияи Зафаробод

3 апрели соли 2018 дар ноҳияи Зафаробод бо иштироки Раиси вилояти Суғд Раҷаббой Аҳмадзода варзишгоҳи “Шоҳон”, ки барои гузаронидани футболи хурд мувофиқ гардонида шудааст, мавриди истифода қарор гирифт.

Майдончаи сунъии футболи хурд, ки дар Ҷамоати шаҳраки Зафаробод воқеъ аст, аз ҷониби соҳибкори маҳаллӣ Умриддин Шамсиев бо харҷи 400 ҳазор сомонӣ бунёд гардидааст. Раиси вилоят Раҷаббой Аҳмадзода дар маросими ифтитоҳи иншооти варзишӣ аз иқдоми соҳибкор ситоиш кард ва бунёди майдончаҳоро барои ҷалби ҷавонону наврасон ба варзиш муфид арзёбӣ намуд.

Читать далее

Сафари кории Раиси вилоят ба ноҳияи Зафаробод

Рӯзи 3 апрели соли 2018 Раиси вилояти Суғд Раҷаббой Аҳмадзода бо мақсади шиносоӣ бо ҷараёни корҳои ободониву созандагӣ, рафти корҳои саҳроӣ ва ифтитоҳи як қатор иншооти гуногун ба ноҳияи Зафаробод сафари корӣ анҷом дод.

Дар оғози сафари корӣ Раиси вилоят бо вазъи омодагии пойгоҳҳои обкашии Мирзочӯл-1 ва Мирзочӯл-2 шинос гардид. Ҳангоми шиносоӣ иттилоъ дода шуд, ки то имрӯз 28 агрегати пойгоҳҳои обкашии ноҳия пурра аз таъмир бароварда шуда, каналҳо тоза ва ба мавсими нави обёрӣ омода гардидааст. Раиси вилоят аз омодагии пойгоҳҳои обкашӣ изҳори қаноатмандӣ намуда, ба масъулин дастур дод, ки кори пойгоҳҳои обкашӣ зери назорат гирифта шавад то кишоварзон ба мушкили норасоии оби полезӣ дучор нагарданд. Қайд гардид, ки соли равон барои мунтазам фаъолият намудани пойгоҳҳои обкашии ноҳия аз буҷети вилоятӣ 800 ҳазор сомонӣ ҷудо карда шуд ва аз ин ҳисоб пойгоҳҳои обкашӣ ба мавсими нав пурра омода мебошанд.

Читать далее