January 2018

31 January 2018

Шиносоӣ бо рафти корҳои бунёдкорӣ дар шаҳри Конибодом

Зимни сафари корӣ ба шаҳри Конибодом иҷрокунандаи вазифаи Раиси вилоят Раҷаббой Аҳмадзода аз корхонаи ҶДММ  «Билол –Суюлин-Семент» дидан намуд.

Корхонаи  мазкур ба истеҳсоли семент нигаронида шуда, дар сурати  пурра кор намудани он 70 нафар шаҳрвандон  бо ҷойи кори доимӣ фаро гирифта мешаванд. Раҷаббой Аҳмадзода зимни боздид ба масъулон ҷиҳати истифодаи пурраи иқтидори истеҳсолӣ, ободонии атрофи корхона, шинонидани дарахтони ҳамешасабз, таъмиру азнавсозии роҳи ҳудуди корхона тавсияҳо дод.

Читать далее

Сафари кории Раҷаббой Аҳмадзода ба шаҳри Конибодом

Рӯзи 29 январ иҷрокунандаи вазифаи Раиси вилоят Раҷаббой Аҳмадзода бо мақсади шиносоӣ бо вазъи хоҷагии халқ ба шаҳри Конибодом сафари корӣ анҷом дод.

Зимни сафар роҳбари вилоят сараввал дар Ҷамоати деҳоти Лоҳутӣ бо рафти сохтмони бинои нави мактаби рақами 29 шинос шуд. Бояд гуфт, ки бинои нави муассиса аз рӯи лоиҳаи сохтмонӣ аз 3 ошёна, 21 синфхона, маҷлисгоҳ барои 220 нафар, толори варзишӣ, ошхона барои 80 нафар иборат буда, ҳамзамон он дорои системаи гармидиҳии мутамарказонидашуда, гармхона ва чоҳи амудӣ аст. Арзиши харҷномавии пешакии иншоот 12,8 млн сомонӣ муқаррар шуда, он пурра бо маблағгузории буҷети вилоят сохта ба истифода дода хоҳад шуд. Корҳои сохтмонии иншоот аз тарафи пудратчӣ ҶДММ «КММ -44» моҳи апрели соли 2016 оғоз ёфтааст.

Читать далее

ҲАҚИҚАТИ СУҒД №9 (2018)

 
Читать далее

ҲАҚИҚАТИ СУҒД №8 (2018)

 
Читать далее

ҲАҚИҚАТИ СУҒД №7 (2018)

 
Читать далее

ҲАҚИҚАТИ СУҒД №6 (2018)

 
Читать далее

ҲАҚИҚАТИ СУҒД №5 (2018)

 
Читать далее

Тақдими гранти раиси шаҳр

Дар толори Кохи «Суғдиён»-и шаҳри Хуҷанд намоиши ҳунарҳои дастии мардуми Хуҷандшаҳр таҳти унвони «Ҳунар беҳ аз симу зар» баргузор гардид. Раиси шаҳр Маъруф Муҳаммадзода нахуст аз маҳсули дастони муъҷизаофари ҳунармандон дидан намуда, ба онҳо баҳои баланд дод. Қайд гардид, ки дар гузашта дар шаҳри Хуҷанд 4,5 ҳазор устохона мавҷуд буда, дар он беш аз 18 ҳазор нафар бо ҳунармандӣ машғул буданд.

Танҳо давоми соли 2017 бошад, дар 5 маркази атласу адрасбофии шаҳр зиёда аз 15 ҳазор метр матоъ бофта шуда, ҳунармандон бо гранти раиси шаҳр тақдиронида шуданд. Ҳамчунин, раиси шаҳр иброз дошт, ки бо мақсади ҳавасмандӣ ва дастгирии ҳунармандон дар соли 2018 маблағи гранти раиси шаҳр ба 120 ҳазор сомонӣ расонида мешавад.

Ҳунарманд Сабоҳат Абдуллоева андешаҳояшро бобати рӯ овардан ба таърих ва эҳёи ҳунарҳои мардумӣ, зиёд намудани теъдоди мағозаҳои ҳунармандӣ ва дастрасӣ бо ашёи хом, дастгирии мақомоти маҳаллӣ аз номи тамоми ҳунармандон изҳори сипос гуфта, иброз дошт, ки ҳунармандон вазифадоранд тамоми нозукиҳои ҳунари худро ба насли ҷавон, занону духтарон омӯзонанд.

Суруду таронаҳои дилангез ва рақсҳои мавзуни дастаҳои ҳунарию санъаткорон табъи иштирокдоронро шод гардонид.

Шоира САЛИМОВА

Читать далее

Аз имконоти мавҷуда босамар истифода менамоем

- мегӯянд масъулини ноҳияи Мастчоҳ

Бо мақсади иҷрои амри иҷрокунандаи вазифаи Раиси вилоят Раҷаббой Аҳмадзода «Дар бораи таъсис додани Ситоди вилоятӣ оид ба назорати рафти яхобмонӣ, шӯршӯӣ, омодасозии иншоотҳои обрасонӣ ва тайёрӣ ба кишти баҳории зироатҳои кишоварзӣ дар соли 2018» дар ноҳияи Мастчоҳ низ ситоди ноҳиявӣ таъсис ёфта, дар ин самт корҳо ва тадбирҳо роҳандозӣ мешаванд.

Чӣ тавре ки муовини аввали раиси ноҳия Атовуллозода Муллосоқӣ Фатҳулло дар суҳбат изҳор дошт, ситоди ноҳиявӣ оид ба назорати рафти яхобмонӣ, шӯршӯӣ, омодасозии иншоотҳои обрасонӣ ва тайёрӣ ба кишти баҳории зироатҳои кишоварзӣ фаъолияти шабонарӯзиро ба роҳ мондааст.

Тибқи иттилои масъулини ноҳия то имрӯз дар 733 гектар замин яхоб монда шуда, ин тадбири фаровонҳосилӣ асосан тавассути оби чоҳҳои амудӣ амалӣ мегарданд.

- Оид ба иҷрои амри иҷрокунандаи вазифаи Раиси вилоят ҷаласаи сеюм бо кормандони комплекси агросаноатӣ баргузор гардида, ҳамарӯза машварати ҳайати ситод рафти корҳо ва муаммоҳои ҷойдоштаро мавриди таҳлил қарор медиҳанд. Боиси зикр аст, ки новобаста аз мушкилоту имконот барои шудгори саросарӣ аз ҳисоби хушк омадани иқлим тибқи дастуру супориши раиси ноҳия бо истифода аз чоҳҳои амудӣ дар минтақаҳои Канали Дилварзини Мастчоҳ 1, Канали Дилварзини Мастчоҳ 2 Ҷамоати деҳоти Оббурдон ва қисман ҷамоатҳои деҳоти Палдорак ва Навбаҳор яхобмонии заминҳои корам ҳамчунин, дар баробари ин шудгори хушсифат ба роҳ монда шуд. То инҷониб дар ноҳия аз 21680 гектар замини пешбинишуда 11127 гектар ё худ 52 фоизи он аз шудгор бароварда шудааст, ки ба ҳисоби миёна ҳар рӯз 130 - 140 гектарро ташкил медиҳад.

Оғоз аз 23 январи соли равон бо дастгирии Мақомоти иҷроияи ҳокимияти давлатии вилоят барои яхобмонӣ ва шудгори заминҳои мавзеи пойгоҳҳои обкашии ДНС «Нулевой» дар канали асосии «Тоҷикистон» 5 мукааб об ворид гардид ва як дастгоҳи пойгоҳи номбурда ба фаъолият шурӯъ намуд. Дар баробари ин масъулин тасмим гирифтанд, ки барои яхобмонии боғҳо ва як қисм заминҳои корами мавзеи Канали мошинии Янтоқ 1 дастгоҳи обкаширо ба кор андозанд.

 - Бояд қайд намуд, ки имконияти техникӣ басанда буда, дар сурати мусоид омадани шароити обу ҳаво имкон ҳаст аз ҳисоби техникаи мавҷуда ҳар рӯз шудгори 800 - 1000 гектар заминро ба роҳ монда, дар муддати 10 - 15 рӯз ба пуррагӣ ва босифат тадбири ҳосилбахшии заминро ба амал барорем. Дар баробари ин, аз тарафи мутахассисон бо дигар самтҳои фаъолияти хоҷагидории соҳа, аз ҷумла, картошкапарварӣ корбарӣ карда истодаем, - гуфт мавсуф.

 Инчунин, ҳафтаи гузашта ба хоҷагиҳои деҳқонӣ барои кишти 150 гектар замин барои кишти картошка, ба нақша гирифта шуда, дар ҷамоатҳои шаҳраку деҳоти Мастчоҳ, Оббурдон, Палдорак, Бӯстон ва Навбаҳор ҷиҳати саривақт кишт намудани ин намуди маҳсулоти хӯрокаи барвақтӣ дастуру супориш дода шуд. Аз рӯи нақша 5 феврал дар Хоҷагии деҳқонии «Ихтиёр»-и Ҷамоати шаҳраки Бӯстон ва Кооперативи тиҷоратии «Сорбон» аз Ҷамоати деҳоти Мастчоҳ бо иштироки хоҷагиҳои деҳқонӣ кишти картошкаро оғоз менамоем. Дар назар аст, ки бо ҷалби олимони соҳа, бо иштироки васеи хоҷагидорону кишоварзон оид ба кишти саривақтӣ ва агротехникаи парвариши картошка семинар - машварат баргузор гардад. Ҳадаф аз ин чорабинӣ кишоварзони ноҳияро бо усулҳои ҷадиди агротехникаи парвариши зироатҳои хоҷагии қишлоқ ошно намудан мебошад.

Дар маҷмӯъ, баҳри иҷрои дастуру супоришҳои навбатӣ тамоми имкониятҳоро ба кор бурда, барои саривақт аз таъмиру тармим баровардани дастгоҳҳои обкашӣ ва иншооти обрасонӣ ҷаҳду талош варзида, дар самти омодагии ҳамаҷониба ба мавсими кишти баҳории ҳосили соли 2018 тамоми тадбирҳоро амалӣ намуда истодаем,- изҳор доштанд масъулин.

Маъмурахон САМАДОВА,
 Нодир ТУРСУНЗОДА,
«Ҳақиқати Суғд»

Читать далее

Таҷлили Иди Сада дар Суғд. 100 ҳазор бех ниҳолҳои гуногун ба намоиш-фурӯш бароварда шуд

Рӯзи 30 январ бахшида ба Иди Сада бо иштироки иҷрокунандаи вазифаи Раиси вилоят Раҷаббой Аҳмадзода дар назди Театри ба номи Камоли Хуҷандии маркази вилоят чорабинии идона ва намоиш-фурӯши ниҳолҳои мевадиҳанда, сояафкану ороишӣ, кӯчати гулу гулбуттаҳо ва тухмии зироатҳои кишоварзӣ баргузор шуд.

Иҷрокунандаи вазифаи Раиси вилоят Раҷаббой Аҳмадзода зимни суханронии худ кулли сокинони вилоятро ба муносибати фарорасии ҷашни Cада табрик гуфт ва рўзгори ободро таманно намуд.

Читать далее