09 November 2017

Ба таваҷҷуҳи сокинони вилоят!

Ба таваҷҷуҳи сокинони вилоят расонида мешавад, ки санаи 11 ноябри соли ҷорӣ, соати 8:00 бо ташабусси Мақомоти иҷроияи ҳокимияти давлатии вилояти Суғд дар бозори фурӯши чорвои «Дӯстӣ»-и ноҳияи Бобоҷон Ғафуров намоиш ва фурӯши чорвои зотӣ баргузор мегардад.

Иштирокчиёни фаъол бо туҳфаҳои хотиравӣ сарфароз гардонида мешаванд.

Марҳамат ба намоиш - фурӯши чорвои зотӣ!

 

Читать далее

Ҳадафи танзим беҳдошти рӯзгор аст!

Такомули Қонуни танзим, ки фаъолона ҷараён дорад, воқеан ҳам барои ҷомеаи имрӯзаи кишвар зарур аст. Ин дарси зиндагӣ, дарси зиста тавонистан, аз маҳсули заҳмати худ, боздеҳи киштаи бо арақи ҷабин рӯёнидаи худ самаранок истифода кардан аст.

Таассуби ҷаҳолатолуда ақлҳоро гулӯгир карда буд. Ҳатто дар даврони шӯравӣ тӯю маъракаҳои серхарҷ ва маросимҳои бемантиқ ошкору ниҳон амал мекарданд.

Ин ҷониб, ки шодихӯрдаи ҳамон даврон аст, мазмуну мундариҷаи тӯйҳои арӯсӣ, хатнасур ва дигар русуми онро хуб дар хотир дорад. Касе, ки «кори хайр» дар пеш дошт, яъне фарзандашро хатна ё хонадор карданӣ буд, аввал пул пасандоз мекард.

Ёд дорем, дар Кӯҳистони Мастчоҳ «меҳмонгирӣ» ном як расмият буд. Тақозои он аҳли деҳа вазифадор буданд, ки марду зани аз дуру наздик ба тӯяш хабаркардаи «кори хайрдор»-ро пазируфта, 3-4 шаб дар хизматашон бошанд. Соҳиби маърака ба ҳар як «қӯшхона» – манзили фурудомадаи меҳмононаш, бар замми ороишоти дастархон боз як сари гӯсфанд медод. Тасаввур кунед, агар аз даҳ деҳа «тӯйхӯр» омада бошад, 10 гӯсфандро сар буридан лозим мешуд. Хайрият, ки бо мурури замон ва коҳиши вазъи иқтисодӣ ин анъана аз байн рафт.

Сулҳу ваҳдати миллӣ ва осоиши иҷтимоие, ки тавассути кӯшишҳои пайвастаи Пешвои миллат, Сарвари кишвар муҳтарам Эмомалӣ Раҳмон барқарор ва устувор гардид, ҳамқадам ба рушду созандагӣ, серию пӯшидагӣ ва умеду орзу тӯю сурро ҳам равнақи дубора бахшиданд.

Мушоҳидаҳои рӯзмарра шаҳодат медиҳанд, ки тӯли амали Қонуни танзим дар деҳоти кӯҳистон ва маскунгоҳҳои музофотии кишвар табаддулоти фикрӣ ва иҷтимоӣ буруз кардааст.

Манзилҳо хуштарҳтару дастархони хайрашон ғанитар аз солҳои пешин ба назар мерасанд. Ин дигаргунӣ пеш аз ҳама, пайоварди сулҳу осоиш, ваҳдат ва озодии фаъолияти шуғлию касбии аҳолист, вале пасандози буҷаи оилаҳо: беш аз 18 миллиард сомоние, ки тибқи омори давлатӣ, аз кам кардани хариди тӯёна ва забҳи чорво бақия монда, низ саҳми биноӣ мебошад…

Пешвои миллат аз бурду бохти амали даҳсолаи ин санад хулоса бароварда, аз ҷумла, изҳори қаноатмандӣ карданд: «Боварӣ дорам, ки бо татбиқи пурраи қонуни мазкур дар оянда фарқияти байни расму оинҳои маҳалҳои гуногуни кишвар аз байн рафта, анъанаҳои миллиамон ба шаклу низоми ягона хоҳанд даромад».

Қонуни танзим такмил ёфт, дархостҳои муфиди аҳолӣ онро то ҳадди зарурӣ ҷавобгӯ ба раванди ҷаҳонишавӣ гардониданд. Акнун амалӣ намудани талаботу салоҳиятҳои он дар пешанд. Мутасаддиёни амали ин санади расмӣ бояд масъулиятшиносӣ зоҳир намуда, риояти бечунучарои анъана ва расму маросимҳои танзимшударо ба роҳ монанд. Даҳсолаи сипаришуда собит кард, ки на ҳамаи нозирони давлатии танзим вазифаи ба зимаашон вогузоршударо бо дасту дили пок иҷро мекардаанд. Ҳолатҳои «хотирбинӣ», манфиатҷӯӣ, бетарафӣ ва баромадан аз доираи ваколат бисёр мушоҳида шудаанд.

Пешвои миллат дар суханронии худ ба ифтихори 10-солагии қонуни танзим таъкид карданд ва дар мавридаш гаштаю баргашта хотиррасон мекунанд, ки танзим ҷуз беҳбуди рӯзгори мардум, тариқи кам кардани хароҷоти беҳуда, амалҳои бемазмун, таассуб ва хурофоте, ки тӯли солиёни зиёд бар дӯш доранд, ҳадафи дигаре надошту надорад. Фақат онро дуруст фаҳмонидан ва серталабӣ зоҳир намудан лозим асту халос. Аз ин лиҳоз, набояд ба зиёдаравӣ роҳ дода шавад.

Пешвои миллат дарси нахустинро дар ин боб баргузор карданд. Онро омӯзгорон, зиёиён ва адибону донишмандон бояд идома бидиҳанд.

Абдуллои ФОЗИЛ,
ноҳияи Кӯҳистони Мастчоҳ

Читать далее

Ислоҳот дар соҳаи хариди давлатӣ

Тайи ду соли охир фаъолияти Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон ва ташаккули ягонаи пешбурди расмиёти хариди электронӣ дар портали ягонаи хариди давлатӣ равона гардидааст. Дар Кохи матбуоти маркази вилоят бо ҷалби 100 нафар намояндаи ташкилоти харидор ва ширкатҳои молрасонӣ дар мавзӯи «Амалияи анҷом додани хариди давлатӣ тавассути низоми электронӣ дар Ҷумҳурии Тоҷикистон» семинари омӯзишӣ баргузор гардид.

Мудири бахши Агентии хариди давлатӣ, мол кор ва хизматрасонии назди Ҳукумати Ҷумҳурии Тоҷикистон дар вилояти Суғд Олим Камолов дар баромади худ таъкид дошт, ки мақсади асосии чорабинии мазкур шинос намудани иштирокчиён бо сиёсати пешгирифтаи Ҳукумати Ҷумҳурии Тоҷикистон дар ҷодаи ислоҳоти соҳаи хариди давлатӣ ва татбиқи амалии он буда, чунин семинарҳо дар як вақт дар шаҳрҳои Қурғонтеппа, Кӯлоб ва Хоруғ низ баргузор гардиданд. Дар рӯзи аввали семинар мутахассиони Агентӣ оид ба имкониятҳои фарогирии ташкилоти харидори Ҷумҳурии Тоҷикистон бо низоми электронии нави хариди давлатӣ, омодасозии инфрасохтор ва технологияҳои иттилоотию иртиботӣ ҷиҳати кор дар портали ягонаи хариди давлатии Ҷумҳурии Тоҷикистон, тақвияти банақшагирии харидҳои давлатӣ, назорати харидҳои соддакардашуда ва харидҳо аз як манбаъ, протоколҳо ва ҳисоботи соҳавӣ маълумот доданд.

Мутахассисон бар ин ақидаанд, ки чораҳои калидии ислоҳоти соҳавӣ ин мутобиқгардонии қонунгузории хариди давлатӣ бо меъёрҳо ва стандартҳои байналмилалӣ, коҳиши таъсири омилҳои дорои хусусиятҳои коррупсионӣ, рушди низоми электронии хариди давлатӣ, таъмини истифодаи самаранок ва сарфакоронаи маблағҳои давлатӣ, тақвияти шаффофият ва тавсияи рақобат дар низоми хариди давлатӣ, назорат ва мониторинги доимии харидҳои давлатӣ ва ташкилоти харидори соҳибиқтисод, истифодаи низоми хариди давлатӣ ҳамчун василаи дастгирии давлатии мол-истеҳсолкунандагони ватанӣ мебошад.

Саидмуҳаммад Арбобов - сардори Идораи сохтмони асосии ноҳияи Айнӣ:

- Шукронаи Истиқлолияти давлатии Ҷумҳурии Тоҷикистон ва сиёсати хирадмандонаи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон мекунем, ки имрӯзҳо дар тамоми соҳаҳои ҷумҳурӣ техникаву технологияи нав ҷорӣ шудааст. Дар оянда нақша дорем, тамоми он маблағҳое, ки барои хариди хизматрасонӣ гузошта мешавад, ба ин портал ворид намоем. Дар он сурат шаффофияти харид беҳтар мешавад, рақобати озод байни молрасон муайян ва сарфаву сариштаи маблағе, ки ба ин соҳа равона шудааст, беҳтар мегардад.

Дар рӯзи дуюми семинар намояндагони мушовири байналмилалӣ дар Ҷумҳурии Қазоқистон принсипҳои асосии фаъолият дар низоми такмилдодашуда, модулҳои хариди электронӣ, ҷузъҳои мукаммал гардонидашудаи портали ягонаи хариди давлатии Ҷумҳурии Тоҷикистонро тариқи скайп аз шаҳри Душанбе шарҳ дода, бо мутахассисон ва иштирокчиёни семинар саволу ҷавоб намуданд.

Назира Қӯзиева - корманди Раёсати молияи шаҳри Хуҷанд:

 -Пеш аз ҳама, бояд қайд намоям, ки семинари мазкур дар сатҳи хеле хуб ташкил ва баргузор гардид. Ман аз он таассуроти зиёд бардоштам ва барои пешрафти кор истифода хоҳам кард. Мехостам, ки дар оянда барои ба портали ягона дохил шудан курсҳо ташкил шаванд, кормандони муассисаҳо барои шаффофият ва гузаронидани тендерҳои хариди мол ба таври ягона ба низоми электронӣ гузаронида шаванд, ки барои беҳбудии фаъолияти корӣ равона гардидааст.

Баргузории семинарҳои минтақавӣ боиси баланд бардоштани иқтидори ташкилоти харидор, истеҳсоли маҳсулоти хушсифат, рақобатпазир ва воридотивазкунанда, истеҳсоли ҳарчӣ бештари маҳсулоти ватанӣ, ҳамзамон ба ҷорӣ намудани низоми электронии хариди давлатӣ дар миқёси кишвар таъсири мусбат мерасонад.

Ҳамроз Баронов - директори ҶДММ «Манора-2014»:

- Дар низоми электронии хариди давлатии мол ва хизматрасонӣ ҳама метавонанд фаъолияти соҳибкории худро бо ин роҳ, муфассал, кушоду равшан дар низоми системаи электроникунонӣ пеш баранд.

Ба иштирокчиёни семинар, ки тайи ду рӯз нозукиҳои низоми электрониро аз худ намудаанд, сертификатҳо супорида шуд.

 Нодир ТУРСУНЗОДА,
«Ҳақиқати Суғд»,
Суратгир Инъомҷон РАБИЕВ

Читать далее

Мулоқоти таърихӣ

Имсол миллати куҳанбунёди мо ҷашни муҳими сиёсӣ ва миллӣ 25-солагии Иҷлосияи таърихии ХVI Шӯрои Олии Ҷумҳурии Тоҷикистонро бо ифтихор қайд мекунад. Зеро Иҷлосия аввалин иқдоми наҷотбахш дар барқарор гардонидани сохти конститутсионӣ ва гузошани пояи асосӣ ба Истиқлолияти давлатӣ буд.

Ҳанӯз ҳам дар хотир дорам. Дар ҳамон вақт Кумиҷроияи Шӯрои депутатҳои халқи вилояти Ленинобод бо ташаббуси дар шаҳри соҳили Сир гузаронидани сессия баромад кард. Нимаи дуюми моҳи ноябри соли 1992 дар Қасри Арбоби ноҳияи Бобоҷон Ғафуров сессияи Шӯрои Олӣ ба кори худ оғоз намуд. Дар он ба ғайр аз депутатҳо инчунин, 70 нафар рӯзноманигори ватаниву хориҷӣ иштирок карда, оламиёнро бо фаъолияти Иҷлосия ошно мекарданд.

Аз рӯзномаи вилоятии «Ҳақиқати Ленинобод» мо, мудирони шуъбаҳо, банда ва шодравон Ҳасанбой Шарифов, мухбирон Ҳасани Порсо ва Ҳадиятилло Тӯйчиев (рӯҳашон шод бод), инчунин суратгири зиндаёд Исроил Рабизод иштирок мекардем. Ҳар рӯз субҳи барвақт аз майдончаи назди меҳмонхонаи «Ленинобод»-и шаҳри Хуҷанд вакилони мардумӣ ба Қасри Арбоб, ҷойи баргузории Иҷлосияи ХVI Шӯрои Олии Ҷумҳурии Тоҷикистон роҳ пеш мегирифтанд ва мо рӯзноманигорон ҳамроҳи онҳо будем.

Хуб дар хотир дорам, ки рӯзи аввали сессия, ки ҳамагон онро дер боз интизорӣ мекашиданд, Раиси Шӯрои Олӣ А. Искандаров пешниҳод кард, ки пагоҳ сессия ба кори худ оғоз кунад, зеро онҳо пурра омода нестанд.

Депутат аз шаҳри Панҷакент Бобораҷаб Бобоев назди минбар рафт ва гуфт, ки тамоми мардум умедвор аст, ки дар рӯзи таъиншуда корро оғоз мекунем. Агар оғоз накунем, аз боварии мардум мебароем.

Депутатҳо ин пешниҳодро қабул карданд ва сессия кори худро оғоз бахшид. Сипас, комиссияи баҳисобгирӣ ва котибот интихоб шуд. Депутатҳо пешниҳод карданд, ки то интихоби Раиси Шӯрои Олӣ кори сессияро депутат Ҳабибулло Табаров барад.

Дар сессия ба ғайр аз мухбирон боз намояндагони шахсии Президентҳои Қазоқистон, Қирғизистон, ӯзбекистон ва сафири фавқулодда ва мухтори Россия дар Тоҷикистон, ҳамчунин гурӯҳи калони зиёиён: олимон, нависандагон, рассомону шоирон ва дигар шахсони муътабари ҷумҳурӣ иштирок карданд.

Вакили мардумӣ Б.Мирзоев пешниҳод намуд, ки ба вазифаи Раиси Шӯрои Олӣ Раиси кумиҷроияи Шӯрои депутатҳои вилояти Кӯлоб Эмомалӣ Раҳмонов пешбарӣ карда шавад. Ин таклифро аз номи депутатҳои шаҳри Хуҷанд Ҷаҳон Набиев дастгирӣ кард.

Аз рӯҳияи депутатҳо маълум буд, ки ҳама ба тарафдории ӯ овоз медиҳанд ва дар ҳақиқат ҳам аз 197 вакил 186 нафар ин фикрро тасдиқ карданд.

Интихоби Раиси нави Шӯрои Олӣ дар саросари кишвар дастгирии кулл пайдо кард. Ба маркази матбуоти Иҷлосия зиёда аз 2000 барқияи шодбошӣ дохил шуданд.

Баъди ба ин вазифа интихоб шудан Э.Ш.Раҳмонов пеш аз ба минбар баромадан, назди Парчами давлатӣ сари таъзим фуруд оварданд. Онро бӯса карда, нутқи кӯтоҳ намуданд.

Аз суханҳо ҳамин дар хотирам боқӣ мондааст, ки то охирин гурезаро ба Ватан наоранд ва дар Тоҷикистон сулҳ барқарор нашавад, ором нахоҳанд гирифт.

Иҷлосия бисёр масъалаҳоро мавриди баррасӣ қарор дода буд ва агар ҳамаи онро навишта кунем, китоби бузург мешавад. Вале як нукта ҷоизи қайд аст, ки дар рӯзҳои кор бо бисёр шахсиятҳо: депутатҳо Адолат Раҳмонова, Гулафзо Савриддинова, Валентина Абдусамадова, Сафаралӣ Кенҷаев, Ҷаҳон Набиев, Абдулмаҷид Раҷабов, Саидшариф Шарифов, академик, раиси ҷамъияти «Пайванд» Муҳаммад Осимӣ, шоир Мӯъмин Қаноат ва дигарон суҳбат оростаам.

Аммо воқеае, ки 5-уми декабри соли 1992 рух дод, аз хотирам ҳеҷ гоҳ намеравад. Бо мусоидати баъзе ашхос бо Раиси Шӯрои Олии Ҷумҳурии Тоҷикистон Эмомалӣ Раҳмон мулоқот сурат гирифт. Он рӯз мо, мухбирони нашрияи «Ҳақиқати Ленинобод», ҷонишини сармуҳаррир Мазбут Воҳидов, мудирони шуъбаҳо Ҳасанбой Шарифову банда ва мухбир Ҳадиятилло Тӯйчиевро дар бинои Кумитаи иҷроияи вилояти Ленинобод Раиси Шӯрои Олии Ҷумҳурии Тоҷикистон Эмомалӣ Раҳмон ба ҳузур пазируфтанд. Ростӣ, ҳамаи моро ҳаяҷону изтироб фаро гирифта буд. Раиси Шӯрои Олӣ Эмомалӣ Раҳмон ба фаъолияти нашрия ва кормандони рӯзнома дар омодагӣ ва гузаштани Иҷлосия баҳои баланд доданд. Аз нақшаҳои ҳукумат дар оянда, ба шароит мутобиқ намудани қонуни ҷумҳурӣ «Дар барои матбуот ва васоити ахбори омма» сухан ронданд.

Имрӯз фикр мекунам, ки мулоқот бо Раиси Шӯрои Олӣ, баҳояшон ба фаъолияти нашрияи «Ҳақиқати Ленинобод» қадршиносӣ буда, аз ҳамаи мукофотҳо боло меистад.

Аз он рӯзҳо 25 соли пурра гузашт. Дар ҳамон рӯзҳои душвор Иҷлосияи ХVI Шӯрои Олӣ зимоми давлатдориро ба дасти Эмомалӣ Раҳмон супурд. Агар имрӯз дурусттар дарк намоем, рушду пешрафти ободонию созандагӣ ва обрӯю нуфузи кишвар дар арсаи байналмилалӣ ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон алоқаи зич дорад. Сарвари давлат ба ваъдаи худ вафо карданд: ба мардум сулҳу ваҳдат оварданд, Истиқлолият ва якпорчагии Тоҷикистонро таъмин намуданд.

Ғафури Нарзулло,
иштирокчии Иҷлосияи ХVI
Шӯрои Олии Ҷумҳурии Тоҷикистон,
Аълочии матбуоти ҷумҳурӣ, директори МТМУ №3, шаҳри Истаравшан

Читать далее

Мулоқоти Пешвои миллат Эмомалӣ Раҳмон бо Вазири корҳои хориҷии Ҷумҳурии Исломии Эрон Муҳаммад Ҷавод Зариф

Дирӯз дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Исломии Эрон Муҳаммад Ҷавод Зарифро, ки бо сафари корӣ дар Тоҷикистон қарор дорад, ба ҳузур пазируфтанд.

Дар ҷараёни мулоқот масоили ҳамкориҳои дуҷонибаи Тоҷикистон ва Эрон баррасӣ карда шуд. Ҷонибҳо зимни мулоқот масъалаҳои муҳим, аз ҷумла татбиқи тавофуқоти қаблан ба даст омада, рушди ҳамкории иқтисодию тиҷоратӣ, сармоягузорӣ, энергетика, нақлиёт, кишоварзӣ ва саноатро мавриди баррасӣ қарор доданд.

Читать далее