January 2017

31 January 2017

БА ТАВАҶҶӮҲИ МОЛРАСОНУ ПУДРАТЧИЁН!

Даъватномаи иштирок дар озмуни харид

Комиссияи муштараки озмуни хариди Бахши Агентии хариди давлатии мол, кор ва хизматрасонии назди ҳукумати Ҷумҳурии Тоҷикистон дар вилояти Суғд, шаҳри Хуҷанд, кӯчаи академикҳо Раҷабовҳо-55, тел: 6-35-79 ва ташкилоти Харидор довталабони салоҳиятдорро барои иштирок дар озмунҳои хариди номгӯи зерини мол, кор ва хизматрасонӣ, ки дар як давр гузаронида мешавад, даъват менамояд:

т/р

(ДИО)

Ташкилоти харидор

Телефон

Усули харид

Предмети харид

Воҳиди ченак

Миқдор

Сана ва вақти кушодани лифофаҳо

74S/5-48

Ҷамъияти саҳҳомии кушодаи «Фурудгоҳи байналмилалии Хуҷанд»

6-35-79

Озмун бо иштироки номаҳдуд

Қисмҳои эҳтиётӣ

номгӯй

26

8.02.2017

соати 11-00

75S/5-49

Маъмурияти муассисаҳои сохташавандаи мақомоти иҷроияи ҳокимияти давлатии ноҳияи Бобоҷон Ғафуров

6-35-79

Озмун бо иштироки номаҳдуд

Рӯйпӯшкунии роҳравҳо бо сафолакҳои бетонӣ

Тибқи ҳаҷми кор

20.02.2017

соати 11-00

76S/5-50

Маъмурияти муассисаҳои сохташавандаи мақомоти иҷроияи ҳокимияти давлатии ноҳияи Бобоҷон Ғафуров

6-35-79

Озмун бо иштироки номаҳдуд

Сохтмони бинои иловагии МТД КАТС-и ноҳия

Тибқи ҳаҷми кор

20.02.2017

соати 10-30

77S/5-51

Муассисаи таълимии давлатии гимназияи №4, шаҳри Хуҷанд

6-35-79

Озмун бо иштироки номаҳдуд

Барқарор намудани шабакаҳои гармидиҳии мутамарказонидашуда дар бинои 4 ошёнаи гимназия

Тибқи ҳаҷми кор

9.02.2017

соати 10-00

78S/5-52

Раёсати молияи шаҳри Хуҷанд

6-35-79

Озмун бо иштироки номаҳдуд

Таъмири куллии ошёнаи дуюм

Тибқи санади нуқсонӣ

9.02.2017

соати 09-30

79S/5-53

Муассисаи таҳсилоти томактабии №1-и ноҳияи Деваштич

6-35-79

Озмун бо иштироки номаҳдуд

Таъмир ва азнавсозии бинои боғча барои 3 гурӯҳ

Тибқи санади нуқсонӣ

20.02.2017

соати 09-45

  1. Довталабон барои гирифтани ҳуҷҷатҳои тендерӣ ва маълумоти иловагӣ дар бораи тендер метавонанд ба мақоми Ваколатдор ба суроғаи дар боло зикршуда мурочиат намоянд.
  2. Довталабоне, ки хоҳиши дар озмун иштирок кардан доранд, баъди супоридани ҳаққи бебозгашт, ҳуҷҷатҳои тендерии худро дар лифофаҳои мўҳркардашуда, ба суроғаи дар боло зикршуда то вақти дар сутуни «Сана ва вақти кушодани лифофаҳо» муайяншуда пешниҳод намоянд. Мӯҳлати муқарраршуда мӯҳлатест, ки баъди анҷоми вақт аз довталабон пешниҳодот қабул карда намешавад.
  3. Лифофаҳо бо пешниҳодоти довталабон аз ҷониби комиссияҳои муштарак тибқи тартиби муқарраргардида кушода мешавад. Намояндагони довталабон ҳуқуқ доранд, ки дар раванди озмун иштирок намоянд.
Читать далее

Рамзи Иди байналмилалии Наврӯз-2017 тасдиқ гардид

Президенти Ҷумҳурии Тоҷикистон, Асосгузори сулҳу Ваҳдати миллӣ — Пешвои миллат, муҳтарам Эмомалӣ Раҳмон рамзи ҷашни Иди байналмилалии Наврӯзро тасдиқ намуданд.

Вазорату идораҳо, муассисаву ташкилот, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғду Хатлон, ноҳияҳои тобеи ҷумҳурӣ ва шаҳри Душанбе аз рамзи мазкур истифода намоянд.

Хадамоти матбуоти
Раиси вилояти Суғд

Читать далее

- Мо аз дастгирии Раиси вилоят сипосгузорем

- изҳор доштанд омўзгорон, ки дар осоишгоҳи «Шифо» бо табобату истироҳат фаро гирифта шудаанд

Бо мақсади арҷгузории заҳмати омўзгорон ва шогирдонашон, ки дар олимпиадаҳои байналмилалӣ соҳиби ҷойҳои ифтихорӣ мегарданд, қарори Раиси вилоят “Дар бораи тадбирҳои ҳавасмандгардонии омўзгорон ва хонандагони муассисаҳои таълимии вилоят” ба тасвиб расида, мутобиқи он, омўзгорони муассисаҳои таълимии вилоят ва шогирдонашон, ки дар олимпиадаҳои байналмилалӣ сазовори ҷойҳои намоён гардидаанд, мукофоти яквақтаи пулӣ то 15 ҳазор сомониро соҳиб шуданд. Дар ин радиф 100 нафар омўзгори пешқадам ва собиқадорони соҳа, ки шогирдонашон дар озмунҳои фаннии ҷумҳуриявӣ мақоми ифтихориро касб намудаанд, низ имрўзҳо дар осоишгоҳи «Шифо»-и шаҳри Гулистон бо дастгирии Мақомоти иҷроияи ҳокимияти давлатии вилоят бо истироҳату фароғат фаро гирифта шуданд.

Зикриддин Зунунхўҷаев - омўзгори фанни таълими ибтидоии ҳарбии муассисаи таълимии ғайридавлатии «Амид»-и ноҳияи Бобоҷон Fафуров иброз медорад, ки истироҳаташ дар осоишгоҳ хуш мегузарад.

- 25 соли фаъолияти меҳнатиам дар соҳаи маориф баръабас нарафтааст,- мегўяд Зикриддин. - Заҳмати чандинсола, омўзишу ворид намудани навгониҳо ба ҷараёни таълим, истифодаи васеи воситаҳои техникӣ ва аёнӣ дар дарс подоши нек овард. Ҳарчанд таълими ибтидоии ҳарбӣ дар муассисаҳои таълимӣ мушкилиҳои худро дораду омўзгорон аз нарасидани китобҳои дарсӣ ва набудани мутахассис изҳори нигаронӣ доранд, кўшиш ба харҷ медиҳам, то шогирдонамро дар рўҳияи ватандўстиву худогоҳӣ, зебоипарастиву хештаншиносӣ тарбия намоям. Барои ин диққати аксари омўзгорони фанни тарбияи ҷисмонии макотиб ба ин фан ҷалб карда шудааст. Хонандагони бомаҳорати муассисаи таълимии ғайридавлатии «Амид» борҳо дар мусобиқаҳои вилоятиву ҷумҳуриявӣ иштирок карда, соҳиби ҷойҳои ифтихорӣ гардидаанд. Шояд натиҷаи дастовардҳои пай дар пай ва кўшишу заҳмати чандинсолаам дар ҷодаи касби интихобкардаам буд, ки имрўз бо дастгирии давлату ҳукумат дар канори Баҳри тоҷик истироҳати бофароғат дорам, - андешаҳояшро баён медорад Зикриддин Зунунхўҷаев.

Зебо Ҷўраева - омўзгори фанни забон ва адабиёти тоҷик аз ноҳияи Деваштич: - Чеҳраҳои гарму муомилаи нарми кормандони истироҳатгоҳ муҳаббати маро нисбат ба касби пешакардаам афзуд. Давоми 21 соли фаъолияти меҳнатиам борҳо ба комёбиҳо ноил гашта бошам ҳам, ҳеҷ гоҳ то андозае, ки алҳол маро хушнудию ифтихор фаро гирифтааст, набуд. Зеро дар баробари муомилаи хуш кормандони осоишгоҳ тавонистанд, бо малеҳсуханиву ширинзабонӣ худ доруи дарди маризон гарданд. Аз онҳое, ки дар ин кори хайр иқдом кардаанд, сипосгузор хоҳем буд. Ва кўшиш мекунем, ки баҳри ба воя расонидани ворисони арзанда тамоми ҷидду ҷаҳдамонро равона хоҳем кард.

Зафар Кимсанов-омўзгори фанни технологияи информатсионии мактаби хусусии ба номи Очилбой Ҷўраеви шаҳри Конибодом ҳамагӣ 5 сол собиқаи корӣ дорад. Тааҷҷуби ҳампешагонаш дар мавриди чӣ тавр ба рўйхати нафарони қадрдонишаванда ворид шуданаш буд. Ҳарчанд омўзгор хоксорӣ мекунад, аммо меарзад, ки имрўз дар қатори саднафарон ҷой гирифта бошад. Зеро бо вуҷуди ҷавониаш тавонист, шогирдони бомаҳоратро тарбия карда, то сатҳи вилояту ҷумҳурӣ бардорад. Шогирдонаш Аслиддин Тоҳиров ва Достон Иброҳимов ғолибони озмуни ҷумҳуриявӣ дониста шудаанд. Зафарҷон мегўяд, ки барои ба даст овардани муваффақият синну сол набояд нақш бозад. Заҳмату талош, кўшишу ғайрати пайваста, корбарӣ бо шогирдон, муҳим аз ҳама дўст доштани онҳову касби пешакарда метавонад, ба зинаҳои баланди камолот оварда расонад. Ў аз сиёсати пешгирифтаи давлату Ҳукумат, хоса Асосгузори сулҳу Ваҳдат, Пешвои миллат, Президенти Ҷумҳурии Тоҷикистон Эмомалӣ Раҳмон, Раиси вилоят Абдураҳмон Қодирӣ, Раёсати маорифи вилоят, таваҷҷўҳи онҳо нисбат ба соҳаи маориф, қадрдонии омўзгорону толибилмон миннатдор буда, дар ҷодаи расидан ба қуллаҳои баланд кўшиш ба харҷ медиҳад.

Вайдулло Аҳруллоев-роҳбари маҳфили «Гурўҳи олимпӣ»-и мактаби хонандагони болаёқати ноҳияи Бобоҷон Ғафуров андешаҳояшро нисбат ба фаъолияти осоишгоҳ чунин иброз медорад:

- Пеш аз ҳама, намудҳои гуногуни табобат, ки барои ҳамаи мо - муолиҷагирандагон бениҳоят зарур аст, дар ин осоишгоҳ ба роҳ монда шудааст. Муолиҷаҳои иқлимӣ, нафаси намакӣ, гармӣ, сўзандармонӣ, физиотерапияи табиӣ, муолиҷа бо муми кўҳӣ, сандалии барқӣ, УВЧ, дарсонвал, седан, амплидин, таҷҳизоти ултрасадо, ҳуҷраҳои масҳи дастӣ, механикӣ ва маҳси вибраторӣ, ки ба муолиҷагирандагон аз ҷониби духтурони соҳибтаҷриба тавсия мешавад, дар ҳақиқат дорую дармони ҳар яки мост. Аз ҳама муҳимаш, усули муҳимтарини шифобахшии беморон дар ин осоишгоҳ суханшифоист. Аз роҳбарияти давлату ҳукумат басо миннатдорем, ки барои мо, омўзгорон таваҷҷўҳ зоҳир намудаанд.

Замира Рустамова – ғолиби озмуни «Омўзгори сол-2016» буда, зиёда аз 20 сол инҷониб ба шогирдон дарси суханварӣ меомўзонад. Худро хушбахт меҳисобад, ки дар баробари ба даст овардани ғолибият дар озмуни ҷумҳуриявӣ роҳхат ба осоишгоҳ низ насибаш гаштааст. Барои табобату истироҳат дар «Шифо» тамоми шароитҳои зарурӣ мавҷуд буда, ҳуҷраҳои тиббиву толори варзишӣ барои сари вақт шифоёбӣ мададрасонанд. ҳамчунин, дар эътилоф бо тиб яке аз муолиҷаҳои асосӣ табиат буда, Баҳри тоҷик, дар канори он минтақаи истироҳатӣ, боғи сарсабз ва дарахтони мевагӣ ҷойгир шудааст. ҳамаи ин эҷод, иқлими беназир бо зебогии худ ба чашм писанд омада, табъи касро болида мегардонад ва боиси оромии асаб мебошад.

Замирахон иброз медорад, ки ҷавобан ба ин ғамхориҳои Раиси вилоят кўшиш ба харҷ медиҳад, шогирдони арзандаи диёрро ба воя расонида, баҳри ояндаи Тоҷикистони биҳиштосо дучанд меҳнат намояд.

Шоира САЛИМОВА,
«Ҳақиқати Суғд»

Читать далее

Роҳандозии такмили ихтисоси кормандони миёнаи тиб

Ҳукумати Тоҷикистон дар раванди идома бахшидани ислоҳоти соҳаи тандурустӣ ба масъалаҳои беҳтар намудани дастрасӣ, сифат ва самаранокии хизматрасонии тиббӣ ба аҳолӣ, инчунин, рушди шаклҳои нави кўмаки аввалияи тиббиву санитарӣ аҳамияти хосса медиҳад.

Аз Паёми Президенти Ҷумҳурии Тоҷикистон
ба Маҷлиси Олии Ҷумҳурии Тоҷикистон

Чуноне ки дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон зикр гардидааст, алҳол зарурати беҳтар намудани сифати нерӯи кадрии соҳа, таъсиси низоми самараноки таҳсилоти тиббӣ бо дарназардошти ҳавасмандсозии кормандони соҳа, беҳтар кардани вазъи бунгоҳу марказҳои саломатӣ ва бемористонҳо дар як қатор ноҳияҳо ва деҳоти дурдаст, азхудкунии технологияҳои муосири тиббӣ, инчунин, баланд бардоштани одоби муоширати кормандони соҳа аз ҷумлаи мушкилоти ҳалталаб мебошанд.

Бахусус, солҳои охир дар самти такмили ихтисоси кормандони миёнаи тиб мушкилиҳо ҷой доштанд, ки сабаби асосиаш аз маркази вилоят дур будани шаҳри Исфара ва хароҷоти зиёдро талаб намудани сафари эҳтиёҷмандон, ки аксарияташон занонанд, вобаста ба гузаштани курсҳои такмили ихтисос дар шаҳрҳои Хуҷанд ва Душанбе ба ҳисоб мерафт.

Дар партави дастуру супоришҳои Пешвои миллат Муассисаи давлатии таълимии «Коллеҷи тиббии шаҳри Исфара», ки тўли фаъолияташ дар самти таъминоти муассисаҳои табобатӣ бо ҳамширагони тиб саҳми арзанда мегузорад, иқдоми неку саривақтиро амалӣ намуд. Тибқи дархости ҳамширагони тиббии муассисаҳои табобатии шаҳру деҳоти Исфара, аз тарафи «Коллеҷи тиббии шаҳри Исфара» аз 23 июни соли 2015 ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон пешниҳод ирсол гардида буд.

Ҷавобан ба ин дархостҳо санаи 6 октябри соли 2016 Иҷозатнома оид ба пешбурди фаъолияти таълимӣ дар соҳаи таҳсилоти тиббию фарматсевтӣ аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Вазорати маориф ва илми Ҷумҳурии Тоҷикистон барои омодасозии кормандони миёнаи соҳаи тиб, инчунин барои такмили ихтисоси кормандони миёнаи тиб дар ихтисосҳои кори ҳамширагӣ ва кори умумитиббӣ дода шуд.

Ҳамзамон, Барномаҳои таълимӣ барои 11 мавзўъҳои мухталифи вобаста ба такмили ихтисос таҳия гардида, аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Вазорати маориф ва илми Ҷумҳурии Тоҷикистон тасдиқ шуданд.

Ба тариқи озмун мутахассисони варзида ба кор гирифта шуданд.

Дар мувофиқа бо беморхонаи марказӣ бо назардошти наздик шудани макони таҳсил ба ҷойи кори эҳтиёҷмандон 4 ҳуҷраи таъмирталаби собиқ бинои ташхисгоҳи биокимиёвӣ аз ҳисоби маблағҳои Коллеҷи тиббӣ ба маблағи 28 804 сомонӣ пурра азнавсозӣ шуда, ҳуҷраи таълимӣ бо лавҳаи электронӣ, оргтехника, ноутбукҳою компютерҳо ва принтер, мизу курсӣ ва ҷевонҳои нав ҷиҳозонида шуданд ва шароити беҳтарин барои ташкили машғулиятҳо бо кормандони тиб муҳайё карда шуд. Нуқтаи ИНТЕРНЕТ пайваст гардида, баҳри бехатарии нигоҳдошти ашёву лавозимот ду адад камераҳои назоратӣ насб карда шуданд.

Дар маҷмўъ, 56 000 сомонӣ аз ҳисоби махсуси Коллеҷи тиббӣ барои таъмиру азнавсозӣ ва таҷҳизонидани ҳуҷраҳои таълимӣ масраф гардид.

Бояд зикр намуд, ки ташкили шўъбаи такмили ихтисос дар назди МДТ «Коллеҷи тиббии шаҳри Исфара» аз аввалин иқдомот дар миқёси ҷумҳурӣ, ки он баробари мусоидат ба баландшавии сатҳи дониши ҳамширагони тиббии фаъолиятдошта ҳамчун омили баландбардории сифати хизматрасонии тиббӣ ба аҳолӣ мусоидат хоҳад кард. 

Гулрабо БОБОЕВА,
директори МДТ “Коллеҷи
тиббии шаҳри Исфара”

Читать далее

Барномаи “Соли 2017 - Соли дастрасии аҳолӣ ба оби тозаи нўшокӣ”

Арзиши об аз қадру қимати нафту газ ва дигар манбаъҳои энергетикӣ кам нест.

Эмомалӣ Раҳмон

Тибқи дастуру супоришҳои Президенти Ҷумҳурии Тоҷикистон, мўҳтарам Эмомалӣ Раҳмон бо иқдоми Раиси вилоят, мўҳтарам Абдураҳмон Қодирӣ баҳри таъмини аҳолӣ бо оби хушсифати ошомиданӣ «Соли 2017 – Соли дастрасии аҳолӣ ба оби тозаи нўшокӣ» эълон гардид.

Ҷумҳурии Тоҷикистон дорои захираҳои бузурги оби ошомиданӣ буда, аз рўи захираҳои умумӣ дар ҷаҳон ҷои ҳаштумро ишғол менамояд. Дар асоси маълумоти сарчашмаҳо, захираи об дар рўи замин 1,4 млрд. километри мукааб буда, аз он 97,5 фоизаш оби шўри баҳру уқёнусҳо мебошад. захираи оби ширин дар рўи замин беш аз 30 миллион километри мукааб буда, тақрибан 29 миллион километр мукааби он дар ҳолати ях ва пирях маҳфуз аст.

Тоҷикистон дорои 947 рўду дарё, 1300 кўл ва сарчашмаҳо буда, захираи обҳои зеризаминиаш ба 6,8 км. мураббаъ баробар аст. Ҳамчунин, дар Ҷумҳурии Тоҷикистон 9550 пирях бо масоҳати умумии 8500 километри мураббаъ, 947 дарё бо дарозии 30 000 км, 1300 кўл бо масоҳати 705 километри мураббаъ, 56 обанбор бо ҳаҷми умумии 46,4 километри мукааб дар ҳавзаи дарёҳои Сир ва Аму қарор доранд.

Муносибати ғайриоқилона ба табиат, рушди соҳаҳои мухталифи хоҷагии халқ, сол аз сол зиёд гардидани шумораи аҳолӣ, тағйирёбии иқлими саросарии олам боис гардидаанд, ки захираҳои оби нўшокӣ кам шуда, тибқи маълумоти Созмони Милали Муттаҳид, то соли 2025 аз се ду ҳиссаи аҳолии мамлакатҳои ҷаҳон аз нарасидани оби ошомиданӣ танқисӣ хоҳанд кашид.

Бо назардошти хавфи глобалии масъалаи мазкур Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон соли 2005 аз минбари Созмони Милали Муттаҳид даъват ба амал оварданд, ки солҳои 2005-2015 Даҳсолаи амалиёт «Об-барои ҳаёт» эълон карда шавад.

Боиси ифтихор ва сарбаландист, ки ин ташаббуси Сарвари давлати тоҷикон аз ҷониби ҷомеаи ҷаҳонӣ пазируфта шуд ва қатъномаи Маҷмааи Умумии Созмони Милали Муттаҳид «Даҳсолаи байналмилалии амал «Об-барои ҳаёт, солҳои 2005-2015» эълон гардид.

Қобили зикр аст, ки бо пешниҳоди навбатии Ҷумҳурии Тоҷикистон Созмони Милали Муттаҳид соли 2013-ро “Соли байналмилалии ҳамкорӣ дар соҳаи захираҳои об” эълон намуд. Шоистаи ифтихор аст, ки ташаббуси навбатии Ҷумҳурии Тоҷикистон ҷиҳати дар таҳкими солҳои 2018-2028 бахшидан ба татбиқи ҳадафҳои рушди устувор марбут ба захираҳои обро ҷомеаи ҷаҳонӣ дастгирӣ намуд ва 21 декабри соли 2016 қатъномаи Маҷмааи Умумии Созмони Милали Муттаҳид дар бораи Даҳсолаи байналмилалии амал «Об-барои рушди устувор, 2018-2028» қабул гардид.

Тавре ки Пешвои миллат зимни ироаи Паёми навбатиашон ба Маҷлиси Олии Ҷумҳурии Тоҷикистон 22 декабри соли 2016 таъкид доштанд, «Татбиқи фарогири Даҳсолаи мазкур, ки бо пешниҳоди Тоҷикистон аз ҷониби Маҷмааи Умумии Созмони Милали Муттаҳид эълон гардид, яке аз вазифаҳои муҳими давраи наздик ба шумор меравад». Ин ибтикороти созандаи Тоҷикистон дар арсаи байналмилалӣ вобаста ба истифодаи босамари захираҳои об ба тавсеа бахшидани ҳамкориҳо дар арсаи ҷаҳон, ҳалли масоили муҳими вобаста ба ҳаёти инсоният нигаронида шудааст.

Дар Ҷумҳурии Тоҷикистон дар доираи татбиқи Барномаҳои болозикр 1,5 миллион нафар сокинон бо шароити беҳтари истифодаи об таъмин шуда, зиёда аз 600 ҳазор нафар ба истифодаи оби тоза дастрасӣ пайдо карданд. Бо вуҷуди ҳамин ҳам, айни ҳол дар Ҷумҳурии Тоҷикистон 11,5 фоизи аҳолӣ, аз ҷумла сокинони вилоят дастрасӣ ба оби нўшокии хушсифатро надоранд.

Мавриди зикр аст, ки бо мақсади таъмин намудани аҳолӣ бо оби тозаи ошомиданӣ бо маблағгузории Бонки Аврупоии Таҷдид ва Рушд имрўзҳо «Барномаи лоиҳаи беҳтар намудани низоми таъминоти оби нўшокии минтақаи шимоли Тоҷикистон» мавриди амал қарор дошта, дар шаҳру ноҳияҳои Исфара, Конибодом, Гулистон, Истиқлол, Бўстон ва ноҳияи Бобоҷон Fафуров як қатор корҳо ба анҷом расонида шуда бошад ҳам, нокифоя мебошад.

Омўзиши ҳолати воқеии бунёди маҳалҳои нави аҳолинишин дар шаҳру ноҳияҳои вилоят нишон дод, ки ҳангоми ҷудо намудани қитъаҳои замин барои бунёди деҳаю шаҳракҳо, манбаъҳои об, сохтмони хатти оби ошомиданӣ, хатҳои интиқоли барқ, роҳҳои асосию байни маҳаллаҳо, хатҳои ташноб ва дигар иншоотҳои ёрирасон бе нақшаи кулл таҳия гардидааст, ки аз ин сабаб дастрасии аҳолӣ ба оби тозаи ошомиданӣ пурра ҳалли худро наёфтааст.

Бинобар ин, имрўзҳо ҳангоми бунёди шаҳракҳои навбунёди Сайҳун дар ноҳияи Бобоҷон Fафуров, Моҳпарии шаҳри Исфара, Меҳргони ноҳияи Мастчоҳ ва Баҳористони шаҳри Истаравшан сохтмони манбаъҳои обтаъминкунӣ ва хатҳои обрасонӣ тибқи нақшаи генералӣ ба роҳ монда шудааст, ки ин таҷрибаи аввалин мебошад. Ин корҳои анҷом додашуда боис гардид, ки сохтмони манзили шахсони алоҳида ва иншоотҳои маишию иҷтимоӣ бо суръати тез амалӣ шуда истодааст.

Аз ин лиҳоз, тибқи дастуру супоришҳои Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон бо иқдоми Раиси вилоят, мўҳтарам Абдураҳмон Қодирӣ баҳри таъмини аҳолӣ бо оби хушсифати ошомиданӣ «Соли 2017 – Соли дастрасии аҳолӣ ба оби тозаи нўшокӣ» эълон гардид.

Мақсади асосии Барнома ин бо оби тозаи нўшокӣ таъмин намудани аҳолии вилоят ва ба ин васила пешгирии хурўҷи касалиҳои сирояткунанда, ҳифзи саломатии одамон, аз ҷумла кўдакону наврасон мебошад. Зеро манбаъҳои таъмини оби ошомиданӣ дар вилоят асосан обҳои зеризаминӣ ва рўизаминӣ буда, қисмати онҳо ба обҳое мансубанд, ки дуруштии 15-22 млн. экв/л дошта, маъданнокии онҳо 10 г/л ва аз ин зиёдро ташкил медиҳад, ки истеъмоли онҳо бе коркарди аввалия ғайриимкон аст.

Инчунин, кўҳнаву фарсуда будани шабакаҳои обтаъминкунӣ, ки қисмати зиёди онҳо солҳои 1960-1980-и асри гузашта сохта шуда, давоми солҳои зиёд таъмиру таҷдид карда нашудаанд. Дар натиҷа, ин боиси паст гардидани сифати оби нўшокӣ, ки ба саломатии истеъмолкунандагон хатарнок буда, сабабгори пайдоиши касалиҳои сирояткунанда дар деҳот ва шаҳракҳо мебошад.

Айни замон аз 18 марказҳои шаҳру ноҳияҳои вилоят 15 тои онҳо дорои системаи марказонидашудаи таъминот бо об мебошанд, ки мавриди истифодаи сокинон қарор дорад. Аҳолии ноҳияҳои Кўҳистони Мастчоҳ, Айнӣ, Шаҳристон ва ҷамоати деҳоту шаҳракҳои дигар шаҳру ноҳияҳои вилоят аз манбаъҳои гуногун, аз қабили чашма, чоҳҳои дорои обкашаки дастӣ, ҷўйбор ва дигар манбаъҳо, ки аз лиҳози санитарию эпидеомологӣ хатарнок аст, истифода мебаранд.

Иҷрои Барнома дар асоси татбиқи маҷмўи тадбирҳои зерин, ки бо ҳам алоқамандии зич доранд, амалӣ мегардад:

- таъмири хатҳои обтаъминкунӣ ва кашидани хатҳои нави обтаъминкунӣ, кофтани чоҳҳои амудӣ амалӣ карда шавад;

 - ташхиси сифати оби ошомиданӣ аз манбаъҳо, ба монанди ҳавзҳо, чашмаҳо, чоҳҳои амудӣ истифодашаванда;

- сохтмони чоҳҳои амудӣ ва ҳавзҳои захиравӣ;

- безараргардонии обҳои истеъмолӣ бо воситаи заҳрхимикатҳо;

- харидорӣ намудани техникаву механизмҳои махсус гардонидашуда;

- сохтмони хатҳои обтаъминкунӣ;

- гузаронидани мониторинги таъминоти сокинони шаҳраку деҳот бо оби ошомиданӣ;

- мунтазам ба роҳ мондани корҳои ташвиқотию тарғиботӣ тавассути ВАО ҷиҳати сарфакорона истифода намудани об;

- таҳияи Нақшаи чорабиниҳо ҷиҳати амалӣ намудани самтҳои асосии Барнома барои солҳои 2017-2018.

Маблағгузории самтҳои асосии Барнома аз буҷетҳои вилоят, маҳаллӣ, аз ҳисоби ташкилоту муассисаҳо, корхонаҳои обтаъминкунӣ ва соҳибкорону аҳолӣ сарчашма мегирад. Инчунин, дар ҳамкорӣ бо ташкилотҳои байналмилалӣ, аз ҷумла:

- Барномаи рушди Созмони Милали Муттаҳид (ИРООН);

- Агентии Штатҳои Муттаҳидаи Америка оид ба рушди байналмилалӣ (ҒSAID);

- Ассотсиатсияи ҳамкориҳои байналмилалии Япония (ЛСА):

- Хазинаи кўдакони Созмони Милали Муттаҳид (ЮНИСЕФ);

- Иттиҳоди Аврупо;

- Агроаксияи Олмон;

- Ташкилотҳои ғайридавлатии ОКСФАМ-и Британияи Кабир;

- Агентии Швейтсария оид ба рушд ва ҳамкорӣ;

- Бонки Осиёии Рушд;

- Бонки умумиҷаҳонӣ;

- Бонки Аврупоии Таҷдид ва Рушд ва ғайраҳо, ки дар ин самт ҳамчун шарик ҳамкорӣ мекунанд.

Дар натиҷаи амалишавии Барномаи вилоятии «Соли 2017- Соли дастрасии аҳолӣ ба оби тозаи нўшокӣ» ҳолати хатҳои обтаъминкунӣ ва иншоотҳои обистеҳсолкунӣ ба эътидол омада, хароҷотҳои садамавии хатти оби нўшокӣ кам, ҳаҷми обрасонӣ зиёд, сифати хизматрасонӣ беҳтар ва шумораи обистифодабарандагон аз оби тозаи ошомиданӣ зиёд мегардад.

Инчунин, татбиқи Барномаи мазкур ба рушди соҳибкорӣ, пешравии ҳамаи соҳаҳои иқтисодиёти вилоят, паст гардидани сатҳи камбизоатӣ, беҳдошти саломатӣ, ҳифзи аҳолӣ аз паҳншавии бемориҳои сирояткунанда ва пешгирии онҳо мусоидат менамояд.

Читать далее

Биҳиштест «Зумрад»…

Муколамаи ошноӣ

Сўҳбати мо бо сарвари ҷавони навтаъиншудаи осоишгоҳи «Зумрад» Абдулмўъмин Ҳалимов замоне ба вуқуъ омад, ки мавсуф ҳамчун номзад ба вакилии маҷлиси шаҳрӣ дар яке аз ҳавзаҳои интихоботии шаҳри Исфара ба қайд гирифта шуда буд ва ба вохўрӣ бо мардум тайёрӣ медид.

Бо меҳру садоқат аз пешрафту гулгулшукуфии Ватани азизамон сухан гуфта, ёдовар шуд, ки ин ҳама бахту иқбол, саодати рўзгори тоҷикону тоҷикистониён ба шарофати талошҳои ҷонсупоронаи Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон насиби мардуми мо гардидааст.

- Торафт ободу зеботар шудани ҳар як гўшаву канори кишварамон, баланд гаштани сатҳи зиндагии ҳамватанон ва, аз ҳама асосиаш, тинҷиву амонӣ дар мамлакат боиси ҳаваси бисёр давлатҳо мегардад. Мо бояд бо шукрона аз ин ҳаёту аз ин тараққиёт сарзаминамонро дўст дорем ва баҳри боз ҳам шўҳрати ҷаҳонӣ ёфтани он саҳмгузор шавем,-гуфт Абдумўъмин Ҳалимов ва афзуд:

- «Зумрад» ба осоишгоҳи дорои тамоми шароити фароғату табобати ҷавобгў ба меъёрҳои байналхалқӣ мубаддал гашта, истироҳаткунандагонро на фақат аз дохили кишвар, балки хориҷ аз он низ пазироӣ ва меҳмондорӣ хоҳад кард.

Қабои нав ба бар мегирад “Зумрад”

Баъди ба сари вазифаи роҳбарии осоишгоҳ омадани Абдулмўъмин Ҳалимов корҳои созандагиву ободкорӣ дар ин макон ҷўшу хурўши тоза пайдо кард.

Баъзе биноҳои кўҳна аз миён бардошта шудаву дигар иншоот таъмир ва таҷдид шуданд. Аз ҷумла, хобгоҳи рақами 4, ошёнаи дуюми ошхона барои 300 ҷои нишаст, коттеҷҳо барои 20 нафар куллан таъмир гашта, азнавсозии фермаи ширию молӣ барои 100 сар чорвои калони шохдор, сохтмони пойгоҳи бетонтайёркунӣ, кофтани чоҳи амудӣ баҳри таъмини истироҳаткунандагон бо оби хушсифати нўшокӣ ба охир расид.

Алҳол бунёди 4 гармхонаи бузург дар масоҳати 0,42 га дар арафаи анҷомёбӣ буда, аллакай дар яке аз онҳо 10 ҳазор калитаки гул шинонида шуда, аз дигаре зиёда аз 1 тонна бодиринг ҷамъоварӣ ва ба дастархони мизоҷон пешниҳод гардид. ҳоло 3 ҳазор дона лимў пухта расидаву он низ ба ошхонаи осоишгоҳ пешкаш мешавад.

Ҳудуди осоишгоҳ пурра сабзу гулзор карда шуда, бунёди фаввораву шаршараҳои сунъии зебо ва айвончаҳои базеби муосир шурўъ гардидааст.

Бо мақсади тамошо додани ҷойҳои таърихии Исфара ва сайру саёҳати меҳмонони осоишгоҳ микроавтобуси нави «Мерседес» харида шуд.

-Дар оянда биноҳои нави баландошёнаи дамгирию табобатии муҷаҳҳаз бо ҳама дастгоҳу таҷҳизоти нави замонавӣ қомат рост карда, сифати хизматрасонӣ дар осоишгоҳ ба дараҷаи ҷаҳонӣ баробар карда мешавад. Аз ҷумла, сохтмони хобгоҳи ба талаботи ҷаҳонӣ ҷавобгў барои 300 нафар, оғози сохтмони маркази ташхисиву табобатӣ ва бинои нави табобатии ҳозиразамон, бунёди фермаи парандапарварӣ барои 20 ҳазор сар мурғ аз нақшаҳои минбаъда дар самти ободонии осоишгоҳ маҳсуб меёбад.

Дар умум, «Зумрад» ояндаи наздик қабои наву рангин ва ҷозибу ҷолиб ба бар гирифта, бо симо ва намои дилрабояш як гўшаи афсонавии Исфараи биҳиштосо мегардад.

Шоири панҷакентӣ Исмоил Зарифӣ солиёни зиёд аст, ки дар осоишгоҳи «Зумрад» истироҳати хешро мегузаронад. Ў ин макони фароғату табобатро бо ихлосу сипос ҷойгоҳи беҳтарини илҳоми хеш медонад ва изҳор мекунад, ки дар маҷмўаи охирини худ бо номи «Лаҳзае то ҷовидон» боби алоҳидаеро таҳти унвони «Аз дафтари «Зумрад» ҷой додааст. Ин байтҳо аз меҳру муҳаббати шоир ба осоишгоҳи овозадор гувоҳӣ медиҳанд:

Гар расӣ бар дари «Зумрад», ту сафо меёбӣ,

Ба ҳама дарди тани хеш шифо меёбӣ.

Дард бидруд бигўяд ба тани хастаи ту,

Шодкомӣ ту аз ин ҷоми бақо меёбӣ.

-Имрўз дар кишварамон шумораи хонаҳои истироҳатӣ ва санаторияҳо бамаротиб афзудааст. Вале «Зумрад» рақобатнопазир аст,-изҳор дошт шоир ва донишманди тоҷик Мирзо Шукурзода ва илова намуд:-Соли пешин ба ифтихори ҷашни 40-солагии ин гўшаи афсонавии диёр ҳамроҳи адиби шинохта Бобоҷон Икромов асаре бо номи «Меъмори кохи дилафрўз» аз чоп баровардем. Ман итминон дорам, ки бо азму талоши роҳбари нав ин махзани солимиву офиятбахшӣ солҳои наздик симояшро куллан дигар мекунад ва ба мавзеи дўстдоштарини мардуми Тоҷикистон ва аҳолии кишварҳои хориҷи дуру наздик табдил меёбад.

Дар анҷом

Бояд зикр намуд, ки алъон дар осоишгоҳи «Зумрад» наздик 200 нафар истироҳаткунанда аз тамоми гўшаву канори мамлакат ба табобату фароғат фаро гирифта шудаанд.

Шумораи хоҳишмандон рўз аз рўз афзуда истодааст ва, бешак, дар мавсими баҳору тобистон теъдоди онҳо бамаротиб зиёд мегардад. Аз ин хотир дар осоишгоҳ аз имрўз сар карда, корҳои бунёднамоиву навсозӣ, ободониву сабзу гулзоркунӣ вусъати тоза касб кардааст.

Ҷомеаи меҳнатии ин махзани дармону шифо шурўъ аз роҳбар то табибону ҳамшираҳои шафқат ва дигар кормандони хоҷагиву техникӣ саъй бар он доранд, ки ҳар як меҳмони бо умеду боварӣ ба осоишгоҳи овозадор меомадаро бо маърифати баланд, муносибати гарму самимӣ ва масъулияти комил истиқбол гирифта, барои онҳо ҳамаи шароити хизмату табобати аълодараҷаро муҳайё намоянд.

Субҳиддин САЙФИДДИНОВ,
Мухтадил ҶЎРАЕВ,
аъзои Иттифоқи
журналистони Тоҷикистон

Читать далее

30 January 2017

БА ТАВАҶҶӮҲИ МОЛРАСОНУ ПУДРАТЧИЁН!

Даъватномаи иштирок дар озмуни харид

Комиссияи муштараки озмуни хариди Бахши Агентии хариди давлатии мол, кор ва хизматрасонии назди ҳукумати Ҷумҳурии Тоҷикистон дар вилояти Суғд, шаҳри Хуҷанд, кӯчаи академикҳо Раҷабовҳо-55, тел: 6-35-79 ва ташкилоти Харидор довталабони салоҳиятдорро барои иштирок дар озмунҳои хариди номгӯи зерини мол, кор ва хизматрасонӣ, ки дар як давр гузаронида мешавад, даъват менамояд:

т/р

(ДИО)

Ташкилоти харидор

телефон

Усули харид

Предмети харид

Воҳиди ченак

Миқдор

Сана ва вақти кушодани лифофаҳо

62S/5-43

Мактаб-интернати Мақомоти иҷроияи ҳокимияти давлатии вилояти Суғд

6-35-79

Озмун бо иштироки номаҳдуд

Сару либоси зимистона

номгӯй

12

14.02.2017

соати 10-00

63S/5-44

Мактаб-интернати Мақомоти иҷроияи ҳокимияти давлатии вилояти Суғд

6-35-79

Озмун бо иштироки номаҳдуд

Сару либос ва мизу курсии талабагӣ

номгӯй

3

14.02.2017

соати 10-30

64S/5-45

Муассисаи таҳсилоти томактабии кӯдакистони Ҷамоати деҳоти Ёваи ноҳияи Бобоҷон Ғафуров

6-35-79

Озмун бо иштироки номаҳдуд

Маводи хӯрока

номгӯй

38

10.02.2017

соати 11-30

65S/5-46

Корхонаи давлатии фаърии об ва канализатсияи ноҳияи Деваштич

6-35-79

Озмун бо иштироки номаҳдуд

Таъмир ва кашидани хатти оби нӯшокӣ дар мавзеъи рақами 3-юми ноҳияи Деваштич

Тибқи санади нуқсонӣ

20.02.2017

соати 10-00

66S/5-47

Корхонаи давлатии фаръии об ва канализатсияи ноҳияи Деваштич

6-35-79

Озмун бо иштироки номаҳдуд

Тоза намудани чоҳ

Тибқи санади нуқсонӣ

20.02.2017

соати 10-30

  1. Довталабон барои гирифтани ҳуҷҷатҳои тендерӣ ва маълумоти иловагӣ дар бораи тендер метавонанд ба мақоми Ваколатдор ба суроғаи дар боло зикршуда мурочиат намоянд.
  2. Довталабоне, ки хоҳиши дар озмун иштирок кардан доранд, баъди супоридани ҳаққи бебозгашт, ҳуҷҷатҳои тендерии худро дар лифофаҳои мўҳркардашуда, ба суроғаи дар боло зикршуда то вақти дар сутуни «Сана ва вақти кушодани лифофаҳо» муайяншуда пешниҳод намоянд. Мӯҳлати муқарраршуда мӯҳлатест, ки баъди анҷоми вақт аз довталабон пешниҳодот қабул карда намешавад.
  3. Лифофаҳо бо пешниҳодоти довталабон аз ҷониби комиссияҳои муштарак тибқи тартиби муқарраргардида кушода мешавад. Намояндагони довталабон ҳуқуқ доранд, ки дар раванди озмун иштирок намоянд.
Читать далее

Ҷавонон - ояндаи дурахшони Тоҷикистон

Дар доираи Соли ҷавонон ба муассисаи таълимии №1-и ноҳияи Деваштич маҳфили «Кадбону» зери унвони «Ҷавонон-ояндаи дурахшони Тоҷикистони соҳибистиқлол» бо ташаббуси бахшҳои кор бо занон ва оила ва ҷавонон, варзиш ва сайёҳӣ дар якҷоягӣ бо шўъбаи маориф, намояндагии Ташкилоти чамъияти ҷавонони «Созандагони Ватан» баргузор гардид.

Дар маҳфил муовини раиси ноҳия Рафоат Каримова иштирок намуда, доири таълиму тарбияи фарзанд, масъулияти падару модар, мустаҳкамии оила, ки аз дастуру супоришҳои Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон бармеояд сухан ронд.

Гурӯҳи духтарон маҳорати кадбонугию рӯзғордории хешро намоиш доданд, ки ба он аз ҷониби иштирокчиён баҳои баланд дода шуд. ҳамчунин, бонувони собиқадор, муаллимаҳои таълимгоҳҳо, иштирок намуда, қаноатмандии хешро, ба ҳунаромӯзию рӯзгордории хонандагон изҳор намуданд. Имрӯз дар таълимгоҳ маҳфилҳои дӯзандагию бофандагӣ, пазандагӣ, расмкашию дуредгарӣ хуб ба роҳ монда шуда, хонандагон дар озмуну намоишҳои гуногун ширкат варзида, ҷойҳои намунавиро ишғол менамоянд.

Лоиқ ТӮЙЧИЕВ,
мутахассиси бахши таблиғоту иттилооти
КИ ҲХДТ дар ноҳияи Деваштич

Читать далее

Муҳити созандагӣ ва ободкорӣ

Дар нишасти матбуотие, ки санаи 19 январи соли равон дар мақомоти иҷроияи ҳокимияти давлатии шаҳри Исфара бо иштироки намояндагони воситаҳои ахбори умуми шаҳру вилоят баргузор гадид, раиси шаҳр Расулзода Дилшод Ҷабборӣ бо ҳисоботи кўтоҳ баромад карда, қайд намуд, ки дар соли 2016 рушди босуботи иқтисодиву иҷтимоии шаҳр дар кулли соҳаҳо таъмин ва дастовардҳои мардуми Исфара нисбат ба соли 2015 беҳтару назаррастар гардид.

Дар ин давра пеш аз ҳама диққати асосӣ баҳри татбиқи 144 лоиҳаи дар соли 2016 ба нақша гирифташудаи “Барномаи рушди иқтисодию иҷтимоии шаҳри Исфара барои солҳои 2013-2017” равона карда шудааст.

Чуноне мониторинги барнома нишон дод, дар давраи ҳисоботӣ ба маблағи умумии 40 млн. сомонӣ корҳои барномавӣ ба иҷро расонида шуда, дар маҷмўъ маблағгузории лоиҳаҳои барномавӣ ба андозаи 129,4 млн. сомонӣ таъмин гардидааст.

Масъалаи дарёфти роҳҳои таъмини иҷрои сифатноки нақша ва ғанӣ гардондани буҷети давлатӣ мавриди таҳлили амиқ ва корбарии ҷиддӣ қарор дорад.

Давоми соли гузашта дар шаҳру деҳоти Исфара 3 корхонаи хурд ва 6 коргоҳи нави саноатӣ оид ба бандубасти меваи хушк ва истеҳсоли масолеҳи сохтмонӣ ба истифода дода шуданд. Инчунин, ба маблағи 279,2 млн. сомонӣ маҳсулоти саноатӣ истеҳсол ва хизматрасонии пулакӣ ба анҷом расонида, иҷрои нақша ба андозаи 105 фоиз таъмин гардидааст.

 Бинои прокуратураи шаҳр, маҷмааи корхона ва муассисаҳои хизматрасонии навбунёд дар хиёбони Исмоили Сомонии шаҳр бо сармоягузории соҳибкорони маҳаллӣ, бинои маъмурии Маркази адлия барои кормандони САҲШ, нотариус, судиҷрочиёни шаҳр ва ҷавонон сохта, ба истифода дода шуда, дар сохтмони бинои истиқоматии 45 - ҳуҷрадор барои кормандони мақомоти ҳифзи ҳуқуқ ба маблағи 2 млн. 249 ҳазор сомонӣ корҳои сохтмонӣ анҷом ёфтанд.

Дар маҷмўъ, аз ҳамаи сарчашмаҳо ба маблағи 29 млн. сомонӣ корҳои пудратӣ ба анҷом расидаанд, ки нисбат ба нишондиҳандаи соли 2015-ум 4 млн. 136 ҳазор сомонӣ зиёд аст.

Бо саҳмгузории аҳолӣ ва соҳибкорону ҷомеаҳои меҳнатӣ 11,5 км роҳ мумфарш ва 87,4 км роҳ аз таъмири ҷорӣ бароварда шудааст.

Дар ҳамкорӣ бо ташкилоти байналхалқиву минтақавӣ дар ҳудуди шаҳр 18 лоиҳаи гуногуни иқтисодиву иҷтимоӣ бо ҷалби 12 млн. 503 ҳазор сомонӣ сармояи хориҷӣ мавриди амал қарор дода шудааст.

Раиси шаҳр вазъи корҳоро дар соҳаҳои маорифу тандурустӣ низ баён карда, дар фуроварди суханаш зикр намуд, ки рўҳияи мардуми Исфара баланд ва азму нияташон неку созанда аст.

Сипас, рўзноманигорон ва адибон Ҷ.Пўлодов, А.Шарифов, В.Мартиненко, Н.Азизиён, С.Сайфиддинов, Н.Худойбердиев ва дигарон бо суолҳои худ ба раиси шаҳр муроҷиат намуданд. Онҳо аз ҷумла, масъалаҳои ободонии минбаъдаи шаҳракҳои навбунёди Сомониён ва Моҳпарӣ, пули садамавии деҳаи Чорқишлоқ, ташкили маъракаҳои бахшида ба «Соли ҷавонон» ва «Даҳсолаи об барои рушди устувор», ҳолати варзишгоҳҳо, кўчонидани истгоҳи собиқи мошинҳо ба ҷои нав, вазъи хоҷагиҳои деҳқонӣ ва ғайраро ба миён гузоштанд.

Шаҳрдор ба ҳамаи суолҳо ҷавобҳои саҳеҳ дод.

Муқим АБДУРАҲМОНОВ,
шаҳри Исфара

Читать далее

Дастовардҳо афзун мегарданд

Зимни нишасти матбуотӣ бо намояндагони васоити ахбори омма ректори Донишгоҳи давлатии ҳуқуқ, бизнес ва сиёсати Тоҷикистон, доктори илмҳои таърих, профессор Ҷамшед Ҷўразода зикр намуд, ки донишгоҳ дар ҷараёни фаъолият зина ба зина ҷониби оянда қадамҳои устувор гузошта, дастовардҳои хешро афзун мегардонад. Далели ин гуфтаҳо тибқи мониторинги Вазорати маориф ва илми Ҷумҳурии Тоҷикистон байни 33 мактаби олии касбии мамлакат ба қатори даҳгонаи беҳтарин дохил гардидани донишгоҳ аст.

Соли 2016 тавассути Маркази миллии тестӣ ба донишгоҳ 1371 довталаб қабул гардиданд, ки дар ин замина иҷрои нақшаи қабули донишгоҳ 96 фоизро ташкил дод. Ҳамзамон, 120 нафар барои гирифтани таҳсилоти дуюм ва 196 нафар барои таҳсил дар магистратура қабул шуданд. Раёсати донишгоҳ пайваста ҷиҳати фароҳам овардани шароити мусоид ва баланд бардоштани сифати таълим тадбиру чораҳои мушаххас меандешад. Айни замон теъдоди аспирантон 54 нафарро ташкил дода, аз инҳо 16 нафар тариқи рўзона ва 38 нафар ғоибона таҳсил мекунанд. Беш аз 160 нафар унвонҷў корҳои илмӣ – тадқиқотӣ мебаранд.

Имрўз донишгоҳ бо 48 муассисаи илмӣ ва таълимии кишварҳои хориҷи дуру наздик шартномаҳои ҳамкорӣ бастааст. Соли 2016 ҳамкориҳои хориҷии донишгоҳ вобаста ба чор самти фаъолият роҳандозӣ гардид. Боиси ифтихор аст, ки моҳи ноябри соли 2016 бо иштироки намояндагони 12 донишгоҳи Аврупо ва Осиёи Марказӣ вохўрии ҷамъбастии лоиҳаи INOCAST дар донишгоҳ дар сатҳи баланд баргузор гардид. Бо мақсади таҳкими заминаҳои моддию техникии раванди таълим ва паҷўҳишоти илмӣ дар соли 2016 шўъбаи иҷтимоӣ – иқтисодӣ силсилаи корҳои судбахшро ба иҷро расонд.

Дар идомаи нишаст байни ректори донишгоҳ, профессор Ҷўразода Ҷамшед Ҳабибулло ва хабарнигорони васоити ахбори умум вобаста ба самтҳои гуногуни фаъолияти донишгоҳ суолу ҷавоб сурат гирифт. Аз ҷумла, рўзноманигор Абдувосит Салимзода бобати бо ҷои корӣ таъмин намудани хатмкунандагони донишгоҳ, рўзноманигори “Ҳақиқати Суғд” вобаста ба қабули донишандўзон ба мактабҳои олии касбии Русия тариқи Маркази миллии тестӣ ва муаммоҳои дар ин самт ҷойдошта, Нўъмон Раҷабзода - аз ҳафтавори «Омўзгор» оид ба масъалаи интишори маводҳо дар матбуоти даврӣ вобаста ба фурўши дипломҳои мактабҳои олии касбӣ, ҳамчунин забономўзии донишандўзон дар боргоҳи илму маърифат, Маҳмуд Аҳроров - аз ШТР «Танин» вобаста ба вазъ ва сабабҳои хориҷнамоии донишҷўён аз донишгоҳ, имтиёзҳо ба ятимони кулл дар муассисаи таълимӣ, масъалаи бо нақлиёти шахсӣ ҳозиршавии муҳассилин ба донишгоҳ ва ғайраҳо муроҷиат карданд.

Доир ба ин саволҳо аз ҷониби ректори донишгоҳ Ҷамшед Ҷўразода ҷавобҳои мушаххас дода шуд.

Нодир ТУРСУНЗОДА,
«Ҳақиқати Суғд»

Читать далее