08 December 2016

Замира Рустамова, ғолиби озмуни вилоятии «Омӯзгори соли 2016»

Ҳамасола бо мақсади дарёфти омӯзгорони соҳибистеъдод ва паҳн намудани таҷрибаи пешқадами онҳо дар мактабҳои кишвар озмуни «Омӯзгори сол» миёни кормандони соҳаи маориф барпо мегардад. Тавре қаблан иттилоъ дода будем аз 17 нафар Ғолибони «Омӯзгори соли 2016» аз шаҳру навоҳии вилоят 6 нафар омӯзгорони пешқадаму навовар ба даври ниҳоии вилоятӣ роҳхат гирифтанд.

Дар Мактаби Президентии шаҳри Бӯстон Ғолибони даври аввали вилоятӣ-омӯзгорон Замира Рустамова аз ноҳияи Бобоҷон Ғафуров, Назира Алиева, шаҳри Панҷакент, Нодирҷон Қодиров, ноҳияи Ашт, Насимахон Раҳматова, шаҳри Хуҷанд, Санавбар Қодирова, ноҳияи Деваштич ва Азмиддин Убайдов, ноҳияи Масчоҳ аз рӯи ду шарт- санҷиши дониши назариявӣ ва муаррифии таҷрибаи корӣ бо ҳам вориди рақобат шуданд.

Дар натиҷа Замира Рустамова, омӯзгори забон ва адабиёти мактаби болаёқати ноҳияи Бобоҷон Ғафуров бо ба даст овардани холи аз ҳама зиёд Ғолиби озмуни вилоятии «Омӯзгори соли 2016»  дониста шуд.

Абдусабури Абдуваҳҳоб

Читать далее

Муборизаи мо зидди ҳизбу ҳаракатҳои ифротгаро

Дирўз дар маҷлисгоҳи Мақомоти иҷроияи давлатии ноҳияи Деваштич Шӯрои ҳамоҳангсозии мақомотҳои ҳифзи ҳуқуқи ноҳия бо иштироки Раиси ноҳия, Ҷӯразода Рустам Боймурод, роҳбарони мақомоти ҳифзи ҳуқуқ, барқароркунандагони сохти конститутсионӣ, собиқадорони ҷангу меҳнат, раисони ҷамоатҳо, роҳбарони ташкилоту идораҳо иштирок намуданд.

Дар  чорабинӣ шомилшавии ҷавонон ба ҳизбу ҳаракатҳои ифротгаро мавриди баррасӣ қарор гирифт. Ҷаласаро раиси ноҳия Ҷӯразода Рустам Боймурод ифтитоҳ намуда қайд кард, ки яке аз масъалаҳои доғи рӯз ин шомилшавии ҷавонон ба ҳизбу ҳаракатҳои манъшудаи терорристию экстремистӣ буда, тамоми ҷомеаи моро нигарон намуда истодааст.

Назди ҳозирин прокурори ноҳия мушовири адлияи дараҷаи аввал Талбакзода Дилшод Саид оид ба пешгирӣ ва ошкоркунии шомилшавии шаҳрвандон ба гуруҳҳои терорристию экстремистӣ, фарогири ҷавонон ба корҳои ба ҷамъият фоиданок, таҳсил ва дигар омилҳои ба раванди психологии ҷавонон мусбӣ таъсиркунанда,  сухан ронда, қайд намуд, ки дар ҳудуди ноҳия бояд дар ин самт корҳо ҷоннок карда шаванд.  Соли сипаришуда дар ноҳия дар соли 2016 бошад дар Ҷамоатҳои деҳоти Ғазантарак 3 адад ва Исмоили Сомонӣ 1 адад чунин намуди ҷиноят ба қайд гирифта шудаанд. ҳамаи ин ҷиноятҳо аз паст будани сатҳи донишу маърифати ҳуқуқии шаҳрвандон нишона буда, дар ин бобат аҳли ҷамоатчигӣ, алалхусус волидайн, шӯъбаҳои мақомоти маҳаллӣ, кумитаҳои маҳалла, мактабу муассисаҳои таълимӣ корҳои тарғиботию фаҳмондадиҳиро ҷоннок менамоянд. Шӯрои ҳамоҳангсозӣ таклифу дархостҳои мушаххас доири боз ҳам беҳтар намудани корҳои тарғиботиву ташвиқотӣ дар маҳалҳо, дар мадди аввал будани ҳушёриву зиракии мардумро бори дигар собит намуд.

Лоиқ ТӮЙЧИЕВ, мутахассиси бахши таблиғоту
иттилооти КИ ҲХДТ дар ноҳияи Деваштич

Читать далее

Шиносоӣ бо ҷараёни навсозии боғи фарҳангию фароғатии ба номи Сайфи Исфарангӣ

Раиси вилояти Суғд Абдураҳмон Қодирӣ зимни сафари кории худ ба  шаҳри Исфара ҳамзамон шароити зиндагию хизмати сарбозон ва омодагии дидбонгоҳи сарҳадии Ворухро ба мавсими зимистонгузаронӣ мавриди таваҷҷӯҳ қарор дод.

Раиси вилоят бо вазъи буду бош ва хизмату истроҳати сарбозон дар хобгоҳ, хонаи фароғатӣ, ошхона ва майдончаҳои варзишӣ ва дигар иншооти хизматӣ аз наздик ошно шуда, аз захираи маводи хӯрока дар қисми ҳарбӣ изҳори қанотмандӣ намуд. Ҳайати шахсӣ бо маводи зарурии ғизоӣ таъмин буда, бо дили гарм ба иҷрои рисолати касбӣ- ҳифзи марзи кишвар машғуланд. Раиси вилоят тавсия дод, ки барои боз ҳам беҳтар намудани шароити хизмати сарбозон дар назди дидбонгоҳи сарҳадӣ хоҷагии ёрирасон ташкил карда шавад.

Читать далее

Исфара. Дар Ворух Шӯъбаи нави ҷарроҳӣ ба кор оғоз кард

7 декабр Раиси вилояти Суғд Абдураҳмон Қодирӣ ба шаҳри Исфара сафари корӣ анҷом дод.

Сафари кории Раиси вилоят Абдураҳмон Қодирӣ ба шаҳри Исфара аз ҷамоати деҳоти Ворух, ки 35 ҳазор аҳолӣ дошта аз ҷамоатҳои дурдаст ва наздисарҳадии вилоят ба ҳисоб  меравад, оғоз ёфт. Мавҷуд набудани шӯъбаи ҷарроҳӣ яке аз масъалаҳои муҳими ҷамоат мебошад, ки бо он сокинони маҳал ҳануз аз замони собиқ шӯравӣ рӯ ба рӯ ҳастанд ва барои анҷом додани ҷарроҳӣ бо тай намудани 50 километр ба маркази шаҳр мерафтанд. Аз ин рӯ, ифтитоҳи Шӯъбаи нави ҷарроҳӣ барои сокинони ин минтақа тӯҳфаи арзанда дар соли таърихии 25 солагии Истиқлолияти давлатӣ ва “Соли фарди солим” мебошад.

Читать далее

Истамҷони Наҷмиддин

ИСТАМҶОНИ НАҶМИДДИН

(Кучиев Истамҷон Наҷмиддинович)

 

Читать далее

“Ту аз умеди рафтагони мо нишонаӣ”

Варзиш яке аз воситаҳои беҳтарини муаррифӣ кардани давлат ва миллат мебошад. Миллати мо низ ба варзиш ҳамчун воситаи муҳими беҳдошти саломатӣ ва ташаккули ҷисмониву маънавии инсон ҳанўз аз замонҳои қадим майлу рағбати зиёд дошт.

Ниёгони мо барои беҳдошти саломативу нерўи ҷисмонӣ ва ҳамеша омода будан ба дифои марзу бум ва мардуми хеш намудҳои гуногуни варзиш, мисоли гўштингирӣ, шамшерзанӣ, гурзпартоиву камонварӣ, аспдавонию чавгонбозӣ ва дигар навъҳои варзишро инкишоф медоданд. Онҳо ҷавононро ба хотири тавоноии маънавию ҷисмонӣ аз овони хурдсолӣ барои иҷрои машқҳои гуногуни варзишӣ омода месохтанд, ки чунин анъанаи неки ниёгон то замони мо боқӣ мондаанд. Мусаллам аст, ки варзиш дар ҳаёти инсон ҳамчун омили тавонои таҳкими дўстӣ ва ҳамкории на танҳо варзишгарон, балки халқҳову давлатҳои зиёд маҳсуб мешавад.

Илова бар ин, варзиш барои насли ҷавон ҳамчун мактаби муҳими ҷаҳонфаҳмию тарғиби арзишҳои олии инсонӣ, аз қабили дўстиву бародарӣ, сулҳу озодӣ, эҳтиром ба халқу миллатҳои гуногун ва ҳамкориҳои судманди байни халқу миллатҳо хизмат мекунад.

Ҳукумати Тоҷикистон барои рушди соҳаи варзиш як силсила барномаҳоро амалӣ карда, кўшиш менамояд, ки барои мунтазам инкишоф ёфтани соҳаи варзиш шароити заруриро фароҳам орад. Баъди ба даст овардани истиқлолият дар кишвари мо муносибат ба варзиш ҳамчун мактаби бузурги тарбия ва воситаи муаррифии давлати соҳибистиқлол мазмуну моҳияти нав пайдо кард.

Дар мусобиқаи гуштингирӣ, ки бахшида ба Наврўзи байналмилалии соли 2015 дар Амфитеатри Қасри Арбоб баргузор гардида буд, Асосгузори сулҳу Ваҳдати миллӣ - Пешвои миллат, мўҳтарам Эмомалӣ Раҳмон барои рушди гўштини миллӣ ба масъулон дастур доданд, то арафаи ҷашнҳои миллӣ ва санаҳои таърихӣ мусобиқаҳои гўштингириро дар ҳамаи минтақаҳои кишвар доир намоянд.

Баҳри иҷрои ин дастури Пешвои миллат бахшида ба рўзҳои таърихӣ ва идҳои умумихалқиву ҷашнҳои миллиамон дар шаҳру ноҳияҳои мамлакат мусобиқаҳои гўштингирӣ баргузор мегарданд, ки дар онҳо мардуми зиёд, бахусус ҷавонон фаъолона ширкат варзида, ҳунар ва маҳорати хешро намоиш медиҳанд. Бешак, гўштини миллӣ низ дар радифи намудҳои варзиши муосир дар байни мардум мухлисони зиёд дошта, барои густариши тарзи ҳаёти солим мусоидат менамояд. Дар ин раванд рўзҳои 16-17 сентябри соли 2016 аз тарафи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Федератсияи гуштини миллии «Гўштингирӣ»-и Ҷумҳурии Тоҷикистон ва сарпарастон бахшида ба 25-солагии Истиқлолияти давлатии Ҷумҳурии Тоҷикистон дар варзишгоҳи марказии шаҳри Душанбе мусобиқаи ҷумҳуриявӣ оид ба гўштини миллии «Гўштингирӣ», таҳти унвони «Ту аз умеди рафтагони мо нишонаӣ» дар сатҳи баланди ташкилӣ баргузор гардид. Мусобиқа таҳти роҳбарии сардовар Саидаброров Саидмаҳмуд бо низому тартиби хоса ва доварии одилона гузашт.

Боз ҳам ба хотири рушди соҳа пешниҳод менамоям, ки Федератсияи гўштини миллии «Гўштингирӣ» дар вилоят таъсис дода шавад.

Абдуқаюм ҶОНМАҲМАДОВ,
 сармураббии гўштини
миллии «Гўштингирӣ»-и
дастаи ҷавонони вилоят

Читать далее

Роҳи рушду комёбӣ

Дашти фароху зебои Тозак солҳои сол бекор мехобид. Аввали баҳор хеле зебову лолазор буд. Лолаҳои аҷоиби эндемикӣ мерўид, ки ҳайфо бебозгашт гум шуд. Аз охири нимаи аввали асри ХХ ин дашти васеи ҳамвор барои рушду равнақи хоҷагии қишлоқ шудгору аз худ карда шуд.

Ин мавзеъ барои фаъолияти кишоварзии байни се хоҷагии ҷамоавии ноҳияи кунунии Бобоҷон Ғафуров тақсим карда шуд. Ин дашти шудгоршуда аз оби Тагоб (Хоҷабоқирғон) ва як қисмаш аз Баҳри Тоҷик обёрӣ мешавад.

Замин аз худ шуда, обёрӣ гардид ва дашт минбаъд Навобод ном гирифт. Хоҷагиҳои ҷамоавии «Роҳи Ленин», «Фрунзе» ва «40-солагии Октябр» дар авҷи фаъолияташон ҷамъулҷамъ миқдори зиёди пахта, зироатҳои донагӣ ва хошок мерўёниданд.

Ба сабаби барҳам хўрдани давлати абарқудрати СССР ва сохти колхозӣ соҳаи кишоварзӣ дар Навобод таназзул ёфт. Ҳоло роҳҳо вайронаю заминҳои кишоварзӣ харобанд.

Баъди соҳибистиқлол гаштани Ҷумҳурии Тоҷикистон ва роҳи иқтисоди бозориро пеш гирифтани тамоми соҳаҳои хоҷагии халқ, аз ҷумла дар соҳаи кишоварзӣ бо қарори Ҳукумати Ҷумҳурии Тоҷикистон хоҷагиҳо таҷдид шуда, барои сохтани хоҷагиҳои оилавӣ-инфиродӣ мусоидат намуданд. Дар ин замина барои рушду равнақи минбаъдаи Навобод низ ду муаммо бояд ҳалли худро ёбад: Муаммои аввал роҳ ва дигаре об!

Боиси қайд аст, ки роҳи Қотма – маркази Навобод дар масофаи 10 км аз давраи Шўравӣ то инҷониб таъмир ё азнавсозӣ нашудааст. Айни замон бо ин роҳ ягон навъи нақлиёт намегардад. Роҳкирои таксиҳо бо сабаби вайрона будани роҳ хеле гарон аст. Агар он барқарор шавад – роҳи стратегии аҳамияти вилоятро доро мешавад. Ва шоҳроҳи Душанбе – Бўстон – Конибодом бо роҳи кўтоҳу ободи Қотма – Маркази Навобод бо деҳаи Овчиқалъача ва деҳаҳои Тоҷикобод, Зарафшон ва Ўзбекқишлоқи ноҳияи Ҷаббор Расулов пайваст мегардад. Роҳ, ки обод шуд, хатсайрҳои нав бо роҳи наздик «Ёва–Фрунзе–Ғозиён-Қотма-маркази Навобод» бо роҳкирои арзон ба роҳ монда мешавад. Ин хатсайр саҳмдоронро аз Ёваю Ғозиён ба сари заминашон тез ва арзон мерасонад.

Айни ҳол рафтуомад бо ин роҳи вайрона ба самти Навобод барои ба сари заминаш рафтани деҳқон – 10 сомонӣ, ин ҳам бо сарфи вақти бисёр ва агар 2 ё 3 аъзои оила раванд – дар 1 рўз 30 сомонӣ, дар 1 моҳ 900-1000 сомонӣ маблағ сарфи роҳ мегардад.

Маблағи барои роҳ сарфгардида ба деҳқони навхоҷагидор хеле гарон аст. Деҳқон бо нархи арзон ба ҷои кор равад, бо нархи арзон маҳсулоти кишоварзиро ба бозор мебарад. Аҷаб не, бозор ҳам нисбатан арзон шавад.

Мушкилии дигар ин аз беобӣ азият кашидани деҳқонон мебошад. Ба қавле, об дар кўзаву мо ташналабон мегардем… Як баҳри калон об бошаду замин шодоб нагардад. Раиси вилоят Абдураҳмон Қодирӣ вақти мулоқоташон бо фаъолони соҳаи кишоварзӣ таъкид карданд, ки аз механизми тақсимоти об тақдири ҳосил ҳал мешавад: - «як сомонӣ барои об диҳед, ду сомонӣ мерўёнед»…

Қисми болои Навобод аз наҳри Тагоб (Хоҷабоқирғон) бо хеле мушкилӣ обёрӣ мешавад, қисми поёнаш аз Баҳри Тоҷик. Барқ ҳаст - об ҳаст. Барқ нест - об нест. Фарсудагӣ ва гаронии муҳаррикҳои обкаш сабаби дигари мушкилот аст. Маҳз, бо ҳамин муаммои об таҷдиди ҳоҷагии ҷамоавии ба номи Ҷаббор Расулов хеле тўл мекашад. Агар то давраи таҷдид як хоҷагӣ об мегирифт, ҳоло бояд садҳо хоҷагиҳои нави инфиродӣ аз об истифода баранд. Деҳқон боварӣ надорад, ки ба замини ў об мерасад ё не. Агар об ба миқдори кофӣ нарасад, ҳосили дилхоҳ намерўяд. Харҷи роҳу харҷи кишт ва харҷи андозро чӣ хел бояд пўшонд?!

Мутахассисон бар он ақидаанд, ки роҳи ҳалли ин муаммо ҳаст.

Чӣ мешуд, агар дар дарғоти баромади наҳри Тагоб аз Рухак як Сарбанд сохта мешуду ин оби пурқимати беҳуда талафшаванда дар обанбори нав захира мегардид ва вақти зарурӣ бемалол истифода мешуд.

Аз ин об тамоми Рухакро бо тарзи обёрии чакравӣ (қатравӣ) ба боғи пуршукўҳи серсоҳил табдил додан инмконпазир хоҳад шуд. Чӣ илоҷ? Дигар сарчашмаи об айни ҳол ба назар намерасад. Кофтани чоҳҳои чуқур, харидани муҳаррикҳои обкаш сарфи барқи дастнорас ба назари камина хеле гарон аз он, ки ин об захира шаваду ба манфиати кишоварзон истифода гардад.

Дар вилоят дар ҳалли ин масъала ду идораи бонуфуз – «Суғдобсохтмон» ва «Сарраёсати беҳдошти замин ва обёрӣ» метавонанд, саҳм гузоранд.

Таъмини кишоварз бо об ин доғи рўз аст. Мақолаи – «Шояд токзори Рухак эҳё шавад?!»-и Усмон Саид – аграном - олим, иқтисодчӣ, ки дар рўзномаи «Ҳақиқати Суғд», №130 аз 27 октябри соли 2015 чоп шуда буд, айнан ҳамин муаммо-норасогии об, беҳуда ҷорӣ шудани оби наҳри Тагоб «Хоҷабоқирғон»-ро фарогир буд.

Ҳалли муаммоҳои роҳ ва об – ин кафолати амнияти озуқаворӣ ва имкониятҳои бисёри содиротии вилоят ва давлат мебошад.

Толиб Усмон Исмоил,
иҷоракори хоҷагии ҷамоавии
ба номи Ҷаббор Расулови
ноҳияи Бобоҷон Ғафуров

Читать далее