Мастчоҳ. Раҷаббой Аҳмадзода собиқадорони меҳнатро аёдат намуд
19 октябр Раиси вилояти Суғд Раҷаббой Аҳмадзода зимни сафари корӣ ба ноҳияи Мастчоҳ собиқадорони меҳнат Толиб Гиёев ва Бобо Мирзоевро аёдат кард.
Бояд гуфт, ки Толиб Гиёеви 87 сола ва Бобо Мирзоеви 72 сола собиқадорони соҳаи кишоварзӣ буда, солҳои дароз барои рушди соҳа заҳмат кашидаанд. Хизматҳои шоёни пирони рӯзгор бо ордену мукофотҳои гуногун қадршиносӣ шуда, эшон бо шукргузорӣ аз фазои орому осудаи Ватан дар ҳалқаи фарзандону наберагон зиндагӣ доранд.
Ифтитоҳи майдончаи варзишӣ дар Ҷамоати деҳоти Оббурдони ноҳияи Мастчоҳ
19 октябр Раиси вилояти Суғд Раҷаббой Аҳмадзода дар доираи сафари корӣ ба ноҳияи Мастчоҳ дар маросими баистифодадиҳии майдончаи варзишӣ иштирок намуд.
Раиси вилоят Раҷаббой Аҳмадзода зимни суханронӣ дар маросими ифтитоҳи иншооти варзишӣ аз рафти бунёдкориҳо дар вилоят ёдовар шуда, таъкид кард, ки дар асоси дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон то соли 2021 дар вилоят даҳҳо иншооти варзишӣ бунёд ва ба истифода дода мешавад. Насли ҷавонро зарур аст, ки аз шароити мавҷуда самаранок истифода намуда, ба тарбияи ҷисмонӣ ва варзиш машғул гарданд.
Мастчоҳ. Раҷаббой Аҳмадзода ба чинакчиёни беҳтарин туҳфаҳо тақдим кард
Рӯзи шанбеи 19 октябр Раиси вилояти Суғд Раҷаббой Аҳмадзода ҷиҳати шиносоӣ бо ҷараёни ҷамъоварии пахта ба ноҳияи Мастчоҳ сафари корӣ анҷом дод.
Зимни сафар Раиси вилоят аз хоҷагиҳои деҳқонии “Баҳористон”, “Сомониён” ва “Бешариқ” боздид намуд. Чуноне иттилоъ дода шуд, имрӯзҳо дар хоҷагиҳои кишоварзии ноҳия ҷамъоварии “тиллои сафед” муташаккилона идома дошта, то имрӯз беш аз 18000 тонна пахта ба нуқтаҳои қабул супорида шудааст. Дар натиҷаи ташкили дурусти кор ҳамарӯза ба ҳисоби миёна 13400 нафар саҳмдорону чинакчиён ба пахтазор баромада, баҳри ҷамъоварии беталафи ҳосил заҳмат мекашанд. Тибқи маълумоти фаврӣ дар ноҳия дар як рӯз зиёда аз 500 тонна пахта чида шуда, нақшаи пешбинишуда 69 дарсад иҷро гардидааст.
Дар ярмарка-фурӯши маҳсулоти кишоварзӣ зиёда аз 250 тонна маҳсулоти хоҷагии қишлоқ ба фурӯш гузошта шуд
Бо ибтикори Мақомоти иҷроияи ҳокимияти давлатии вилояти Суғд бахшида ба Иди Меҳргон рӯзи шанбеи 19 октябр дар маркази вилоят ярмарка-фурӯши маҳсулоти кишоварзӣ гузаронида шуд.
Дар ярмарка-фурӯши маҳсулоти кишоварзӣ, ки дар майдони назди Театри мазҳакаи-мусиқии ба номи Камоли Хуҷандӣ ташкил гардид, намояндагони навоҳии кишоварзии вилоят анвои гуногуни маҳсулотро аз қабили гӯшт, биринҷ, орд, равған, картошка, пиёз, сабзӣ, ангур, анор, себ, асал, тарбуз пешниҳоди сокинон гардониданд.
Ба 60 нафар занону духтарони ҳунарманди вилоят 420 000 сомонӣ маблағҳои грантӣ тақдим карда шуд
18 октябр дар Қасри Арбоб маросими супоридани грантҳои Раиси вилояти Суғд доир гардид ва ба 60 нафар занону духтарони ҳунарманди вилоят 420 000 сомонӣ маблағҳои грантӣ супорида шуд.
Раиси вилояти Суғд Раҷаббой Аҳмадзода зимни иштирок ва суханронӣ дар чорабинии мазкур иброз дошт, ки дар Тоҷикистони соҳибистиқлол бо ҳидояти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон занону модарон соҳибмақом, соҳибмаърифату соҳибҳунар гардида, дар баробари ин рисолати хешро бобати дар рўҳияи баланди меҳанпарастӣ, худогоҳиву худшиносӣ тарбия намудани фарзандон ва насли наврас сарбаландона иҷро мекунанд.
25-уми августи соли 1931 дар ноҳияи Конибодом чашм ба олами ҳастӣ кушодааст.